X í vegabréfi er ekki sannleikanum samkvæmt

Mikil umræða er hér á landi, einhliða að sjálfsögðu, um réttmæti Bandaríkjanna til að hafna þeim sem skrá X í stað kyns í vegabréfið. Danir mega þetta líka, skrá X í vegabréfið.

Ótrúlegt, við látum hafa okkur af fíflum

Það er í reynd ótrúlegt að ríki heims skuli sameinast um að skrökva að fólki. Það er ekkert í líffræðinni, staðreyndum eða vísindum, sem segja að X kyn eða ,,eitthvað annað“ sé til. Þegar ólög um kynrænt sjálfræði var samþykkt, hér og víða annars staðar, ákváðu stjórnvöld að hægt væri að skrökva að fólki. Óskilgreint kyn var allt í einu fundið upp og menn geta skráð sig sem slíkir. Hvílík lítilsvirðing við lýðinn.

Í Danmörku þarf ekki ,,lagaleg kynskipti“ til að fá X skráð í vegabréfið. Maður þarf bara að skrifa yfirlýsingu um að maður uppfylli eitt af þessum þremur skilyrðum. Huglægu skilyrðum.

• Að maður upplifi að tilheyra hinu kyninu
• er kynhlutlaus (hvað sem það nú merkir)
• að maður skilgreinir sig ekki sem maður eða kona (ætli köttur eða hundur sé leyfilegt?)

Þeir sem töluðu fyrir þessu sögðu þetta til hagræðingar fyrir þá sem líður illa í eigin skinni og minnki líkur á að þeir yrði teknir afsíðis í tollinum og vekti þannig athygli. En í reynd, er það ekki þannig ef þú ert með skráð X- kyn í vegabréfinu, þá vekur það meiri athygli en ella?

Bandaríkjaforseta líkar ekki lygin, frekar en megið af þjóðinni og sennilega öllum þjóðum ef út í það er farið, og ákvað að breyta þessu. Ameríka tekur nú mið af sannleikanum, kynin er tvö og því skal ríkið hætta skráningum á upplifun, tilfinningu eða skoðun fólks um hvað það sé. Fleiri þjóðir ættu að feta í fótspor þeirra.

Engin breyting á upplifuninni

Allir geta ferðast um allan heim með sannleikann í vegabréfinu; karl eða kona. Reyndar getur rangkynjun í vegabréfi haft alvarlega afleiðingar (sérstaklega fyrir stúkur) eins í tilfelli boxarans margumtalaða. Hann gat í nafni rangkynjunar í vegabréfi barið konur í boxhringum og hirt verðlaun kvenna.

Sá sem óskar að sýna upplifun sína opinberlega eða tilfinningu getur hagað sér eins og hann vill, klætt sig eins og hann vill, málað sig að  vild og haft hárið eins og hann vill. Það gerir viðkomandi ekki meiri konu eða karl. Það er nefnilega ekki, eins og margir halda, hægt að herma eftir hinum kyninu og halda því svo fram að maður sé það kyn. Meira þarf til, líffræðin verður að fylgja með. Einfalt.

Mörgum finnst það ekki einfalt

Trans-aðgerðasinni í Danaveldi segir ,,Hvis man er transkønnet pige, så er man pige – med alt, hvad det indebærer.” ,,Ef maður er trans stelpa þá er maður stelpa með öllu því sem það inniber.“

Nei það er ekki svo. Viðkomandi hefur ekki á klæðum, getur ekki veikst af legslímuflakki, engin líffræðileg stækkun brjósta, vöðvar og bein eru stærri. Sá sem fæðist stelpa getur orðið ófrísk og fætt barn, haft barn á brjósti og fengið krabbamein í eggjastokka. Svo nei, strákur er ekki stelpa.

Trans-stelpa er tegund af strák sem skilgreinir sig sem stelpu af því innri upplifun (sumir segja andleg veikindi) segja honum það. Líkaminn er og verður karlmanns.

Herskylda og kynin

Í Danmörku fellur hernaðarskylda niður ef menn ,,skipta um lagalegt kyn“, stelpur eru ekki skyldaðar í herinn. Bersýnilega munur á kynjunum.

Enn sem komið er kemur það ekki að sök, því sjálfboðaliðar eru nógu margir í danska hernum. Drengir eru sjálfviljugir þar og stunda m.a. nám.

Þegar stríðsóðu konurnar í Danmörku, ESB og á Íslandi hafa sitt í gegn gæti það breyst, herskylda að nýju.

Ákjósanlegast er að ríkisvald haldi sig við sannleikann um kynin eins og önnur mál.

Gamalt heilræði segir; ,,Að ljúga að öðrum er ljótur vani. Að ljúga að sjálfum sér hvers manns bani.“

 

Athugasemdir

[Sigurður Kristján Hjaltested, 14.3.2025 kl. 09:08]

Sniildarpistill og svo sannur.