Sammála og þingmenn eiga að sýna fjölskyldu sinni virðingu

Við eigum ekki marga góða þingmenn. Við eigum ekki marga þingmenn sem starfa samkvæmt almennu siðgæði eða siðfræði. Kráarþingmennirnir hafa sýnt það og sannað eina ferðina enn. Virðist vera keppni meðal þingmanna. Alveg sama hvað gengur á, segi ekki af mér. Lýðurinn verður að sýna þeim að þeir fóru yfir strikið. Lýðurinn verður að sýna þeim að þeir eigi að axla ábyrgð.

Nú er svo komið að sögur berast af Gunnari Braga fullum á sýningum sem á ekki við rök að styðjast, samkvæmt syni hans. Engin ástæða að rengja það. Hins vegar er athyglisvert að þingmaðurinn láti þetta yfir fjölskyldu sína ganga í stað þess að segja af sér. Kráarþingmaðurinn mun alla tíð verða bendlaður við málið. Menn munu grandskoða orð hans, ferðir og gjörðir á komandi árum. Er það á fjölskylduna leggjandi, spyr sá sem ekki veit.

Kráarþingmennirnir hafa misst trúverðugleika lýðsins. Þeim ber að segja af sér. 

Vilja Klaustursþingmenn ekki aftur á þing

Athugasemdir

[Guðmundur Ásgeirsson, 27.1.2019 kl. 14:45]

Gildir það sama um alla sem hafa stigið fæti inn á Klausturbarinn?

[Grímur (IP-tala skráð) 27.1.2019 kl. 15:21]

" þingmaðurinn láti þetta yfir fjölskyldu sína ganga" að logið sé upp á hann gróusögum og þær birtar á Vísi og lesna á Bylgjunni?

Ef þú kaust ekki þessa þingmenn þá hefur þú ekkert með að heimta þá af þingi

[Sigurður Kristján Hjaltested, 27.1.2019 kl. 15:48]

Og enginn motmaelir setu mesta glaepamanns Islands a thingi, Steingrims J. Kostadi almenning og thjod

tugi milljarda. En thad er i lagi, svo lengi sem hann gerdi thad ekki fullur.

Greinilegt er ad fyllerisraus er miklu alvarlegra heldur en allar thaer fjoldskyldur sem mystu allt sitt

utaf thessum landradamanni sem situr sem forseti things. Enginn motmaelir thvi og til fjandans med thessar

fjoldskyldur sem misstu allt sitt. Thad er ekkert alvarlegt midad vid fyllerisraus.

Thad er eitthvad mikid ad hja thjodinni ad sja ekki hverju aetti i raun ad vera ad motmaela.

Greinlegt er ad henni er ekki vidbjargandi. 

[Helga Dögg Sverrisdóttir (IP-tala skráð) 27.1.2019 kl. 15:50]

Grímur já þetta er afleiðing hegðunar kráarþingmannsins. Með þeirri framkomu sem þingmaðurinn hefur sýnt kallar hann leiðindi yfir fjölskyldu sína. Er ekki hlynnt að logið sé upp á neinn, hvorki þá sem kráarþingmennirnir töluðu um né þá sjálfa. Hafir þú lesið innleggið þá mun allt sem kráarþingmennirnir gera, segja og hegða sér vera undir smásjá. Það er slæmt þegar hugsa á um fjölskyldu sína. Þess vegna er vænlegra að mínu mati að þingmenn segi af sér en að leggja svona lagað á fjölskyldu sína. Hver er sinnar gæfu smiður.

Þegar þingmenn svívirða Alþingi, samstrfsmenn, siðferðisreglur og sverta þjóðina inn og út á við þá kemur okkur öllum það við. Löngu tímabært að landið verði eitt kjördæmi og eitt atkvæði sé eitt atkvæði. Í dag er atkvæðavægið ójafnt. 

Guðmundur í mínum munni eru kráarþingmennirnir á Klaustri þeir sem með ósvífnum hætti töluðu um fólk, ekki við heldur um. Verði aðrir uppvísir af slíkri hegðun eiga þeir sömuleiðis að segja af sér. Við þurfum að gera ríkari kröfur til þingmanna, burtséð frá í hvaða flokki þeir eru. Við fáum aldrei betra siðgæði meðal alþingismanna með svona áframhaldi. Þetta verður áfram sami sandkassinn. Kráarþingmennirnir benda á aðra sem eru verri en þeir...mistök. Það tekur ekki ábyrgðin af þeim eða þeirri staðreynd að þeir fóru langt yfir strikið. Lygar og þvæla sem á eftir fylgdi gerði málið ekki skárra.

[Halldór (IP-tala skráð) 27.1.2019 kl. 18:19]

Þingmaðurinn kallar ekki leiðindi yfir fjölskyldu sína, það er á fjölmiðlunum, ekki kenna fórnarlambinu þarna um glæpinn.

Þér að segja þá gæti mér ekki verið meira saman hvað þessir einstaklingar voru að raula um hvorn annan, það skiptir mig engu máli og ef þú heldur að hitt liðið á þingi sé eitthvað öðruvísi í glasi og einrúmi þá get ég lofað þér því að þér skjátlast.

Þú ættir frekar að vera agnúast út í fjölmiðla og pólitíska andstæðinga sem leggur þetta fólk í einelti. Þar liggur mesti sorinn.

[RAGNHILDUR H. (IP-tala skráð) 27.1.2019 kl. 18:29]

ÞAð er greinilegt að einsasamtöl sem tekin eru upp með ólöglegum hætti eru stærra mein þinum huga Helga en meint kynferðislegt áreyti  þinmanns Samfylkinarinnar ?  KLAUSTURFÓLK HEUR ENGAN SVIVIRT EÐA AFBROT FRAMIÐ .ÞVI SPJALL VIÐ KUNNINGJA FLOKKAST EKKI UNDIR NEITT SLIK  Ljotari samtöl hafa farið fram en ekki verið tekin upp af ólöglegum njósnara eða dreif á samfelagmiðla ..Og ræða um þetta fólk að hegðun  þess geti flokkast undir afbrot eða ofbeldi þá held eg að se komin timi þeirra sem þannig bulla forheimsku upp fyrir eyru að skoða sjálfa sig alvarlega  Það er hverjum hollt að hafa hemil á sjalfs sins hegðun áður en það  dæmdir að ósekju  Alþingingismenn er fólk sem ma fara á bar og ræða sin mál það gera flestir þingmen og fá ser eflaust margir bjorglas sem ekkert er við að athuga það gera þingmenn annara landa og það yrði hlegið að  okkur her ef fólk annara þinga kæmist að þessari vitleysu sem her gegur nuna   MEÐ fullri virðingu Helga skoðau sjálfs þin bresti og dæmdu svo !!!

[Margret S (IP-tala skráð) 27.1.2019 kl. 22:52]

Ég er sammála því að þessir umræddu þingmenn verði að segja af sér. Eigum við almenningur ekkert betra skilið? Jújú “við” kusum þetta segja sumir. En, traust almennings til umræddra klausturþingmanna hefur beðið hnekki. Og skýringar og lygar eins og GBS kom með eru til að kóróna allt saman. “Ég var í algjöru blakkáti í einn og hálfan sólarhring og man ekkert allan þann tíma”. Í nóvember sagði GBS við fjölmiðla að hann myndi eftir öllu kvöldinu. Orðstír þessara manna hefur beðið varanlega hnekki. Því miður.

[Halldór (IP-tala skráð) 28.1.2019 kl. 09:36]

Margret S, það eru margir þingmenn sem ég myndi vilja út af þingi á undan þessum aðilum, vissulega er það rétt hjá þér að við almenningur eigum betra skilið og þá á ég við um marga aðra en þá sem voru teknir upp á barnum, munurinn á þessum frá barnum er að þau voru "sek" um að tala um aðra á meðan það eru margir á þingi töluvert hættulegri þjóðinni á þingi þessa dagana, ég myndi alltaf kjósa kjaftaska fram yfir aðila sem svína á almenningi með gæluverkefnum og útblæstri í ríkisbákni. Það kostar alla.

[Helga Dögg Sverrisdóttir (IP-tala skráð) 29.1.2019 kl. 17:56]

Margar og misjafnar skoðanir koma hér fram, gott. Mér sýnist þjóðin ósammála um hvort menn eigi að segja af sér eður ei. Kannski er ástæða þess að þingmenn segja aldrei af sér. Almenningur líður hverja misgjörðina á fætur annarri. Við berum í bætifláka fyrir afglapana og enginn vill vera fyrstur og því þrífst þessi óþrifnaður á Alþingi. Sennilega sitjum við uppi með það sem við eigum skilið á hinu háa Alþingi.