Kynjafræðingur

Kynjafræðingurinn Þorsteinn Einarsson trúir konum þegar kynferðisbrot eru annars vegar. Hann hefur gefið í skyn að þær geti ekki logið. Hann er einn þeirra sem tók þátt í áróðursmyndbandinu sem á að sannfæra almenning um að kona segir aldrei ósatt. Þorsteinn fræðir ungt fólk, heldur fyrirlestra fyrir mikla peninga. Hugsa til þess með hryllings að hann segi ungu fólki að konu eigi alltaf að trúa. Vona að Þorsteinn efli þekkingu sína og láti af rörsýninni sem hann hefur þegar kynferðisofbeldi er annars vegar. Í orðaforða Þorsteins Einarssonar virðist orðaforðinn að ljúga til um ofbeldið ekki vera til. Vanhæfur- klárlega. Strákar sem hlusta á hann eiga alla mína samúð.

Hér er góður fróðleikur um sönnun kynferðisbrota. Hæstaréttarlögmaðurinn hefur skrifað um málaflokkinn í nokkrum upplýsandi greinum.

Fullar konur

Nú ríður yfir bylgja í samfélaginu þar sem karlmenn stíga fram og segjast ekki hafa komið vel fram við konur. Sennilega hefur áfengi spilað inn í hegðun margra þeirra. Af hverju stíga konur ekki fram sem hafa hagað sér á sama hátt fullar. Hef mörgum sinnum séð konur klappa á rass karla á börum og böllum, taka þá hreðjataki, spyrja hvort það sé stórt undir þeim o.s.frv. Er þetta ekki sama hegðun og menn biðjast nú afsökunar á? Þurfa konur ekki að afsaka yfirgang sinn? Hef ekki séð neina stíga fram enn sem komið er.

Hvaða viðhorfi?

Veit ekki hvað Katrín á við þegar hún segir „Við höf­um verið að beita okk­ur að full­um krafti. Það er hins veg­ar dap­ur­legt að sjá og upp­lifa hversu hægt þetta þokast, að breyta viðhorfi og menn­ingu,“ Veit Katrín um einhvern sem samþykkir ofbeldi gagnvart barni, konu eða karli? Ég þekki engann. Veit Katrín um einhvern sem vill ekki láta refsa þeim sem hafa sannarlega beitt ofbeldi. Ég þekki engann né heldur fólkið í kringum mig og sem ég tala við. 

Það sem Katrín á sennilega við að það gangi hægt að fá lýðinn til að trúa að allt ofbeldi á sér stað verði kona fyrir því. Vg hefur það á stefnu sinni að trúa öllum konum, burtséð frá sönnun. Vg telur að viðhorf dómara til kynferðisbrota þurfi að breytast til að sakfella fleiri. Sönnunarbyrðin virðist ekki mikilvæg, slíkt mátti heyra á Bjarkey Olsen Gunnarsdóttur þingmann Vg í morgunútvarpinu.

Umræðan er frosin. Ekki hægt að ræða það sem fólk er sammála um. Allir eru sammála um að dæma eigi brotamenn. Finnist ekki sannanir á ekki að dæma fólk. Betra að sleppa einum sekum en dæma saklausan til fengelsisvistar.

 

„Ekki um refsivert athæfi að ræða“

Vandamálið liggur í karlasamfélaginu og þorsta karla í völd!

Kynjastríð: Kynjastríð (Könskriget) - YouTube

Skelfilegt þegar svona boðskapur, eins og fram kemur í sænsku myndinni Kynjastríð frá 2005, nær fótfestu í samfélagi. Trúið því eður ei, sami söngur heyrist hjá forsvarsmönnum Kvennaathvarfsins og Stígamóta, mörgum kynjafræðingum og stjórnmálamönnum, þ.á,m. Vg.

,,Í myndinni er sjónum beint að Ireen von Wachenfeldt, formanni sænsku kvennaathvarfahreyfingarinnar ROKS, Evu Lundgren, Prófessor í félags- og kynjafræði við Háskólann í Uppsölum og Margaret Winberg, fyrrum ráðherra jafnréttismála í ríkisstjórn Göran Person frá 1998 til 2003. Þá er sýnt hvernig hugmyndafræði ROKS hefur verið skotið rótum í sænsku stjórnkerfi og hvernig ríkisstjórnin hefur tekið hugmyndafræði þeirra upp á arma sína og unnið út frá sem sannleik. Ef ykkur líkar myndin, hví ekki að senda áskorun á RÚV um að sýna hana?” (Forréttindafemínismi.com)

Í myndinni kemur fram:

Konum er treystandi, ekki körlum. Nánast eins og líffræðileg staðreynd.

Og í hvert sinn sem þeir hafa ekki fullt vald, beita þeir ofbeldi. Þeir trúa að valdið sé þeirra og að það sé sjálfgefið.

Undanfarin 20 ár hafa sænsk kvennasamtök og athvörf boðað að ekkert megi trufla þá sýn að karlar noti ofbeldi til að halda völdum. Held að þær kyrji sama sönginn enn þann dag í dag um allan heim.

Vandamálið liggur í karlasamfélaginu og þorsta karla í völd.

Í samstarfi við Evu Lundgren hafa kvennasamtök þróað greiningu sem byggir á hugmyndinni að konur séu, stig af stigi, gerðar viljalausar af körlum.

Eva Lundgren segir að kona sé heilaþvegin af karlmanni. Að kona telji ofbeldi ekki ofbeldi heldur tjáning um ást. Aðrir fræðimenn hafa hafnað þessar kenningu Evu og segjast aldrei hafa kynnst konu sem hugsar þannig og sætta sig ekki við aðstæður. Kvennaathvörfin nota kenningu Evu í öllu sínu starfi.

Í Noregi leggja menn áherslu á að veita ofbeldismönnum meðferð sem tekur 1-2 ár. Í Svíþjóð finnst vart slík aðstoð og þá eru þau einkarekin athvörf ekki opinber. Norðmenn telja mikilvægt að sporna við ofbeldi gagnvart konum. Samtímis vita þeir að hægt er að hjálpa körlum sem beita ofbeldi. Sérfræðingar telja að hægt sé að hjálpa um 70% þeirra sem beita ofbeldi. Sömu tölur frá öðrum ríkjum sem nota þetta úrræði. (Hafa íslensk stjórnvöld lagt áherslu á þennan þátt?). Mikilvægt að ná til þeirra með réttum úrræðum og tíma sagði ráðherra í norsku ríkisstjórninni. Sænsku kvennasamtökin segja að slík úrræði séu á kostnað kvenna og því eru þau andvíg slíkri aðstoð og hafa áhyggjur af þróun mála í Noregi. Samtökin fengu liðsstyrk á þingið. Skelfileg þróun. Jafnréttisráðherrann 1998 talaði á sömu nótum og kvennaathvörfin.

Árið 2000 stofnaði ráðherrann, Margaret Winberg, nefnd sem átti að skoða vandann og innan nefndarinnar var einn sem talaði fyrir meðferð fyrir karlmenn sem beittu ofbeldi. Ráðherrann og kvennasamtökin sem áttu sæti í nefndinni komu í veg fyrir að orð hans heyrðust og taldi ráðherra nauðsynlegt að Heilbrigðis- og velferðarstofnun ríkisins liti á ofbeldið sem valdaójafnvægi milli kvenna og karla. Norska leiðin virðist eflast innan Evrópu og líta á ofbeldið frá fleiri sjónarhornum, m.a. með meðferðarúrræði.

Rétt eins og hér á landi halda kvennasamtök í Svíþjóð ýmsu á loft um ofbeldi kvenna sem eiga ekki við rök að styðjast. Rannsóknir sýna allt annað en kvennasamtökin bera á torg. Viðhorf kvennasamtakanna er að allir menn geta slegið konu og öll ofbeldissambönd geta leitt til dauða konunnar.

Rannsókn á ofbeldismönnum sýna að þeir eiga við geðrænan vanda að stríða, eru alkahólistar, atvinnulausir og í mörgum tilfellum eru samverkandi þættir. Stangast á við orð kvennasamtakanna um að allir venjulegir menn geta barið konu.

Eva Lundgren telur vanda karla sem beita ofbeldi ekki meira en gengur og gerist meðal karla. Hún hefur verið ráðandi í umræðunni og fáir sem fara gegn henni.

Áætlun kvennasamtakanna var að Háskólar ættu að kynna stúdentum þá hugmynd að ofbeldi karla gagnvart konum væri afleiðing af kynjakerfinu. Krafan náði ekki fram að ganga vegna frjálsræðis í fræðasamfélaginu en jafnréttisráðherrann lagðist á sveif með kvennasamtökunum.

Skelfilegt að sjá hvað jafnréttisráðherrann og kvennasamtökin eru samofin. Þessu frjálsu samtök hafa ítök í ákvörðun ríkisstjórnarinnar.

Konur sem hafa nýtt kvennaathvörf í Svíþjóð skilja ekki af hverju forsvarsmenn þeirra séu á móti meðferð fyrir ofbeldismenn. Kvennasamtökin telja karlmenn skepnur. Formaður samtakanna spyr fréttamanninn, sem er kona, hvort henni finnist það ekki. Hún svaraði ekki enda ekki svaraverð fyrirspurn.

 

Sönnunarbyrði á að vera erfið

Þingmenn ruku í pontu og segja að gerendur kynferðisbrota sleppi og vel. Sönnunarbyrðin sé mikil. Að sjálfsögðu. Á sönnunarbyrði ekki að vera erfið? Betra að sleppa einum sekum en dæma einn saklausan. Málin eru erfið viðureignar. Dómar eiga ekki að byggjast á almenningsáliti, hvað þá skoðun þingmanna. Dómar eiga að byggja á lögum og sönnunum. Þeir sem eru ranglega ásakaðir um kynferðisbrot þurfa að höfða einkamál. Slíkur málarekstur er dýr eins og hefur komið fram og því fáir sem fara út í slíkt. Af hverju, sakfelling er erfið. Þetta á líka við um þá sem eru ranglega sakaðir, vona að Olga hafi einnig átt við þá. „Við kærum ekki því að réttarkerfið segir okkur að þegja. Við kærum ekki því að ef við dirfumst að gera það er okkur úthúðað í samfélaginu. Ef við segjum frá erum við útskúfaðar frá fjölskyldum og vinum,“ sagði Olga og varpaði ábyrgðinni yfir á gerendur."

Dæmd kona...ógn við samfélagið!

Norðmenn dæmdu hana í fangelsi, 3 og hálft ár, fyrir að styðja og vinna með hryðjuverkasamtökum. Vera heimavinnandi húsmóðir fyrir hryðjuverkamenn. Skiptar skoðanir voru á norska þinginu hvort sækja ætti konuna en eitt af börnum hennar er veikt. Norskir þingmenn segja þeim dönsku að hafa löggjöfina í lagi svo hægt sé að dæma þessar konur, helst að sækja þær ekki. Vilji þær börnunum sínum það besta þá leyfa þær börnunum að fara frá búðunum sem þessar konur búa. Einn þingmaður norðmanna orðaði það svo: ,,Við eigum ekki að fórna mörgum fyrir einn." Þeir líta á þessar konur sem ógn við samfélagið. Ekki bara Norðmenn heldur allar þjóðir sem eiga landa í búðunum. Þær eru í engu skárri en karlarnir.

 

,, Den norske tingret har med den her dom slået fast, at dét at føde børn og passe hjemmet i Islamisk Stat, er at deltage aktivt i en terrororganisation."

 

Hér má lesa fréttina frá DR!

Fljótt skipast veður í lofti

Fallegt. Ferlegt. Kjánalegt. Kæra er ekki sama og sekt. Kært er til að finna út hvort einstaklingur sé sekur. Mál Sölva er dæmi um þær öfgar sem eru í samfélaginu. Jónas Sigurðsson hefur sýnt þær báðar. Trúa og ekki trúa.

Réttarkerfið mun taka á málinu. Þjóðin þarf ekki að skipa sér í fylkingar, með eða móti. Dæma á alla ofbeldismenn, karla og konur. Allir aðilar málsins hafa sína sögu að segja. Dómstólar munu finna út hvort sekt eða sakleysi sannist. Dómstóll götunnar hefur engar forsendur til að dæma í málum, hvorki máli Sölva né annarra.

Þegar ég hugsa til málsins þar sem 17 ára drengur er sýknaður af nauðgun 13 ára stúlku sem fór sjálfviljug með honum inn í tjald verð ég hálfdöpur. Þótti sannað að hann nauðgaði henni ekki þó hún 6 árum síðar fann þörf hjá sér til að kæra hann. Stúlkan hafði ekki fyrir því að segja honum að hún væri 13 ára og þannig koma í veg fyrir mök. Hér er um tvö börn að ræða. MeToo konur vilja nota þetta dæmi um mann sem sleppur við nauðgunardóm. Þeim virðist sama hvort fólk sé dæmt saklaust.

Hef rætt það áður og ítreka enn. Mörgum stúlkum liggur svo á að verða fullorðnar að þær haga sér og klæða sig sem slíkar barnungar. Verðum að grípa til forvarna á því sviði. Foreldrar hafa þar mest að segja.

 

„Ég gerðist skólabókardæmi um meðvirkni“

Skyldi áfengi lækka

eftir þessi tíðindi. Það er og. Höfuðborgarbúar heppnir að komast á annan staði til að kaupa bjór. Spurning hvort ,,ríkið" bregðist við þessu. Verði tekjufall hjá ríkissjóði vegna samkeppni í áfengissölu er spurning hvert sækja þeir peningana þá? Den tid, den sorg!

Bjórinn er 25% ódýrari í nýrri netverslun

Drengir/stúlkur, einfaldað í þágu málstaðar

Nú tröllríður samanburður á lífi stúlkna og drengja netinu þegar kemur að trúverðugleika frásagna af kynferðilegu ofbeldi. Þeir sem telja að allar sögur um kynferðislega áreitni séu sannar bera boðskapinn út. Telja að stúlkum sé ekki trúað.

Lífslaup kynjanna eru ólík. Hættur leynast víða. Forvarnir þurfa að taka mið af því.

Ef foreldrar eiga tvo syni og tvær dætur óska þeir börnum sínum alls hins besta. Vandamál lífsins mun án efa hitta börn foreldranna á einhvern hátt. Mismikið þó. 

Samkvæmt rannsóknum er vitað:

Stúlkurnar gætu frekar verið beittar kynferðislegu ofbeldi en drengirnir. Þeim ekki trúað.

Drengirnir verða frekar ranglega sakaðir um kynferðisbrot. Þeim ekki trúað.

Stúlkurnar munu frekar fá forsjá barna sinni en drengirnir.

Drengirnir verða frekar sakaðir um heimilisofbeldi en þær. Þeim síður trúað.

Stúlkurnar munu frekar fá háskólamenntun en þeir.

Miklu minni líkur eru á að stúlkurnar lendi í fangelsi en drengirnir, sama með ofbeldi, drengirnir lenda frekar í því en stúlkurnar.

Drengirnir eru líklegri til að fá lyf við hegðunarvanda en stúlkurnar.

Stúlkurnar munu líklega fá lélegri launaða vinnu en drengirnir.

Meiri líkur er á að drengirnir taki eigið líf en stúlkurnar.

Drengirnir eru líklegri til að horfa á klám en stúlkurnar.

Þeir eru líklegri til að ánetjast eiturlyfjum en stúlkurnar.

Þeir eru líklegri til að fremja alls konar afbrot en stúlkurnar.

Drengirnir sækja frekar í áhættusækna hegðun en stúlkurnar.

Með þessu er ég ekki að réttlæta kynferðisafbrot á nokkurn hátt. Gerendur á að sækja til saka í öllum ofbeldismálum.

 

Af hverju ekki Dalvík?

Sama stofnun sprautar á Dalvík og Akureyri og því spyr maður af hverju fá eykjaskeggjar ekki að fara til Dalvíkur? Væri mun þægilegra fyrir þá. Verklag við bólusetningu þarf að vera sveigjanlegt. 

Taka tveggja daga frí til að fá sprautu