Innræting í skólum rædd

í þingmannanefnd breska þingsins. Transmálefni barna. Hér má hlusta á upptökuna. Spyr mig hvernig vogar kennari sér að segja börnum í fyrstu bekkjum grunnskólans að hægt sé að fæðast í röngum líkama, eins og einn þingmaðurinn nefnir. Innræting að mínu mati. Engar staðreyndir.

Eins og þessi maður segir, það er ekki hægt að fæðast í röngum líkama. Hvet ykkur til að hlusta á hann, skýrar er ekki hægt að segja þetta. Litningar stjórna líffræðilegu kyni ekki hugurinn. Látum börnin vera. Fræðum þau miðað við aldur. Hvað fullorðnir gera kemur okkur hins vegar ekki við óski þeir breytinga á líkama sínum.

Talað er um innrætingu kristinnar trúar, hugðarefni. Sama á við um marga kennara þegar kemur að kynjunum, þau eru tvö allt annað er í huganum. Ekkert að því að upplifa sig sem annað kyn, en köllum þetta réttum nöfnum. Foreldrar í Bretlandi vakna nú hvert af öðru upp við vondan draum um þessa innrætinu í skólum landsins. 

Athugasemdir

[Vagn (IP-tala skráð) 10.12.2022 kl. 15:46]

Margir telja þá hugmynd að kynin séu bara tvö eins úrelta og að hægt sé að lækna homma og að börn fæðist sem óskrifað blað og uppeldið ráði síðan kynvitund og kynhvöt. Að útlitseinkenni ráði hvernig heilinn starfar og þess vegna eigi þau að ráða. Drengir leiki sér með bíla, byggi kofa, sláist og fari í öfuga og ósamstæða sokka. Stelpur leiki sér með dúkkur, haldist í hendur, elski uppvask, glimmer og að klæðist bleiku. Annað sé hið mesta óeðli sem beri að koma í veg fyrir með öllum ráðum. Útlitseinkenni við fæðingu eiga að ráða framtíð og hamingju. Íhaldssamir foreldrar í Bretlandi vakna nú hvert af öðru upp við vondan draum um þennan skort á réttri innrætinu og uppeldi í anda Viktoríu og Alberts í skólum landsins.

Eitt afsprengi þess að telja heilastarfsemi stjórnast af útlitseinkennum er sú langlífa trú að fólk með dekkri húð, fötlun eða brjóst sé ekki eins hæft til stjórnunarstarfa og láti betur að vera undirmenn þeirra sem hugsa. Heilinn starfi best í fólki með fullkominn líkama og typpi, og þá helst hvítu.