Við framarlega í forsjármálum...o nei!

Það er mér hulin ráðgáta hvernig nokkur getur sagt að við stöndum okkur vel þegar kemur að forsjármálum. Karlar hafa í áratugi beðið í lægri hlut þegar kemur að forsjá eða föstu lögheimili við sameiginlega forsjá, svo mikið er óréttlætið. Að halda því fram eins og Fríða Bragadóttir gerir að við séu framarlega í málaflokknum er með ólíkindum. Orð hennar eru sögð í tengslum við mál Hjördísar og Kim en eins og flestir vita nam Hjördís börn sín á brott frá Danaveldi þar sem dómur fékk Kim í vil eftir þó nokkurt þras. Hægt er að lesa um málið á krækjunni hér fyrir neðan svo og ummæli fólks við greinagerðinni. 

 

Á síðunni: http://forrettindafeminismi.com/2013/11/23/brottnams-og-talmunarmal-hjordisar-svan-adur-obirt-gogn/

 

segir; 

 

Fríða Bragadóttir segir: 
24.11.2013 kl. 23:22

ég veit svo sem ekkert hvað er rétt í þessu máli, eða hvort annað foreldrið er hinu betra eða kannski ætti frekar að nota orðið skárra. en hins vegar hefur þetta tiltekna mál margsinnis orðið mannréttindanefnd ESB tilefni til athugasemda við danska félagsmálakerfið og réttarkerfið. meðal annars hafa þeir gert athugasemdir við að skýrslur sálfræðinga og leikskólakennara sem styðja ásakanir móðurinnar um ofbeldi hafi verið hunsaðar og svo hitt að danska kerfið virðist sjálfkrafa alltaf dæma forræði til þess foreldris sem er danskt sé hitt foreldrið erlent. og svo þekki ég til nokkurra barnaverndarmála í Danmörku og get fullyrt að þeir eru áratugum á eftir okkur varðandi barnalög og reglur um forræði, hljómar undarlega en er samt satt.