Er ekki mikill stjórnmálamaður...en er efis!

Þá litu aðgerðir ríkisstjórnarinnar dagsins ljós. Varð hissa að lýðurinn og ríkissjóður standi straum af mestum hluta kostnaðarins, þvert á það sem Framsóknarmenn sögðu í kosningabaráttunni.

Mér sýnist á öllu að ríkissjóður og sveitarfélög verði af skattgreiðslum séreignalífeyrissparnaðar, sem reyndar tekjuhærra fólk hafði efni á, sem nemur einhverjum milljörðum ef fólk nýtir sér þetta almennt. Margir hafa nú þegar tekið út sparnaðinn og greitt skatt af honum, til að borga niður lánin sín. Oftar en ekki eru það þeir tekjulægri. 

Hitt er lottó-spil, lendir það á ríkissjóði eður ei. Landsmenn spila með hvort sem þeim líkar betur eða verr!

En sjáum hvað gerist næstu fjögur ár, vonum það besta, ekki annað hægt úr þessu. Kannski er þetta besti kosturinn úr því að ríkisstjórnin hætti ekki við þessar aðgerðir.

Njótið aðventunnar! 

Upphafið að endurreisn Íslands