Taka þarf á fréttaveitu Rvu

því ljóst er að fólk þar er ekki starfi sínu vaxið til að fjalla um ákveðna málaflokka. Tek undir orð Sigurðar Guðjónssonar sem segir ,,„Þessi kúltúr var búinn til á RÚV. Því fyrr sem tekið verður málefnum stofnunarinnar því betra. Tjáningarfrelsið krefst þess.“

Hringbraut segir frá nýjum þingmanni sem er ofboðið fréttaflutningur Ruv...sjá hér.

Vonandi hefur yfirstjórn eða þingmenn þor til að taka á málinu.

Í reynd er umræðan orðin svo rotin með stelpukindurnar Öfga í broddi fylkingar að samfélagið þarf að taka sig saman og snúa umræðunni við. Ekkert eðlilegt að ofstækisfullir einstaklingar ráði umræðunni eins og þær gera. Eitruð umræða sem þær fara fyrir og langt frá að hún sé skynsamleg. Ofstæki.

Arnór Steinn Ívarsson

er aumkunarverður í skrifum sínum. Ríður á vaðið á nýjum miðli sem ætlar að láta til sín taka í þjóðfélagsumræðunni. Eina fyrsta og síðasta skiptið sem ég eyði tíma í þennan miðil. Mér sýnist á öllum Arnór skorta lesskilning á pistlum margra þeirra sem hann tekur fyrir. Ekki er risið hátt á honum og miðlinum. Hann þykist svipta hulu af opinberum skrifum manna, hann virðist ekki hafa merkingu hugtaksins ,,svipta hulu" á hreinu. Karlgreyið!

Arnór reynir af veikum mætti að túlka skrif sem hann virðist ekki skilja, út úr því kemur fyndin samsetning og stillir honum upp sem kjánalegum pistlaritara. 

Nú á að krjúpa á kné fyrir ofstækisfullum femínistum, Arnór er kannski einn slíkur, og fara með vitleysu varðandi karlmenn sem beygja sig ekki undir alla vitleysu sem konum dettur í hug.

Enn eitt sorpritið komið fram í dagsljósið. Ríkið á ekki að styrkja svona sorpblaðamennsku.

Aumingja Arnór, rann á rassinn í fyrstu tilraun.  

Foreldrar bera ábyrgðina

og því ætti að fræða þau ásamt börnum sínum. Yfirvöld ásamt lögreglu þurfa að fræða fjölskyldur svo hægt sé að ræða málin heima fyrir. Samræðurnar þurfa að byggja á sama grunni. Margs konar fræðslu er hægt að koma fyrir í grunnskólanum en hún hefur ekki sömu áhrif og ef foreldrar eru með. Fræðslan hefur ekki sömu áhrif nema henni sé fylgt eftir. 

Foreldra barna sem beita ofbeldi ætti að skylda í fræðslu fyrir ofbeldishneigð börn.

FORELDRAR eiga að taka ábyrgð á börnum sínum, góð vísa er aldrei of oft kveðin. 

Ungir krakkar sem beita alvarlegu ofbeldi

Frambjóðandi til formanns KÍ nefndur slúðurberi,

kannski ekki að ósekju. ,,Jóhanna Vigdís er ekki slúðurkelling eða rógberi út í bæ líkt og formaður jafnréttisnefndar kennara, hún er fréttamaður á launum hjá þjóðinni, hennar hlutverk er að afla sér upplýsinga og spyrja beinskeyttra spurninga út frá þeim.”

Áhugaverðar vangaveltur um fótbolta, slúðurbera og launaða fréttamenn. Landslið rúið trausti. - omargeirsson.blog.is

Ólíðandi framkoma

hjá liðhlaupa. Auðvitað á hann að víkja af þingi. Hann fékk fylgi sem Miðflokksmaður ekki Sjálfstæðis. Þegar kosið er eftir flokkum ekki einstaklingum á flokkurinn atkvæðin. Gjörsamlega óþolandi að menn geti flakkað á milli flokka. Birgir á að segja sig frá embætti og næsti maður Miðflokksins á að koma inn. Þingið ekki byrjað og því hæg heimatökin. 

Sama áttu Andrés og Rósa Björk að gera. Liðhlaupar eru í mínum augum aumingjar, standa ekki við sitt.

Birgir skilur við Miðflokkinn

Trúa alltaf þolanda

er viðkvæðið. Í þessu tilfelli er það ekki ,,Að auki var hún fund­in sek um rang­ar sak­argift­ir, en hún kærði pilt­inn upp­haf­lega og sagði hann hafa nauðgað henni og áreitt kyn­ferðis­lega á um­ræddu tíma­bili." 

Enginn á að trúa þolanda í blindni. 

Misnotaði sambúðarbarn sitt

Hafna landsliðinu

segir Mannlíf. Fólk nennir ekki að mæta þar sem bestu menn landsins spila ekki. KSÍ hefur valið þá stöðu. Stuðningur fólks við landsliðið hefur minnkað segir Mannlíf og gerir að því skóna að það sé vegna mála sem upp hafa komið.

Landinn sýnir í verki að þeir eru ekki sáttir við málalok og að bestu mönnum skuli haldið frá liðinu. Ásakanir duga ekki, þarf eitthvað áþreifanlegra. einhliða frásagnir og grunur er ekki nóg.

Ofbeldismál á að kæra sama hvaða tegundar þau eru. Málin á að kæra strax ekki bíða í áratug eða meir.

 

Karl Frímannsson fræðslustjóri

Akureyrar gekk fram af mörgum grunnskólakennurum í viðtali við fréttastofu Ruv í gærkvöldi. Þar segir hann rakningateymið gangi of langt með aðgerðum sínum um sóttkví á Akureyri. Hann segir meira að segja að reglum hafi verið breytt.

Sem betur fer tjáði sig fróðara fólk um málið. Hjördís Guðmundsdóttir segir í útvarpsfréttum að við hópsýkingum sé verklagið eins og á Akureyri. Sjá hér. Hjördís segir, „Ástæðan fyrir fjöldanum sem fór í sóttkví var einkennasaga margra, fjöldi bekkja og skóla sem voru undir. Útbreiðslan var orðin mikil." Takk segja kennarar, slakið í engu á þrátt fyrir ,,væl" fræðslustjóra Akureyrar.

Þess skal getið að kennarar sem eru innan um smituð börn og eru í hættu á að smitast urðu hissa á öðrum Karls. Hann sjálfur fór í skjól, í formi heimavinnu, þegar sóttvarnaaðgerðir stóðu sem hæst. Það gátu kennarar ekki. Karl getur valið hvern hann er í samskiptum við, tekið fjarfund þegar honum hentar, ekki kennarar. Þeir þurfa að kenna nemendum sínum í skólanum.

Karl segir í fréttinni ,,við þurfum bara að umgangast með þeim hætti." Samt finnst honum sjálfsagt að kennarar láti þetta yfir sig ganga. Hann les rangt í stöðuna og kennarar vilja harðar sóttvarnaraðgerðir þegar hópsmit er í gangi. 

 

Ein óhæf

en þrír hæfir. Hanna Björg Vilhjálmsdóttir er óhæf í embættið. Hún er of umdeild innan samtakana og í samfélaginu. Hún mun aldrei vinna að heilindum og ég myndi aldrei treysta henni að taka á máli karlkennara verði hann sakaður að ósekju t.d. um káf á stúlku. Í skólasafélaginu finnast slíkar ásakanir. Hanna hefur sagt að hún trúi alltaf þolendum og því myndi karlkennari ekki fá stuðning KÍ með hafa í forsvari, hún dæmir áður en málin eru krufin.

Hin þrjú koma öll til greina. Tel Önnu Maríu hæfasta til að gegna embættinu.

Fjórir gefa kost á sér í formannsembætti KÍ

Vanda ekki eins vönduð

og hún vill vera láta. Samkvæmt DV á Vanda að hafa skipt sér að vali landsliðsmanna áður en hún náði kjöri. Hún sagði í viðtali að það væri löngu kominn tími til að endurnýja karlalandsliðið, búið að endurnýja kvennaliðið. Ræður þjálfari ekki för hvað endurnýjun varðar, kannski eru ekki betri menn á kantinum.

Hvaða þvæla er það að eftir 11 ár geti menn tekið upp mál eins og gerst hafi í gær. Einhver mörk verða að vera á upptöku mála. Ellefu ár er langur tími. 

Málið er allt hið ömurlegasta á því leikur enginn vafi.