Húsnæðisverð

Góðan daginn. 

Já getur manni ekki blöskrað þetta háa húsnæðisverð sem hefur rokið upp síðasta áratuginn. Að eiga tugi miljónir í eign skiptir ekki einstaklinginn máli á meðan búið er í húsnæðinu og heldur ekki ef eiginaskipti eiga sér stað. Það sem skitpir máli er þegar fólk er að kaupa sér húsnæði og á ekkert fyrir.

Að mín mati er tímabært að koma húsnæðisverði niður hið fyrsta með öllum tiltækum ráðum, það er ekkert sem mælir með svo háu verði. Fasteignasalar hljóta hagnast á slíku ofurverði, því ekki hefur gjaldskrá þeirra lækkað í takt við hækkun verðs. Hvað mælir með því að þeir stuðli að lækkun húsnæðisverðs, spyr sá sem ekki veit.

Ég hjó eftir því í viðtali við einn fasteignasala að við yrðum að gæta að þeim sem skulda mikið, en er það ekki forræðishyggja. Það má segja að þeir sem æddu af stað til að  taka 90 -100% lán hafi látið ginnast af gylliboði og þjóðin á ekki að  blæða fyrir það.

Að sinni...Helga Dögg