Má segja sannleikann um transmann- í Noregi

Máli gegn Christina Eline Ellingsen í Noregi var fellt niður. Lögreglan tók 8 mánuði í að skoða málið. Christina var kærð fyrir hatursumræðu gegn karlmanni sem sagðist vera lesbísk kona. Mikill sigur hjá Christinu og ég vona að barátta hennar haldi áfram í Noregi og nái víða um heim. Því miður eigum við ekki slíka baráttukonu sem berst fyrir réttindum kvenna á þessu sviði. Í færslu á snjáldursíðu sinni fer Christina yfir málið. Auðveld norska.

Hún segir m.a. (lausleg þýðing er mín)

,,Til að taka þetta saman: Jentoft er karlmaður sem heldur því fram að hann sé lesbísk móðir og vinnur sem ráðgjafi í samtökunum FRI þar sem hann er ráðgjafi í kyn og kynhneigð. Í janúar kærði hann mig fyrir hver einustu samskipti sem við áttum á Twitter á einu ári og kærði mig fyrir brot á 185 grein, banni við hatursorðræðu. Þegar lögreglan opnaði málið var hann í samráðsvinnu og kom fram í sjónvarpsrökræðum.

Ég er fyrrverandi háskólakennari lærð í gagnrýnum kenningum í hugvísindum og líftækni og efnafræði frá verkfræðifagi, en varð aktívisti í fullri vinnu þegar ég uppgötvaði að fólk í bókstaflegri merkingu heldur því fram hægt sé að skilgreina kyn við hugsanagang, að setja fólk á ófrjósemislyf í tilraunaskyni og þannig skipt um kyn, að karlmenn geti haldið fram að þeir séu lesbískir og þegar konur minna þá á að lesbíur hafa ekki typpi þá eru þær sagðir fara yfir mörkin en ekki þeir karlmenn sem útsetja þær fyrir kynferðisleg áreitni.”

Hér getið þið lesið færslu Christina Eline Ellingsen Í færslunni talar hún um þann fjölda stúlkna sem hafa eða vilja skipta um kyn, ekki bara í Noregi heldur víða um heim. Athyglis- og athugunarvert. Chistina lítur á það sem kvennabaráttu að karlmenn geti ekki skilgreint sig sem konu og fengið aðgang að öllu þar sem konur eru, s.s. búningklefum, íþróttum.

Enn sakna ég fjölmiðlanna hér á landi...af hverju fjallar enginn um málaflokkinn af fagmennsku ekki meðvirkni.

Athugasemdir

[Vagn (IP-tala skráð) 14.12.2022 kl. 15:09]

Niðurfelling, hvort sem það er hatursumræða eða nauðgun, segir ekkert um sekt eða sakleysi. Og er langt frá því að vera heimild til að stunda verknaðinn.

"Fagmennskan" sem þú kallar eftir er sama fagmennska og þeir kalla eftir sem vilja ræða kosti Hitlers, eðlilegt kynlíf með börnunum, örflögur í bóluefnum, flata jörð og eðlufólkið frá Mars sem öllu ræður. Skrítið fólk með undarlegar hugmyndir býður og býður eftir faglegri umfjöllun um sitt stórmerkilega rugl.

Það er orðið úrelt að nota útlitseinkenni sem mælikvarða á starfsemi huga og heila og flestir fjölmiðlar forðast það.