Fánytjuhjal vélstjórans á Tenerife

endurspeglaðist í Mannlífi í gær. Þar kúgar hann vini sína til að taka afstöðu með eigin skoðunum. Biðlar til að þeirra að yfirgefa hópa sem hann segir með hatursorð í garð hinsegin eins og vélstjórinn er. Menn mega ekki hafa aðra skoðun en vélstjórinn. Svei mér þá, hótaði hann þeim ekki vinasliti ef þeir hlýddu ekki!

Á íslensku er þetta skoðanakúgun eða ofstæki. Hann færir ekki rök fyrir máli sínu. Hann færir heldur ekki rök fyrir máli sínu af hverju konur (það eru bara til konur með XX-litninga) fara svona í taugarnar á honum að hann notar niðrandi orð um þær. Orð vélstjórans eru dæmigerð fyrir hinsegin umræðuna frá fólki eins og honum.

Vélstjóranum hugnast transhugmyndafræðin og lifir samkvæmt henni. Lífsskoðun sem hentar örhópi í samfélaginu, sem er vel. Lífsskoðunarfólkið í örhópnum hefur vaðið yfir íslenskt samfélag og Alþingi sem breytir lögum til að þóknast örfáum. Aðallega á kostnað kvenna. Reyna á við tungumálið líka, vonandi segja skynsamir menn stopp, hingað og ekki lengra.

Konur, sem eru í mikilli meðvirkni, mótmæla því miður ekki nógu kröftuglega yfirgangi og frekju lífskoðunarhópsins. Vélstjórinn setur út á snjáldursíðuhópinn ,,Barátta XX- kvenna fyrir öryggi.“ Vélstjórinn lætur þær fá það óþvegið. Að konur beri út hatur, misrétti og fyrirlitningu svo ég fari orðrétt með.

Það felst engin fyrirlitning í að konur vilji fá að vera í friði fyrir körlum í einkarýmum sínum. Það felst ekkert misrétti í að konur vilji fá að halda kvennaorðum, orðum sem eiga við um konur, fyrir sig og inn í tungumálinu. Það er engin fyrirlitning í að kalla ekki karlmann konu þó hann skilgreini sig sjálfur sem slíka og vilji lifa sem kona. Hann er það ekki, XY-litningarnir segja annað sem og kynfæri karlmanns.  

Það finnst ekki hatur, misrétti eða fyrirlitning að hoppa ekki á lífskoðun hinsegin fólks. En vissulega á að virða ákvörðunarrétt hvers og eins. Það á ekki að þvinga einn eða neinn til að nota hvorki orð sem hann vill ekki né að hann viðurkenni að karlmaður geti verið kona og öfugt.

Það finnst ekki hatur, misrétti eða fyrirlitning í að vilja vernda börn frá lífskoðun hinsegin fólks víða um heim sem reynir að koma þeim á trans-vanginn frá leikskólaaldri. Vélstjórinn hefur misskilið málflutning kvenna, hraplega.

Sú fyrirlitning sem vélstjórinn sýnir okkur konum er hins vegar alger. Frekjan og yfirgangur karlmanna sem skilgreina sig sem konu er vandi víða um heim. Sem betur fer vaknar mannfólkið, hvert af öðru til að taka að stöðva yfirganginn. Því fyrr sem það er gert því betra fyrir konur og börn.

Frekjurnar vilja komast inn í:

Kvennaíþróttir

Búningsaðstöðu kvenna í sundlaugum, íþróttahúsum og dekurstofum

Heimavistir stúlkna

Fangelsi kvenna

Háskólagreinar sem stúlkur hafa betra aðgengi að (sbr.Noreg)

Opið bréf til Önnu Kristjánsdóttur (trans-konu)

Kæra Anna,

 

Ég var að fá veður af því að þú hafir skrifað langan pistil um mig og samtök sem ég tengist – Samtökunum 22. Ég hef aldrei átt nein bein samskiptið við þig áður og það kom því verulega á óvart að þú ert með mig blokkaðan á Facebook og þú hefur aldrei nokkurn tímann haft nein samskipti við Samtökin 22 til þess að spyrjast fyrir um eitt eða neitt.

Samtökin 22 voru stofnuð vegna afar djúpstæðs hugmyndafræðilegs ágreinings, en ekki sem samtök sem vilja koma í veg fyrir að fólk búi við sömu mannréttindi.

 

Ég hef tekið þátt í mannréttindabaráttu samkynhneigðra í áratugi og barist ötullega gegn stigmatíseringu af HIV smituðu fólki og afhjúpaði sögu mína og líkama minn fyrir framan alþjóð árið 2008 í móki af trauma og ótta.

 

Þess vegna finnst mér sárt og leiðinlegt að fólk sem er í eiginhagsmunavörslu frama síns hjá „mannréttindasamtökum“ sem velta á annað hundrað milljón króna á ári og fólki þeim tengdum leyfist að fara jafn hart gegn okkur og koma í veg fyrir að við getum átt eðlilegar umræður um ástandið.

 

Hvenær samþykktir þú, Anna, að börn yrðu miðdepill „hinsegin aktívisma“?

Hvenær samþykktir þú, Anna, að umdeildar kenningar kynjafræðinga yrðu kenndar í nafni "hinsegin fólks" í barnaskólum og að kyn mannfólks væri jafnmörg og við sjálf?

Hvar liggja eðlileg og skynsamleg mörk? Siðferðisleg mörk?

Samtökin 22 hafa ALDREI talað gegn transfólki. Fullorðið fólk má lifa sínu lífi eins og það kýs – án þess að ganga á rétt annara!

 

Við erum andvíg transferli barna – og við teljum það bælingarmeðferð við samkynhneigð, enda eru allar þær meðferðir ógagnreyndar! Það eru gagnreyndar tölur að 75-90% barna sem upplifa kynama en fá að ganga í gegnum náttúrulegan kynþroska læknist af kynama sínum. og koma síðar út sem samkynhneigðir fullorðnir einstaklingar - oft á einhverfu rófi. (Sjá https://statsforgender.org/desistance/)

 

Ágreiningur er ekki hatur, fáfræði og fordómar.

 

Hafandi sjálfur verið barn með kynama og verið fjarri því að samræmast úreltum staðalímyndum um kyn geri ég mér einfaldlega grein fyrir þeirri hættu sem steðjar að börnum, konum og samkynhneigðum sökum hugmyndafræðilegs ofstækis.

Um það snýst málið.

Ef þú vilt ræða málin, þá er ég alltaf tilbúinn.

 

Þinn,

Eldur

 

 

 

Góðar fréttir fyrir stúlkur og allar konur eiga að fagna

Lia Thomsen er bannaður í keppni í kvennaflokki í sundi. Hann má keppa í karlaflokki þar sem hann á heima. Um það er ekki hægt að deila. Hér má sjá frétt um það.

Kannski er tímabært að setja upp trans-flokk í helstu íþróttagreinum svo trans-fólk geti keppt innbyrðis burtséð frá hvort það er karl- eða kvenkyn. Trans-aðgerðasinnar vilja leggja það á stúlkur og því ætti það ekki að vera vandamál fyrir það að keppa innbyrðis.

Fleiri íþróttagreinar eiga að taka þessa ákvörðun til fyrirmyndar. Ekkert eðlilegt við að kvennaíþróttir séu eyðilagðar af karlmönnum sem skilgreina sig sem konu. 

Meðvirkni fólks með trans-fólki í keppnisíþróttum er fyrir neðan allar hellur, hún er á kostnað stúlkna eins og víða hefur komið fram. Hér má sjá meðvirknina.

 

Gervivísindin, var flett ofan af þeim?

Hér er rætt um gervivísindin sem kynjafræðin er samkvæmt þessum þremur einstaklingum sem prófuðu. Þeir hafa sendt margar vísindagreinar sem eiga ekki við rök að styðjast.

Klæða bullið í nýjan búning segir viðmælandinn.

Verkefni fræðafólksins voru 10 mánuðir. Sendu í virt tímarit, allt ritrýnt. Því meiri þvæla því flottari var þetta.

Hvet fólk til að hlusta, áhugavert. 

Önnur þekkt kona kemur til landsins

ekki í brúðkaupsferð heldur til að segja okkur frá lífsreynslu sinni. 

Konan er Tonje Gjevjon listamaður m.m. Tonje hefur háð baráttu fyrir kvennamálum og átti yfir sér höfði ákæru vegna staðreynda. Minnir á framferði Rússa í máli stjórnarandstæðinga sinna.

Tonje þurfti ekki í fangelsi. Lögreglan sá ekki ástæðu til að ákæra hana. Laugardaginn 12. ágúst mun Tonje ræða málið í víðu samhengi.

Ég vona að blaðamenn sýni Tonje áhuga því mál hennar er í alla staði áhugaver.

Áhugasömum er bent á sal Þjóðminjasafnsins kl. 10:30, laugardaginn 12. ágúst.

Kom til Íslands í brúðkaupsferð

Málþing um málefnið

í sal Þjóðminjasafnsins laugardaginn 12. ágúst. Áhugaverðir fyrirlesarar. Hefst kl. 10:30.

Upplifði að ég væri í röngum líkama

Við vorum þrælarnir

og hlýddum í einu og öllu. Virkilega sárt til þess að hugsa að ættingjar hafi ekki mátt kveðja sína nánustu. Um sig greip ákveðin klikkun í samfélaginu. Margir bíða þess aldrei bætur að hafa tekið sprauturnar sem fagfólkið mælti með við okkur. Fáir virtust hafa val, hópþrýstingurinn var mikill og áróðurinn.

Hvað um það. Við erum vonandi skynsamari eftir þessa faraldra, kóvíð og innilokunarfaraldurinn sem beitt var á okkur.

Mörg börn fóru illa út úr þessum ákvörðunum fagmanna sem stilltu sér upp fyrir framan sjónvarpsvélarnar á degi hverjum til að brýna þjóðina til bólusetninga og einveru. Vonandi hafa menn aðstoðað öll kvíða-og óróleikabörnin sem urðu til á tímum kóvíd. Efast samt um það!

Auðvitað er gott að vera vitur eftir á. Vonandi á að það um fleiri málaflokka áður en fleirum börnum er kastað í gin samtaka.

„Auðvelt að vera klár eftir á“

Þegar hugmyndafræði trans-heimsins mætir raunveruleikanum

er ekki von á góðu. Það hafa trans-konur sem taka til máls á síðum og skrifa í blöðin sýnt og ekki síður í hinum stóra heimi. Nokkur myndbönd hafa birst og sýnir hve rökþrota trans-aðgerðasinnar verða þegar þeir eiga að svara vitrænum spurningum.

Því miður er þessari vitleysu, að kynin séu fleiri en tvö, að maður geti verið fæddur í röngum líkama og að heilbrigðisstarfsfólk, mamma og pabbi geti sér til um kyn barns við fæðingu verið haldið að börnum. Bæði á leik og grunnskólum.

Dragdrottningar sem svo eru kallaðar og eru karlmenn, eru fengnir til að lesa fyrir börn með kynferðislegu ívafi. Þeir sem senda börn sín á slíkan upplestur ætti að kæra fyrir barnavernd, gengið á siðferðiskennd barna. Sama með þá sem halda þessa viðburði.

Hér má sjá rökþrota ungan mann.

Hér svarar prófessor kvörtunum manns vegna fornafna.

Hér ræðir faðir við aðgerðasinna, sem lendir í rökþroti.

Hér neitar trans-aðgerðasinni fyrir litninga mannkynsins, XX og XY.

Í öllum þessum myndbrotum sést hve veik hugmyndafræðin er og í reynd ógnvekjandi að kennarar víða um heim skuli leyfa sér að halda þessum ósannindum að börnum. Eina virka úrræðið til að sporna við slíku eru foreldrar.

Hér má sjá spjall um transvæðingu í skólakerfinu.

Arna Magnea Danks hefur óheftan aðgang að fjölmiðlum til að dreifa skoðunum sínum

sem hylla trans-málaflokkinn. Nú síðast í grein á Vísi.is frá 24. Júlí. Sá sem veitir henni andsvar hefur ekki sama aðgang að fjölmiðlum og þá setur niður við það. Ein grein hefur birst, mörgum hafnað. 

Arna Magnea Danks hefur sömu réttindi og allir menn á þessu skeri. Arna hefur aðgang að heilbrigðiskerfinu, menntakerfinu, sundlaugum, ríkisstofnunum, samgögnutækjum, getur kosið og svo framvegis. Arna getur ekki bent á nein réttindi sem aðrir hafa umfram eigin réttindi.

Konur eru bandamenn trans-kvenna sem virða réttindi kvenna. Það gerir Arna ekki og hefur skrifað það í athugasemdarkerfum. Arna ber ekki virðingu fyrir öðrum sem hafa annars konar skoðun. Það sést bæði í ræðu og riti. Fólk sem er ekki sömu skoðunar á transhugmyndafræðinni og Arna Magnea eru fordómafullir, óhæfir til ýmissa starfa og stunda haturrorðræðu.

Örnu finnst sjálfsagt að orð kvenna séu skrumskæld. Örnu finnst sjálfsagt að niðurlægja konur og segja sís um gagnkynhneigðar konur. Örnu finnst sjálfsagt að karlmenn sem skilgreina sig sem konu taki þátt í íþróttum. Örnu finnst sjálfsagt að karlmenn sem skilgreinir sig sem konu hafi aðgang að búningsklefum kvenna, þar sem ungar stúlkur eru.

Örnu finnst sjálfsagt að karlmenn sem skilgreina sig sem konu hafi aðgang að öllum kvennarýmum, fangelsi, stofnunum eins og Stígamót, sjúkrahúsum. Sem betur fer eru trans-konur ekki lagðar inn á kvennadeild eða fæðingardeild því allt sem kemur að líffræði kvenna hafa trans-konur ekki. Hér má sjá vel valin orð um þetta ástand.

Það bera allir virðingu fyrir Örnu þó þeir séu ekki sammála málflutningi hennar. Fólk ber ekki virðingu fyrir lífsskoðun hennar að karlmenn sem skilgreina sig sem konur hafi aðgang að kvennarýmum. Arna ber hins vegar ekki virðingu fyrir þeim konum sem kæra sig ekki um slíkt. Örnu finnst í lagi að fórna réttindum kvenna til að örhópurinn sé sáttur við lífið og tilveruna. Á kostnað kvenna. Það er öll virðingin sem konur fá frá Örnu Magneu Danks.

Hvað aðgerðir barna varðar þá hafa Íslendingar vonandi vit á að halda skurðhnífnum í slíðrinu, beita honum ekki á börn. Hvað lyfjagjafir varðar þá hafa íslensk börn verið á hormóna og krosshormónalyfjum. En heimurinn er stærri en Ísland og víða orðið viðsnúningur til hins betra.

Á þingi Kennarasambandsins lét ég í ljós skoðun mína. Hlaut bágt fyrir. Hefur ekki áhrif á mig því barátta mín fyrir börnin er meira virði en skoðun nokkurra kennara. Á þinginu kom kennari að orði við mig og staðhæfði að lyfjagjafir hafi ekki aukaverkanir á börn, því hún ætti ömmubarn sem hún vildi endilega að færi í lyfjagjöf. Guð minn góður, segi ekki meir. Sé þetta hugsun fólks án þess að kynna sér málið þá er ekkert annað hægt að segja. Hér má sjá sænskan þátt, á ensku, skelfilegar afleiðingar lyfjagjafar á börn. Ekki einsdæmi.

Kona er fullorðin kvenkyns einstaklingur með XX- litninga og enginn getur breytt því. Líffræðin er þannig. Hins vegar það sem fer fram í kolli fólks er kannski allt annað. Þegar þær væringar byrja hjá börnum á að aðstoða þau hjá sálfræðingi. Þar stendur samfélagið sig illa. Þessum börnum og ungmennum er kastað í gin Samtaka 78.

Lýk þessu með orðum J.K. Rowling en hún hefur mætt fordómum og hatri frá fólki eins og Örnu Magneu Danks.

Þjóðin rumskar rétt eins og eldfjöllin

Við höfum sofið á verðinum gagnvart málefnum sem skekur samfélagið. Dvali hefur einkennt okkur. Hluti þjóðarinnar vaknaði, vonandi ekki of seint. Hinir koma kannski síðar. Málaflokkar sem ganga út á að skerða réttindi kvenna og stúlkna, í orði og á borði er staðreynd. Hér er ég að tala um trans-væðingu og breytingu tungumálsins með handafli. Blaðamenn sofa enn og hafa ekki dug í sér að ræða trans-málaflokkinn nema sem glansmynd. Hvort þessi stétt rumski verður fróðlegt að fylgjast með. Fréttamenn ættu að taka Litla-Hrút sér til fyrirmyndar.

Þeir sem hafa sig frammi um málaflokkinn á lýðræðislegan hátt mæta ótrúlegri framkomu fólks. Það má sjá hér, hún hefur fengið að finna fyrir því. Sem betur fer hafa þeir ekki náð að þagga niður í konunni. Tjáningarfrelsi þeirra sem tjá sig er skert. Stjórnmálamenn eru þar fremstir í flokki. Líka hér á landi. Þeir setja lög. Nú á að múlbinda fólk sem vill tjá skoðanir sínar sem fara ekki saman við trans-væðingarhópa heimsins.

Fólkið sem vill ekki lýðræðislega umræðu svarar sjaldan ef nokkurn tímann spurningum eða rökum annarra. Hér má sjá gott dæmi um það.

Stjórnmálamenn hafa skrumskælt kvennaorðin. Leghafi er orð sem á við um konur sem eru ófrískar í frumvarpi um fóstureyðingar. Fæðandi einstaklingur, er kona í fæðingu. Karlmenn fæða ekki börn svo breyting af þessu tagi er óskiljanleg og niðurlægjandi. Orðið einstaklingur er notað um konu sem gefur barni sínu brjóst. Karlmaður getur ekki gefið barni brjóst svo þessi orðskrípaleikur er óskiljanlegur. 

Ráðherra heilbrigðismála stóð í pontu og niðurlægði konur, enginn kona á þingi tók til máls konum til varnar. Hann talaði um leghafa í stað þessa að nota orðið kona eða konur. Þingkonur eiga hver og ein að skammast sín fyrir að bregðast konum landsins.

Íþróttir kvenna eru í hættu. Af einhverjum ástæðum var ákveðið að hafa kvenna- og karlaflokka. Engum dytti í hug að láta 9 ára stráka spila fótbolta við 14 ára stráka og kalla það keppni á jafnréttisgrundvelli. Líkamsstyrkur karlmanna er annar og meiri en kvenna. Engri konu dytti í hug að skilgreina sig sem karl og skrá sig í handboltalið karla. Líkamsburðir ólíkir og styrkur. 

Þegar fólk er spurt út í þetta galar það eins og vitleysingar, mannréttindi. Mannréttindi eins hóps (kvenna) má brjóta á bak aftur til að þóknast trans-konum og trans-aðgerðasinnum sem vilja stunda kvennaíþróttir. Eitthvað skrýtið við þá afstöðu.

Fjöllin rumska hvert af öðru. Skjálftarnir bera þess merki. Nú vona ég að mannfólkið vakni hvert af öðru og ræði málaflokka sem skipta máli í samfélaginu. Tjáningarfrelsið er mikilvægt, nýtum það.