Löngu tímabært að taka gjald fyrir

Enn eitt dæmi um stað sem ætti að rukka inn á. Láta hvern mann borga 2000 kr. til að byggja upp göngustíga og svæðið. Við borgum í allar sundlaugar og því ekki í baðpottinn þarna. Þegar við loksins vöknum upp verður það vondur draumur og ferðamenn hafa skemmt marga staði. Að þarna fari mörg hundruð manna um, jafnvel þúsund, er með öllu ólíðandi. 

Engin vanþörf á landvörðum í Reykjadal

Athugasemdir

[Gústi (IP-tala skráð) 2.4.2018 kl. 12:07]

Ríkið er að fá um 8.000 í beinar skatttekjur á dag af hverjum ferðamanni. Auk þess sem fyrirtæki og starfsmenn sem þjónusta ferðamenn greiða einnig skatta. Skortur á peningum frá ferðamönnum er því ekki vandamálið og aukin skattheimta upp á einhverja hundraðkalla lagar það ekki. Á síðasta ári var ekki sótt um nema hluta af því fé sem eyrnamerkt var framkvæmdum á ferðamannastöðum.

Reykjadalur er ágætis dæmi um svæði þar sem enginn virðist bera ábyrgð, enginn á að sjá um svæðið og enginn sér sér hag í því að annast svæðið. Almannaréttur er sterkur og það er ekki fyrr en svæðið liggur undir skemmdum að Umhverfisstofnun getur lokað svæðinu.