Skákar þessi bók karl-femínistans Þorsteins V

Netverjar hafa gert grín að frekjukasti Þorsteins V vegna bókarsölu hans þessi jólin. Maðurinn hélt víst að öll heimili landsins litist vel á skrif hans út frá eigin hjónabandi og lélegrar verkefnaskipan á heimili þeirra hjóna. Hef ekki horft á bókina öðruvísi en sjálfshjálparbók fyrir þau hjónin. Að þau yfirfæri vandann á aðra er í sjálfu sér brandari. 

Geti hjón ekki fundið út hvernig þau skipta á milli í sín skipulagi og verkefnum heimilisins er Bleik brugðið. Að mínu mati þarf karl-femínista ekki til að rugla og þvæla í fólki til að það átti sig skipulaginu. Allir hafa sitt skipulag.

Myndirnar hér að neðan eru úr gamansömum skrifum, á snjáldursíðum landsmanna, um frekjukast Þorsteins V. Maðurinn er ríkisstyrktur til að boða landsmönnum þvælu um karlmennsku eins og hann upplifir hana og nokkrar kerlingar í kringum hann. Auðvitað hoppar alltaf ákveðinn hópur á svona vitleysu, eins og þriðju vaktina.

Verst er að Þorsteinn V, bað fylgjendur sína að stunda netofbeldi gagnvart starfsmanni Bónus sem vann sér það til saka að sinna starfi sínu, það er grafalvarlegt. Ríkisstyrktur maðurinn!

 

    Bókin nær ekki að koma út fyrir jólin skilst mér!

 

 

 

 

 

 

 

 

 

 

 

 

 

 

     Ester er ekki kona til að leika sér að. 

 

 

Kynin eru ekki mörg...þingmenn, kennarar og kynjafræðingar!

Enn og aftur staðfesta vísindin að kynin eru bara tvö. Karlmaður eða kvenmaður. Litningarnir koma upp um okkur, XX og XY, í lifandi lífi og undir grænni torfu.  Höfuðkúpan sem fannst í ráðherrabústaðnum sannar það. Mbl.is segir frá.

Nú þurfa margir þingmenn á fræðslu að halda. Kynjafræðingarnir sem halda fram að kynin séu fleiri en tvö ættu að sitja fræðslutíma með þingmönnum. Að þetta fólk skuli halda fram að kynin séu fleiri en tvö sýnir hve galið samfélagið er orðið. Hvað gerist í huga fólks ræður svo enginn við. Það sem gerist í kollinum eru ekki vísindi.

Kennarastéttin allt frá leik- og upp í háskóla þarf að taka endurmenntun um vísindi mannslíkamans og staðreyndir. Höfuðkúpan er ágætis sönnun þess að þetta ágæta fólk allt saman er á villigötum, hvað fjölda kynja varðar.

 

Má Bónus ekki hafna kjánalegri bók manns sem er í frekjukasti?

Þorsteinn V femínisti kallar á baklandið sitt. Bónus metur bókina hans ekki söluhæfa í búðum sínum. Skyldi nokkurn undra. Að setja svona kjaftæði í heila bók er undravert. Þorsteinn V velur að beita starfsmann í Bónus ofbeldi, rafrænu ofbeldi. Vill að aðrir taki þátt. Frekjukast þessa manns er með ólíkindum. 

Að 1100 hundruð kjánar, samkvæmt Þorsteini, hafi keypt bókina er mér óskiljanlegt. Kannski eru það fylgisveinar Þorsteins og öfgafemínistarnir. Hver veit. 

Snorri tók málið fyrir og Dv segir frá.

Sá á snjáldursíðu um daginn að Þorsteinn reyndi að þröngva bókinni inn á fyrirtæki til að gefa starfsmönnum sínum. Satt eða logið, veit ekki en allavega góður brandari. Það er móðgun við hvern þann starfsmann sem fær svona bók frá vinnuveitanda sínum. 

Eggheimta hjá stúlkubörnum...er það í lagi?

Eins og menn vita hefur orðið veldisvöxtur hjá stúlkum sem skilgreina sig trans víða um heim og hér á landi líka. Margir sérfræðingar telja önnur andleg veikindi vera ástæðuna. Til að fullgera hugsunina vilja margar stúlkur fara í hormónameðferð sem gerir þær ófrjóar. 

Nú býður einkarekin stofa upp á eggheimtu hjá stúlkubörnum ef ske kynni að þær sjái eftir að gera sig ófrjóar á unglingsárum. Siðferðið á bak við þetta finnst mér verulega bogið. Finnst almenning það í lagi að unglingsstúlkur sem glíma við ónot í eigin líkama fari í gegnum svona ferli. Foreldrar verða að samþykkja og borga væntanlega brúsann. Fréttin fjallaði um máli.

Eigum við ekki að kosta góða sálfræðimeðferð fyrir þessar unglingsstúlkur til að vinna með þeim í málunum í stað þessa að samþykkja að þær séu ekki í lagi eins og þær eru? 

ÓEÐLI ÍSLENDINGA

Gef skáldinu Kristjáni Hreinsssyni orðið á síðunni í dag.

Margsinnis hef ég ritað um brýn málefni, eitthvað sem ætti að skipta alla landsmenn miklu máli. Það er til dæmis forkastanleg hneisa hvernig auðæfum er misskipt á Íslandi, aðbúnaður öryrkja og aldraðra er fyrir neðan allar hellur, það er til skammar að útgerðin skuli fá marga milljarða gefins á hverju ári, það er til háborinnar skammar að útgerðin geti haldið úti málgagni sem fegrar sorann, það er til skammar að lyddur skuli stjórna klámvæðingu í grunnskólum, það er til skammar hvernig fólk lætur örhópa stýra samfélaginu.

 

Hið stórkostlegasta af öllu er það að ég leyfi mér oft þann munað að lauma inn í pistla mína einu og einu orði sem ég veit að farið getur fyrir brjóstið á þeim sem eru hve færastir í þeim aumingjaleik sem kallast orðhengilsháttur. Þessi háttur er sérgrein Íslendinga. Engin þjóð getur hugsanlega skákað íslenskri alþýðu í þessum hálfvitahætti. Sjái fólk orð eins og: „kynvillingur“, „öfuguggaháttur“, „fávitahæli“ eða eitthvað sambærilegt þá skal ávallt einhver lesandi fá þvag fyrir hjartað og hjóla í orðaval mitt í stað þess að pæla í því sem ég er að rita um. Reyndar er það svo hjá sumum að það er engu líkara en heimurinn sé byggður á misskilningi. Allt verður þessu fólki að hártogun, hráskinnaleik og pissukeppni. Útúrsnúningur er það fyrsta sem í hugann kemur.

 

Ég hef haft þann háttinn á að ég fækka þeim svokölluðu vinum mínum sem eru ávallt með ómálefnalegan sparðatíning og eilífan helvítis tittlingaskít. Ég einfaldlega leyfi þessu fólki ekki að hafa aðgang að mínu efni. Að vísu er ég fjandanum sveigjanlegri í þessum efnum en annað veifið kemur það fyrir að mér er ofboðið – þá rými ég til fyrir nýjum vinum og leyfi orðalöggunum að róa.

 

Úrkynjun málefnalegrar umræðu birtist í ýmsum myndum. Þótt orðalöggur séu oft hið ágætasta fólk þá leynast í hópnum alvarlega sjúkar íhaldssleikjur sem viðhafa fullkomið siðleysi í nafni pólitískrar rétthugsunar. Ofbeldi þeirra birtist í þöggun gagnvart vítaverðum aðgerðum stjórnvalda. En mannvonskan verður að samþykktum kvalalosta hjá fólki sem neitar að láta knýjandi málefni vekja sig af djúpstæðum doða. Að snúa útúr er vörn fyrir þá sem vita ekki hvernig þeir eiga að svara.

 

Viðrinisháttur Íslendinga er oft svo óborganlegur að það nær engu tali. Á meðan glæpaklíkur stjórna landinu og gera flesta landsmenn að þrælum, bókstaflega aumum þrælum – frá vöggu til grafar, þá hefur sumt fólk mestar áhyggjur af því hvort þetta orð sé betra eða verra en hitt orðið. Að leysa vandann er aukaatriði. Aðalatriðið er að þrátta um veður, karpa um keisarans skegg og ýlfra eins og útigangur ef orð eru ekki sögð í réttri röð.

 

Eymdin fer á efsta stig

svo ótrúlega hæpin

hjá þjóð sem dæmir sjálfa sig

en sér þó aldrei glæpinn.

PISA: Hæfni nemenda til að lesa og reikna hríðfellur- skólana vantar aga, sterka stjórnun og duglega kennara

Danir velta vöngum yfir niðurstöðum Pisa rétt eins og menn hér á landi. Faglegi þátturinn í grunnskólanum heldur áfram að hrapa. Dönsk börn læra minna og minna í skólanum segir í grein frá Den korte avis. Sömu sögu er að segja hér á landi. Þegar ráðamenn koma með útskýringar eru þær nokkurn veginn á sömu leið. Yfirklór. Danskir og íslenskir unglingar eru ekki frábrugðnir hvorir öðrum, né menning og siðir landanna.

Danskir nemendur standa sig verr í lestri og stærðfræði en í könnuninni 2018.

Í mörg ár hefur það verið stefna stjórnvalda að bæta faglega þátt skólastarfsins, samt sem áður hallar undan fæti.

Nemendur útskrifast úr grunnskólanum með minni þekkingu en áður þrátt fyrir að meira af peningum eru notaðir á hvern nemanda.

Verst standa um 10% barna sem hafa annan bakgrunn. Eins og í könnuninni 2018 stendur þessi hópur sig mun ver og munurinn eykst.

Yfirklórið lætur ekki á sér standa

Formaður skólastjóra, Claus Hjortdal, útskýrir að afrakstur PISA megi m.a. rekja til að margir unglingar takist á við áskoranir í eigin lífi, t.d. með kvíða og þunglyndi.

Svona yfirklór er ein af ástæðunum að staðan er svo slæm í dönskum grunnskólum (líka þeim íslensku, sama yfirklór hér á landi). 

Rannsókn sýnir að skólastjórnendur horfa meira til vellíðunar í skóla en fagþekkingu og það þrátt fyrir að önnur rannsókn sýni að stefna stjórnenda hefur áhrif á hve mikið nemendur læra. 

Skróp og vöntun á aga

Önnur ástæða vandamálanna er agavandi í grunnskólanum. Ef maður ætlar sér að fá eitthvað út úr kennslu þarf að mæta. PISA rannsóknin sýnir að um 51% nemenda í Danaveldi koma of seint og 25% hafa skrópað í nokkra tíma. Um 20% hafa skrópað heilan dag á síðustu tveimur vikum.

Notkun á stafrænum miðlum fór af braut

Í rannsókninni kemur fram að danskir nemendur nota næstum tvöfalt meiri tíma fyrir framan skjá miðað við aðra í rannsókninni. Þeir nota næstum fjórar klukkustundir á dag fyrir fram tölvu eða skjábretti.

Það er vel þekkt að skjánotkun hefur í för með sér tímasóun í kennslu og truflar einbeitingu nemenda. Notkun rafrænna miðla hefur farið út af brautinni í Danamörku án þess að nokkur hafi gripið inn í (skyldi það sama vera upp á teningnum hér á landi?).

Fagþekking kennara vandamál

Í mörg ár hefur færni og hæfni kennara verið vandamál. Allt of fáir vilja vera kennarar þrátt fyrir að meðallaunin séu 566 þúsund danskar krónur á ári. Nemendur með lítinn fræðilegan bakgrunn eru teknir inn í kennaranámið og það hefur áhrif.

Næstum fimmti hver kennari er ófaglærður í Danmörku (stefnir í sama hér á landi) og ríkisstjórnin hefur ákveðið að að kennarar sem hafa ekki sérþekkingu fái að kenna í grein sem þeir eru ekki menntaðir til (það tíðkast hér á landi).

Kórónafaraldurinn

Auðvelda skýringin á lélegri útkomu í PISA hefði mátt útskýra með kórónufaraldrinum, en það er ekki einu sinni hægt.

Rannsókn sýnir að enginn munur er á löndunum sem lokuðu skólunum og þeim sem notuð fjarkennslu og Svíþjóð þar sem hefbundin kennsla var.

Menntamálaráðherrann Tesfayr

Vandi grunnskólans undanfarin ár hafa áhrif á hnignun danska skólakerfisins og því miður virðist útlitið ekki gott.

Ráðherrann tjáði sig og segist horfa áhyggjufullum augum á niðurstöður PISA. Því miður lítur ekki út fyrir að hann geri nokkuð annað.

Heimild

 

Hvar er formaður Félags grunnskólakennara?

PISA könnunin með allri sinni dýrð er opinber. Margir fjalla um og ræða árangur nemenda og kennsluhætti grunnskólakennara. Stefnur, strauma og matskerfi grunnskóla. Kastljós tók málið fyrir og þar áttu grunnskólakennarar von á forystusauði sínum. Nei þannig var það ekki, formaður KÍ mætti ekki formaður Félags grunnskólakennara!

Ég spyr af hverju? Formaður KÍ á ekki að sitja fyrir svörum þegar málefni grunnskólans ber á góma, það á formaður Fg að gera og enginn annar. Til þess var hann kosinn. Velti fyrir mér hve þögull formaður Fg er. Sjaldan ef nokkurn tímann er rætt við hann um málefni sem viðkoma grunnskólanum. Yfirtók formaður KÍ hlutverk formanna einstakra félaga þegar hann tók við keflinu í Kennarasambandi Íslands, velta má þeirri spurningu upp. Öllum er ljóst að hann elskar það hlutverk en fyrr má nú rota en dauðrota.

PISA könnun er mælitæki sem á rétt á sér. Eftir að samræmdu prófin voru felld niður eru engar samræmdar mælistikur til að kanna þekkingu nemenda á landsvísu. Það er slæmt. Sú jöfnunarstefna sem háir grunnskólanum hefur kostað samfélagið of mikið. Mörgum fórnað fyrir fáa. Danir ganga svo langt að tala um mikla ábyrgð stjórnenda á lélegum árangri nemenda í PISA könnuninni. Danskir nemendur fóru illa út úr læsi og stærðfræði.

Bloggari hefur á kennsluferli sínum, 16 ár, heyrt sér reynslumeiri kennara tala um slakari lesskilning nemenda. Menn hafa velt vögum yfir læsisstefnum, hvort Byrjendalæsi sé rétt aðferð í lestri barna eða hvort nota eigi eingöngu hljóða aðferðina. Á að hræra öllu saman og vona að út komi þokkalegur árangur. Allir eru meðvitaðir, það hefur eitthvað gerst undanfarin mörg ár.

Formaður félags grunnskólakennara á að ræða galla á námskrá og matskvarða sem innleiddir voru fyrir nokkrum árum. Kennurum gert að vinna eftir þeim hvort sem þeim líkar betur eða verr. Ákvörðun að ofan og minnir um margt á þessa sögu. Því miður voru mótmælin ekki hávær þá.

Formaður félags grunnskólakennara á að ræða fjölgun útlenskra barna í grunnskólann og þann tíma sem þau taka í kennslustofu þar sem lítill stuðningur er við þau inni í kennslustofum.

Formaður félags grunnskólakennara á að ræða aukið álag í kennslustofum kennara með fjölgun útlendinga sem tala ólík mál og agavandamál sem hafa aukist.

Formaður félag grunnskólakennara á að tala um mikilvægi þess að foreldrar komið að lestrarþjálfun barna sinni, sérstaklega á yngri stigum.

Formaður félags grunnskólakennara á að ræða allar þær stefnur, strauma og hugmyndafræði sem laumar sér inn í skólakerfið, án þess að grunnskólakennarar fái rönd við reist. Stjórnendur bera þar höfuð ábyrgð. Margir skólar sinna mörgum stefnum og hugmyndafræði og til þess þarf tíma ef vel á að vera.

Svona gæti ég haldið áfram, en formaður Félags grunnskólakennara virðist í felum, á bak við formann KÍ. Faðir minn sagði stundum og mér datt þetta í hug þegar ég hugsa framtaksleysi formanns Fg. ,,Strjúkum kviðinn - elskum friðinn og gerum ekki neitt.“

Á kennsluferli bloggara hafa þrír forystusauðir verið í Félagi grunnskólakennara. Sá sem nú situr virðist illa hæfur til að tjá sig við fjölmiðla, miðað við hve lítið hann tjáir sig um málefni kennara. Formaður KÍ á ekki að sjá um það, hans hlutverk er annað. Hann á ekki að tjá sig um málefni einstakra félaga en virðist sendisveinn fyrir formann Fg.

Staðreyndir sem ekki er hægt að horfa framhjá, ræða og leita lausna við. Fjölgun grunnskólanema byggir á börnum af erlendum uppruna en í dag eru þau á milli 15-20% af öllum þeim börnum sem stunda hér nám. Í sumum hverfum er staðan mun verri. Endar þetta eins og í Danaveldi? Danir setja börn sín í auknu mæli í einkaskóla til að tryggja góða menntun fyrir börn sín. Um fimmti hver nemandi var árið 2022 í einkaskóla. Víða ríkir ófremdarástand í dönskum skólum.

Ljóð tileinkað kennurum

Annar höfundur fær bloggið í i dag. Ég tileika öllum kennurum (líka þeim sem mættu á aðalfund Bkne) ljóðið enda segir það meira en segja þarf. Vona samt að þeir ástundi þetta ekki í kennslu. 

Ljóð eftir Ragnar Ingi Aðalsteinsson frá Vaðbrekku:

Áður en kemur til tjáskipta skulum við ævinlega gæta þess

að skoða aðeins aðra hlið þess málefnis sem um ræðir.

Það hálfa er nóg.

Þannig er auðveldara að ná utan um efnið.

Losum okkur við alls konar útúrdúra og staðreyndatínslu

– málavextir eru íþyngjandi.

Það sýnir sig að við sem alhæfum alltaf út frá annarri hliðinni

eigum miklu betra með að ná til fólks,

skoðanir okkar eru einfaldar,

við höfum sneitt af þeim alls kyns flækjur og lagað þær

að þörfum neytenda.

Þannig virkar tjáningarfrelsið.

Konur stofna samtök til að vernda rétt kvenna í kvennaíþróttum

Hlaut að koma að því. Til hamingju skynsömu konur. Fleiri og fleiri vakna, ekki bara konurnar heldur fjölskyldur þeirra og vinir. Karlmenn sem skilgreina sig sem konu eiga ekkert erindi í kvennaíþróttir- EKKERT.

Mörg tilfellið hafa komið upp þar sem karlmaður, skilgreindur sem kona, hefur haft sigur. Reddux hefur sagt frá meiðslum kvenna í samstuði við karlmann, sem skilgreinir sig sem konu, og er með í kvennakeppni. Auðvitað á að stoppa þetta. Heigulsháttur íþróttasambanda er algert. Hugsið ykkur að barátta kvenna árið 2023 skuli fara í að vernda eigin íþróttakeppnir.

Á síðu samtakanna segir:

,,The Independent Council on Women's Sports (ICONS) er tengslanet og hagsmunagæsluhópur sem samanstendur af núverandi og fyrrverandi háskóla- og atvinnuíþróttakonum, fjölskyldum þeirra og stuðningsmönnum. Við ætlum að byggja upp samtök sem hafa sameiginlega rödd til að efla og vernda íþróttir kvenna. Við viljum að konur dafni og nái árangri í íþróttum án þess að verða fyrir kynbundinni mismunun. Við trúum því að konur eigi skilið virðingu og sanngjarna samkeppni til jafns við karlkyns íþróttamenn. ICONS leitast við að lyfta og styrkja kvenkyns íþróttamenn innan og utan íþróttavallarins.“

Ein íþróttakonan segir:

,,Við elskum íþróttir og erum þakklátar fyrir konurnar sem ruddu brautina. Næsta kynslóð kvenna og stúlkna á skilið tækifæri til að verða meistarar og sjá hinn rómaða heim kvennaíþrótta. Undanfarið höfum við séð tækifæri og vernd kvenna og stúlkna hverfa. Við þurfum rödd til að verja virðingu og sanngjarna meðferð næstu kynslóðar íþróttakvenna. Við erum þessi rödd.“

Öllu gamni fylgir einhver alvara, líka í þessu myndbandi. Fólki ofbýður.

Breyta á leikskólakennaranáminu

Öllum er ljóst eftir breytingar á námi leikskólakennara úr þremur í fimm ár hefur aðsókn minnkað. Því verður að svara og fækka námsárunum aftur. Starf í leikskóla krefst ekki fimm ára háskólamenntunar að mati bloggara. 

Allt sem þarf að vita um þroska, leik, aðbúnað barna og samskipti lærir maður á þremur árum. Samfélagið gerði stór mistök þegar námið var lengt.

Hvað grunnskólakennara varðar þá á grunnnámið að vera bakkalárnám og síðan sérhæfing næstu tvö ár með val tvenns konar sérhæfingu, s.s. tungumál, náttúrufræði, verkgreinar, stærðafræði. Að mati bloggara hefði það verið farsælasta leiðin.

Vindum ofan á vandanum, fækkum námsárum leikskólakennara og sjáum hvað setur.

Þurfum að hjálpa þeim sem ekki fá hjálp heima