Klefamenning í íþróttum- ábyrgð foreldra

Mikil umræða hefur skapast um klefamenningu í íþróttum. Veit ekki hverjum menn vilja kenna um. Helst karlmönnum samkvæmt kynjafræðingum. 

Eitt er víst hjá yngri börnum eru það foreldrarnir sem bera höfuðábyrgð. Þegar ungir iðkendur fara í sturtu eftir leiki eða æfingu er það verk foreldra að fylgja börnum sínum inn til að gæta að slæm klefamenning myndist ekki. FORELDRAR! Mæður og feður.

Drengir haga sér öðruvísi en stúlkur, um það deilir enginn. Stúlkur skapa líka slæma klefamenningu sem kynjafræðingurinn Hanna Björg talar ekki um. Kannski af því það eru stúlkur. Fyrirlitning, augngotur, ljótar athugasemdir um árangur og útlit fljúga í klefanum. Hlátur þeirra sem efstar eru í goggunarröðinni að hinum. Eitruð framkoma kvenna.

Foreldrar eiga og geta komið málunum í betri farveg, mæður og feður. Mætið í klefa barna ykkar, fylgist með og komið hegðuninni í réttan farveg. Málum er ekki öðruvísi farið í íþróttahreyfingunni en grunnskólum.

Alist börn upp við heilbrigða klefamenningu frá upphafi má búast við að hún endist út ævina.

Missir lífsviðurværi vegna árása

kvenna sem hafa þegið bætur og kúgað fé til styrktar Stígamótum. Konurnar vinna eins og vírus í tölvu. Afleiðingar af svona vírus eru miklar fyrir einstakling sem verður fyrir barðinu á honum. Hvergi hægt að fá bætur. Þórhildur og vinkonan mun ábyggilega ekki borga Kolbeini bætur vegna umfjöllunarinnar um óviðeiganda hegðun hans. Þeim fer betur að geysast eins og stormsveipur í fjölmiðlum sem kokgleypa allt sem sagt er. Hjarðhegðun er vel þegin en þeir sem vilja skera sig úr fá ekki rými í fjölmiðlum.

Las á snjáldursíðu: ,, Núna er kominn tími á að krefja þessar konur sem eru að hópast um að koma með margra ára gamlar ásakanir um einhvern ætlaðan verknað, að koma með sannanir fyrir þessum kjaftasögum! Ellegar þegja héðan í frá!“ Hanna Björg Vilhjálmsdóttir spúir eitri sínu víða og eflist eftir því sem fleiri liggja í valnum. Hún minnir mig á stríðsmenn Talibana sem valta yfir allt og alla, í nafni kynjafræðinnar. Sama má segja um öfgahópa sem vilja ekki réttlæti heldur valta yfir samfélagið. Gerir lýðurinn ekki eins og hópurinn segir og vill eru þeir úthrópaðir. Eftir höfðinu danska limirnir og margir fjölmiðlar dansa eins og öfgahópar vilja. Skömm að því.