Fyrirtæki sem styðja trans-hugmyndafræðina

Það er nú ekki svo að maður fagni fjölbreytileika, sýni ást og hvað þeir kalla þetta allt sem á að falla undir trans-fánann. Nei þetta er pólitísk flöggun. Hreint og klárt. Verið er að flagga fyrir hugmyndafræði sem er svo umdeild að dómsmál hafa verið og eru í gangi vegna málaflokksins.

Kirkjan og margir skólar eru ekki undanskildir. Víða er trans-fánum og regnbogafánum flaggað.

Icelandair, Byko,Isavia lögðu málstaðnum lið og sennilega án þess að hafa hugmynd um pólitíska stefnu trans Samtakanna 78. Fyrirtæki blanda sér í hápólitískt efni. Myndu fyrirtækin flagga stjórnmálafána?

Sorglegt fyrir þá farþega sem hylla ekki þessa hugmyndafræði að þátttökunni skuli vera þröngvað upp á það á Keflavíkurflugvelli og í flugvélum Icelanair.

Rétt eins og með lögregluna á Íslandi verða menn að vita hvað þeir styðja með því að dreifa táknum pólitískra samtaka.

Skilja fyrirtækin hugmyndafræðina?

Við verðum að gera ráð fyrir að fyrirtæki skilji hugmyndafræðina og allt sem henni viðkemur, þar sem þau styðja hana á þennan hátt. Fyrirtækin gefa til kynna að þau trúi á, styðji og muni staðfesta trans sjálfsmynd – stelpur sem halda að þær séu strákar eða öfugt – þrátt fyrir að allt bendi til þess að þetta sé hættuleg nálgun. Það hefur m.a. Cass skýrslan fjallað um.

Fyrirtæki sem flagga fána og styðja umdeilda hugmyndafræði er og verður að vera vel að sér um hvað felst í því sem þeir styðja. Þeir eru nú einu sinni að vinna fyrir allan lýðinn, eða!

Við ættum ekki að hagræða líffræðinni til að fullnægja samfélagsumræðu sem einkennist í auknum mæli af tilfinningum og tækifærismennsku.

Félagsleg umskipti getur skapað börnum hættu

Í Cass skýrslunni  kemur fram að jafnvel félagsleg umskipti (t.d. að breyta nöfnum og fornöfnum) sé ekki hlutlaus athöfn og geti stuðlað að langtíma afleiðingum fyrir börn bæði sálrænum og þroskalegum. Skýrslan mælir með varfærinni, gagnreyndri nálgun á kynbundinni vanlíðan hjá börnum, sem miðast við vernd og klínískt eftirlit frekar en staðfestingu eins og tákn gera, s.s. fáninn.

Er sanngjarnt að fyrirtæki sem þjónusta alla landsmenn og útlendinga ætlist til þess að fjölskyldur, með ólíkar skoðanir, taki flöggun fánans og notkun annarra tákna sem eðlilegum hlut frá hlutlausum fyrirtækjum? Fána og tákn sem stangast á við það sem þau trúa á, sjá og vita?