Íþróttaúr og skart hættulegra en karlmaður í kvennaliði

Kyngervlar (trans) mega lifa sínu lífi og vera eins og þeir eru, gera það sem þeir vilja þangað til réttindi annarra skerðast.

Menn hafa hent þeirri bábilju fram að tilvist kyngervla sé neitað eða einhver sé á móti þeim. Það á ekki við rök að styðjast.

Tilvist trans hafnað! Aldeilis ekki.

Hins vegar eru kyngervlar og aðgerðasinnar mjög fljótir að breyta merkingu orða manna sem hugnast ekki transhugmyndafræðin. Þeir hika ekki við að segja það fólk á móti tilvist kyngervla. Öllu snúið á hvolf. Áróður í baráttu.

Hér er gott dæmi um það hvernig kvengervlar hafa valtað yfir réttindi kvenna. Á Sjálandi í Danmörku þorði knattspyrnusambandið (DBU) ekki að standa með stúlkum og banna kvengervlum að keppa í kvennaflokki.

DBU bannar íþróttaúr í kappleikjum, vegna hugsanlegra meiðsla og skartgripi, en ákvörðun þeirra,um að karlmaður sé tekin sem líffræðileg kona í íþróttir og einkarými, skapar enga hættu. Hér greinir mönnum á, brotið á réttindum kvenna í nafni trans hugmyndafræðinnar. Og þá, rísa menn upp sem vilja vernda konur og stúlkur.

Skartgripir og íþróttaúr metið hættulegra fyrir fótboltastelpur en karlmaður sem spilar sem kona á móti þeim! 

Knattspyrnusambandið á Sjálandi vill ekki setja sig í dómarasæti um hver sé kona og hver karl segja þeir. Af þeim sökum er þeim sama um öryggi kvenna. Og takið eftir, þetta er bara í flokkum þar sem bestu fótboltamenn spila ekki. Í efstu deildum er þetta ekki leyft. Merkilegt að kennitala (kyn sést í kennitölu í DK) ráði för upp að vissu marki af því þeir þora ekki að standa með stelpum.

En af hverju taka ekki þessir háu herrar hlutlausu leiðina og nota líffræðina. Hún lýgur ekki. Eina rétta viðmiðið eftir að yfirvöld leyfðu mönnum að ljúga til um kyn sitt í skráningu, kynrænt sjálfræði.

Hvað sameinar stúlkur í kvennaflokki, er það kennitalan?

Er það ákveðinn fatastíll utan vallarins?

Er það hárgreiðslan?

Eða er það ákveðin tegund hugafars?

Hvað eiga stúlkurnar sameiginlegt með strákum og karlmönnum sem skilgreina sig konur sem eru metnir ,,sem sams konar?“

Jafnréttislögin kveða skýrt á um líffræðilegu kynin, kvenkyn og karlkyn.

Með því að hleypa karlmönnum inn í kvennafótboltann hindrar DBU að stúlkur og konur keppi á jafnréttisgrundvelli.

Knattspyrnusambandið segir hvoru tveggja, að þeir vilji „leiða“ innleiðingarstarf og þróa kvenna- og stelpuíþróttir. Það er erfitt að sjá hvernig þessi tvö markmið samræmast þegar drengjum og körlum er komið inn á völl stelpna og kvenna.

Umfjöllun um málið.