Fæðandi persóna á stofu 7

Það er fæðandi leghafi á stofu 7 hjá okkur skrifar einstaklingurinn sem tekur á móti börnum, punghafinn ákvað að vera hjá persónunni þar til fæðing er yfirstaðin. Staðan á leghafanum er góð, útvíkkun á blússandi siglinu og barnið gæti fæðst á næstu klukkustund.

Punghafinn fékk allar leiðbeiningar um hvernig staðið er að þessu. Leghafinn er grátgjarn og finnur til, þess vegna þarf punghafinn að halda ró sinni.

Gerðist hratt, leghafinn fæddi barnið og punghafinn viðstaddur. Barninu verður ekki úthlutað kyni, því það finnur sjálft upp á hvort kynið það ætlar að vera síðar meir. Leg- og punghafinn horfðu á okkur þegar við sögum það. Þið eignuðust kynlaust barn!

Heimsókn foreldri foreldris

Foreldri foreldris og foreldri foreldris mættu til að líta kynlausa barnið augum. Stórforeldri punghafans fékk stól til að sitja á, enda kominn til ára sinna. Gat samt ekki beðið með að sjá barnið. 

Þegar stórforeldrið spurði hvort kynið barnið væri sögðum við eins og eins og aðgerðarinnar segja, barnið er kynlaust. Við úthlutum ekki kyninu að þessu sinni, stundum drögum við upp úr hatti hvort kynið barnið á að vera, en ekki að þessu sinni. Stórforeldrið horfði með forundran á okkur. Þetta er ekki hægt sagði það (megum ekki nota hann og hún), þetta gengur ekki.

Strákur var það heillin

Langafi föðurins tók ekki í mál þessi eyðilegging á tungumálinu. Hann sagði ljósmóðurinni (sem er dásamlegt orð) til syndanna og vildi fá að vita kyn barnsins. Er það drengur heillin sagði sá gamli. Já þú hefur eignast langafastrák. Hvernig líður móðurinni eftir fæðinguna spyr móðuramman. Vel er svarið, allt gekk vel og pabbinn er enn hjá henni. Faðir drengsins fékk að klippa naflastrenginn sem tengdi móður og son saman.

Móður- og föðurömmurnar felldu tár og afarnir tóku utan um þær. Hvílík gleði hjá einni fjölskyldu sem saman stendur og kven- og karlkyni, því kynin eru bara tvö.

Spyrnum á móti þessum breytingum

Mörgum stekkur án efa bros á vör við lesturinn en þetta er fúlasta alvara. Svona gerist í útlöndum og vísir að þessum ósóma er kominn hér á landi. Börnum allt niður í leikskólaaldri er sagt að foreldrar þeirra hafi getið sér til um kyn þeirra en síðar munu þau finna út kynið. Endemis þvæla.

Á íslenska þinginu virðast menn leynt og ljóst ætla að breyta málfarinu þannig að það verði kynhlutlaust.  Við því verður að sporna. Líffræðilegt kyn og málfræðilegt kyn er ekki eitt og það sama.

 

Í stjórn Kennarafélags Reykjavíkur er kennari sem þekkir ekki líffræðilegu kynin, eða hún er ,,vókisti“

Rakel Linda Kristjánsdóttir kennari og stjórnarmaður í Kennarafélagi Reykjavíkur (KRF) opinberar vanþekkingu sína sem kennari á líffræði mannsins. Þessari sömu konu treysta foreldrar henni fyrir börnum sínum, að hún miðli þeim vísindalegri þekkingu og staðreyndum. Vonandi er hún skynsamari en svo að ræða fáfræðina í kennslustofunni. Hún skrifar grein sem ber heitið ,,Það er ekki nóg að vera klár stelpa/strákur/stálp.“ Hvað hún á við með ,,stálp“ má guð einn vita eða aðgerðasinnar. Eitt veit bloggari, það er ekkert slíkt til í líffræðinni, þar er talað um annað tveggja konu og karl, stúlku og dreng. Ekkert hvorugkyn, nema orðið barn, eða tvö kyn í einum líkama. Finnst ekki, hefur ekki gert og mun aldrei gera.

Rakel Linda, sem kennari, eltist við orðaforða trans-hugmyndafræðinnar. Hugmyndafræði ekki staðreyndir. Hún virðist setja trans skör hærra en almenna skynsemi. Ef ,,stálp“ er í huga Rakelar stúlka þá ætti hún bara að nota það orð. Líffræðin býður okkur ekki upp á annað. Ef Rakel eltist við hugsanir fólks og langanir gæti listinn orðið langur af alls konar orðleysu. 

Gefi bloggari sér að Rakel Linda sé að tala um stelpur sem ,,stálp“ þá hlýtur sá einstaklegur að hafa leg, eggjastokka og XX litninga, sem gerir kvenkynið að því sem það er. Því verður vandséð að kennari sem notar ekki orðið stúlka um slíkan einstakling gerir lítið úr orðinu kona/stúlka, kvenkyninu. Og að mati bloggara barni líka. Ekkert barn óskar að hafa viðurnefni, þeir fullorðnu hafa búið þetta til.

Noti Rakel Linda svona hugmyndafræðilegt orðatak í störfum sínum í grunnskóla má með sanni segja að það sé hluti af innrætingu í skólakerfinu, kenna börnum málgalla. Við þurfum að taka höndum saman og vekja athygli á þeim kennurum sem stunda innrætingu hinsegin málefna og orðaforða þeirra í leik- og grunnskólum.

Vil benda Rakel Lindu og öðrum kennurum sem falla fyrir orðaforða aðgerðasinnum að lesa þessa skýrslu, held að Rakel myndi læra mikið á því um hinsegin hugmyndafræðina og hvernig ber að meðhöndla börn sem líður illa í eigin skinni. Af fræðingum er talið að félagsleg umskipti eigi ekki að nota um börn.

Skátahreyfing á villgötum

Allir sem lesa þetta vita um einhvern sem eitt sinn var skáti – eitt sinn hluti af æskulýðshreyfingunni um allan heim.

Í Bretlandi er skátafélag Bretlands stærstu samtök skáta í Evrópu. Það var stofnað árið 1910 og rekur starfsemi fyrir börn frá fjögurra ára aldri, hjálpar þeim að læra og þroskast á meðan þau komast í gegnum mótunarárin.

Í ár eru um 400,000 börn í skátahreyfingunni. Að forsetar skáta séu prinsessan af Wales og hertoginn af Kent segir þér hversu mikinn slagkraft þessi samtök hafa.

En þó að skátar tali mikið um að setja ,,öryggi og velferð ungs fólks í fyrsta sæti" er ég hræddur að segja frá því, að eins og mörg önnur samtök í þjóðlífi okkar hefur skátahreyfingin algjörlega villst af leið.

Með því að lúta afturhaldssamri kynjahugmyndafræði eru skátarnir nú ógn við öryggi og velferð barna.

Fyrir nokkrum vikum hafði skátaforingi samband við mig. Hann bað um að fá að vera nafnlaus af ótta við hefndaraðgerðir ef hann væri opinberaður.

Undanfarin ár hefur hann orðið meira var við hvernig hreyfingin aðhyllist róttæka trans hugmyndafræði. Honum fannst hann einfaldlega verða að tjá sig.

Hér er það sem hann sagði mér:

,,Sem leiðtogi í skátahópnum okkar er ég hneykslaður og áhyggjufullur yfir því að skátasamtökin hafi kosið að nota forréttindastöðu sína til að troða róttækri kynjahugmyndafræði upp á börn, í skjóli þátttöku. Börn sækja hina ýmsu hópa innan skátahreyfingarinnar til að öðlast og beita gagnlegri hagnýtri þekkingu, til að þróa félagsfærni sína og sjálfstraust og til að upplifa tækifæri sem annars gætu verið ófáanleg. Það eralgerlega viðeigandi að kenna samúð og umburðarlyndi, en að ýta undir þá óvísindalegu trú að þú getir fæðst í röngum líkama og geti skipt um kyn er mjög hættulegt og jafngildir verndaráhættu. Börn ættu ekki að vera þvinguð til að nota æskileg fornöfn, né verða fyrir ruglingskvíða sem óhjákvæmilega stafar af þessari starfsemi, til að friðþægja örhóp í samfélaginu. Ég óttast að skátasamtökin séu að missa sjónar á því sem þau voru sett á laggirnar til að gera."

Hvíslarinn deildi með mér ýmsum stefnuskjölum og aðgerðum til að undirstrika vaxandi áhyggjur sínar af því sem skátar gera börnum.

Eftir að hafa skoðað þær allar verð ég að vara foreldra sem lesa þessa grein við því að ef þú sendir börnin þín í skátastarfið eru miklar líkur á að þeim verði innrætt eitt og annað.

Hugmyndafræðilega yfirtöku skáta má sjá á undirliggjandi stefnuskjölum þeirra, sem stjórna öllu sem þeir gera. Til dæmis, þó að þeir segist vera hlynntir vernd, segja reglur þeirra skátaleiðtogum að hafa leyndarmál fyrir foreldrum, þar á meðal ef barn segist vera ,,trans".

Auðvitað er það andstæða öryggi barna að hafa leyndarmál fyrir mömmu og pabba.

Skátar réttlæta þessa afstöðu, hlægilega, á grundvelli ,,gagnaverndar". Hvíslarinn minn segir mér að þessi stefna stangist algjörlega á við þá öryggisþjálfun sem hann fékk fyrst þegar hann gekk til liðs við samtökin segir Matt Godvin.

Hér má lesa um málið, en greinin er mun lengri. Í greininni má m.a. finna tengil að þessari grein.

Auðvitað á innræting sér stað í skólum

Eitt af því sem Þórhildur Sunna fussaði yfir var að ekki væri stunduð innræting í skólakerfinu í einum þættinum sem formenn stjórnmálaflokka mættu í fyrir kosningar. Hún fylgist lítið með úr því hún lætur það út úr sér. Svandís Svavarsdóttir gerir lítið út sér, í sama þætti, með þessu svipuðu tali og Þórhildur. Svandís talaði um málefni sem hún segir að flokkur hennar sé umhugað um, kvenréttindi. Sér hver er nú þversögnin þegar stúlkur búa við mannréttindaskerðingu vegna einkarýma sinna. Sama um marga í Samfylkingunni og hvað þá Viðreisn.

Innræting í skólakerfinu sér stað.

1. Með breytingu á tungumálinu, í pólitískum tilgangi, stunda sumir kennarar innrætingu.
2. Með flöggun transfána stunda sumir skólastjórnendur innrætingu.
3. Með lygum um að kynin séu fleiri en tvö er stunduð innræting í skólum.
4. Með lygum um að barn geti fæðst í röngum líkama þá stunda sumir kennarar innrætingu.
5. Það er innræting þegar sumir kennarar segja að barn eigir eftir að velja sér kyn þegar þú stækkar.
6. Með því að baða börn upp úr rangfærslum, láta þau vinna verkefni um þær og sýna myndbönd um efnið má alveg kalla innrætingu.

Kennarar, sem betur fer ekki allir, stunda bullandi innrætingu, hvað sem Þórhildur Sunna segir fyrir og eftir kosningar. Hvernig er hægt að uppræta innrætingu skólakerfisins á börnin?

Getur ferhyrningur haft fimm hliðar

Menn velta ýmsu fyrir sér. Auðga hugann. Láta hugann reika um eitthvað sem aldrei getur orðið. Skemmt sér með hið ómögulega. Kannski rökrætt við mann og annan. Sumir í gamni aðrir með meiri alvöru í huga.

Getur ferhyrningur haft fimm hliðar?

Getur sólin risið í vestri?

Getur maður fæðst í röngum líkama?

Getur fólksbíll ekið á 14 dekkjum?

Getur 3 plús 3 verið 12?

Geta menn haft fjórar fætur?

Geta menn breytt kyni sínu?

Eru menn með fjögur höfuð?

Svörin við öllum þessum hugmyndum er NEI. En ekkert kemur í veg fyrir að menn ímyndi sér að þetta sé hægt, hugurinn getur leikið sér með hugmyndina.

Hins vegar getur enginn sagt að um staðreyndir sé að ræða og hvað þá að fá aðra til að trúa þessu.

 

Leghafa maðurinn hvarf

Bloggari fagnar hverjum þeim aðgerðasinna eða ,,vókista" sem hverfur af þingi. Willum setti inn orðið leghafi í stað kona í fóstureyðingafrumvarpinu. Enginn kona hafnaði því, einn karlmaður. Held að Sigurður Ingi sé ögn skynsamari í þessu en Willum sem lét teyma sig á asnaeyrunum í stað þess að stappa niður fæti og bera virðingu fyrir orðum kvenna.

Enn eru margir ,,vókistar" á þingi þó við höfum blessunarlega losnað við Vg og Pírata. Nú þarf að standa vörð um íslenska tungu og banna breytingar á málinu sem gerðar eru í pólitískum tilgangi. Hvet Miðflokkinn til að standa vörð um það og efast ekki miðað við það fólk sem flokkurinn hefur á þingi.

Sigurður Ingi komst inn með lokatölum

Zelenskyj lætur land fyrir inngöngu í Nato- kallar þetta friðartillögu

Zelenskyy sendi frá sér tilkomumikla yfirlýsingu sl. föstudag um skilyrði fyrir friði í Úkraínu. Þetta gerðist í viðtali á Sky News.

Úkraínuforseti segist nú reiðubúinn að afsala sér úkraínskum héruðum til Rússlands í skiptum fyrir vernd NATO ef það þýði vopnahlé. Zelenskyj sagði í viðtalinu við Sky News, ,,Ef við viljum binda enda á stríðið verðum við að setja þau landsvæði Úkraínu sem við höfum undir okkar stjórn, undir vernd NATO."

Það er mikilvægt fyrir Zelenskyj að sýna fram á að hann sé reiðubúinn fyrir friðarviðræður áður en Trump verður forseti. 

Það verður erfitt fyrir Úkraínu að afsala sér landi til Rússlands. En það er algjört lykilatriði að tryggja að Úkraína, gegn Pútín, komi aftur til að leggja enn meira undir sig af Úkraínu eftir friðarsamkomulag. ,,Úkraína þarf vestræna vernd fljótt og strax, annars mun Pútín koma aftur," sagði hann við Sky News.

Þessi óvæntu skilaboð, um vopnahlé, eru varfærnislega orðuð og með fyrirvara: Hann talar um vopnahlé. Hann segir það tímabundið að Úkraína afsali sér landsvæðum. Landið verði að gerast aðili að NATO strax. Það breytir því ekki að tilkynningin er sögð ,,ofsalega áhugaverð.“

Zelenskyj hefur hingað til hafnað málamiðlun. Úkraína er undir miklu álagi frá Rússum á vígvellinum og það kann að skýra tilkynninguna. Auk þess verður Donald Trump forseti Bandaríkjanna í janúar, hann hefur sagt, að hann muni binda enda á stríðið frá fyrsta degi í embætti sínu.

Trump hefur nýlega skipað manninn sem mun leiða vinnuna sem á að binda enda á stríðið í Úkraínu. Það er Keith Kellogg, undirhershöfðingi á eftirlaunum. Í apríl kynnti hann skýrslu um hvernig hægt er að gera þetta. Yfirlýsing Zelenskyj er fyrsta vísbending um hvernig hann lítur á friðarsamkomulag við þessar aðstæður.

En það eru líka erfiðleikar við þessa nýju tilkynningu Zelenskyj. Nokkrir aðilar innan NATO eru andvígir aðild Úkraínu. Ekki aðeins Rússland, heldur einnig Nat löndin.

Fréttin birtist í eftirfarandi miðlum, Sky News. Dauley Mail og BILD

Kona kærð fyrir vörslu barnakláms

Hvers vegna að skekkja raunveruleikann?

Þegar líffræðilegur karlmaður, sem skilgreinir sig sem konu, brýtur alvarlega af sér velur norska sjónvarpið að tala um geranda sem ,,unga konu.“ Þetta er ekki bara hagræðing á sannleikanum heldur líka svik gegn þolanda. Þolandi fær að vita að um konu var að ræða en í reynd var gerandinn karlmaður. Hvers vegnar á hugmyndafræði að vega meira en staðreyndir? Norskur almenningur á skilið sanna og nákvæma fréttamennsku, ekki útfærslu sem skekkir veruleikann. Þetta gæti allt eins átt við um íslenska fréttamennsku líka.

Því miður gerist þetta ekki bara í Noregi, finna má svona fréttir víða úr heiminum. Þegar svona nokkuð gerist heyrist lítið frá þeim samtökum sem segjast standa með konum og berjast fyrir réttindum kvenna. Í svona tilfellum skekkist tölfræðin konum í óhag þegar ofbeldisverk eru framin, en það er bara kannski allt í lagi af því örhópar samfélaga eiga rétt á því, að tölfræðin sé röng.

Raunverulegir baráttumenn kvenna líða þetta ekki og benda á rangfærsluna. Réttilega. Líffræðilegur karlmaður, sem skilgreinir sig sem konu, getur aldrei verið líffræðileg kona. Til þess vantar hann XX litningana og þeim verður ekki breytt. Þú berð þina karl- eða kvenlitninga frá vöggu til grafar.

Áríðandi tilkynning

,,Kæru vinir,

 

Á síðasta degi fyrir kosningar er ljóst að það er markvisst verið að reyna þagga niður í okkur. Fjöldi manns bæði frambjóðendur og stuðningsmenn hafa orðið varir við það að færslur hjá þeim er tengist Lýðræðisflokknum hafa verið fjarlægðar og bannaðar. Það eru m.a. auglýsingar okkar um lokun landamæranna og stöðufærsla eins frambjóðanda okkar, en Eldur Smári Kristinsson hefur verið ákærður til lögreglu fyrir það m.a. að segja skoðun sína á því að karlmenn sem skilgreina sig sem konur taki inn hormónalyfið Domperidone til að örva geirvörtur og mjólkurkirtla svo þeir geti haft ungabörn á brjósti.

 

Ég hvet alla til að hjálpa okkur að berjast gegn þögguninni sem reynt er að beita okkur og með pólitískum ofsóknum en það eru Samtökin 78 sem hafa lagt fram kæruna á hendur Elds Smára. Þess skal getið að ríki og sveitafélög fjármagna samtökin nær að fullu og er velta þeirra tæpar 200 milljónir á ári.

 

Við biðjum ALLA að hjálpa okkur og láta ekki þagga niður í okkur. Við verðum að fá rödd á Alþingi."

 

ÉG spyr þig lesandi góður, ert þú fylgjandi að Samtökin 78 kæri íslenskan ríkisborgarar fyrir að halda fram skoðun sinni um að KARLMAÐUR, sem skilgreinir sig sem konu, og tekur inn lyf til að örva mjólkurframleiðslu í brjóstum sínum, sé barnaníðingur. Hann hefur ekki einu sinni fætt barn. Síðan ætlar KARLINN að leggja ungabarnið á brjóst. Hvers á ómálga barn að gjalda?

 

Hvaða tilfinningu vekur þetta upp hjá þér?

Oft er þörf nú er nauðsyn

Viðburðir síðustu sólarhringa sýna að við verðum að standa vörð um tjáningarfrelsið. Sjö samtök berjast gegn því með einum eða öðrum hætti. Geðvernd er þar á meðal sem verður að teljast ótrúlegt. Hér með fellur allur stuðningur til Geðverndar niður og gott umtal um samtökin. Þau hafa hoppað á ,,vók" vagninn þar sem stúlkur og konur njóta ekki réttinda. Þær misstu þau.

Hvernig ætlar þjóðin að berjast gegn ríkisreknum samtökum sem vilja þagga niður umræðu um umdeilt samfélagsmál? Lesið hér.