Danska húsnæðiskerfið

ASÍ hefur talað fyrir húsnæðiskerfi eins og tíðkast í Danaveldi. Einhverjum þykir það ekki raunhæfur kostur á meðan sumir aðhyllast því. Danska húsnæðiskerfið reyndist mér og fjölskyldu minni vel á meðan ég bjó þar. Engin verðtrygging á lánunum og því grunnforsenda að taka hana af hér áður en slíku kerfi verður komið á. 

Kerfið er á þann hátt að viðkomandi fær greiðslumat og fær að vita hve dýra eign hann getur keypt miðað við laun og eign.

Greiða þarf út ákveðna prósentu, sem sagt fjármagn úr eigin vasa, 5-10% eignarinnar. Síðan greiðist það sem Danir kalla bruttó greiðsla 4.531 d. krónur og nettó greiðsla 4.218 d.krónur. Mismunurinn á milli brúttó og nettó greiðslna er það sem íbúðareigandi fær í skattaafslátt hvern mánuð. Það má því segja að nettó greiðslan sé sá húsnæðiskostnaður sem fólk greiðir.

Hér má sjá dæmi um eign í Óðinsvéum: 

Heildarverð eignar: 770 þúsund. d.kr

Útborgun 40.000 d.kr

Bruttó: 4.531 d.kr.

Nettó: 4.218 d.kr.

 

Það væri margt vitlausara en að taka þetta kerfi Dananna upp, tekur tíma og verðtryggingin hverfur.

Kveðja, Helga Dögg