Myndir þú kona góð afhenda karlmanni túrtappa?

Góð vísa er aldrei of oft kveðin, skrýtin veröld sem við búum í. Ekki út af stríðunum sem geysa víða um heim, heldur kynjastríðinu.

Allt í einu eiga stúlkur og konur að viðurkenna karlmann sem konu og hann með pung og lim. Nei takk, aldrei.

Allt í einu eiga stúlkur og konur að viðurkenna að karlmaður geti haft á klæðum. Nei takk, aldrei.

Við getum undrast að svo margar konur, jafnvel kvenréttindakonur og femínistar, viðurkenna karlmann sem konu. Þær eru meira en viljugar til að hleypa þeim að nöktum líkömum stúlkna og kvenna. Af hverju? Konur sem hafa barist fyrir réttindum kvenna vilja nú sjá þau hverfa eins og dögg fyrir sólu. Gera konur réttindalausar.

Hver skyldi ástæðan vera, að stúlkur og konur séu svo lítils metnar hjá kvenréttindakonum og konum í háum stöðum, s.s. biskup, lögreglustjórar, rektor HÍ, kennurum á öllum skólastigum, skólastjórum o.s.frv., að þær eru tilbúnar að fórna þeim fyrir ímyndaða veröld karlmanna?

Hver skyldi ástæðan vera að þessar hámenntuðu konur sættist á að hylla kynjahugmyndafræði sem brýtur í bága við alþjóðalög og skaðar konur og stúlkur? Af hverju fórna þær eigin kyni fyrir draumaveröld karlmanna?

Því hærra menntunarstig því verr virðist þessum konum líka við réttindi stúlkna og kvenna. Í það minnsta eru þær viljugar til að fjarlægja kvennaorð og réttindi kvenna til að þóknast karlmönnum sem upplifa sig sem konur, hvað sem það nú þýðir.

Að vera kona er hvorki upplifun né tilfinning!

Túrtappar bara fyrir konur

Ef þú kona góð, sætir á salerninu og við hliðina á þér heyrist djúprödduð karlmannsrödd, getur þú gefið mér túrtappa? Ég var að byrja á túr og er ekki með neinn í veskinu mínu. Margar myndu skella upp úr, ef ekki allar. Að sjálfsögðu myndu konur segja; það fer enginn karlmaður á túr, gleymdu þessu og hunskastu út af kvennaklósettinu.

Allir vita að karlmaður hefur ekki not fyrir túrtappa, allavega ekki ef hann ætlar að nota tappann fyrir það sem hann er ætlaður. Vissulega finnast kjánar sem reyna að telja börnum, unglingum og misgáfuðu fólki trú um að karlmaður geti haft á klæðum.

Hve lengi eigum við að sætta okkur við að kjánarnir ljúgi?

Hér má hlusta á áhugavert viðtal.

Myndin er dæmigerð fölsun og falsfréttir. Enginn karlmaður fer á túr.