Álfhildur Leifsdóttir formaður kennara á Norðurlandi vestra

fór mikinn á ársfundi Félags grunnskólakennara í haust. Þar viðraði hún ,,réttu“ skoðanirnar sem hún telur að aðrir eigi að hafa í málefnum barna sem glíma við ónot í eigin líkama. Á móti, þessari réttu skoðun, átti að álykta gegn persónulegum skrifum bloggara sem þá var formaður Bandalags kennara á Norðurlandi eystra. Álfhildur, sem er kennari, telur skoðanir og vitneskju bloggara rangar og eigi ekki að heyrast. Tjáningarfrelsið í hávegum haft hjá kennaranum. Hún talaði sem formaður kennarafélags.

Álfhildur situr líka í bæjarstjórn á Sauðárkróki.

Markmið Álfhildar með ræðu sinni var að setja þekkingu og skoðanir bloggara niður sem eru:

• Að hormónalyfjagjafir séu börnum hættulegar og hafa miklar aukaverkanir, m.a. ófrjósemi og beinþynningu.
• Að veita eigi börnum sem líður illa í eigin skinni sálfræðiaðstoð.
• Að leyfa eigi börn að vera eins og þau eru í stað þess að setja þau í box, eins og aðgerðasinnar trans hreyfinga og fylgifiska þeirra vilja, líka hér á landi.
• Að fræðsluefni Samtak 78 eigi að vera valfag fyrir nemendur í íslenska skólakerfinu.
• Að ekki eigi að beita foreldra þvingunum eða segja þeim ósatt þegar kemur að börnum sem líður illa í eigin skinni.
• Að kynin séu ekki fleiri en tvö, en kynhneigð margs konar
• Að hægt sé að skipta um kyn, því það er ekki hægt. Kona ber ávallt XX-litninga og karlmaður XY-litninga.
• Að skilgreind kona, líffræðilegur karlmaður með kynfæri sem slíkur, hafi ekki aðgang að rýmum kvenna eða íþróttum.

Stjórnarmaður í Félagi grunnskólakennara fór í pontu til að taka undir orð Álfhildar, Kolbrún Guðmundsdóttir. Kolbrún er líka kennari, gegnir starfi svæðaformanns á Suðurlandi og starfar hjá Félagi grunnskólakennara. Ekki hægt að túlka veru hennar í pontu á annan veg en hún hafi talað í starfi. Þess vegna var hún á téðum fundi.

Þær stöllur hafa kannski annan fróðleik og skoðanir en bloggari, það gerir þeirra fróðleik ekki sannari eða réttari. Hvað þá að skoðun þeirra á málaflokkum sé sú rétta. Langt í frá. Oflátungsháttur einkenndi báðar dömurnar.

Bloggari hafði eina reglu þegar hann gegndi starfi formanns BKNE, að ræða ekki málaflokkinn sem slíkur né á þeim vettvangi nema vera spurður. Það gerðist aldrei. Bloggari hélt þá reglu á þessum fundi og því var spraðabössunum, sem vita betur en bloggari að eign sögn, ekki veitt andsvar. Bloggari er haldinn viljafestu þegar kemur að gildum, lögum og reglum, líka það sem snýr að honum.  

Engin ástæða er til að svara fólki sem setur sig á háan hest og telur sig hafa hinar einu réttu þekkingu og skoðanir. Dömurnar gerðu það, fyrir utan tónfall og líkamsburði, mátti heyra drambið. Engin forsenda fyrir samræðum enda ekki það sem þær vildu. Fordæming var eina hugsun þeirra og ætlunarverk.

Það má vissulega spyrja sig hvort spekingarnir, Álfhildur og Kolbrún, geti talað svona sem formenn og starfsmaður Félags grunnskólakennara. Hver og einn svarar því!

Hvort þessi kjánalega ályktun, sem Álfhildur fór af stað með, hafi litið dagsins ljós veit bloggari ekki. Svona ályktun segir meira um þann sem leggur hana fram og þá sem samþykkja en um málefnið sem ályktað er um.

Þrýstihópar hafa orðið ansi stór ítök í kennarastéttinni.

Dömurnar tvær og kannski fleiri riddarar með réttar skoðanir ættu að lesa þennan fróðleik. Hann á kannski vel við gjörðir þessara einstaklinga.

Ef ætlarðu að svívirða saklausan mann,
þá segðu aldrei ákveðnar skammir um hann,
en láttu það svona í veðrinu vaka,
þú vitir, að hann hafi unnið til saka.

En biðji þig einhver að sanna þá sök,
þá segðu að til séu nægileg rök,
en náungans bresti þú helst viljir hylja,
það hljóti hver sannkristinn maður að skilja

og gakktu nú svona frá manni til manns,
uns mannorð er drepið og virðingin hans,
og hann er í lyginnar helgreipar seldur,
og hrakinn og vinlaus í ógæfu felldur,

en þegar svo allir hann elta og smá,
með ánægju getur þú dregið þig frá,
og láttu þá helst eins og verja hann viljir,
þótt vitir hans bresti og sökina skiljir.

Og segðu hann brotlegur sannlega er
en syndugir aumingja menn erum vér,
því umburðarlyndið við seka oss sæmir,
en sekt þessa vesalings faðirinn dæmir.

Svo leggðu með andakt að hjartanu hönd,
með hangandi munnvikjum varpaðu önd,
og skotraðu augum að upphimins ranni,
sem æskir þú vægðar þeim brotlega manni.

Já, hafir þú öll þessi happsælu ráð,
ég held þínum vilja þú fáir náð,
og maðurinn sýkn verði meiddur og smáður,
en máske að þú hafir kunnað þau áður.

Athugasemdir

[Óskar Kristinsson, 3.12.2023 kl. 20:25]

Kærar þakkir Helga Dögg! Fyrir þitt innlegg í þessa Þvælu sem davos svikahrapparnir eru að troða inn í skólana okkar.SKÖMM sé þeim.

[Sigurður Kristján Hjaltested, 4.12.2023 kl. 01:52]

Algjorlega sammála Óskari.