Heilu og hálfu árgangarnir frá vegna smita

og veikinda. Fréttamiðlar segja ekki orðið lengur frá þeim ósköpum, því miður. Almenningur er því ekki í tengslum við hve mikil áhrif veiran og veikindin hafi á skólastarf. Vera kann að eitt og eitt barn finni ekki mikið fyrir veirunni en önnur verða verulega veik. Því ber að hamla útbreiðslu innan skólanna. Það hefur ekki verið gert. Veiran fær að fljóta að vild með misslæmum áhrifum á nemendur og kennara.

Vegna fjölda fjarveru nemenda er ekki hægt að halda úti eðlilegu skólastarfi víða.

Allt í góðu að fara varlega. Aflétta í skrefum. 

Mótmælir því að veiran sé orðin hættulaus

Yfirmenn Akureyrar reyna nú

að klóra í bakkann og þakka starfsmönnum grunnskólanna (og fleirum starfsmönnum) fyrir að hafa staðið vaktina undanfarin tvö ár. Starfsmenn grunnskólanna hafa staðið sig eins og hetjur en lítið hefur heyrst frá bæjaryfirvöldum á þessum tveimur árum. Bæjarstjóri sendi af og til þvílíka langloku að menn nenntu ekki að lesa hana. Einhvers staðar kom svo takk.

Bæjaryfirvöld hafa ekki sýnt í verki að þeim sé umhugað um t.d. grunnskólakennara. Þegar váin vakti yfir okkur áttu kennarar að sýna sveigjanleika og gerðu það. Fóru heim að lokinni kennslu til að undirbúa næstu verkefni. Kennarar notuð eigin búnað og tengingar við vinnu sína. Nokkrir fóru í fjarkennslu og fengu ekkert frá skólanum til að sinna henni. Svona mætti lengi telja.

Þegar talið var að mesta váin væru yfirstaðin vildu stjórnendur og fræðslustjóri Akureyrar kennara inn í skólana aftur. Sveigjanleiki hvarf eins og dögg fyrir sólu. Kennarar urðu eitt spurningarmerki. Bæjaryfirvöld á Akureyri er ósveigjanlegur vinnuveitandi. Væmin þakkarorð nú að tveimur árum liðum hjálpar ekki. Kennarar bera enga virðingu fyrir þeim sem fara með fræðslumálin í bæjarfélaginu.

Kjarasamningur grunnskólakennara var felldur sem er vel. Hvað buðu sveitarfélögin, m.a. Akureyri sem lofsyngur kennara um þessar mundir í tölvupósti.

Hækkun, 25000 kr.

Semja um lækkun vinnuskyldu, án þess að fækka kennslustundum um eina. Meirihluti kennara ræður útfærslu.

Sveigjanleika sem á að semja við stjórnendur um. Skólastjóri hefur síðasta orðið.

Betur heima setið en af stað farið, að mínu mati. Svona lofsöngur án aðgerða fellur í grýttan jarðveg.

Hanna Björg varpaði skugga á

kennarastéttina í Kastljósi í gær. Hún er hrokafull og telur sig vita mest og best. Hún neyddist til að biðja afsökunar á framferði sínu í Kastljósþættinum í gær. Bjarga eigin skinni.

Hanna Björg er svo upptekin af feðraveldinu og ofbeldi karlmanna að öll skynsemi er farin út í veður og vind. Hanna talaði í gær eins og grunnskólinn væri ekki starfi sínu vaxinn, eða grunnskólakennara, til að sinna kynfræðslu eins og hún vill sjá hana. Aumt er það! 

Heyri á fólki, í meira mæli en áður, að það er komið með upp í kok af málflutningi þessarar konu. Komið tími á hvíld hjá henni. Hanna skemmir jafnvel meira en hún gerir gagn. Margir löngu hættir að lesa og hlusta á hana. Heggur í sama knérunn.

Spilum um 5. sætið á EM

og það er vel gert af strákunum okkar. Þeir eiga skilið mörg víkingaklöpp fyrir frammistöðuna. Norðmenn er erfiður andstæðingur. Hef fulla trú á okkar mönnum, hvort sem þeir verða komnir inn eður ei sem kórónaveiran náði tökum á.

Fjórar Norðurlandaþjóðir lenda í sex efstu sætunum, vel gert. Vona að Danir og Svíar spili um 1. og 2. sætið. Ótrúlegt!

Víkingaklapp...hu, hu, hu...áfram Ísland.

Kennarar eiga ekki að

taka aukakennslu undir svona álagi. Margir uggandi vegna stöðunnar t.d. vegna undirliggjandi sjúkdóma. Stór hluti stéttarinnar er ekki fullbólusettur. Jansen bóluefnið var notað á kennara, þá vissi engin að þetta bráðsmitandi afbrigði myndi skjóta upp kollinum. Nóg er víst að halda úti ,,eðlilegu skólastarfi" svo kennarar bæti ekki á sig kennslu þeirra sem greinast. Senda á nemendur heim vegna manneklu komi sú staða upp, stjórnendur eiga að vera óhræddir við það.

 

Skólar standi frammi fyrir breyttri stöðu

Líf án ofbeldis

ætti að vera fyrir öll börn. Ofbeldi.

 

Málamyndagjörningur

að herða takmarkanir síðast. Menn þorðu ekki að taka á vandanum þar sem hann er, í skólum landsins. Á meðan þessar kjánalegu takmarkanir ríkisstjórnar eru í gildi smitast hvert skólabarnið á fætur öðru. Margir bekkir og árgangar í einangrun og sóttkví. Eðlilegt skólastarf? Undir engum kringumstæðum þar sem vantar 5-20 börn í bekk. Ekki hægt að ætlast til þess. Ríkisstjórnin tók á vitlausum enda í þetta sinn. Við borgum fyrir það með öllum smitunum sem greinast á dag. Margir kennarar upplifa sig í rússneskri rúllettu, rétt eins og landliðshópurinn okkar. Hve margir smitast í dag? Hve margir kennarar eru frá í dag? Hvernig verður vikan o.s.frv.

Tíu manna takmarkanir gangi ekki

Á ekki af liðinu að ganga,

á meðan Danir sleppa vel. Aðeins einn smitaður hjá þeim á meðan okkar lið glímir við mörg. Ungu strákarnir komu sannarlega á óvart í gær. Voru sjálfum sér og þjóðinni til sóma. Verður gaman að fylgjast með framhaldinu. Líka hvaða leikmenn þjálfarinn tekur inn að nýju. Þeir sem hafa spilað tvo síðustu leiki eru í engu síðri en þeir sem spiluðu áður. 

Verðum að hafa hugfast að þetta voru Danir og Frakkar, það eru toppurinn af ísjakanum!

Eitt smit til viðbótar hjá Íslandi

Óska engum innbrots

eða stuldi á gögnum, en mikið óskaplega er Mannlíf ómerkilegur miðill. Elur á slúðri, kemur með óræðnar fréttir og dregur það versta fram í fólki. Lít ekki á Mannlíf sem fréttamiðil heldur samfélagsmiðil sem tekur færslur frá öðrum. Fátt um raunverulegar fréttir. 

Skipti um lása eftir gærdaginn

Gleðilegt að hann láti

hinn hundleiðinlega Gunnar Birgisson ekki leysa sig af. Einar Örn er mörgum flokkum ofar en Gunnar sem þykist slá um sig með aulahúmor og afskaplega leiðinlegum athugasemdum. Mér er óskiljanlegt að Ruv skuli nota Gunnar í lýsingu leikja. 

Vona að Einar Örn veikist ekki.

Lýsir leikjum Íslands úr einangrun