Talibanar og Ástralar þagga niður í konum

Þegar konur tala opinberlega reyna ofbeldisfullir karlar að þagga niður í þeim.  Fyrir tveimur vikum Í Melbourne þurftu 100 lögreglumenn til að vernda 20 konur gegn árásum karla og í Brisbane þurftu 60 lögreglumenn til að vernda konur svo þær gætu talað opinberlega. 

Ríkisstjórnir vilja koma í veg fyrir að konur tali og setja lög í Ástralíu til að loka á þær.  Það er sameiginlegt milli Talíbana og áströlsku ríkisstjórnarinnar, og allra annarra ríkisstjórna í Ástralíu, til að sýna hatur sitt á konum.

Vissulega eru ástæður þöggunar ólíkar en engu að síður, þagga á niður í konum. Tjáningarfrelsið er í hættu víða um heim. Ekki bara hjá Talibönum. Ef vestrænu þjóðirnar hætta ekki árásum á tjáningarfrelsið, staðreyndir og sannleikann endum við eins og Talibanarnir.

Trans-aðgerðasinnar og ákveðinn hópur trans-kvenna vilja líka þagga niður í konum. Það er gert með ofbeldishegðun á kvennafundum, dómsmálum og kærum um hatursorðræðu þegar sannleikurinn er sagður. Sumir ganga svo langt að óska eftir atvinnumissi kvenna sem segja sannleikann.

Athugasemdir

[Ingólfur Sigurðsson, 29.8.2024 kl. 14:52]

Talibanar ganga allra lengst í feðraveldi og ég viðurkenni að mér finnst þeir öfgahreyfing. Engu að síður, Vesturlönd með sínum femínisma/mæðraveldi eru hinar öfgarnar og verri. Hér fækkar barneignum og fólkið deyr út, og hinseginleikinn er hluti af ástæðunni, sem við erum kannski sammála um að er einhverskonar múgæsing. Ég vil ekki banna konum að tjá sig eins og Talibanar, en tel samt að Vesturlönd gætu lært sumt af Talibönum og lagað ástandið þannig á Vesturlöndum. Ég tjái hrifningu mína á Talibönum því ég hef gaman af að hneyksla og í því er sannleikskorn, ég dáist að því að þeir gefa ekki afslátt af trúnni, sem aðrir gera. Ég mun halda áfram að lýsa aðdáun á Talibönum, vegna fyrirlitningar á vestrænni ómenningu í heild sinni. Þú ert dæmi um konu sem gerir mikið gagn með að tjá sig, svo ekki væri tjáningarbann gott í heild sinni, heldur að sannfæra aðra með rökum, reyna það, eins og er kosturinn við vestræn samfélög, þótt úti í skurði séu samt.