,,Vottað kyn“ ryður réttindum kvenna úr vegi

Það er áhugavert að fylgjast með framvindu trans-málaflokksins í Ástralíu, eins og víða annars staðar. Rétt eins og hér var það kvenforsætisráðherra sem stendur í brúnni til að mylja niður kvenréttindi.

Nú á sér stað vakning víða um heim. Og, það kallast ekki bakslag.

Hvernig er hægt að vernda réttindi kvenna þegar menn vita ekki hvað kona er! Hugsið um það.

Hér á landi var það Katrín Jakobsdóttir sem fór fremst í flokki til að afnema réttindi kvenna.

Ráðskonurnar þrjár, Kristrún, Þorgerður og Inga, halda réttindabrotum kvenna áfram. Þær taka ekki upp hanskann fyrir mannréttindi kvenna á Íslandi. Halda áfram að brjóta þau á bak aftur.

Nútíminn birti grein um mál sem fer fyrir alríkisdómstól í Syndey í upphafi næsta mánaðar. Snýst að öllu leyti um réttindi kvenna. Forsætisráðherrann þar í landi braut 150 ára gamla sögu kvenréttinda í landinu, KVENKYNS ráðherra.

Fyrrverandi forsætisráðherra Skotlands Nicola Sturgeon lék sama leikinn. Hún hefur ekki hugmynd um hvað kona er og gat því ekki varið réttindi þeirra.

Mette Fredriksen gerði konum í landinu mikinn grikk þegar kemur að réttindum kvenna. Það gerðist þegar ,,jurdisk kønskifte” (vottað kyn) var samþykkt.

Sanna Mirella Marin fyrrverandi forsætisráðherra Finnlands lét sitt ekki eftir liggja í til að rústa kvenréttinum þar í landi.

Gro Harlem Brundtland (AP) var forsætisráðherra Noregs, féll í sömu gryfju og afnam réttindi kvenna í Noregi. Hún lýsir áhyggjum sínum á ,,fölskum upplýsingum“ og ,,fölsku fréttum.“ Árið 2018 sagði hún ,,við erum að missa stjórnina á því hvað fólk er sagt". Í dag kynnir norska ríkið eigin stefnu um falskar upplýsingar m.a. um mörg kyn og að börn geti verið fædd í röngum líkama rétt eins og hinir ráðherrarnir.

Það er ekki að spyrja að þessum forsætisráðherrum.

Allar þessar konur eiga það sameiginlega að vera hliðhollar ESB og þeirri stefnu að trans-væða eigi börn. Því fleiri því betra. Í það minnsta er ekki hægt að lesa annað út úr stefnu ESB og Sameinuðu þjóðanna, afmá allt sem viðkemur konu og stúlku. Kynlaus tilvera er ofarlega  á óskalistanum og gelda sem flesta í gegnum það sem þeir kalla umönnun kyngervla, læknisfræðileg inngrip.