Rétturinn til að breyta lagalegu kyni getur fest kynhlutverk í sessi

Prófessor í geðlækningum og sérfræðingur um meðhöndlun kynama, Michael Laden, skrifar grein í Gautaborgar blaðið. Hann bætist við þá fjölmörgu sérfræðinga sem hafa skrifað um sama efni.

Undanfarinn áratug hefur hugmyndafræðileg herferð ýtt undir þá kenningu að kyn einstaklings sé ekki það sem við sjáum hlutlægt í mönnum, heldur frekar það sem manneskja tjáir (kynhlutverk) og upplifir (kynvitund).
Rökin eru þau að ef karlmaður skynjar sjálfan sig sem konu, þá er manneskjan kona. Þessi ruglingur raunveruleikans (kyns) við félagslega uppbyggingu (kynhlutverk) og huglæga sjálfsmynd skapar nokkur vandamál.
Það verður flókið fyrir fólk. Við þurfum að skýra hvað við eigum við með því að nota hugtök eins og ,,líffræðilegt kyn" eða ,,fæðingarkyn". Hins vegar vilja kynjahugmyndafræðingar að við notum hugtakið ,,kyn úthlutað við fæðingu", þar sem orðið ,,úthlutað" gefur til kynna að það sé handahófskennd, bráðabirgðaflokkun sem hægt er að breyta.

Ekki rétt, engum er úthlutað kyni

En það er ekki rétt. Manneskju er ekki úthlutað kyni við fæðingu. Umhverfið tekur eftir og skráir kynið sem einstaklingurinn hefur nú þegar, sem var ákvarðað af kynlitningunum níu mánuðum áður.
Hugmyndafræði kynjanna liggur til grundvallar frumvarpi sem mun ekki aðeins gera það kleift að velja kyn heldur krefjast þess einnig að ríkið skrái þetta val í þjóðskrá. Hófsamir og frjálslyndir sniðganga nú samstarfsflokka sína til að samþykkja lög sem gera þetta mögulegt. Þeir treysta á stuðning jafnaðarmanna, Græningja og Vinstriflokksins.
Talsmenn líta á sjálfskilgreint lagalegt kyn sem frelsisumbætur. En frumvarpið er umdeilt. Gagnrýnina má draga saman með þremur rökum:

1. Kynvitund er persónuleg reynsla. Af persónuverndarástæðum ætti ríkið ekki að skrá auðkenni og huglæga reynslu. Við skráum ekki trúarbrögð eða stjórnmálaskoðanir einstaklings.
2. Rétturinn til að skilgreina sig sem konu eða karl – eða hvorugt – er réttur. En lögmál um sjálfssamsömun veitir okkur ekki rétt til að fyrirskipa hvernig aðrir eiga að bera kennsl á okkur og vísa til okkar. Karlmaður sem skráir sig sem konu er enn karlkyns en fær aðgang að búningsklefa kvenna, getur keppt í kvennaflokki í hnefaleikum, settur í kvennafangelsi og verið vitnað í sem konu í stjórnum fyrirtækja. Kynjahugmyndafræðingar halda því fram að þetta sé hægt að leysa með því að koma í veg fyrir að ákveðnar löglegar konur njóti kvenréttinda. En svo viðurkennum við óbeint að það er munur á ,,raunverulegum" konum og fólki með löglegt kvenkyn, sem leiðir okkur strax í andstöðu við tilgang laganna. Ef hægt er að meta hvert mál fyrir sig til að ákvarða raunverulegt kyn einstaklings verður flokkurinn ,,lagalegt kyn" merkingarlaus.
3. Kynjahugmyndafræði hefur verið ruglað saman við þekkingu. Trú krefst ekki aðeins trúar, heldur einnig að hún sé í samræmi við raunveruleikann. Sú sannfæring að kyn sé einstaklingsbundin reynsla og að öllum sé frjálst að velja kyn er ekki í samræmi við raunveruleikann. Fólk sem lítur á sig sem eina af allt að hundrað fyrirhuguðum kynvitundum er í öllum tilfellum annað hvort konur eða karlar. Að benda á þessa staðreynd er ekki að efast um reynslu einstaklingsins. Það er líklega ótakmarkaður fjöldi kynlífsupplifana. En staðreyndin er sú að það eru aðeins tvö kyn í sameiginlegum veruleika okkar. Kynjahugmyndafræði er því óhentugur grundvöllur lagasetningar.

Það sem við vitum um kyn

Kynæxlun – og þar með kyn – varð til fyrir um 1-1,2 milljörðum ára. Kvendýr eru skilgreind sem burðarefni stórra eggja en karldýr framleiða lítið sæði. Það eru engar aðrar kynfrumur. Það er ekkert þriðja kyn. Hjá spendýrum eins og mönnum er kyn ákvarðað erfðafræðilega. Eftir frjóvgun stjórna kynhormón þroskanum, í konu eða karl.

Samt er því oft haldið fram að kyn séu ekki tvö heldur litróf. Þessi rök eru byggð á tveimur fullyrðingum:

1. Intersex. Frávik á sér stað í kynaðgreiningu, eins og í flestum líffræðilegum ferlum. En intersex ástandið, þar sem ekki er hægt að ákvarða kyn einstaklings, er mjög sjaldgæft: 0.018 prósent, eða einn af hverjum 5,600 einstaklingum. Í reynd eru allir annað hvort karlar eða konur. Það er því rangt að setja fólk á litrófi frá kvenkyns til karlkyns.
2. Kyntjáning. Fólk finnur, samsamar sig og tjáir sig á fleiri en tvo vegu. Það eru konur sem hafa áhuga á dísilvélum og karlar sem mála neglurnar. Hugtakið ,,kynhlutverk" er notað til að lýsa mun á normum karla og kvenna sem fylgir ekki endilega kyni einstaklings.

Þrátt fyrir að frelsisbarátta femínista hafi leyst konur og karla undan takmörkuðum kynhlutverkum hafa kynhlutverkin ekki verið afnumin í Svíþjóð. Sú staðreynd að einstaklingi líður betur í hlutverkum hins kynsins þýðir ekki að hann sé á kynjarófinu. Þetta þýðir að við verðum að halda áfram að vinna að því að takmarka kynjaviðmið.

Það er líka til fólk sem skilgreinir sig sem hitt kynið – eða ekkert kyn. Hugtakið ,,kynvitund" lýsir persónulegri reynslu af kyni. Fjöldi mögulegra auðkenninga og tjáningar manna er takmarkalaus, en þetta eru ekki rök fyrir því að líffræðilegt kyn sé litróf.

Hvers vegna er kynjahugmyndafræði orðin svona útbreidd?

Ein skýringin er fjárhagslegir hagsmunir. Lífvísindaiðnaðurinn hefur mikið að græða á því að fleiri þurfi skurðaðgerð og ævilanga læknismeðferð.
Önnur skýring er löngun til aukinnar viðurkenningar á mismunandi kyntjáningu. Kynjahugmyndafræðingar vonast líklega til þess að hægt sé að leysa upp kynhlutverk með því að endurskilgreina hvað kyn er. En það er munur á því að verja rétt karlmanns til að koma fram og skilgreina sig sem konu og að setja lög um að hann sé kona – eða öfugt.

Afleiðingar kynjahugmyndafræðinnar

Undanfarinn áratug höfum við séð verulega aukningu á fjölda unglinga, sérstaklega stúlkna, sem upplifa ónot í eigin skinni. Ólíkt kyni einstaklings getur kynvitund verið breytileg í gegnum lífið. Lagaleg kynbreyting getur skapað flýtileið að læknismeðferð, sem getur leitt til óafturkræfari læknisfræðilegra inngripa sem skaða einstaklinga.
Það er ekki vandamál að kona hagi sér eins og karl eða öfugt. Löggjöf um lagalega kynleiðréttingu sendir hins vegar kúgandi merki um að tjáning trans-fólks krefjist stjórnsýslulegra – og að lokum læknisfræðilegra – ráðstafana.

Höfundur greinarinnar er Mikael Landén er prófessor í geðlækningum við Háskólann í Gautaborg og ráðgjafi við Sahlgrenska háskólasjúkrahúsið. Hann skrifaði doktorsritgerð um transsexualisma (sem það hélt þá) árið 1999 og hefur verið sérfræðingur í rannsóknum á meðferð kynama. Bloggari þýddi.

Mæður bindast böndum

Mæður láta sig börn varða. Líka feður. Oftar en ekki eru það mæður sem stíga fram. Foreldrar þurfa að standa saman og láta ekki kljúfa fjölskylduna.

Hópur kvenna um víða veröld hafa fundið saman. Afleiðing kynjafræðinnar bindur þær saman. Það sem kynjafræðin hefur gert börnum þeirra er ekki lítið. Sá áróður sem kynjafræðin kyndir undir hefur kostað þær börnin, upplausn í fjölskyldum og fleira. Verst, það börnin sem líða hvað mest og ekki síður eftir nokkur ár þegar þau hafa áttað sig á hvað þau létu teyma sig út í.

Hér má hlusta og horfa á mæður tala um málið. Víða um heim finnast fjölskyldur sem eru í sárum eftir að kynjafræðin með transið innanborðs náið tökum á börnum þeirra.

 

Borgarstjóri tekur af allan vafa

Eftir símtal konu við starfsmann sundhallarinnar í Fredriksberg var ljóst að karlmaður, sem skilgreinir sig sem konu, fær aðgang að kvennaklefanum. Eftir vangaveltur og skrif um það á fasbókinni tók borgarstjórinn af allan vafa.

Gef borgarstjóranum orðið:

Um aðstöðu í baðklefum í Frederiksberg sundhöll.

Kæru þið.

Umræða hefur verið í gangi um hvort maður getur valið sér karla eða kvennaklefa í Frederiksberg sundhöll, t.d. ef maður er trans.

Sláum því föstu strax: það er ekki hægt að velja hvar maður skiptir um föt og baðar í sundhöllinni.

En svona umræður verða fljótt tilfinningaþrungnar og klofnar. Svo endar það fljótt með ,,hvað ef“ spurningu.

Það gagnar engum og þess vegna vil ég sem borgarstjóri Frederiksberg kveða fast að orði:

ALLIR gestir eiga að upplifa sig örugga og velkomna í böðin þar á meðal sundlaugina.

Sundlaugin, sem bráðum verður 91 ára, er með herra og dömuklefa. Ef maður er t.d. trans hefur viðkomandi möguleika á að skipta um föt í séraðstöðu. Okkar dyggu starfsmenn geta aðstoðað og leiðbeint. Flintholm sundlaug gefur líka möguleika á sérklefum.

Sú óvissa sem var um reglurnar í Fredriksberg sundhöll er hér með rudd úr vegi og ég vona þeir sem eiga þess kost að heimsækja okkar dásamlegu gömlu sundlaug í vetrarfríinu eða á einhverjum öðrum tíma geri það.

Sjálfum líkar mér að synda á morgnana og get hikstalaust mælt með því. Að synda nokkrar ferðir í lauginni eða fljóta og dást að helgimyndum Vilhelms Lundström, það er einfaldlega frábært. Tilviljun, verkin (af nöktum líkömum) vöktu mikla umræðu upp úr 1930 fyrir að vera of áræðin

Eins og ég hóf mál mitt, allir eiga að upplifa sig örugga þegar þeir heimsækjum Frederiksberg sundlaug. Og ALLIR eru velkomnir.

Michael Vindfeldt

Frederiksbergs borgmester

En hér á landi?

Í kjölfar má spyrja hvort borgarstjóri Reykjavíkurborgar og bæjarstjórar víðs vegar um landið hafi tekið ákveðna afstöðu í máli eins og þessu. Vitað er að forsvarsmenn Reykjavíkurborgar vísa á lög um kynrænt sjálfræði og segja karlmenn hafa rétt á að fara inn í kvennaklefa. Í Danaveldi ríkja sömu ólög um kynrænt sjálfræði. Það dregur þó ekki úr umræddum borgarstjóra að tryggja öryggi stúlkna og kvenna í einkarýmum þar á bæ.

Bóla Mjallar Matthíasdóttur formanns Félags grunnskólakennara er faraldur

Eins og sálfræðingur bendir á, það er lögbrot að halda því leyndu fyrir foreldrum að nemandi noti lýsingarorð um sjálfan sig í stað hann eða hún. Kennarar eiga undir högg að sækja sem aðhyllast ekki trans hugmyndafræðina, það sér maður í mjög áhugaverði mynd. Einn kennari hefur tekið niður þjóðfánann en innrætir börnunum trans-fánann í kennslustofunni.

Mjöll Matthíasdóttir formaður Félags grunnskólakennara sagði þetta trans æði bólu. Bólan er nú svo stór að forseti Bandaríkjanna varð að gefa út tilskipanir til að stöðva yfirgang karlmanna, sem skilgreina sig sem konur, inn á afmörkuð svæði og íþróttir kvenna. Ein tilskipunin nær yfir skólakerfið.

Það kemur skýrt fram í myndinni, það má ekki sitja hjá og gera ekki neitt. Því er þetta rangt hjá formanninum, þetta er ekki bóla, heldur faraldur sem þarf að stoppa eins og sjá má í fræðslumyndinni.

Mjöll Matthíasdóttir vill ekki taka afstöðu, hún leyfir eins og Kennarasambandið þessu að flæða inn í skólakerfið. Lygi gerð að sannleika eins og norski þingmaðurinn Jenny sagði. Margir virðast ekki skilja að stór hluti þessara barna, sérstaklega stúlkum, líður illa andlega. Það ber að meðhöndla þær þannig. Kennarastéttir víða um heim líta undan, Ísland ekki undanskilið. Betra að flæða með straumnum en á móti. Dæmi um það má sjá í myndinni.

Meðvirkni

Kennarastéttin (leik- og grunnskólakennarar) á Íslandi er meðvirk. Henni hefnist fyrir það nú þegar hún er í kjarabaráttu. Margir sem telja trans-hugmyndafræðina á villigötum inni í skólakerfinu hafa ekki samúð með kennurum eða stjórnendum sem vilja áróður á fánastangir við leik- og grunnskóla. Engin samúð. Hér er um þöglan hóp að ræða, þeir óttast að verða fyrir barðinu á kennurum og stjórnendum. Svo ekki sé talað um trans-samfélaginu. Hefur sýnt sig erlendis að gripið er til ýmissa ráða gagnvart fólki sem vill vernda börnin sín.

Hver greinin á fætur annarri kemur frá leikskólakennurum til að uppfræða almenning um störf sín og að menntun þeirra sé ekki munaður heldur nauðsyn. Þegar formæður okkar sáu um umönnun barna sinna voru þau ekki fyllt af hugmyndafræði og reynt að rugla þau í ríminu. Orðaskrúð trans-hreyfinga notuð í leik- og grunnskólanum og blessuð börnin halda að hér sé um einhver sannleika að ræða. Foreldrar sem kvarta fá bágt fyrir.

Lyfjagjöf er rædd í myndinni sem er alveg þess virði að horfa á. Fólk sem hefur séð eftir breytingum á líkama sínum. Foreldrar sem hafa misst eða við það að missa barn sitt. Foreldri sem trans væðir barn sitt. Betra trans barn en dáið barn- lygi. Innræting á samfélagsmiðlum.

Læknar græða helling á skurðaðgerðum (kallaðar kynskiptiaðgerðir) og því tala þeir fyrir þeim en ekki gegn. Það kemur fram á upptöku frá ráðstefnu lækna og sýnd er í myndinni. Sjúklingurinn skiptir engu máli. Líf þeirra er undir. Guð minn góður að nokkur læknir gefi sig út fyrir að fjarlægja brjóst af unglingsstúlkum og breyta kynfærum í kynfæri gagnstæða kynsins. Að mínu mati eiga yfirvöld að taka læknaleyfið af þessum læknum, líkt og var gert við norska lækninn.

Góð fyrirmynd 

Skuldar Haraldur formaður leikskólakennara ekki foreldrum afsökun?

Margir fengu fyrir hjartað þegar Haraldur formaður leikskólakennara reyndi að egna foreldrum og leikskólakennurum saman þegar þeir síðarnefndu sóttu rétt barna sinna og sín. Ljóst er að þau höfðu rétt fyrir sér, a.m.k. að hluta. Verkfallið ólöglegt.

Nú velta menn ábyggilega fyrir sér hvort foreldrar, sem hafa orðið fyrir tekjumissi og orlofsdagamissi, geti sótt rétt sinn, að KÍ borgi þeim skaðabætur. Til þess þarf málsókn. Margir leikskólakennarar hafa líka haft uppi stór orð um foreldra sem vildu passa upp á rétt barna sinna og þeirra vistunarúrræðis sem þeir hafa. Sumt var þeim til skammar.

Því miður hefur KÍ eignast fleiri óvildarmenn með þessari baráttu sinni. Tilgangslausu baráttu að mati bloggara, ekkert bit í þessum verkföllum. En vonandi verður tekinn annar póll í hæðina eftir þessa rassskellingu.

Áfram gakk...!

„Ljóst mál að fólk mætir í vinnuna á morgun“

Getur Bergsteinn Sigurðsson sótt heimildarmann sinn saka?

Fyrir nokkrum dögum fór frambjóðandi Lýðræðisflokksins fram á miskabætur vegna ummæla sem fréttamaðurinn Bergsteinn lét falla í þætti á Ruv, Forystusætið. Ummælin sem Bergsteinn fór með var áróður (í kosningabaráttu) í garð frambjóðandans og ekki sannleikanum samkvæmt. Hann tilkynnti þjóðinni m.a. að frambjóðandinn hefði verið handtekinn af lögreglu. Hefur aldrei gerst segir lögreglan.

Bergsteinn fréttamaður er  varla svo illa innrættur að hann vilji fara með rangfærslur í sjónvarpi allra landsmanna. Bergsteinn er ekki nýr fréttamaður og veit, að þegar ábendingar koma frá þriðja aðila þá leitar vandaður fréttamaður að réttum heimildum eða fær þær staðfestar. Bergsteinn er ekki illa gefinn maður, það gefur bloggari sér, og því eru þessi vinnubrögð með ólíkindum. Er þetta það sem fréttamennska Ruv gengur út á, fara með rangar upplýsingar og lygar i gegnum stofnunina?

Ábyrgð útvarpsstjóra hlýtur að vera einhver eða? Geta fréttamenn hans farið með lygar og óstaðfestar upplýsingar í beina útsendingu án þess að blikna. Hvar er gæðaeftirlitið? Það eru nefnilega engin gæði í því sem Bergsteinn Sigurðsson gerði í þessum þætti, þvert á móti. Sýnir forkastanleg vinnubrögð. Svona vinnubrögð setja mark sitt á hann. Lélegur fréttamaður.

Velta má fyrir sér, getur Bergsteinn Sigurðsson fréttamaður sótt heimildarmann til saka fyrir að gefa rangar upplýsingar eða réttara sagt ljúga?

Samþykkir Þorgerður Katrín Gunnarsdóttir utanríkisráðherra skemmdir á börnum fyrir lífstíð?

Ráðherra á Íslandi ætlar að setja ofan í við Trump vegna tilskipana hans gegn tilraunameðferðum á börnum. Ekki er hægt að túlka yfirlýsingu Þorgerðar Katrínar á annan hátt en að henni finnst í lagi að börnum séu gefin hormónalyf og stopphormón sem valda varanlegum skaða á líkömum barna og geta gert þau ófrjó. Ætli hún kalli það mannréttindi?

Tilraunameðferðum á börnum verður hætt í Ameríku, Trump gaf út tilskipun um að ríkið hættir öllum stuðningi við slíkar tilraunir. Börn eru gerð að varanlegum sjúklingum með þessum meðferðum. Ekki er langt síðan Cass- skýrslan kom út og menn mega velta fyrir sér hvort íslenskir stjórnmálamenn hafi kynnt sér innihaldið. Svo ekki sé talað um heilbrigðisstarfsmenn og Landlækni. Til viðbótar við Cass- skýrsluna, sem bendir á að lyfja- og líkamleg inngrip hjálpa ekki þessum börnum, kom þetta frá Kanada.

Ráðherrann heldur að við séu fremst meðal jafningja í mannréttindabaráttu þar sem réttur kvenna og stúlkna er ekki virtur þegar t.d. er horft til einkarýma. Sem betur fer eiga Danir góðan þingmann sem berst fyrir börnin, annað en Þorgerður Katrín sem setur sig ekki upp á móti tilraunameðferðum á börnum og skertum réttindum stúlkna og kvenna.

Lesum hvað danski þingmaðurinn Mette Thiesen segir. Þorgerður þarf í læri til hennar.

BJÖRGUM BÖRNUNUM- BÖNNUM KYNSKIPTI BARNA

Eitt af því fyrsta sem Trump gerði var að banna svokallaðar ,,kynstaðfestandi“ meðferð barna undir 19 ára.

Þetta felur í sér að allar hormónameðferð á ólögráða börnum eru bannaðar og það er eina raunverulega lyfið gegn vók sýkinni sem hefur dreift sér í hinum vestræna heimi á leifturhraða og limlest börn og ungmenni.

Við ættum að gera það sama í Danmörku!
Banna svokallaða ,,kynleiðréttingu“ hjá börnum og alla hormónameðferðir.
Þetta eru kaldar staðreyndir, um hvað ætti að gera
- Þú getur ekki skipt um kyn! Þú getur valið að lifa sem hitt kynið, en þú getur ekki skipt um kyn!

Það eru bara tvö kyn, alveg sama hvað maður upplifir sig!

- Langvarandi kynáttunarvanda verður að viðurkenna aftur, sem geðröskun!
- LGBT+ Danmörk verður að missa alla fjármuni, þeir stunda áróður gegn börnum og er mjög virkt í að skaða börn og rugla ungt fólk!

Vókið er að deyja í Bandaríkjunum, það sama ætti að gerast í Danmörku líka! (Bætum Íslandi á listann)

Þú ættir að geta lifað nákvæmlega eins og þú vilt og elskað hvern sem þú vilt!
En vók sjúkdómurinn sem skaðar og limlestir börn og lætur alvarlega geðfatlað fólk móta raunveruleikann með tælandi möntrum um kyn sem ,,félagslegt" - það verður að taka á því og deyða!

 

Mikil blessun að losna við kynja-kjaftæðisflokkana

Það gengur mikið á, óhætt að segja það. Einar vill ræða við hina formennina sem eru í borgarmálunum.

Mikið mega landsmenn gleðjast að losna við þessa kynjakjaftæðis flokka úr borgarstjórn.

Vonandi tekur ábyrgur aðili við menntamálunum í borginni og hreinsar til þar, m.a. í þessu, Foreldrar alls ekki sáttir við könnun leikskóla - „Hvernig skilgreinir barnið kyn sitt?" - Forsíða

Barn getur bara verið annað tveggja, strákur eða stelpa. Foreldrar vaknið, stígið á stokk og hafnið þessu bulli sem hefur viðgengist í skólakerfi borgarinnar. Löngu tímabært.

Venjum okkur á að segja sannleikann, Jennifer Sey on Speaking Truth

Meirihlutinn er sprunginn

Alexandra, Alexandra Briem...að viðhalda lygi sem sannleik

Það var ótrúlega gott að lesa orð norska þingmannsins þegar hún sagði að lög hafi verið búin til um lygi sem sannleik. Eru Norðmenn ekki heppnir að hafa þingmann sem þorir, getur og vill? Að leiða sannleikann fyrir þjóð sína að nýju, kynin eru tvö.

Borgarfulltrúinn

Það er mikill misskilningur hjá Alexöndru Briem að greinarhöfundur neiti tilvist trans-fólks. Ekkert bannar borgarfulltrúanum að hafa þá skoðun eða aðrar skoðanir, en skoðun er ekki sama og sannleikur. Eigin skoðanir er ekkert sem þú getur krafist að aðrir samþykki eða undirgangist.

Hins vegar er nauðsynlegt að vekja athygli á, og spyrna við fótum, þegar börn, stúlkur og konur missa réttindi vegna trans-hugmyndafræðinnar víðs vegar um heiminn. Það flokkast undir staðreynd, ekki skoðun. Áhugavert viðtal þar sem farið er vítt og breytt um málaflokkinn.

Þó sannleikurinn sé sagður er það ekki virðingarleysi gagnvart öðrum hópum

Sá ótrúlegir misskilningur er í gangi að segi maður sannleikann sé tilvist annarra neitað. Meiri þvæla hefur sjaldan verið sögð. Þó þú sért ekki sammála lífsskoðun eða upplifun einhvers afneitar þú honum ekki. Þú ert ekki sammála viðkomandi í einu og öllu og lengra nær það ekki. Margir í samfélaginu viðurkenna ekki trúarbrögð, en neita ekki tilvist þeirra trúuðu. En þegar trúarbrögð, reglur eða lög hafa af öðrum réttindi, er sjálfsagt að spyrna við fæti.

Það gerðu konur, þær höfðu ekki kosningarétt. Það gerðu konur, þær máttu ekki taka þátt í íþróttum. Það gerðu konur með mörg önnur réttindi sem þær hafa náð með baráttu sinni. Konur hafa ekki farið fram á að aðrir hópar missi réttindi sín við að þær auki sín. Það gerði samkynhneigt fólk heldur ekki.

Því miður hafa konur ekki náð réttindum alls staðar í heiminum. Víða er enn barist fyrir að þær njóti t.d. menntunar. Svo er ekki í hinum vestræna heimi. Hins vegar hafa konur búið við það á undanförnum árum að grafið er undan réttindum þeirra víða um heim, t.d. til að njóta einkarýma, eigin félagskapar, kvennaíþrótta o.s.frv. Þingmenn og stjórnmálamenn víða um heim hafa búið til lög, að undirlagi minnihlutahópa, sem hafa réttindi af konum og eru byggð á lygi eins og norski þingmaðurinn sagði.

Konur halda áfram að berjast

Konur eru hörkutól. Kalla ekki allt ömmu sína. Það hafa kvennasamtök í íþróttaheiminum sýnt. Þær hafa sameinast og krafist þess saman að kvennaíþróttir séu fyrir konur. Þær eru ósáttar við, að hundruðum kvennatitlar tilheyri karlmönnum sem skilgreina sig sem konur, að skólastyrkir sem tilheyra konum falli nú öðrum í skaut, og þær vilja breytingu. Trump lofaði þeim bót í málaflokknum. Trump af öllum hugsið ykkur stendur vörð um þessi réttindi kvenna. Held að fæstum hefði dottið það í hug!

Í Ástralíu er heilmikil vakning á þeim mannréttindabrotum sem framin er á konum. Lesbíur, sem eru konur og elska aðra konu, hafa lent í kröppum dansi vegna karlmanna, sem skilgreina sig sem konur, og segjast vera lesbíur. Þeir hafa troðið sér inn á svæði og marga viðburði sem lesbíur halda. Lesbíur fengu að vita á lægsta dómstigi að þær mega ekki banna karlmenn á svæðum sínum. Mannréttindabrot á lesbíum sem vilja ekki vera með karlmönnum. Hugsið ykkur, lesbíur fá ekki að hittast af því karlmenn, sem skilgreina sig sem konu og lesbíu, vilja troða sér á kvennaviðburði þeirra. Af þeirri ástæðu eru lesbíur komnar inn í skápinn aftur og fara huldu höfði segir einn talamaður þeirra í Ástralíu.

Í Danmörku var stofnuð kvennahreyfing, utan við hefðbundnar kvennahreyfingar sem eru heillum horfnar inn í vók-ismann. Kvennahreyfingin berst fyrir karlalausum fótbolta sem dæmi. Ástæða baráttunnar er að Danska knattspyrnusambandið (íslenska KSÍ) taldi sig hafa rétt á að bjóða strákum, sem skilgreina sig sem stelpur, að spila í kvennaflokki, að stelpunum og  foreldrum þeirra forspurðum. Enn sem komið er, hefur þessum tillögum verið hafnað, vitundarvakning um málið varð til þess.

Að sjálfsögðu ber fólk, sem berst fyrir að réttindi kvenna verði aftur virt, virðingu fyrir karlmönnum, sem skilgreina sig sem konur og öfugt, en það má jafnhliða segja sannleikann .

Hvernig verður maður vók? – sóknarprestur hefur orðið 2

Hér kemur seinni hluti greinar sóknarprestsins Merete Bøye sem birtist í Jótlands póstinum. Fyrri hlutann má lesa á bloggsíðunni í gær, bloggari þýddi og setti millifyrirsagnir.

Fjölskyldan

Gamaldags kjarnafjölskylda með „föður“ og „móður“ er eitt af viðmiðunum sem gamlir hvítir menn hafa fundið upp. Eða það hafa þeir allavega í minni frásögn. Við munum að viðmið eiga að vera brotin og það á ekki síst við um kjarnafjölskylduna. Ef þú ert vók segir þú að það sé engin rétt eða röng leið til að vera fjölskylda.

Reyndar er mjög erfitt að búa í fjölskyldu með tveimur ,,cishet“ (flettu upp) foreldrum og einu eða fleiri börnum, sérstaklega ef eitt þeirra eða fleiri eru hvít.

Það er fínt að vera einstætt foreldri og það getur líka verið fínt að vera tveir hommar eða lesbíur með börn. Fjölkvæni samband, eða þrír saman eins og það er líka kallað, er mjög góður upphafspunktur fyrir fjölskyldu.

En það allra besta er, ef eitt eða fleiri af foreldrum eru- og jafnvel börnin líka- trans. Það er mjög vók að vera trans, svo ég legg til að þú skriftir um kyn ef þú vilt vera virkilega vók.

,,Geta börn verið trans?“ spyrð þú kannski, og já, það geta þau. Þú hefur ábyggilega hitt litla ,,stúlku“ (heldur þú) sem er með stutt hár og spilar fótbolta. Það er, af því í raunveruleikanum er það drengur. Eða lítill ,,drengur“ (heldur þú) sem leikur sér með dúkkur og finnst bleikur litur flottur. Það er af því í raunveruleikanum er það stúlka.

Og ég veit, að ég skrifaði að kynhlutverk eru hluti af úreltum viðmiðum og hvers vegna má strákur ekki leika sér með dúkkur, hugsar þú kannski. Það er vegna þess, að þú ert að einfalda eitthvað sem er mjög flókið, en þú skilur það ekki vegna þess að þú fórst ekki í háskóla eins og ég.

Ef þú hugsar núna: „Argg. Það er samt of róttækt, þá ættir þú að vera meðvitaður um að þú þarft ekki að gangast undir kynleiðréttingaraðgerð til að skipta um kyn. Það sem skiptir máli er ekki mat umheimsins á kyni þínu, heldur eigin lífsreynsla: Þú ert það kyn sem þér líkar og þú getur auðveldlega skjalfest það með svokallaðri lögbundinni kynleiðréttingu.

Ef þú heldur að það sé of róttækt að skipta um kyn, geturðu bara sagt að þú sért ,,nonbinary“, kynfljótandi eða hinsegin. (Þetta þýðir að þú ert ,,straight“, en þú ert líka vók og vilt vera svolítið sérstakur). Eða þú getur sagt að þú sért með eitthvað kyn sem þú finnur upp sjálfur, t.d. kattakyn eða lampakyn.

Viðurkenndur og fjölbreytilegur

Það er eitthvað vók yfir því að vera viðurkenndur og fjölbreyttur, þannig að allir sem segjast hafa ákveðið eigið kyn ættu að njóta virðingar og allir ættu að aðhyllast kynið sem þeir segjast hafa. Nema Ibi-Pippi (danskur karlmaður sem skilgreinir sig sem konu og vill í kvennafangelsi). Það er mjög lítið vók að virða og faðma Ibi-Pippi. Þessi manneskja er greinilega vondur, hvítur, ,,cishet“ maður sem vill bara eyðileggja allt fyrir alvöru trans fólki.

Og það geta ekki verið tvær skoðanir um það. Þeir sem upplifa eitthvað annað eru vondir og ljúga – rétt eins og Trump – og þeir ættu ekki að mæta upp á dekk með órökstuddar skoðanir sínar. Það er sannleikurinn í málinu og um það verður ekki deilt.

„Þetta var skrítið,“ gætir þú hugsað: „Náði ég því ekki, þetta veltur allt á minni upplifun og að það er enginn hlutlægur sannleikur til?“ En hér er mikilvægt að þú viðurkennir að í vissum tilfellum er um hlutlægan sannleik að ræða, nefnilega í þeim tilvikum þar sem það hentar þér. Það gæti auðveldlega verið þín frásögn, að í þessu tiltekna tilviki sé um hlutlægan sannleika að ræða. Og ef þér finnst það, þá er það þannig.

Þetta er líklega það mikilvægasta sem þú þarft að vita um hvernig á að vera vók. Góða skemmtun með það.

Að lokum

Það síðasta sem þú þarft að læra er, að ef það eru einhverjir gamlir hvítir karlmenn sem gagnrýna og segja t.d. að vókið sé bara herskár marxisti frá Temu, þá þarftu bara að öskra eins hátt og þú getur: „Af hverju ertu svona fullur af hatri?! Vókið þýðir einfaldlega að vera samúðarfull og ástrík manneskja og hegða sér sómasamlega við alla!“

Mundu að því hærra sem þú öskrar, því meira hefur þú rétt fyrir þér. Það er í raun það mikilvægasta að vita um vókið.

Greinina má lesa hér á frummálinu.