Felix þú ert ekki svona vitlaus!

Það hefur sannast fyrir áratugum síðan að börn eru áhrifagjörn og börnum sem líður illa leita sérstaklega allra leiða til að láta sér líða betur og þegar þau sjá alla aðdáunina, stuðninginn og æðið í kringum aðra transmanneskjur þá að sjálfsögðu langar þeim líka í þetta, ekki styðjið þið börnin svona þegar þau eru bara þau sem þau eru þegar þau fæddust, fullt af börnum lögð í einelti, fullt af börnum sem passa ekki inn, börn sem eru misnotuð, beitt ofbeldi, eru þunglynd, kvíðin og hrædd þið mætið ekki svona í kringum þau og klappið allt upp sem þau gera svo að sjálfsögðu leita sum þeirra í þetta og halda að þetta sé málið, að þegar þau reyni að breyta um kyn þá muni allir styðja þau. Það þarf ekki annað en að skoða tiktok til að sjá stuðningin og aðdáunina sem einstaklingar fá sem kalla sig trans, eina sem gerir þau öðruvísi en hin börnin er að þau er er að fylgja tískubólunni sem er búið að heilaþvo börnin með að öll transbörn eigi skilið skilyrðislausan stuðning meðan hin sita enn ein útí horni þar sem öllum er sama um þau.

Þú hefur gott af því að horfa á reynslusögu þessarar stelpu.

Og þessarar hérna sem komst ekki að því fyrr en of seint að hún var í raun og veru lesbía ekki strákur.

Krakkar fæðast ekki öll með þá vitneskju að þau séu samkynhneigð, þau fara oft í gegnum mörg skeið áður en þau sættast við það að vera samkynhneigð nema núna eru þessi skeið meitluð í stein og þau sita uppi með varanlegan skaða!

Engar stelpur vildu breyta um kyn eða voru trans áður en þetta komst í tísku í dag hefur orðið 4000% prósenta aukning og út af fólki eins og þér er verið að bregðast þessum stúlkum sem eru í flestum tilfellum að díla við allt aðra fylgikvilla en halda að breyta sér í strák muni breyta öllu.

Farðu að vakna maður og hættu að mála þig svona fáfróðan, það er ekkert líkt með baráttu samkynhneigðra og trans.

Transfólk og sérstaklega trans-konur eru með yfirgang og eru að hirða réttindi af konum, þær eru búnar að fara fram á að konur mega ekki lengur skilgreina hvað konur eru, konur mega ekki kallast því sem þær eru heldur er búið að troða forljótum forskeyti við Cis- sem var bara fundið upp til að láta trans líða betur með sjálfa sig.

Konur eru konur og ekkert annað, þær þurfa ekki forskeyti og konur mega setja mörk, ég veit að það er þér sem karlmanni erfitt að skilja en þær mega það og þær mega segja NEI við alla sem eru með typpi sama hvaða nafni þeir kallast. Það sem þú ert núna að gera er að drulla yfir konur og gefa í skyn að þegar þær vilji setja mörk þá séu þær haturfullar, hver er það sem er með hatrið núna? Ert það ekki þú og hinir sem haga sér eins og þú?

Lesbíur eru EKKI með typpi og typpi geta ALDREI kallað sig lesbíur eða ertu búin að endurskilgreina hvað samkynhneigð er? Snérist það kannski aldrei um að laðast að sama kyni? Ert þú kannski til í að vera með píku í dag? Er það það sem þú ert að segja að hommar laðist líka að píkum?

Það er ótrúlegt hvað þú og fleiri getið gengið langt í þessu og út af ykkur er þetta bakslag í baráttu transfólks, það voru engin vandræði fyrr en farið var að krefjast alls konar af konum til að búa til pláss fyrir karla sem halda að þeir séu konur, og það er alltaf gengið lengra og lengra, fyrst áttum við bara að samþykkja trans-konur sem höfðu farið í aðgerð á alla staði sem við erum, svo bara kemur í ljós að fæstar af þeim ætla sér í þessa aðgerð og ætla bara að vera með sín karlmannskynfæri og þá eigum við bara að halda kjafti og samþykkja manneskjur með typpi þar sem við erum berskjaldaðar, skítt með alla þolendur kynferðisofbeldis af völdum karla, af völdum typpa þær konur þurfa bara að læra að þegja og sætta sig við að typpin ráða öllu.

Transsexual eru trans-konur heyrðist einu sinni, svo var það trans-konur eru konur, og konur eru cis-konur!

Þetta er svo manipulative. Sem betur fer finnast enn trans-konur af gamla skólanum sem hafa engan áhuga að yfirtaka allt sem konur standa fyrir, sem kalla sig ekki konur, sem kalla sig transsexuals og sem standa með konum í þeirra baráttu.

Þú ert partur af vandamálinu sem og Rúv sem virðist vera útibú fyrir samtökin 78 og fjalla bara um hlið þeirra, þau virðast hafa gleymt því að konur eru helmingur þjóðarinnar og helmingur þeirra sem borga fyrir Rúv.

Hér er flott grein fyrir að kynna þér til að sýna þér og hinum sem eru með stöðugan hatursáróður gagnvart konum um hvað er að þessari hugmyndafræði.

 

Þetta er svar hópsins Barátta XX-kvenna fyrir öryggi við orðum Felix Bergssonar. Birtist í athugasemdakerfi Ruv og á snjáldursíðu hópsins. Felix vill heimila andlegt ofbeldi á ungum stúlkum sem þurfa að afklæðast í einkarýmum kvenna með karlmönnum sem skilgreina sig sem konur og eru með karlkyns kynfæri. Pössum börnin okkar.

Athugasemdir

[Bjarni (IP-tala skráð) 18.8.2023 kl. 15:38]

Skil reyndar ekki þessa viðkvæmni fyrir nekt.  Held að allir sem komnir eru á grunnskólaaldur viti fullkomlega hverig hitt kynið lítu út nakið. Var á stað í Frakklandi þar sem voru hundruðir naktra karla og kvenna voru saman komin. Karlarnir voru ekki sprangandi um með spertan sprellan að góna á píkur, það voru allir sultuslakir.

[Helga Dögg Sverrisdóttir (IP-tala skráð) 18.8.2023 kl. 16:12]

Sæll Bjarni.

það er ekki spurning um að vera hræddur við nekt. Við erum að tala um karlmann sem skilgreinir sig sem konu fái aðgang að kvennarými þar sem barnungar stúlkur eru, með kynfærin undir sér. Og öfugt. Þetta er ekki spurning að vita hvernig karl eða kona lítur út heldur að vera í návígi við hitt kynið nakið inn í búningsklefum t.d. sundlauga, dekurstofa o.fl. Ég er ekki viss um að strákar á 13. ári séu sáttir við að fá skólasystur sína inn í búningsklefann þegar farið er í leikfimi sem dæmi. Vonandi hefur það ekki gerst hér á landi en menn þora varla að segja frá eða mótmæla vegna öfgahóps trans-einstaklinga. Facebook

Velji foreldrar að fara með börn sín á nektarnýlendur er það í góðu lagi. Þeir bera ábyrgð á börnum sínum.

Við sem samfélag eigum ekki að samþykkja að börn séu útsett fyrir þetta, en lögin um kynrænt sjálfræði opnuðu á það sem ég vil kalla andlegt ofbeldi barna. Við eigum heldur ekki að opna á að trans-kona fari í kvennafangelsi, hefur enn ekki reynt á það hér á landi. Kannski einn góðan veðurdag. 

Víða nota trans-einstaklingar aðstöðu fatlaðra eða séraðstöðu. Allir sáttir við það, enda slíkt fyrirkomulag til fyrirmyndar. Þannig á það að vera, ekki einstakling af gagnstæðu kyni inn í rými kvenna eða karla. 

[Bjarni (IP-tala skráð) 19.8.2023 kl. 00:11]

Ég skil vel að fólk sé spéhrætt, sérstaklega ungt fólk. Hinsvegar hefur leyndarmáli Viktoríu löngu verið afhjúpað og það er satt besta að segja ekkert sérstaklega merkilegt.

Mörgum þykir óþægilegt að baða sig nakið innan um aðra,þó það sé af sama kyni. Þetta er eitthvað sem venst með aldrinum.  Útlendingum finnst þessi regla um að þvo sér nakið áður en farið er í sund bæði einkennileg og óþægileg.

Persónulega væri mér sama þótt kynin væru með sömu búningsaðstöðu, hinsvegar hef ég engan sérstakan áhuga á því að fara í kvennaklefan,það er ekkert þar sem ég hef ekki séð margoft áður.