Karlar sem gefa sig út fyrir að vera konur

Trans-konur eru ekki konur. Góð vísa er aldrei of oft kveðin í þeim efnum. Þeir eru ákveðin tegund af karlmanni. Fæddir með xy- litninga, typpi og pung. Litningunum er ekki hægt að breyta en vissulega má fjarlægja ytri líffræði. Innri líffærin breytast ekki.

Redduxx heldur úti snjáldursíðu þar sem upplýst er um þessa ákveðnu tegund karlmanna. Margt fróðlegt má lesa þar.

Trans-aðgerðasinni á Nýja Sjálandi, sem hefur mjög áberandi í baráttu sinni fyrir að karlmenn sem upplifa sig sem konu fái aðgang að kvenna íþróttum og einkarýmum þeirra varð uppvís af að dreifa óviðeigandi myndum og sumar þeirra af börnum. Hann segist vera lesbía. Já öllu má nafn gefa. Sjá hér.

Trans-kona sem er karlmaður og barnaníðingur var aftur dæmdur í þriggja og hálfs árs fangelsi fyrir kynferðisbrot gegn börnum. Hann notar nafnið Abigail Wallar og í réttinum var persónufornafnið ,,hún” notuð um hann. Árið 2021, meðan hann var í fangelsi, byrjaði Waller að skilgreina sig sem ,,konu" og nota nafnið Abigail eða "Abi". Hann krafðist þess að starfsfólk fangelsisins vísaði til hans með því að nota ,,hún" fornafnið.

Konur eiga að spyrja sig, sættum við okkur við það að karlmenn geti misnotað kyn okkar svona heiftarlega. Er ekki tímabært að konur rísi upp og mótmæli þessari tegund karlmanna sem þykjast vera eins og við, konur! Sjá hér.

Hér má lesa dæmi frá Skotlandi þar sem trans-kona er yfirmaður kvennaathvarfs og vildi reka hvern þann sem aðhylltist ekki trans-hugmyndafræðinni sagði vitni fyrir dómstólum.

Kvennaathvörf eru nú í hættu en J.K. Rowling hefur bent á þessa hættu. Fyrir vikið uppskar hún skítkast, vægt til orða tekið.

Kanada, trans-kona, kynferðisafbrotamaður, barnaklám og langvarandi löngun til barna. Sjá hér.

Er veröldin ekki dásamleg þegar karlmenn geta breytt skilgreiningu á konu sér í hag. Samfélögin þurfa að vakna og breyta lögum um kynrænt sjálfræði. Ákvörðun ríkja að setja þessi lög hefur kostað börn og konur mikið.

Það er ekkert litróf konu til. Annað tveggja ertu fædd kona eða ekki. Háhælaðir skór, farði eða kvenleg föt gerir menn ekki að konu!

Athugasemdir

[Ómar Geirsson, 2.2.2024 kl. 14:39]

Og það þarf ekkert að ræða frekar.

"Annað tveggja ertu fædd kona eða ekki. Háhælaðir skór, farði eða kvenleg föt gerir menn ekki að konu!".

Hins vegar má vorkenna fólki sem gengur fyrir björg forheimskunnar, það er önnur saga.

Kveðja að austan.