Vitnað í Hæstaréttardóma á Íslandi í réttarsal í Danmörku, nánar tiltekið í Lyngby

Það var í hæsta máta undarlegt að hlusta á verjanda Nadiu Jacobsen, sem kærði Lotte Ingerslev, vitna í hæstaréttardóma sem féllu 2017 á Íslandi. Nadia kræði Lotte fyrir rangkynjun og að hafa dregið fortíð hans, sem hann sjálfur hafði birt í alls konar myndformi, fram í dagsljósið.

Um var að ræða dóma á Íslandi yfir mönnum sem fordæmdu samkynhneigða menn í tengslum við klámfengið námsefni í grunnskólanum sem var til umræðu á þessum tíma. Þeir voru fundnir sekir um hatursorðræðu. Það kom ekki á óvart miðað við það sem þeir sögðu um samkynhneigða karlmenn.

Bloggari ásamt formanni Samtaka 22 var í dómsal. Við ræddum málið í pásunni og síðan spjallaði formaðurinn við verjanda Lotte Ingerslev um hvað dómurinn í raun fjallaði, því verjandi Nadiu fór ekki alveg rétt með. Dómar Hæstaréttar á Íslandi eiga ekkert sameiginlegt við málið sem fjallað var um í réttinum í Lyngby eins og lögmaðurinn vildi láta í veðri vaka.

Ekki var minnst einu orði á sigur Páls Vilhjálmssonar og tjáningarfrelsið, en málið hans líkist málinu sem fjallað var um í réttarsalnum í Lyngby. Lotte er bloggari eins og Páll og tekur þátt í samfélagsumræðunni um trans-hugmyndafræðina.

Verjandi Lotte gat komið því að sem formaður Samtaka 22 benti honum á um íslensku dómana. Eftir situr spurningin, hvar náði verjandi Nadiu í dómana, því það er klárt mál, hann,,gúgglað“ þá ekki og enn síður að hann hafi þýtt þá yfir á ensku. Hef enga trúa á því.

Velta má upp spurningunni hvort og þá hver hefur bent honum á dómana, jafnvel þýtt fyrir hann valdar greinar, en það er klárt mál viðkomandi er íslenskumælandi.

Aumingja verjandi Nadiu áttaði sig ekki á Íslendingunum í dómssalnum sem létu vita af rangfærslunum.

Nú mega menn gefa ímyndunaraflinu lausan tauminn um hver einstaklingurinn er.