Sigga Dögg hvetur unglingsstúlkur sem skilgreina sig annað

kyn en þær fæddust að heimsækja lækni og fá blæðingar stöðvaðar og aðrar eðlilegar breytingar í tengslum við kynþroskann. Strákar geta það ekki. Hún virðist ekki tala um hættuna sem fylgir þessum gjörningi. Foreldrar vitið þið þetta? Er þetta ekki hlutverk foreldra að fræða börn sín um. Hafið þið skoðað efnið ágætu foreldrar. 

Sigga Dögg þykir góður kostur í grunnskólann til að kenna um kynfræðslu, en er þetta það sem foreldrar vilja að börn sín séu frædd um. Vita foreldrar af þessu, spyr bara. Þurfa foreldrar ekki að vakna upp af Þyrnirósarsvefninum og fylgjast með kynfræðslu barna sinni. Er ekki ráð að taka það í eigin hendur. Margar staðreyndarvillur virðast á sveimi um kynin og kynvitund. Í USA og Englandi hafa foreldrar vaknað upp við vondan draum þegar kemur að kynfræðslunni. Ýmislegt farið þar fram sem foreldrum mislíkar. Umræða í Danmörku er á sama veg, menn vilja vita hvað börnum er kennt. 

Sigga Dögg fer gegn líffræðinni. Engin stelpa er án píku, það er bara ekki rétt. Strákur sem skilgreinir sig stelpu er ekki líffræðileg stelpa og fer því ekki á blæðingar. Í alvöru foreldrar látið þið þetta viðgangast?

Enn ein staðreyndarvilla Siggu Daggar er að alls konar fólk fer á túr. Nei það passar ekki. Líffræðin úthlutaði konu leg og eggjastokka sem veldur að kona fer á túr, ekki strákar sem skilgreina sig sem konu. Kynvitund er ekki líffræðileg og því fer Sigga Dögg ekki með rétt mál í fræðslu sinni að mínu mati. Kalla enn eftir viðbrögðum foreldrar, á að kenna börnum þessa staðreyndarvillu?

Fá konur sáðlát. Hef ekki heyrt um það. Sáðlát geta þeir fengið sem hafa typpi og pung. Líffræðin úthlutaði karlkyninu þau líffærum svo kona sem skilgreinir sig sem karl getur ekki haft sáðlát. Staðreyndarvilla.

Hugurinn hins vegar getur ákveðið kynvitund fólks á ólíkan hátt. Líffræðinni er ekki breytt. Sigga Dögg getur það ekki, Daníel hjá Samtökum 78 getur það ekki, líffræðingar geta það ekki.

Ekkert athugavert að fólk skilgreini sig annað kyn en það fæddist en staðreyndum líffræðinnar verður ekki breytt. Hér má lesa og hlusta á viðtal við norskan prófessor. 

,,Advarer mot at unge mennesker foretar irreversible valg som kan hindre dem i å få barn senere."

Myndirnar úr bókinni eru óskýrar, en það má rýna í textann. Bók sem ætti klárlega að banna vegna staðreyndarvillu líffræðinnar í nokkrum liðum.

Athugasemdir

[Loncexter, 1.12.2022 kl. 17:49]

Þetta er orðið dæmalaust sorglegt hvað fullorðið fólk þarf að vera að hringla í ómótaðri kynvitund barna og unglinga. 

Versta er, að allskyns fræðingar og háskólaspírur hrúgast inn í menntakerfið með alls kyns nýja ,,speki" og kenna hana látlaust um allar trissur og fá góð laun.

Eftir að háskólinn fyllti landið af hámenntuðum fræðingum af alls kyns tagi, hafa sjálfsmorð og hjónaskilnaðir stóraukist, og segir það mér að bullið sem kemur upp úr þessum fræðingum skemmir oftar frekar en græðir.

Og til að halda þessum fræðingum gangandi, á að hrúga til landsins alls kyns menningu og framandi fólki sem oftar en ekki þarf á mikilli hjálp og fræðslu að halda. 

Launþegar/skattgreiðendur þessa lands borga hærri og hærri skatta til að þessa hringekja gangi og gangi lon og don.

Eina leiðin til að halda uppi skynsamlegu og eðlilegu þjóðfélagi, er að draga snarlega úr fjölmenningu og snúa skólakerfinu að orði Guðs. En eitthvað segir mér að það sé orðið of seint, og ekkert fólk á þingi hefur lengur gáfur til að skilja biblíuna.