Herkænska- bera börnin fyrir sig

Nú þegar málefni Samherja er komið upp á yfirborðið ræða margir um málið. Spillingarmálið. Öllum er ljóst að rannsóknar er þörf. Nú grípa margir til herkænskunnar og minna menn á að fara gætilega. Börn, fjölskyldur og vinnuafl Samherja er undir. Höfðu stjórnendur sína nánustu í huga, verkafólkið sitt og fjölskyldur í huga þegar þeir tók ávörðun um að arðræna Namibísku þjóðina auðlindum sínum. Efast. Nei hér er um einstaklinga að ræða sem tóku ákvörðun á eigin forsendum. Það kom þeim enginn í þessa stöðu. Sjálfskaparvíti. Gengdarlaus græðgi. Stórmennskubrjálæði réð för samkvæmt gögnum sem liggja fyrir.

Sonur Samherjaforstjórans sýndi hæfileika sína að svara fyrir sig þegar hann hitti fyrrverandi Seðlabankastjóra, þar skein hroki og yfirlæting úr kauða. Hann mun spjara sig.

Mjög slæmt þegar eitt fyrirtæki á allt í einu byggðarlagi og heldur þannig byggðinni í kló sinni. Auðvitað færi Dalvík mjög illa út úr því ef Samherjamenn tækju allt sitt þaðan eins og þeir hafa gert við aðrar byggðir. Sama með Akureyri, ítök þeirra eru of mikil. Hverjum dettur í hug að sjávarútvegsráðherra sé með geislabaug?

Málið er þess eðlis að rannsaka á það ofan í kjölinn, hratt og vel.

Gott að hafa í huga að viljir þú eiga hlutdeild í frægðinni þarftu líka að geta tekið aðfinnslunum. Þessu vilja menn gjarnan gleyma.

Þórður hjá Kjarnanum orðar þetta vel. ,,Fjórða stigið er að fórn­ar­lamba­væða þá sem urðu upp­vísir að brot­un­um, með því að mála upp mynd af þeim sem hluta af heild, ekki ein­angr­uðum ein­stak­lingum sem í krafti stöðu sinnar og valda tóku vondar ákvarð­an­ir. Það er gert með því að bera fyrir sig starfs­menn, fjöl­skyldur og sér­stak­lega börn."

Athugasemdir

[Vagn (IP-tala skráð) 16.11.2019 kl. 16:47]

"Höfðu stjórnendur sína nánustu í huga, verkafólkið sitt og fjölskyldur í huga þegar þeir tók ávörðun um að arðræna Namibísku þjóðina auðlindum sínum. Efast. Nei hér er um einstaklinga að ræða sem tóku ákvörðun á eigin forsendum. Það kom þeim enginn í þessa stöðu. Sjálfskaparvíti. Gengdarlaus græðgi. Stórmennskubrjálæði réð för samkvæmt gögnum sem liggja fyrir."       Og hvaða gögn eru það? Sögusagnir starfsmanns sem var rekinn eru ekki gögn. Frjálsleg túlkun fréttastofu sem hefur áður orðið uppvís af tilefnislausum árásum á fyrirtækið eru ekki gögn. Að ræða hugmyndir og spyrja spurninga er ekki glæpur. Að reka fyrirtæki og vera með bankareikninga í öðrum löndum er ekki bannað. Að kaupa þjónustu lobbíista, almannatengslafyrirtækja og ráðgjöf er löglegt og stundað í flestum löndum. Að reka fyrirtæki með hagnaði og leitast við að fá aðföng á hagstæðasta verði er ekki arðrán. En að er fátt auðveldara en að gera það tortryggilegt.

„Kæru samstarfsmenn í Samherja.    Í morgun komst ég óheppilega að orði við seðlabankastjóra í hita leiksins í húsakynnum Alþingis. Orðaval mitt var ekki sæmandi og hefði ég gjarnan kosið að hafa valið kurteisislegri orð.    Í rétt sjö ár hefur Samherji setið undir ásökunum seðlabankans. Engin stoð hefur verið fyrir ásökunum bankans allan þennan tíma. Þetta hefur óneitanlega tekið á okkur öll sem þykir vænt um fyrirtækið, fjölskyldur okkar og starfsmenn.     Þegar við héldum að loks væri runnin upp sú stund að afsökunarbeiðni kæmi frá seðlabankanum var enn haldið áfram að réttlæta aðfarirnar. Við þær aðstæður fannst mér óviðeigandi að seðlabankastjóri nálgaðist föður minn kumpánlega og bað ég bankastjórann um að láta það ógert. Orðalagið við það tilefni gekk of langt. Mér þykir það leitt og vona að Alþingi og þið liðsfélagar mínir virðið mér þetta til vorkunnar.“      Augljóslega fullur hroka og yfirlætis, er það ekki Helga? Menn eiga náttúrulega að taka því vel og brosa þegar valdamikill maður eins og Seðlabankastjóri tekur sér 7 ár í tilefnislausar árásir með aðstoð RUV.