Nú skal kúga þá til hlýðni í böðunum

Nú skal þvinga og kúga stjórnendur sky Lagoon til hlýðni. Fram kemur á Mannlíf að ,,Leikkonan Saga Garðarsdóttir hvetur konur til berbrjósta hópferðar í Sky lagoon baðlónið." 

Í stað þess að virða reglur staðarins og fara annað þar sem konur mega vera berbrjósta skal ÞVINGA þá til hlýðni. Við höfum orðið vör við svona aðferðir.

Kúgun myndu margir kalla svona aðferðir. Vona að stjórnendur láti ekki kúga sig á þennan hátt og standi á rétti annarra gesta sem kæra sig ekki um berbrjósta konur í lóninu.

Athugasemdir

[Vagn (IP-tala skráð) 19.7.2021 kl. 19:19]

Já, við talibanarnir verðum að standa á okkar rétti og láta ekki kúgast. Síðan mætti alveg banna ófríðar, gamlar og feitar konur úr sundlaugum, eða takmarka verulega frelsi þeirra til að sýna sig. Hver kærir sig um að horfa upp á þannig konur? Eins ánægjulegt og það er að horfa á þykk og loðin karlmannsbrjóst þá kærir sig enginn um sköllótta mjólkurkyrtla kvenna. Setjum þær í kufla og hyljum andlit þeirra og vísum þeim í sérstakar laugar afsíðis. Og ef staðarreglur eiga að gilda og njóta virðingar þá ættu óléttar og vanskapaðar að fara á sér kassa þar sem verslun setur þær reglur. Konur ættu ekki að fá aðgang að skemmtistöðum nema í fylgd karlmanns, vilji vertinn setja þá reglu. Látum ekki einhverjar aumar kellingar kúga okkur og neyða til að horfa á ófögnuðinn sem þær eru. Konur eiga hvorki að sjást né heyrast og klæðnaður þeirra vera ákveðinn af feðrum og bræðrum. Stöndum saman gegn ofríki kellinga.