Líttu þér nær Ragnheiður...hér á landi eru þau mörg

Ragnheiður fer mikinn í umræðu sinni um fimm ára dreng sem norsk stjórnvöld hafa forræðið yfir. Það vildi ég óska að Ragnheiður létu þau börn sem þetta er gert við á Íslandi sig málið varða. Það eru margar mæður sem hindra umgengni barna þeirra við feðurna og ekkert gerist. Rangheiður mætti svo sannarlega koma að þeim mannréttindabrotum sem á sér stað. Ég á meira að segja tvö barnabörn sem brotið er á...og ekkert stjórnvald virðist hafa neitt í höndunum til að aðstoða þau. Og ekki hef ég séð eða heyrt í Ragnheiði sem sérstakan talsmann barna sem njóta ekki þeirra mannréttinda að eiga samvistir við föður sinn og móður. Líttu þér nær Ragnheiður, skoðaðu stöðu barna á Íslandi sem hafa mátt þola mannréttindabrot í skjóli laga og reglna stjórnmálamanna í mörg ár.

Mannréttindi brotin á fimm ára dreng

Athugasemdir

[Anna Sigríður Guðmundsdóttir, 5.10.2016 kl. 23:24]

Helga Dögg. Hvað ert þú að meina?

Það er nú einmitt brot á rétti samveru barns við foreldri, sem Ragnheiður Ríkharðsdóttir er að gera virkilega þarfar athugasemdir við! Það er að segja, hvernig Íslenska barnaverndarnefndar-forstjóraliðið ætlar að brjóta á rétti barns, (í skjóli óbarnvænlegra reglna kerfisins)! Brjóta á réttindum barns sem er Íslenskur ríkisborgari, og er á barnaverndarábyrgð Íslenskra yfirvalda? Barnið talar ekki einu sinni Norsku. Og hefur hvorki föður, né föðurfjölskyldutengsl í Noregi!

Talar ekki norsku, og á að senda það glæpsamlega landsstjóra-(hreppa)flutningaleið mannréttindabrotakerfisins, eins og réttindalausan bögglapóst til fólks í Noregi sem ekki skilur einu sinni tungumálið sem barnið talar!

Það er verið að tala um 5 ára gamalt varnarlaust barn!

Samt ætlar forstjóri Barnaverndarnefndar á Íslandi að "sjá til", hvort hann geti verndað barnið frá þessum skepnulegu barnaníðs "fráfærum" varnarlauss barns frá foreldri og fjölskyldu? Fráfærur voru víst algengar hér áður fyrr, í sambandi við skepnur í sveitum landsins!!!

En sumum virðist ekki bregða neitt sérstaklega mikið, þegar um mannréttindabrot á varnarlausum mannskepnu-börnum árið 2016 er að ræða, í svokölluðum siðmenntuðum "reglulega góðum", vestrænum kerfisskepnureglna nútímasamfélögum!

Svei þessu skepnulega barnaverndarkerfi á Íslandi og í Noregi, sem ekki tekur almennilega á alvarlegustu málunum, heldur dúllar sér við það fólk, sem ekki er ógnandi né hættulegt sínum börnum, né starfsfólki barnaverndarnefnda!

Hvar er hjartað statt, hjá þessu barnsvíkjandi pappírslobbýista-toppanna yfir/undirmannaliði barnaverndarkerfa Íslands og Noregs, (sumra, en ekki allra)?

Er dollaramerki brennimerkt á "barnaverndar"-hjarta þeirra banaverndarkerfis-svikara?

M.b.kv. 

[Hrólfur Þ Hraundal, 6.10.2016 kl. 11:42]

 Ég veit ekki alveg hvað það er sem þú kallar að fara mikinn Helga Dögg. 

En er ekki í lagi að Ragnheiður fjalli um málefni þessa fimmára drengs án þess að blanda í það mál öllum heimsins mannréttinda brotum?  

Finnist þér vöntun á umfjöllun um eitthvert málefni þá er þér ábyggilega heimilt að hefja hanna sjálf.  

[Eiríkur Einarsson (IP-tala skráð) 6.10.2016 kl. 19:56]

Hún stígur ekki alveg í vitið þessi Helga. 

[Helga Dögg Sverrisdóttir (IP-tala skráð) 6.10.2016 kl. 20:17]

Jú mér finnst í góðu lagi að Ragnheiður veki máls á blessuðu barninu og þeirri stöðu sem hann er í. Hann komst í þessa stöðu vegna neyslu móður sem hefur sem betur fer tekið sig á. Það sem ég undranst Hrólfur er að hér á landi búa mörg börn við mannréttindabrot sem þessi, verða viðskila við foreldrið sitt, án þess að þingmaðurinn hafi farið í ræðustól og krafist aðgerða. Ég er nú ekki einu sinni að ræða um allan heiminn, heldur á ÍSLANDI. Það er gagnrýnisvert, ekki að hún skuli tala fyrir barnið. Það er líka slæmt að móðir skuli flýja aðstæður því hún er forsjárlaus. Vonandi tekst Barnaverndarstofu að miðla málum þannig að drengurinn geti verið hér á landi. Ég vona líka að þeir þingmenn sem hafa tekið til máls, hugi að börnunum sem búa hér við mannréttindabrot og í langflestum tilfellum framin af móður.

Með kveðju, Helga Dögg