Verður varla samkvæm sjálfri sér...eða flokksins!

Katrín hafi uppi stór orð um gjörning dómsmálaráðherra um skipun dómara. Þegar Sjálfstæðisflokkurinn hafði rétt henni sæti forsætisráðherra mildaðist hún. Á ekki von á að hún tjái sig með afgerandi hætti. Henni þykir of vænt um sætið sitt rétt eins og hinum ráðherrum og þingmönnum Vg. Þeir eru í reynd máttlaus verkfæri í höndum Sjálfstæðismanna.

Brandari að fylgjast með síðu Bjarkeyjar Olsen Gunnarsdóttur sem reynir eins og rjúpa við staur að setja það fáa jákvæða inn á snjáldursíðuna sína. Hún gerir eins og aðrir þingmenn Vg skautar framhjá öllu sem verulega skiptir máli í samfélaginu. Maður brosir út í annað!

Forsætisráðherra tjáir sig ekki strax

Athugasemdir

[Ragna Birgisdóttir, 13.3.2019 kl. 14:12]

Ef að sigríður segir ekki af sér og Katrín ver þennan hörmulega gjörning kvikna eldar á Austurvelli. Held að 75% þjóðarinnar sé búið að fá nóg enda síðasta hálmstrá þjóðarinnar fallið sjálft réttarkerfið.25% þjóðarinnar eru siðblindingjar.

[Helga D Sverrisdóttir (IP-tala skráð) 13.3.2019 kl. 15:14]

Mildasta afleiðing þessa klúðurs. Dómsmálaráðherra stígur til hliðar í stað þess að segja af sér. Ríkisstjórnin, Alþingi, á sína sök og virðast ekki ætla að axla ábyrgð. Þar á meðal eru Miðflokks- og Framsóknarþingmenn sem sátu hjá og sáu til þess að ólögglegur gjörningur Sigríðar fór í gegnum þingið. Að sitja hjá er sama og samþykkja.