Hví ekki sjúkraliða?

Maður spyr sig af hverju ekki er leitað til sjúkraliðastéttarinnar. Þeir hafa menntun, hæfni og færni til að sinna þessu starfi rétt eins og sjálfboðaliðar Rauða krossins. Því miður er sú stétt hundsuð þegar væri hægt að virkja hana. Sama með bólusetningar, engin geimvísindi að stiga fólk í upphandlegginn. Hef sagt það áður og segi enn, sjúkraliðastéttin er víða vannýttur mannafli. Leita má til sjúkraliða sem hafa látið af störfum og væru tilbúir að vinna 2-4 tíma á dag. Margir sjúkraliðar fara á lífeyri 60-65 ára og margir vinna hlutastarf þar sem starfið er líkamlega erfitt, sér í lagi á hjúkrunarheimilum.

Hefur ekki verið tjaldað til margra nátta

Vísindin prófuð

Veiran er ólíkindatól. Enginn hefur barist við hana áður og því prófa menn ýmislegt. Veiran hegðar sér eins og hún vill. Mannskepnan virðist eiga fá svör við henni. Afleiðingarnar eru líka slæmar. Danir hófu rannsókn á eftirköstum veirunnar á dögunum. Stórt úrtak þeirra sem veiktust á hálfs árs tímabili. Verður fróðlegt þegar niðurstöður liggja fyrir.

Þriðja stungan, verður hún til gagns hér á landi eður ei verður farið í þær aðgerðir? Mörgum spurningum ósvarað!

Fjórtán smitaðir þrátt fyrir þrjá skammta

Eiga starfsmenn bara að kyngja

þessu rugli eins og ekkert sé. Yfirvöld tóku ekki á málinu af festu. Langlundargeð starfsmanna er með ólíkindum ef þeir láta þetta yfir sig ganga eina ferðina enn. Seinka skólasetningu þar til málið er í höfn og staðsetning vinnustaðar. Málið allt er borginni til háborinnar skammar.

Engar stofur við skólasetningu

Þarf fleira fólk til að hjúkra covid sjúklingum,

í því liggur munurinn. Margir halda fram að þetta sé ekkert öðruvísi en þegar sjúklingar með inflúensu leggjast inn. Stór munur þar á. Fleira fólk þarf, engar heimsóknir, sérstakur klæðnaður frá toppi til táar og passa þarf betur upp á sig.

Heilbrigðisstarfsfólk fékk kaldar kveðjur frá ríkisstjórninni í dag. Enn verið að tala um það sem þarf að gera í kerfinu, á Lsp. Man ekki hvað eru mörg ár sem um það hefur verið talað, ef ekki áratugi. Fagfólkið vantar og á það hefur verið bent í áratugi, síðan ég vann sem sjúkraliði sem eru rúm 20 ár. Meira að segja mun lengur en það. Vandinn var fyrirséður. 

Eftir skilaboð ríkisstjórnarinnar í dag finnst mér að heilrbigðisfólk eigi ekki að selja sál sína og líf fyrir starf sitt, (auðveldar um að tala en í að komast), þegar það mætir ekki skilningi ráðamanna með hertar aðgerðir innanlands.

Myndin birtist með frétt frá Félagi hjúkrunarfræðinga.

Aumingjalegt

útspil ríkisstjórnarinnar. Til skammar. Þau þora ekki. Nú er ekki hægt að benda á sóttvarnalækni. Skólastarf í hættu. Ráðherra menntamála sama gungan sem fyrr. Allt fyrir atkvæðin. Fólk sem kemur til landsins getur gert margt og farið víða á 48 klst. Skömm að þessu. ,,Ákvörðunin tek­ur gildi 16. ág­úst. Bólu­sett­ir með tengsl hér á landi verða þá skyldaðir til þess að fara í sýna­töku inn­an 48 klukku­stunda frá kom­unni til lands­ins."

Auðvitað á að setja 2 m reglu á. Auðvitað á að fækka þeim sem koma mega saman. Auðvitað á að gera allt til að minnka álag á heilbrigðisstarfsfólk. Ríkisstjórnin gefur lítið fyrir aðvörunarorð þeirra. Auðvitað á heilbrigðisstarfsfólk að halda fríi sínu til streitu, hætta að taka aukavaktir og vera alltaf viðbúið þegar kallið kemur. Ríkisstjórnin verður að bera ábyrgð á því sem framundan er.

Bólusettir með tengsl við Ísland verða skimaðir

Meðan lýðurinn leikur lausum hala

eiga heilbrigðisstarfsmenn að stytta sumarfrí sitt. Í það minnsta er biðlað til þeirra um það. Spurning hver svörunin verður. Þegar slíkt er gert leggst 25% við sumarfríið þannig að ríkið þarf að greiða aukadaga. Ef fram fer sem horfir veit enginn hvenær starfsmennirnir geta tekið sér frí. Þá án fjölskyldu. Í dag þurfa starfsmennirnir að yfirgefa fjölskyldu í skiptum fyrir að hjúkra sjúkum. Sennilega fáum sem finnst eitthvað athugavert við það. Ríkisstjórnin hlýtur að taka til sinna ráða og herða aðgerðir. 

 

Biður starfsfólk að snúa til baka úr sumarfríi

Getur reynst öldungum erfitt

að halda sig í sóttkví á herbergi sínu. Margir þjást af heilabilun og skilja ekki ástandið. Margir heilabilaðir eru órólegir sem gæti krafist meiri mannafla þegar smit á deilum aukast.  Öldungar sem þjást af heilabilun vilja oft vera á ferðinni og því er herbergi afskaplega lítið pláss fyrir þann sem áttar sig ekki á ástandinu. Mjög slæmt að fá veiruna inn á slíkar deildir.

Heimilismaður og starfsmaður á Grund smitaðir

Um mig fer hrollur,

við lesningu fréttarinnar. Hólfað skólastarf. Hörmung. Stjórnendur skóla áttu margs konar skipulagt, allt eftir hvar við vorum stödd í faraldrinum. Nú er eitthvað nýtt. Afbrigði sem börn fá og smita. Grunnskólakennarar hafa farið í einu og öllu eftir sóttvarnalækni og staðið sína vakt. Ljóst að nú þarf að skoða skólastarf frá öðru sjónarhorni- börnunum sem smita, smitast og veikjast.

Hólfað skólastarf hljómar ekki flókið en reynir vissulega á. Grunnskólakennarar breyta að mestu sínu vinnulagi og sumir vinnutíma. Koma tímar, koma ráð. 

Bólusetning skólabarna í skoðun

Getgátur og til hvers

velti því fyrir mér. Menn munu aldrei vita staðreyndir. Getgátur sem skipta engu máli. Mennirnir dóu við iðju sína og skiptir engu hvort toppnum var náð eður ei. Enginn getur staðfest heimsókn á toppinn. Myndir sýna það ekki einu sinni. Er ekki mál að linni um getgáturnar. Hvíli þeir í friði.

Síðasta myndin úr myndavél Johns Snorra