Barnamálaráðherra lætur eins og hann hafi tekið við embætti fyrir viku eða svo!

Það er þyngra en tárum taki að hlusta á barnamálaráðherra tjá sig um hinn hörmulega atburð sem átti sér stað á Stuðlum. Votta aðstandendum samúð mína. Það eru ekki til orð sem lýsa því hve sárt það er að missa barnið sitt.

Rætt var við Ásmund ráðherra barna og menntunar í landinu. Bloggari skilur ekki hvernig maður sem hefur verið í ráðherraembætti í nokkur ár skuli tala eins og hann hafi tekið við fyrir nokkrum dögum. Hann harmar að kviknað hafi í, að sjálfsögðu, en svo gefur hann í skyn að það hafi verið ástæða þess að svona illa gangi í þessum málaflokki. 

Segi eins og Davíð Bergmann, þér ber að víkja sem ráðherra. Ekkert í embættisfærslum ráðherrans réttlætir að hann sitji áfram. Kannski sjá kjósendur til þess að hann komi ekki nálægt ráðherraembætti meira.

Málaflokkurinn hefur mætt afgangi hjá ríkisstjórninni það sjá það allir sem það vilja sjá. Ásmundur hefur verið of upptekin við annað, m.a. að kippa samræmdum prófum úr gildi án þess að nokkuð komi í staðinn. Orðspor ráherrans verður ekki á jákvæðu nótunum þegar hann hættir, það er nokkuð ljóst.

Hér er frétt og spjall við Davíð Bergmann.

Athugasemdir

[Jóhann Elíasson, 26.10.2024 kl. 12:34]

Já, hann er ótrúlega óforskammaður og siðblindur......