Tvítug dóttir með þeim elstu

Dóttir mín fór á veitingastað á Akureyri á gamlárskvöld og að hennar sögn staldraði hún ekki lengi við. Hún hafði það á orði þegar heim kom að hún væri meðal þeirra elstu sem sóttu staðinn, það voru börn þarna sem höfðu ekki aldur til. Eftirlit þarf að auka, því margir veitingahúseigendur virðast ekki hafa áhuga að efla eftirlit.

Lokun eina ráðið við unglingadrykkju á skemmtistöðum

Athugasemdir

[Halldóra (IP-tala skráð) 5.1.2008 kl. 13:40]

Aukið eftirlit er ekki lausnin á drykkju unglinga. Ef krakkar vilja fara á fyllerí þá finna þeir leið hvort sem það er inn á skemmtistöðum eða einhverstaðar annarstaðar. Það er barnalegt að halda að boð og bönn hafi einhver áhrif á hvað fólk gerir. Eina lausnin er að upplýsa þessa krakka og kenna þeim sjálfstæða hugsun. Sköpunargleði og trú á sjálfinu er það sem skortir í samfélagi nútíma unglingsins. Þessir krakkar hafa ekki neitt annað að gera því þeim skortir ímyndunaraflið til þess að finna gleði í hversdagslegu lífi sínu. Drykkja er flótti og þangað til að krakkar skynja það að þeir hafa ekki neitt sem þeim langar til að flýja þá munu þeir drekka og neyta eiturlyfja áfram. Það sama á við fullorðið fólk. Er ekki besta leiðin að kenna krökkum að lifa vel með því að lifa vel sjálfur? Teach by example.

[Sigurður F. Sigurðarson, 5.1.2008 kl. 13:50]

Það er líka nauðsynlegt að nafngreina staðina og kæra þá til lögreglu ekki bara kvarta og kveina.  Það þarf líka að framkvæma annars heldur þetta alltaf áfram og bargestir verða yngri og yngri.

[Anna (IP-tala skráð) 5.1.2008 kl. 15:51]

Víst er það rétt, að við þurfum að uppfræða börnin okkar og vera þeim góð fyrirmynd.  En engu að síður þarf samfélagið allt að taka þátt og ein leið til að hjálpa okkur við uppeldið, er að fara að lögum.  Skemmtistaðir mega ekki vera opnir unglungum undir 18 ára aldri og við eigum að kæra þegar slíkt gerist.  15 ára dóttir mín fór í Sjallann í sumar og skrapp á barinn.  þar keypti hún sér bjór og var byrjuð að drekka hann þegar dyraverðir komu, tóku af henni bjórinn og settu hana út fyrir.  Henni sjálfri fannst þetta kynlegt, það var eins og þeir vissu að hún væri undir lögaldri, en vildu fá aðgangseyrinn og aðeins gróða af henni á barnum áður en henni skyldi hent út.  Ég kærði málið og Steini Pé var mér þakklátur.  Hann sagði mér að ein kæra væri ekki nóg til að hafa árangur sem erfiði og nú vona ég að allir foreldrar sem láta sig velferð barna sinna einhverju varða, flykkist til lögreglu og kæri til lögreglu þegar börnum þeirra er hleypt inn á skemmtistaði með 18 ára aldurstakmark.