Samsekur

Gott að heyra hversu skjótt er brugðist við, enda sýnir myndskeiðið atburðinn. Enga undankomuleið er að finna hjá laganna vörðum.

Á myndskeiðinu sést að annar lögreglumaður er viðstaddur og hreint með ólíkindum að hann komi unga manninum ekki til hjálpar þegar starfsfélagi hans ræðst að honum. Samkvæmt lögum ber honum að gera það, þar sem ráðist er að ósekju að piltinum. Þegar nærstaddir ætla að hjálpa unglingnum kemur lögreglan í veg fyrir það. Hvernig er með slík mál, er hann ekki samsekur í ofbeldi, með aðgerðaleysi ? Velti því fyrir mér.

Mál lögreglumanns til ríkissaksóknara

Athugasemdir

[diddi (IP-tala skráð) 27.5.2008 kl. 16:59]

Taka þá báða dæma og reka úr starfi....
Þurfum allt annað en einhverja ofbeldis titti sem halda þeir komist upp með allt.
Stóri bróðir er LÍKA að fylgjast með þeim... ;)

[Sporðdrekinn, 27.5.2008 kl. 17:11]

Ég get nú ekki betur sé en að það séu fjórir lögreglumenn þarna allt í allt. Þetta er slæmt mál fyrir lögreglu stéttina!

[óskar (IP-tala skráð) 27.5.2008 kl. 17:18]

2

Hvað er málið? Þessi strák fáviti er með kjaft og er snúinn niður. Og hvað með það? Var hann lamin með kylfu? sparkað í hann járnaðan? Bara væll í fólki hérna.

óskar (IP-tala skráð) 27.5.2008 kl. 17:12

[Stebbi (IP-tala skráð) 27.5.2008 kl. 17:51]

Ómar lögreglan á ekki að grípa fólk hálstaki sem er með "kjaft" við þá. Ef þeir eru ekki nógu yfirvegaðir til að þola svona comment án þess að ráðast á fólk eiga þeir ekki heima í valdastöðu.

Eitt enn þessi strákur leit út fyrir að vera svona 14ára og örugglega 40kg léttari en þessi lögga. Ef hann hefði verið með mótrþóa hefði þessi lögregla auðveldlega getað snúið hann niður án þess að ráðast á hann og grípa hann hálstaki. Þetta voru svipaðar aðferðir í slagsmálum niðrí bæ um helgar. Hann er ekki að "snúa hann niður" bara, þetta er hrein líkamsárás.

[Gunnar Gylfason, 27.5.2008 kl. 19:47]

Stebbi, hann tók strákinn ekki hálstaki. Og drengurinn er á sautjánda ári held ég, og vel yfir 40 kg.

[Stebbi (IP-tala skráð) 27.5.2008 kl. 20:13]

Það skiptir engu máli hann er undir lögaldri og það er ekkert minna lögregluofbeldi þó hann sé 17 en ekki 14. Ég sagði að hann væri örugglega 40kg léttari en lögreglumaðurinn ekki 40kg.

"Stebbi, hann tók strákinn ekki hálstaki." Ertu blindur ? Stöðvaðu videoið þegar maðurinn heldur utan um hálsinn á honum. Að taka fólk taki um háls = hálstak. Það þarf ekki að nota það til að ná að snúa mann niður.

[þ (IP-tala skráð) 27.5.2008 kl. 21:46]

Er það ekki algjörlega málið..

Persónulega finnst mér þeir vera algjörlega meðsekir, þeir eiga nú að vinna við að stilla til friðar, sama hvort það sé við aðra lögreglumenn eða bara almenna borgara. Ef fullorðinn karlmaður ræðst á barn að fyrra bragði, er það ekki líkamsáras sem lögreglunni ber að stöðva?

Ekki finnst mér að hann ætti að fá einhverja sérstaka meðhöndlun bara útaf því hann er með merki, í búning og með kylfu..

[Ólafur (IP-tala skráð) 28.5.2008 kl. 16:42]

Það er út í hött að hinir 3 lögreglumennirnir séu samsekir. Þeir tryggðu að ástandið færi ekki í bál og brand með því að róa niður þá sem hrópuðu og kölluðu að lögreglumanninum. Það er ekki hægt að kæra og sakfella hina lögreglumennina fyrir eitt né neitt. Á ekki bara lögreglustjórinn að segja af sér vegna málsins!!! Engan æsing, réttlætinu verðr fullnægt.