Önnur sagan- þegar börnin eru ekki í sambandi

Ein ósýnileg áhrif trans-hreyfingarinnar er aðskilnaður fjölskyldunnar. Í Ástralíu hitti ég konu sem hefur aldrei hitt barnabarnið sitt, einfaldlega vegna þess að hún trúir ekki að karlar geti verið konur...þegar ég spurði hvort eitthvert þeirra hefði misst sambandið við börnin sín, réttu þau öll upp hönd.

Önnur sagan

Dóttir okkar fór að heiman um miðja nótt. Það beið greinilega bíll eftir henni sem ók henni út úr ríkinu. Hún var nýorðin 18 ára svo það var ekkert sem við gátum gert hvort sem er, en ýmislegt má lesa í þetta leynilega brotthvarf hennar og hvers vegna.

Brotthvarf hennar er vegna trans áhrifavalds á netinu. Þessi áhrifavaldur var utan ríkisins og kom til heimabæjar okkar til að hitta fjölda stúlkna í stúlknaskóla stelpunnar. Eftir að barnið okkar fór að heiman, um miðja nótt, sögðu önnur börn foreldrum sínum frá þessari heimsókn áhrifavaldsins og að þau hefðu verið hvött til að gera slíkt hið sama og dóttir okkar.

Aðeins barnið okkar fór alla leið en nokkur hinna barnanna voru sannfærð um að breyta nöfnum sínum, fornöfnum o.s.frv.

Eftir um það bil ár, án nokkurra tengsla, ákvað stúlkan okkar að hafa samskipti við ömmu sína. Svo hafði hún loks samband við mig og síðan móður sína. Við tölum reglulega saman núna.

Hún býr með manneskju, fæddri konu, sem gengur undir karlmannsnafni og kallar sig karlmann. Fyrir utan það að þær kalli sig báðar karlmenn virðast þær vera venjulegt lesbískt par. Hvorug þeirra virðist taka krosshormón eða ætla í aðgerð. Þær líta báðir út fyrir að vera kvenkyns en klæða sig aðallega í karlmannsföt. Undanfarið hafa þær deilt myndum af sér í kvenfatnaði.

Á næstu dögum birtast fleiri sögur.

Þegar börnin eru ekki í sambandi

Ein ósýnileg áhrif trans-hreyfingarinnar er aðskilnaður fjölskyldunnar. Í Ástralíu hitti ég konu sem hefur aldrei hitt barnabarnið sitt, einfaldlega vegna þess að hún trúir ekki að karlar geti verið konur. Nýlega snæddi ég kvöldverð með vini mínum, sem bauð fólki í heimsókn sem horfir á trans-hreyfinguna með gagnrýnisaugum og þegar ég spurði hvort eitthvert þeirra hefði misst sambandið við börnin sín, réttu þau öll upp hönd segir Graham Linehan.

Að falla inn í hópinn

Í The True Believer kannar Eric Hoffer hvernig fjöldahreyfingar leitast oft við að slíta einstaklinga frá núverandi félags- og fjölskyldulegum tengslum til að efla óbilandi hollustu við málstaðinn. Hann bendir á að slíkar hreyfingar þrífast á ,,algjörri uppgjöf einstaklingsins" og hvetur fylgjendur til að leggja persónulega sjálfsmynd sína undir sameiginlega heild. Þetta ferli felur oft í sér vísvitandi veikingu eða slit á fjölskylduböndum, þar sem þessi persónulegu tengsl geta keppt við kröfu hreyfingarinnar um algera hollustu/hugmyndafræðilega einingu.

Graham óskaði eftir að heyra frá foreldrum barna sem völdu að hafa ,,ekkert samband.“ Síðan þá hef ég fengið fjölda skilaboða frá sorgmæddum foreldrum, öll eins, öll ólík. Sögurnar sem á eftir koma er vitnisburður um þöglan sársauka sem margar fjölskyldur þurfa að þola. Fleiri sögur fylgja í kjölfarið á næstu dögum.

Graham Linehan sem safnaði þessum heimildum, þakkaði öllum þeim hugrökku foreldrum sem deildu sögum sínum; raddir ykkar skipta máli og þú ert ekki einn segir hann.

Fyrsta sagan

Sértrúarsöfnuðurinn hrifsaði son okkar 15 ára gamlan. Við héldum áfram í 15 ár í viðbót, þar sem hann skiptist á að búa á sófum ókunnugra og kom svo aftur til okkar.

Með leynilegri hjálp systur sinnar, sem var samsek, lauk hann limlestingum frá toppi til táar 18 mánuðum eftir að hann hætti að tala við okkur og tilkynnti það í talskilaboðum í nóvember 2021. Skömmu síðar skar systir hans á öll tengsl okkar við barnabarnið.

Börnin okkar tvö þjáðust líka í þessari þrautagöngu. Við reynum að láta okkur líða sem best og höldum móralnum uppi.

En ég er vansæl innra með mér og vil að Guð varpi birtu í kringum mig.

Vonandi hrökk minni Willums Þórs í gang

Willum Þór fyrrverandi heilbrigðisráðherra var kosinn forseti ÍSÍ, óska honum til hamingju.

Ekki er langt síðan hann niðurlægði konur landsins með því að nota orðið leghafi í stað kona í frumvarpi sem hann lagði fram. Frumvarpið sem um er rætt gat ekki átt við neinn nema konur, því þetta var fóstureyðingafrumvarpið.

Innan ÍSÍ er fjöldinn allur af konum. Nú verða þær að vona að minni Willums Þórs hafi hrokkið í gang og hann muni hvað kona er. Ef ekki þá getur hann horft til Hæstaréttar Bretlands sem kvað upp sinn dóm.

Enginn getur í lagalegum skilningi kallað sig konu aðrar en þær sem eru fæddar slíkar. En auðvitað veit alheimur þetta!

Hafi minni Willums ekki hrokkið í gang gætu konur átt á hættu að þurfa að keppa með eða við kvengervil, karlmaður sem segist vera kona, þvert á úrskurð Hæstaréttar Bretlands. Konur í Bretlandi eru ekki öðruvísi en konur um allan heim og því verður horft til dómsins.

Vonandi eigum við aldrei eftir að sjá neina konu hér á landi lenda í einelti líkt og breska fótboltastúlkan sem gerði ekkert annað en segja sannleikann.

Willum Þór er farinn af hinu háa vók Alþingi Íslendinga, það vonandi hjálpar upp á minni hans um hvað raunveruleg kona er.

,,Pride“ er barátta fyrir frelsi sem yfirvöld stýra

Það að foreldrar vilji sjálfir meta í hverju börnin þeirra taka þátt er ekki þekkingarleysi. Það er tjáning sem er tekin með yfirvegun, meðvitund og getu til gagnrýninnar hugsunar. Þetta er virkt lýðræði þar sem foreldrar taka ábyrgð á því hvað er kynnt fyrir börnunum þeirra og þau látin gera.“

Í grundvallaratriðum eru líklega flestir sammála um að það geri meiri skaða en gagn að þrýsta á fólk til að taka þátt í athöfnum eða viðburðum sem það vill ekki taka þátt í.

Borgarstjórnin í Osló, kjörnir stjórnmálamenn og stjórnendur virðast hins vegar hafa mikla þörf fyrir að safna öllu samfélaginu saman undir fjölbreytileikann og ,,pride.“

Anette Trettebergstuen, fyrrverandi menningar- og jafnréttisráðherra, lýsti því yfir í fyrra í umræðu á Norska ríkissjónvarpinu, að foreldrar sem vilja ekki halda upp á ,,Hinsegin daga“ í skólanum væru fáfróðir og fordómafullir.

Í sömu umræðu hélt hún því fram að ,,Pride“ ætti að vera valfrjálst, að það væri fullkomlega í lagi að taka ekki þátt, en að það sendi alvarleg skilaboð.

Ef það á að vera valfrjálst fyrir börn en ekki skylda að taka þátt í ,,Hinsegin dögum“ þurfa ,,Hinsegin dagar“ að vera sjálfstæður viðburður sem fólk velur að mæta af eigin frumkvæði.

Sú staðreynd að stjórnmálamenn, borgarstjórn Óslóar og aðrir leiðtogar noti fjármagn og valdastöðu sína til að gera það erfitt – og helst skammarlegt – að vilja ekki hafa ,,Hinsegin daga“ í leikskóla eða í skólum, er af mörgum okkar álitin einræðishyggja og ólýðræðisleg.

Afbökun á stolti

,,Pride“ er upphaflega minning um Stonewall-uppreisnina 28. júní 1969. Samkynhneigðir viðskiptavinir á Stonewall Inn barnum í New York höfðu verið áreittir af lögreglunni í langan tíma og þetta kvöld gerðu þeir uppreisn gegn handtökum lögreglunnar.

Þannig hófst ,,Hinsegin dagar“ sem hátíð með, með og fyrir lesbíur og homma – og varð mikilvæg til að gera frelsisbaráttu þessara hópa sýnilega.

Þegar stjórnmálamenn, bankar, bakhjarlar, einkastofnanir og ríkisreknar stofnanir eins og Menntamálastofnun segja almenningi að leikskólar, skólar og allir eigi að fagna ,,Hinsegin dögum“ verður ljóst að stjórnmálamenn og leiðtogar valdaelítunnar líta á ,,Hinsegin daga“ sem tæki fyrir eigin dagskrá og stefnu.

Það sem varð til í skapandi og samkynhneigðri undirmenningu er í dag orðið að verkefni, án hófs. Svo virðist sem stjórnmálamenn líti á það sem markmið að ,,Pride“ eigi að vaxa inn í öll rými samfélagsins. Það ætti að hringja viðvörunarbjöllum hjá forystu ,,Pride“ til að endurhugsa málið.  

Pride-fáninn er tákn um baráttu formæðra og feðra samkynhneigðra einstaklinga fyrir því að lesbíur, tvíkynhneigðir og hommar njóti jafns á við gagnkynhneigða. Sú barátta náðist vegna þess að við viðurkenndum fjölbreytileika skoðana og vildum frekar samræður en möntrur eins og ,,ekki til umræðu."

Undirmenning kemur aldrei að ofan

Sú staðreynd að foreldrar vilji sjálfir ákveða hverju börnin þeirra taki þátt í er ekki fáfræði. Það er tjáning orku, meðvitundar og getu til að hugsa gagnrýnt. Það er virkt lýðræðisríki þar sem foreldrar og aðrir taka ábyrgð á því hverju börn þeirra kynnast.

Árið 2020 breytti Nikolai Astrup, ráðherra sveitarstjórnarmála og nútímavæðingar, fánalögunum. Tilgangurinn var að gera það mögulegt að flagga ,,pride“ fánanum – þ.e. einkafána – á byggingar sveitarfélaga. Sú staðreynd að stjórnmálamenn ganga svo langt til að koma ,,pride“ fánanum á fót í samfélaginu er kannski eitthvað sem fjölmiðlar ættu að skoða?

Undirmenning kemur aldrei að ofan. Pönk, uppreisn, list og grasrót kemur neðan frá. Frelsisbarátta kemur neðan frá en aldrei ofan frá og niður. Þegar það er innlimað af valdaelítunni og er stjórnað að ofan, snýst það um eitthvað allt annað.

Norsk lesbía skrifaði greinina

Trans hægriöfgamaðurinn Liebich þarf að fara í karlafangelsi

Nýnasistinn Liebich sem segist vera kona, en er karlmaður, þarf að sitja í fangelsi í átján mánuði vegna mótmælafunda sem hann stóð fyrir. Æðri dómstóll hafnaði áfrýjun hans. Dómurinn stendur.

Meðan hann sat í fangelsi breytti hann kynskráningu sinni og segist kona. Hann ber nafnið Maria Svenja og er 53 ára. Hann nýtti sér lögin um kynrænt sjálfræði í Þýskalandi. Bild greinir frá að það hafi ekki tryggt honum vist í kvennafangelsi þó hann hafi sótt um afplánun í kvennafangelsi.

Eins og Hæstiréttur Bretlands dæmdi eru ,,trans-konur“ ekki konur í lagalegum skilningi en það þyrftu öll lönd að hafa að leiðarljósi. Flagga sannleikanum. Þarna sýnir Þýskalandi gott fordæmi. Einum karlinum færri í kvennafangelsi.

Á mótmælafundunum, sem stóð yfir í tíu ár, hótaði Liebich stjórnmálamönnum, innflytjendum og samkynhneigðum. Í júlí 2023 dæmi héraðsdómur hann í 18 mánaða fangelsi, hann gerist sekur um að hvetja til haturs á ákveðnum hópum og ærumeiðingar.

Lokaræða Liebich stóð í 13 klukkustundir

Í lok fyrstu áfrýjunar fyrir héraðsdómi fékk hann sem sakborningur orðið. Hann talaði í 13 klukkustundir sem tók nokkra daga. Dómararnir trufluðu hann ekki til að passa upp að engin lög yrðu brotin og  gæfu honum möguleika á áfrýjun.

Eftir lokaræðu Liebich staðfestu dómararnir eins og hálfs árs fangelsisdóm þann 2. ágúst 2024. Þetta hefur nú einnig verið staðfest af æðri dómstól.

Liebich hefur dregið sig í hlé frá augum almennings. Hann vill ekki að sér sé mismunað vegna nýju kynskráningarinnar. Hafi maður dóm Hæstaréttar Bretlands í huga er hann ekki kona, hefur bara breytt skráningu sinni og það gerir engan að konu.

Heimild

Lokaorðin á Women Will Speak fundinum

Krystle Mitchell sem áður er sagt frá átti lokaorðin á fundinum sem trans-aðgerðasinnar reyndu að eyðileggja en tókst ekki.

Konur ætla ekki að gefast upp, þær munu aldrei samþykkja að karlmaður sem segist vera kona sé kvenkyns fullorðin einstaklingur.

"Konur eru svívirtar af kerfinu sem eitt sinn sór að vernda okkur. Þetta er ekki innlimun - það er eyðing. Þeir hafa tekið rýmin okkar, salernin okkar, búningsklefana okkar og íþróttirnar okkar. Og nú vilja þeir raddir okkar líka. Nei. Ekki í dag. Ekki nokkurn tímann. Við munum ekki draga okkur í hlé, við munum ekki láta þurrka okkur út. Konur eru ekki haturshópur. Sannleikurinn er ekki glæpur. Við erum raunveruleikinn og raunveruleikinn þarf ekki leyfi til að tala."

Heimild

Pravda Down Under

Julie Szego, gamalreyndur ástralskur blaðamaður, rithöfundur og fyrrverandi dálkahöfundur The Age, mætti á Let Women Speak mótmælafundinn 2023 sem fréttamaður. Pistill hennar um viðburðinn var toppaður af ritstjórum The Age, sem stimpluðu hana sem öfgamann fyrir að mæta.

Szego hafði áður skrifað fyrir The Sydney Morning Herald.  Árið 2022 skrifaði hún um Jay Langadinos sem kærði geðlækni sinn, Dr. Patrick Toohey. Geðlæknirinn var kærður fyrir vanrækslu vegna kynskipta hennar sem innihélt krosshormóna, tvöfalt brjóstnám og legnám. Langadinos, sem skilgreinir sig ekki lengur sem karlkyns, heldur því fram að Toohey hafi ekki metið hæfi hennar fyrir þessar meðferðir.

Julie Szego var rekin af verðandi ritstjóra Age, Andrew Elligot, árið 2023 eftir að hafa mótmælt pistli hennar. Szego skrifar nú á Substack og talaði á mótmælafundinum 2025 og sagði:

,,Blaðamannasamtök sem setja viðmiðin - Fjölmiðlaráðið, sem úrskurðar í kvörtunum fjölmiðla og Fjölmiðla-, afþreyingar- og listabandalagið hafa leyft trans aktívistum að skrifa leiðbeiningarnar. Blaðamenn sem fjalla um læknisfræðileg umskipti mega aðeins vitna í lækna sem samþykktir eru af ACON, hagsmunasamtökum trans aðgerðasinna. (Finnst einhverjum þetta minna á íslenska blaðamenn?)

Kynstaðfestandi meðferð, með alvarlegum afleiðingum eins og ófrjósemi og kynlífsvandamálum, er hugsanlegt læknisfræðilegt hneyksli sem er mögulegt vegna misnotkunar blaðamanna. Jafnvel þegar Bretland, Svíþjóð og Finnland hverfa frá kynstaðfestandi meðferð vegna veikra sönnunargagna, hélt ABC því fram að vísindin væru útkljáð.

Of margir blaðamenn líta ekki lengur á starf sitt sem að skrifa fyrstu drög að sögunni heldur að því að berjast fyrir, eins og þeir sjá það, réttu hlið sögunnar. Í þetta skiptið held ég að þeir hafi haft rangt fyrir sér."

Heilmild

Karlar í kvennafangelsum-dómurinn styttur hann sagðist vera kona

Hilary Maloney, karlmaður sem skilgreinir sig sem konu, var dæmdur fyrir alvarlegt kynferðisofbeldi gegn dóttur sinni, þar á meðal vor 19 tilvik einn mánuðinn þegar stúlkan var fimm ára.

Maloney, sem byrjaði að skilgreina sig sem ,,trans“ um það leyti sem misnotkunin átti sér stað, ljósmyndaði og kvikmyndaði árásirnar og deildi þeim á netinu með bandarískum barnaníðingum.

Lögmaður Maloney, Mx Skaburskis (kynsegin), hélt því fram að tilfinningaleg vanlíðan Maloney, hafi aukist vegna þess að aðrir staðfestu ekki kynvitund hans og það hafi stuðlað að brotunum.

Réttargeðlæknirinn Dr. Rajan Darjee hélt því fram að þar sem Maloney ,,skilgreindi sig og lifði" sem kona og væri ,,hormónalega kvenkyns" væru brot hans í samræmi við mynstur sem sést hjá kvenkyns gerendum, sem hann hélt fram að benti til lítillar hættu á endurteknum brotum. (Skyldi það vera algengt að konur beiti stúlkur alvarlegu kynferðislegu ofbeldi?)

Dómarinn Nola Karapanagiotidis féllst á þessi rök og lækkaði refsingu Maloney úr 25 árum að hámarki í 4 ár og 9 mánuði. Maloney er nú vistaður í kvennafangelsi, þrátt fyrir alvarleika brota hans, kynferðislega misnotkun á börnum.

Þrír ríkissaksóknarar Viktoríuríkisins, Jill Hennessy, Jaclyn Symes og Sonia Kilkenny, hafa haft umsjón með reglum sem heimila karla í kvennafangelsum.

Þetta má var rætt á kvennafundinum Women Will Speak sem varð að stytta vegna óláta trans-aðgerðasinna.

Heimild

Sannleikurinn er ekki glæpur

Krystle Mitchell, fyrrverandi yfirlögregluþjónn með 15 ár reynslu í lögreglunni í Viktoríu, starfaði hjá jafnréttis- og aðlögunarnefnd. Í starfi sínu sinnti hún heimilisofbeldi, kynferðisofbeldi og nauðgunarkærum. Frá því að hún sagði af sér hefur hún talað gegn lagabreytingu Viktoríu Justice (Anti-rumification and Social Cohesion) sem lagt var fram sem frumvarp 2024, en samþykkt 2. apríl 2025.

Hún talaði á kvennafundinum þar sem trans-aðgerðasinnar lentu í útistöðum við lögreglu og reyndu að skemma fund kvennanna.

Lögin útvíkka vernd vegna hatursorðræðu til að ná yfir kynvitund, ásamt kyni, kynhneigð, kynþætti og trúarbrögðum, og innleiða refsiviðurlög allt að fimm árum fyrir að hvetja til haturs eða hóta.

Mitchell heldur því fram að þessi lög séu notuð sem vopn gegn konum eins og Kirralie Smith, sem á yfir höfði sér lögsókn fyrir að opinbera karlmann sem skilgreinir sig sem konu í kvennaíþróttum.

Hún sagði: ,,Í Viktoríu getur þú átt yfir höfði þér fimm ára fangelsi fyrir smygl á kannabis, vörslu óleyfilegs skotvopns eða fyrir meinsæri fyrir dómi – sama lengd dóms fyrir að ,,rægja" karlmann sem segist vera kona ef það veldur ,,skaða" eða ,,vanlíðan." Þessi lög eru pólitískt vopn. Þetta er ríkisviðurkennd gaslýsing og hún neyðir okkur til að segja hluti sem við vitum að eru rangir og ríkið refsar okkur fyrir að segja hluti sem við vitum að eru sannir.

Lögin gera ofbeldi karla ósegjanlegt - því ef hann segist vera kona og er með hárkollu er hann kona og lögreglan mun neyða fórnarlambið til að halda kjafti annars. Þetta snýst um völd. Þetta snýst um stjórnun á máli. Stjórn hugsunar - vald til að endurskilgreina ,,konu". Og þegar orðið kona þýðir ekkert. Við meinum ekkert".

Mitchell skrifar nú fyrir The Spectator Australia og talar fyrir réttindum kvenna.

Heimild

Karlar eru ekki mæður

Woman Will Speak fundurinn var skipulagður af Jasmine Sussex brjóstaráðgjafa sem hefur 15 ára reynslu af því að styðja mæður og börn þeirra. Hér er sagt frá hvernig fundurinn gekk en trans-aðgerðasinnar létu mjög ófriðlega.

Vaxandi tilhneiging er meðal karlmanna, sem skilgreina sig sem konur, að ,,gefa ungbörnum brjóst.“

Árið 2021 var Sussex rekin úr vinnu hjá Australian Breastfeeding Association (ABA) vegna óhóflegrar notkunar á orðinu móðir og að hún neitaði að nota kynhlutlaust orð eins og ,,foreldri“ eða ,,brjóstagjöf.“

Sussex stendur frammi fyrir þremur kvörtunum frá Jennifer Buckley, karlmanni sem skilgreinir sig sem konu, Árið 2017 byrjaði hann að kalla sig konu og árið 2019 framkallaði karlmaðurinn, sem skilgreinir sig sem konu, brjóstamjólk til að hafa son sinn á brjósti.

Sérfræðingurinn í brjóstagjöf gagnrýndi bandarískan karlmann Nominal Naomi, sem skilgreinir sig sem konu, og kallaði brjóstagjöf hans sem ,,tilraunakennt" og ,,hættulegt blæti."

Buckley hélt því fram að yfirlýsingar hennar hefðu ýtt undir hatur og höfðaði mál fyrir borgara- og stjórnsýsludómstóli Queensland (QCAT) samkvæmt lögum sem eru í gildi um rógburð.

Í maí 2023 greindi Buckley einnig frá færslu frá Sussex á X, þar sem hún lýsti brjóstagjöf Buckley sem ,,ranghugmyndum". Það var metið svo af yfirvöldum um netöryggi frá 2021 að færslan væri ,,móðgandi fyrir staða samfélagsmiða“ sem leiddi til lokunar á aðgangi hennar í Ástralíu.

Til að framkalla brjóstamjólk fá karlmenn, sem skilgreina sig sem konur, ávísað lyfinu Domperidon þrátt fyrir viðvaranir FDA í Bandaríkjum um áhættu og aukaverkanir s.s. hjartsláttartruflanir, hjartastopp og skyndidauða þegar lyfið er notað í bláæð með óþekktri áhættu fyrir ungbörn.

Þagga á niður í gagnrýnum konum sem  vilja vernda það sem bara mæður geta og gera, verið með barn á brjósti.

Mál Sussex og Buckley er enn í gangi og gæti orðið fordæmisgefandi fyrir notkun laga um rógburð til að þagga niður í konum sem fjalla um áhrif trans-hugmyndafræðinnar á konur, börn og nýbura.

Heimild