Biskupar og prestar skilja ekki það sem Trump gerir fyrir konur

Stuttu eftir að Trump tók við sem forseti hóf hann störf og gaf út tilskipanir. Ein tilskipunin setur hinsegin menninguna á sinn stað og segir það sem allir vita, kynin eru tvö.

Trump gaf út tilskipun um að opinberlega verða kynin bara tvö í Bandaríkjunum. Það verður framvegis einungis hægt að skrá sig karlmaður eða kvenmaður í opinberum skjölum eins og í vegabréfi, ferðaáritunum og þetta verður framvegis óbreytanlegt segir á síðunni Kønsdebat. Þetta á Ísland að taka upp, fyrr en seinna.  

Þessi nýja kynjastefna þýðir að ,,trans-konur“, karlmaður sem skilgreinir sig sem konu, er ekki viðurkenndur sem kona. Það þýðir m.a. að þessi tegund karlmanna fer ekki í kvennafangelsi. Stofnanir eins og fangelsi, kvennaathvörf og flóttamannabúðir eiga að taka mið af þessari stefnu ,,til að tryggja að einkarými sem hugsuð eru fyrir konur og stúlkur, séu ætluð kyni ekki sjálfsmynd.“

Trump afturkallaði tilskipun Biden-stjórnarinnar sem átti að binda enda á mismunun á grundvelli kynvitundar og kynhneigðar. Í framtíðinni verður að gera allar nauðsynlegar ráðstafanir til að ,,stöðva alríkisfjármögnun kynjahugmyndafræðinnar." Ekki er lengur heimilt að nota ríkisfé og skattfé til kynbundinna aðgerða: ,,Hver stofnun verður að meta skilyrði til styrks og óskir viðtakenda og tryggja að féð ýti ekki undir kynjahugmyndafræði."

Atvinnurekendur eiga framvegis að tryggja einkynja rými, sem vísar sennilega til salerna og búningsklefa, þó svo að ekki sé farið dýpra í það.

Trump hefur mörgum sinnum í kosningabaráttu sinni sagt að hann vilji fjarlægja karlmenn, sem skilgreina sig sem konur, og að vók hugmyndafræðin eins kynjafræði eigi að fjarlægja frá amerískum skólum. Þetta hefur ekki komið sem tilskipun eða lög enn sem komið er.

Hægt að sjá nánari skilgreiningu á heimasíðu Hvíta hússins.

Vókistar Íslands innan kirkjunnar

Biskup Íslands og margir klerkar landsins virðast ekki styðja baráttu kvenna sem vilja losna við karlmenn úr einkarýmum kvenna, fangelsum, kvennahvörfum og íþróttum. Það sést best á þeim skrifum sem hafa birst og stuðningsyfirlýsingu við vók biskup Bandaríkjanna.

Það er þyngra en tárum taki að viðkvæmasti hópur kvenna fái ekki stuðning klerkastéttarinnar á Íslandi.

Vók biskup Bandaríkjanna sagði ,,Það eru samkynhneigð og trans börn í fjölskyldum demókrata, repúblikana og óháðra...“ Það breytist ekkert. Fólk má vera samkynhneigt og trans ef það skilgreinir sig þannig. Það getur áfram kallað sig allt mögulegt, ríkisvaldið mun bara ekki skrá það í opinber gögn. Það má flagga sínum fána áfram, ríkið mun ekki gera það. Íslenskar stofnanir ættu að taka það sér til fyrirmyndar. Hér á landi eru bæði kirkjur og skólar notaðir sem áróðurtæki.

Það er í reynd trans-hreyfingar sem gera aðsúg að samkynhneigðum, sérstaklega lesbíum. Enn og aftur, konur þurfa að gefa eftir fyrir karlmönnum. Trans-hreyfingarnar vilja að karlmenn, sem skilgreina sig sem konur, geti verið lesbíur og hafi aðgang að þeim hópi kvenna rétt eins og í fangelsum, íþróttum og kvennaathvörfum.