Má svo sannarlega vera það,

lán hækka og hækka. Matvöruverð hækkar. Leiga hefur hækkað mikið. Eldsneyti og svo mætti lengi telja. Launin hins vegar eru ekki verðbólgutengd. Margir fá hroll, sagan endurtekur sig og ráðamenn gera ekkert. Það eru fleiri en barnafólk sem lendir illa í verðbólgudraugnum. Sömu hóparnir virðast fá hjálpina, aðrir skildir út undan. 

Láglaunafólk með engin börn, býr eitt og verðtryggt lán. Andskotinn er á hælum þess eins og barnafólkinu.

Vaxandi áhyggjur af verðbólgunni

Innan við 7% þátttaka

í kosningunum í trúnaðarstörf í Félagi grunnskólakennara. Frekar rýrt. Vonandi glæðist þetta um helgina, mánu- og þriðjudag. Margar ástæður fyrir því að kennarar kjósi ekki.

Einn ungur sagði við mig, nenni ekki að kjósa allt þetta miðaldra lið. Hvað eru margir þarna undir 45 ára aldri. Fátt um svör þegar stórt er spurt. Auðvitað er gott að blanda vel aldursdreifingunni. Fleira ungt fólk vantar á listana.

Þegar ég kíkti á stjórnarkjörið er það rétt hjá honum, ýmist miðaldra karlar í boði eða miðaldra konur. Skólamálanefndina er hægt að yngja aðeins upp.

Af hverju gefur unga fólkið ekki kost á sér. Ætli þeim finnist þetta vonlaus barátta? Maður spyr sig.

Skólamálanefnd Félags grunnskólakennara og kjörnefnd

Þá er komið að næstu nefndum félagsins, Skólamálanefnd og Kjörnefnd. Einn frambjóðandi sem mér hugnaðist vildi ekki að talað væri fyrir framboði sínu og að sjálfsögðu kippi ég henni út, ekki spurning. Þessa líst mér vel á. Lítist fleirum á þetta fólk er gott að fara í kynningu þeirra og skoða.

Skólamálanefnd:

Dagný Úlfarsdóttir Höfðaskóli, Skagaströnd

Guðbjörg Íris Atladóttir Rimaskóli, Reykjavík

Jón Hjörtur Sigurðarson, Flóaskóli, Flóahreppi

Pollý Rósa Brynjólfsdóttir, Brekkuskóli, Akureyri

Þorbjörg Guðmundsdóttir, Akurskóli Reykjanesi

Þorbjörg Ólafsdóttir, Síðuskóli Akureyri

Kjörnefnd:

Elín Guðfinna Thorarensen Ölduselsskóli, Reykjavík

Erla Rán Kjartansdóttir Brekkuskóli, Akureyri

Þórey Björk Hjaltadóttir Ölduselsskóli, Reykjavík

Kosning í samninganefnd hjá Félagi grunnskólakennara

Margir gefa kost á sér, ekki allir jafnhæfir. Eftir ígrundun líst mér best á þetta fólk í stafrófsröð. Í samninganefnd er líka stjórn félagsins. 

 

Eðvard Hilmarsson Fellaskóli, Reykjavík

Eygló Karlsdóttir, Grundaskóli, Akranes

Hreiðar Oddsson Álfhólsskóli, Kópavogi

Sigfús Aðalsteinsson Giljaskóli, Akureyri

Þóra Kristinsdóttir, Vesturbæjarskóli, Reykjavík

 

 

Kosning í stjórn Félags grunnskólakennara

Í stjórn Félags grunnskólakennara hafa nokkrir gefið kost á sér. Kjósa á sex einstaklinga. Eftir að hafa skoðað framboðin líst mér best á þessa aðila sem ég tilgreini hér neðar. Þekki bara einn en það gerir stjórnina spennandi. Mun ekki leggjast í úthringingar þó ég hafi mælt með þeim við nokkra kennara. Hér má kynna sér framboðin.

Stjórn í stafrófsröð:

Anna Guðrún Jóhannesdóttir, Glerárskóla, Akureyri

Geirlaug Ottósdóttir, Álftamýrarskóla Reykjavík

Íris Árný Magnúsdóttir, Vallaskóla Selfossi

Kolbrún Guðmundsdóttir, Sunnulækjaskóla Selfossi

Lilja Margrét Möller, Austurbæjarskóla Reykjavík

Örlygur Þór Helgason, Kvíslarskóla Mosfellsbæ

Máttur minn er mikill

Vissi ekki að máttur minn væri svo mikill að margir innan grunnskólastéttarinnar færu á hliðina við álit mitt á frambjóðendum til trúnaðarstarfa.

 

Kosið í trúnaðarstörf í dag og næstu viku. Eftir að hafa kynnt mér frambjóðendur, suma þekki ég betur en aðra, komst ég að niðurstöðu um að velja suma aðra ekki. Ákvað að deila því með nokkrum kennurum og bað þá að skoða hvort þeir vildu veita þessum kennurum brautargengi og þá áframsenda á fleiri. Oft gert í kosningum, skriflega, munnlega eða í síma. 

 

Viti menn, þetta setti marga kennara úr jafnvægi þannig að skítadreifarinn fór í gang. Ekki að spyrja að sumum grunnskólakennurum.

 

Þeir sem voru á listanum vita ekki einu sinni af hverju ég valdi þá og mér finnst það ekki skipta máli. Þeim kemur heldur ekki við af hverju þeir eru á listanum og af hverju hinir eru það ekki. Kosningar eru kosningar!

Sætta sig ekki við tap formanns

Nú er ljóst hver býður sig fram í stjórn Félags grunnskólakennara (FG). Augljóst er að hluti framboðanna er sett fram til höfuðs nýkjörnum formanni félagsins. Ákveðnir aðilar sem hafa setið í stjórn undanfarin ár eru tilbúir að vinna félaginu mein og ekki síður væntanlegum formanni.

Peningar og kennarastéttin

Greiðslufyrirkomulagi til stjórnar var breytt. Undanfarin ár hafa stjórnarmenn fengið hærri greiðslur en ella. Hafa unnið sér í haginn. Árið 2017 fengu stjórnarmenn 1.125.000 krónur í árslaun, árið 2018 var upphæðin 2. 048.000 krónur. Fyrir 2020 voru launagreiðslur stjórnarmanna 1.760.000 krónur. Árið 2021 ekki komið á blað. Eru hækkanir í takt við launahækkanir kennara?

Greiðslur vegna samninga- og viðræðunefndar voru líka hækkaðar en vert er að vekja athygli á að stjórnarmenn sitja líka í samninganefnd. Einstaklingar sem sitja í þessum nefndum verða ekki fyrir tekjutapi því vinnuveitandi borgar laun þeirra eins og þeir væru við kennslu. Formaður félagsins er á fastlaunasamningi, há laun allt árið öll árin til að vega upp á móti álagsvinnu m.a. við samningavinnu. Formaður Kennarafélags Reykjavíkur (KFR) sem sat í viðræðunefnd er í 50% starfi hjá Félagi grunnskólakennara og 50% í kennslu. Heyrst hefur að formaðurinn fái viðbótargreiðslu fyrir einhver störf hjá Félagi grunnskólakennara.

Samkvæmt ársreikningi félagsins voru launagreiðslur viðræðu- og samninganefndar 13 og hálf milljón. Rúm milljón á mánuði. Árið áður fóru tæpar 6 milljónir í sama lið. Fer ekki hátt enda þeirra vasar. Formaður Kennarafélags Reykjavíkur hefur grætt á fyrirkomulaginu, hann var í viðræðunefnd. Sjálftaka, það má spyrja sig.

Kennarasamband Íslands gaf út reglur um greiðslufyrirkomulag fyrir nefndarstörf þannig að öll félög innan sambandsins hefðu sama fyrirkomulag. Virt að vettugi.

Ekki allt uppi á borði

Margt skrýtið hefur gengið á í núverandi stjórn sem hinn almenni félagsmaður hefur ekki hugmynd um. Ekki allt jafngott. Enginn hefur opinberað það.

Hluti stjórnarmanna FG vill grunnskólakennara út úr Kennarasambandi Íslands. Það vita flestir sem hafa fylgst eitthvað með. Hafa félagsmenn verið spurðir, ekki svo ég viti. Sama stjórnarfólk gefur kost á sér til að vinna áframhaldandi vinnu m.a. að koma grunnskólakennurum út úr sambandinu. Unnið var að málinu á síðasta ársfundi félagsins og þótti nokkrum fundarmönnum skrýtið að umræða færi ekki fram um málið. Unnið í nefnd sem valdir einstaklingar sátu í. Slæm vinnubrögð, spyrjið ykkur að því kennarar.

Fallegt á yfirborðinu

Formaður Kennarafélags Reykjavíkur hefur lagst á sveif með félagsskapnum sem ætlar að sitja í stjórnarandstöðu næstu árin, svo ég noti orð stjórnarmanns. Málflutningur formannsins í kynningu sinni til stjórnar er ótrúverðugur með öllu. Hann er langt frá því að vera hæfur í samskiptum. Hann skilar illa af sér aðalfundi. Hann kallar stjórnarmenn annarra svæðadeilda nornir, því þeir búkka sig ekki og beygja eins og aðrir vilja. Hann vill ekki ræða reikninga KFR á aðalfundi. Kennarar í Reykjavík bíða eftir svari stjórnar KFR um hvernig styrk Reykjavíkurborgar upp á nokkrar milljónir var ráðstafað. Þeir hafa áhyggjur af að formaðurinn hafi fengið meirihlutann í vasann falið á bak við nefndagreiðslur og fundi. Kennarar í borginni nutu ekki eins og borgin ætlaði sér með peningunum.

Formaður KFR er vinur fráfarandi formanns eins og hluti þeirra sem bjóða sig fram. Hann var dæmdur fyrir skattsvik og hluti stjórnarmanna FG, sem nú bjóða sig fram, meðvirkir og tóku ekki á málinu. Rétt eins og einelti fráfarandi formanns. Dyggð að þegja sagði öldungur þeirra sem bjóða sig fram. Andstætt vinnubrögðum kennara.

Sjúkdómur að þjóna æskunni

Einn stjórnarmaður telur konur í kennarastéttinni líða af sjúkdómi sem felst í að þjóna æskunni. Sagt í samhengi við stöðu stráka í skólakerfinu. Skoða ætti hærri laun fyrir karlkennara því þeir ná betur til stráka en konur. Verðugur stjórnar- og samningamaður? Spyrjið ykkur að því kennara.

Sami einstaklingur ásakar stjórnarmenn svæðisdeildar að vera einkaklúbbur af því hann hafði ekki erindi sem erfiði á aðalfundi þegar hann kom með óréttmæta gagnrýni. Félagsmenn vísuðu gagnrýni hans á bug. Hann kunni því illa.

Stjórnarandstaða

Elsti einstaklingurinn sem býður sig fram hættir eftir 2 ár, þá 70 ára. Yfirgefur stjórn og vonar sennilega að hafa sprengt hana í tæka tíð. Hann sagði á snjáldursíðu að komandi formaður væri í stjórnarandstöðu. Verðandi formaður félagsins hefur spurt gagnrýnna spurninga um framkvæmd ýmissa ákvarðana sem teknar hafa verið s.l. fjögur ár. Stjórn FG hefur ekki alltaf farið að félagslögum og reglum og við það hefur formaður Bandalags kennara á Norðurlandi eystra gert athugasemd. Meðal annars var gerð athugasemd við að aðafundi félagsins væri frestað um hálft ár að tilefnislausu. Enn hefur dagsetning á fundinn ekki litið dagsins ljós. Slík gagnrýni kemur við kaunin á fólki. Tilgangur með framboði, spyrjið ykkur að því.

Ósætti að óþörfu

Eitt af því sem hluti stjórnarmanna hefur gert undanfarin ár er að búa til gjá milli grunnskólakennara og stjórnenda, rétt eins og þeir séu fornir fjendur. Svo á ekki að vera. Stéttirnar eiga að ganga hönd í hönd því þeir vinna að sama verkefni, gera skólakerfið betra. Kennarar hljóta að gera kröfu á stjórn FG að hún gangi sáttaveginn í stað þess að mynda gjá. Hvorki stjórnendur né kennarar hagnast á óvild í garð hvors annars, jafnvel þó málefnalegur ágreiningur sé um ýmsa þætti.

Munið að kjósa

Kosið verður í stjórn Félags grunnskólakennara næstu daga og opnar fyrir kosningu þriðjudaginn 24. maí kl. 14:00. Kosið á Mínum síðum, rafrænar kosningar. Það ríður á að fólk sem vill vinna með komandi formanni komist í trúnaðarstörfin. Ef ekki mun stríðsástand ríkja sem bitnar á hinum almenna félagsmanni. Afleitt fyrir stéttina og baráttu grunnskólakennara sem á nú þegar undir högg að sækja.

Höfundur er grunnskólakennari. Greinin birtist á Visi.is 24. maí 2022.

Eitt að segja annað að gera

og um það fjallar hluti kosninga í stjórn Félags grunnskólakennara. Nokkrir frambjóðendur hafa ákveðið að bjóða sig saman fram í stjórn með von um að ná meirihlutavöldum. Nýr formaður var kosinn á dögunum stéttinni til heilla. Markmiðið er sennilega að bola honum burt með öllum tiltækum ráðum. Undanfarin fjögur ár hefur margt athugavert verið við stjórnun félagsins þar sem m.a. þessir aðilar komu nálægt. Við skulum ekki tala um þöggunina sem hrjáir núverandi stjórn, í það minnsta hluta hennar.

Þessi andstæðublokk, sem ég kalla svo, hefur tvö markmið. Sprengja stjórnin og koma nýjum formanni frá með öllum tiltækum ráðum. Núverandi formaður hefur ekki virt grunnskólakennarar viðlits á snjáldursíðum sem kennarar hafa aðgang en allt í einu eftir fall í kosningum er skrifað í tíma og ótíma. Mest endemis bull og ef ég vissi ekki betur héldi ég að formaðurinn skrifaði undir áhrifum.

Hjá Félagi grunnskólakennara starfar lögfræðingur sem hefur án efa sinnt starfi sínu með sóma. Unnið sum mál, tapað öðrum. Náð einu fram ekki öðru. Svona gengur það á eyrinni. Ég hef hins vegar grun um að hann muni leita allra leiða til að fella nýkjörinn formann þegar andstæðublokkin hefur unnið vinnu sína. Tek það fram hér er um grun að ræða sem byggir á framkomu, skrifum og tali þeirra sem bjóða sig fram og segjast allt í einu vilja vinna með nýkjörnum formanni.

Hvað geta kennarar gert. Forðast þessi framboð. Sýnum þessu fólki að við höfum fengið nóg og viljum byggja upp orðspor stéttarinnar, samvinnu við önnur félög og starfsfólk Kennarasambandsins, en rífum það ekki niður. Þurfum næstu fjögur ár til þess, hið minnsta.

Munið að kjósa kennarar. Kosning hefst á morgun, þriðjudag 24. maí kl. 14:00 á Mínum síðum.

Sá þriðji mætti líka

í framboð til stjórnar Félags grunnskóla. Slær hina tvo, sem ég hef skrifað um, út. Hann var dæmdur fyrir skattsvik en kenndi öllum öðrum um en sjálfum sér. Gott að aðrir geti tekið út skömmina. Hluti stjórnar FG kunni honum þakkir fyrir og skipuðu hann í viðræðunefnd FG. Hann státar sig af að vera góður samningamaður og sáttasemjari. Maður sem getur eða kann hvorugt eftir því sem ég best veit.

Kann að mjólka allt sem hann kemur nálægt, Félag grunnskólakennara meðtalið. Kemur því miður ekki fram í kynningunni hans.

Samskipti þessa frambjóðenda er á svo lágu plani að hann getur ekki skammlaust haldið aðalfund fyrir svæðadeild sem hann er formaður fyrir. Grein á Visi frá félagsmanni sem ofbauð varpaði ljósi á það.  Reikninga mátti ekki útskýra og hratt farið yfir sögu. Nú vill hann komast inn í stjórn Félags grunnskólakennara og maður spyr til hvers. Hann sat í viðræðunefnd og sú nefnd náði ekki betri árangri en svo að samningurinn var tvífelldur, gott að geta státað sig af samningafæri með það á bakinu. Hins vegar virðist nefndin, samkvæmt ársreikningum, hafa fengið vel greitt fyrir vinnu sína.

Tilgangur með framboði formanns KFR er vissulega mörgum hulin ráðgáta. Kannski sú sama og hinna tveggja, að sprengja stjórn FG. Vitað er að hann talar ekki vel um komandi formann og hefur lítið álit á honum. Samt sækist hann í að vinna með verðandi formanni, merkilegt hugsið um það kennarar.

Komandi formaður mun halda fast um fjármagn félagsins, eitthvað sem þarf virkilega á að halda. Það fær enginn að vera á spena hjá þeim formanni, svo mikið veit ég.

Annar kynlegur kvistur

hefur boðið sig fram í stjórn Félags grunnskólakennara. Hann hefur sett mikið út á komandi formann en vill nú í stjórn með honum. Er undra að maður sé hissa. Maður sem lætur svona út úr sér getur varla farið heilsteyptur inn í stjórnarsamstarf með formanni sem hann hefur formælt. Eftir honum er haft: ,, Samt var það svo að "stjórnarandstaðan" kom öll þessi ár að norðan frá BKNE. Því vil ég brýna fyrir nýrri stjórn (BKNE) að glutra þessu ekki aftur niður.“ Hélt að 1. apríl væri runninn upp þegar ég sá nafn hans í framboði.

Viðkomandi verður 70 ára eftir tvö ár og þá hættir hann í kennslu sem og í FG. Hann ætlar sér kannski að sprengja stjórnina áður, verði hann kosinn. Vona að kennara séu skynsamari en svo enda hann einn af þeim sem lagði fram tvífelldan samning.

Umræddur maður hefur sýnt mikla meðvirkni þegar málefni núverandi formanns FG ber á góma gangvart starfsmanni KÍ. Kallar það dyggð að þegja. Viljum við meðvirkni með svo alvarlegum verknaði. Hugsið ykkur um kennarar.