Lífsskoðunarfélagið Samtökin 78 ekki með kynfræðslu!

Að hafa þá lífsskoðun að kynin séu fleiri en tvö, og að hægt sé að skipta um kyn, að alls konar kynhneigðir (fyrir utan LGB) finnist má túlka sem lífsskoðun. Þegar samtök halda slíku fram má vissulega kalla þau lífsskoðunarfélag. Ekki vísa þau í sannleik eða vísindi svo lífskoðun hlýtur það að vera.

Jóhannes Þór Skúlason, sem setti aftöku Kirk í samhengi við skoðanir hans, segir að baráttu- og hagsmunasamtökin sé ekki með kynfræðslu í skólum. Hann hefur ekki svarað spurningunni hvað kynfræðsla sé. Merkilegt nokk.

Sagt er að kynfræðsla sé mikilvægur þáttur í námi barna á vef Jafnréttisskólans, sem ætti að leggja niður, en borgin heldur honum úti.

Þar segir: ,,Kynfræðsla í grunnskólum er grundvallaratriði í að tryggja að börn fái fræðslu um kynheilbrigði, mannréttindi og virðingu í samskiptum. Með því að innleiða kynfræðslu á skynsamlegan hátt er hægt að stuðla að     betri framtíð fyrir alla nemendur.“

Svo segir; ,, Nemendur læra um líkamlegan þroska einstaklinga og kynja (hér á auðvitað að standa kynjanna, því þau eru bara tvö), byggja upp skilning á mikilvægum gildum eins og kærleika, mannhelgi og félagslegu réttlæti. Þeir læra hvernig ólík kynhlutverk mótast og breytast, að meta áhrif fyrirmynda og staðalmynda og að gera sér grein fyrir eigin styrkleikum og veikleikum. Nemendur eiga einnig að geta gert sér grein fyrir mikilvægi gagnkvæmrar virðingar í samskiptum kynjanna.“

,,Við lok 10.bekkjar eiga nemendur að geta rökrætt kynheilbrigði, kyn- og staðalímyndir, afleiðingar eineltis og tekið virka afstöðu gegn ofbeldi ásamt því að gera sér grein fyrir eigin ábyrgð á líkamlegu og andlegu heilbrigði og ábyrgri kynhegðun.“

Margir efast um skynsemi þess að telja börnum trú um að þau geti skipt um kyn af því þeim líður illa í eigin skinni, en látum það liggja á milli hluta.

Að þessu sögðu, má velta upp hvort Jóhannes Þór Skúlason rugli saman kynlífsfræðslu og kynfræðslu? Lífsskoðunarfélagið sem hann er meðlimur í, trans Samtökin 78, segjast fjalla um mannréttindi, virðingu, sjálfsvirðingu,  upplifun eigin kyns og félaglega mótun barna o.fl. í þeim dúr þegar þau heimsækja grunnskóla landsins. 

Í því felst, hjá samtökunum, að nota orð eins og kynvitund (sem vísar ekki til kynfæra) og er eitthvað töfraorð fyrir óstöðug börn til að túlka eigin kyntjáningu, menn geti sér til um kyn, kynin eru fleiri en tvö o.s.frv. Ósannindi.

Páll Vilhjálmsson kennari og bloggari segir: ,,Transið kunni sér ekki hóf, krafðist viðurkenningar að karlar væru í raun og sann konur; að hægt sé að fæðast í röngum líkama og kenna skuli leik- og grunnskólabörnum þau ósannindi. Transöfgarnar eru bæði ósannar og ólögmætar, segir í  úrskurði hæstaréttar Bretlands.“