Maður undrast

Fagnaðarefni ef Bretar láta af því verða að banna slíkar ,,fegrunaraðgerðir" kvenna á píkunni. Í reynd ótrúlegt hvað kvenfólki dettur í hug, rétt eins og þær reki píkuna framan í alla til að sýna ,,fegurðina". Vona að lögin verði skerpt fyrr en seinna og Íslendingar geri slíkt hið sama.

Vill banna „hönnuð“ sköp

Athugasemdir

[Pétur D. (IP-tala skráð) 14.3.2015 kl. 16:20]

Hvernig væri ef (kven)fólk hætti að skipta sér af hvað aðrar konur geri við sín eigin kynfæri? Þær ráða sjálfar yfir líkama sínum, ekki aðrir. Og það er út í hött að líkja lýtaaðgerðum sem fullorðnar konur láta gera á sér sjálfviljugar við það ofbeldi á litlum stelpum sem tíðkast í Sómalíu og öðrum afrískum ríkjum, þar sem snípurinn er skorinn burt með ryðguðu rakvélarblaði af hálfblindum, gömlum kellingum skv. heimskulegri hjátrú, en sem hefur þann tilgang að koma í veg fyrir að þær fái nokkurn tíma eðlilegt líf.

[Davið (IP-tala skráð) 15.3.2015 kl. 02:14]

Er ekki verið að banna þetta vegna þess að konur eru neyddar í þetta?

Þetta er ekki beint einhvað sem konur sækjast í heldur eru Strángtrúaðir að ýta þeim í þetta vegna þess að þær eiga að skammast sýn fyrir kynlíf.

[Pétur D. (IP-tala skráð) 15.3.2015 kl. 16:44]

Jú, þær eru neyddar til þess, ef um umskurð er að ræða á t.d afrískum konum og um að gera að banna það í þeim tilvikum að snípurinn er fjarlægður. Hins vegar eru ótal margar "lýtasaðgerðir" gerðar á píkum að beiðni kvenna sem kjósa sjálfar að láta fjarlægja innri barma sem hanga niður á mið læri. Þetta eru tveir ólíkir hlutir sem á ekki að blanda saman. Því miður er fréttin frekar ruglingsleg hvað þetta varðar, teikningin sem fylgir og ljósmyndin varðar umskurð, en textinn fjallar um lýtaaðgerðir. Umskurður er ekki lýtaaðgerð, heldur limlesting sem byggir á afrískri heimsku og misrétti.

Og á meðan við erum að tala um umskurð, þá vantar tilfinnanlega mótmæli gegn umskurði á litlum strákum, sem er gjörsamlega ónauðsynleg læknisfræðilega og heilbrigðislega og ekkert annað en limlesting á litlum börnum, þótt ekki sé það eins grimmúðlegt og kvenlegur umskurður. Að gyðingar og múslímar gera það vegna heimskulegra trúarbragða sinna ber að fordæma, en hitt er illskiljanlegra, að næstum allir drengir í Bandaríkjunum eru umskornir og enginn veit hvers vegna.

[Guðrún (IP-tala skráð) 16.3.2015 kl. 02:49]

Heimskulegt mannréttindabrot og aðför að frelsi einstaklingsins. Sumar konur með "útlitsgalla" að eigin áliti sem hindrar þær í að lifa eðlilegu lífi, stunda kynlíf, eignast börn, tengjast öðrum og fær þær jafnvel til sjálfsmorð, þekkt dæmi eru um það. Sumar konur eru með svo stór sköp að þær minna helst á karlmann og líða sálrænar kvalir út af því. Ef það er hægt að hjálpa þeim og þær óska eftir því sjálfar, þá er grimmd og mannvonska að leyfa það ekki. Konur af ákveðnum menningarhópum sem hafa misst meydóminn eiga líka á hættu að geta aldrei eignast fjölskyldu og jafnvel hættu útskúfun fjölskyldunnar eða lífshættulegt ofbeldi, en fjöldi slíkra kvenna býr í Bretlandi og meira að segja eru dæmi um að þær hafi látið lífið. Það bjargar þeim mörgum að hægt er að fara í skaðlausa aðgerð sem endurskapar sama útlit og þær höfðu áður en þær misstu meydóminn. Þeir sem bera agerðir eins og þessar saman við limlestingar á fólki sem ekki sjálft kýs slíkar aðgerðir, oftast barnanýð gegn börnum og ungmennum, eins og female genital mutilation, eru ekki bara að sýna grófa vanvirðing við fórnarlömb slíks ofbeldis, heldur einnig við konur sem kjósa útlitsbreytingum af félagslegum eða sálfræðilegum ástæðum. Að vilja ráðskast um of með einkalíf annarra og banna þeim bjargir og leiðir til að nýta sér í lífinu við hamingjuleitina er valdnýðsla og kúgun sem Breska þjóðin mun vonandni forðast. Bretar eru ekki fallnir undir kreddur og alhæfingar og hafa til að bera mikla virðingu fyrir einstaklingsfrelsi og umburðarlyndi gagnvart því að fólk velji að fara ólíkar leiðir í lífinu og því ætti þetta ekki að verða að veruleika. Mismunandi aðgerðir á þessu líkamssvæði af ólíkum aðstæðum eiga jafn lítið sameiginlegt og brjóstastækkanir grunnskólabarna eða andlitsaðgerðir fórnarlamba alvarlegs bruna, sem sum hver sjá ekki frammá að geta framfleytt sér með neinu nema betli ef þau fara ekki í aðgerðina og lifa við sálrænar kvalir alla æfi.