Grefur undan mannréttindum

Árið 1998 var veröldin einföld, allir sem mótmæltu rétti samkynhneigðra til að elska þann sem þeir elskuðu voru fávitar. George Michael bjó til myndband og söng ,,Outside“ eftir að mjög trúuð móðir hans lést. Hann gat þá loksins verið sá sem hann er, hommi. Myndbandið og textinn fjallar um hvernig samkynhneigðir hafa þurft að fela kynhneigð sína fyrir umheiminum og stunda hana í felum í stað þess að vera í svefnherberginu. Það er líka fjallað um hvernig ríkið og lögreglan eltu fólk uppi vegna kynhneigðar. Þetta skrifar Katrine Brøgger og hún heldur áfram.

Það er þessi barátta sem við höfum samúð með og skiljum í dag, og það er þessi barátta sem trans hugmyndafræðingar hafa lifað eins og sníkjudýr á og hagnast. Það er þessi barátta sem gerir þá lygi að trans hugmyndafræði sé hluti af venjulegri mannréttindabaráttu er étin hrá. Til að skilja betur hvernig trans hugmyndafræðin grefur undan grundvallarmannréttindum samkynhneigðar verður maður að skilja þau.

Það er ekki í lagi að halla sér aftur og afla sér ekki þekkingar um málið. Sérstaklega ekki sem  gagnkynhneigður, þar sem eini hluturinn er hvort þú standir undir ,,Gutenmenschen“ viðmiðinu.

Trans og tæling samkynhneigðra til að vera trans frekar en samkynhneigð er árás á samkynhneigða. Það er óásættanlegt“ segir hún.

Hér má hlusta á lagið.

Vonandi verður áframhald á

Með sanni má segja að þátttaka karlmanna með XY litninga í kvennflokki hafi valdið úlfaþyt. Að sjálfsögðu. Karlmenn eiga ekki að sjást í kvennaíþróttum. Ekki á OL, ekki í heims-eða Evrópukeppnum og hvað þá í háskólum eða annars staðar. 

Hvað þarf til að útrýma þátttöku karla. Samstöðu. Ekki bara kvenna heldur heimsbyggðarinnar. Mæður, feður, frændur, frænkur, systur og bræður þurfa að taka sig saman og vera samstíga í að vernda kvennaíþróttir. Stúlkur sem hafa unnið hörðum höndum frá því þær voru litlar að elta íþróttadrauma sína lenda nú í öðru og þriðja sæti af því karlmaður tekur vinningssætið.

Karlmenn hafa meiri styrk og vöðvabyggingu en konur hafi þeir farið í gegnum kynþroskann sem strákar. Fólk veit þetta en velur að snúa blinda auganu að í nafni ,,fjölbreytileikans" og ,,réttindi trans fólks" en á móti HVER ERU RÉTTINDI STÚLKNANNA? Engin. Þær verða að lúffa fyrir einhverjum reglum og eru aldrei spurðar.

Birst hafa myndir í kjölfar hnefaleikakeppninnar á OL 2024 og vonandi rísa stúlkur upp um alla heim. Nú er komið nóg!

Sumarleyfi kennara lokið

Allt tekur enda og sumarfrí grunnskólakennara líka. Nú styttist í skólabyrjun. Endurmenntun kennara hafin og margir þeirra geta sótt námskeið fram að skólabyrjun 15. ágúst. Mörg sveitarfélög bjóða upp á endurmenntunarnámskeið 13. og 14. ágúst. Höfðar misvel til kennara, enda þarfir ólíkar. Hver grunnskólakennari á að skila 102 stundum í endurmenntun á ári.

Kjarasamningur grunnskólakennara eru lausir. Vonandi koma fréttir áður en skólastarfið hefst um hvernig miðar. Formaður Kennarasambandsins er í forsvari fyrir samningana eftir því sem bloggari hefur komið næst. Í það minnsta samkvæmt blaðinu ,,eplið“ sem félagsmenn fá.

Áður en skóla lauk sagaði formaður Félags grunnskólakennara, Mjöll Matthíasdóttir, að hjálp yrði sótt til félagsmanna. Ekki koma fram í hverju sú hjálp er fólgin. Kannski og mjög hugsanlega er það verkfallsboðum.

Hugur margra kennara hefur breyst. Fyrir ekki svo mörgum árum var óhugsandi að fá kennara í verkfall, en það hefur breyst. Kannski af því samsetning grunnskólakennara hefur breyst.

Á Akureyri hafa foreldrar kvartað undan litlu framboði af afþreyingu fyrir börn. Bærinn setur málið í nefnd. Tímasetning skólastarfs í Skandinavíu er með öðrum hætti en hér. Þar fá kennarar 6 vikna sumarfrí og skila ekki endurmenntun eins og hér á landi. Endurmenntun grunnskólakennara er tvær og hálf vika og þar liggur megin munurinn.

Útikennsla er þekktari á hinum Norðurlöndunum en hér. Síðustu vikur og upphafsvikur skólastarfsins er nánast eingöngu útikennsla. Kannski er tímabært að skoða hvort ekki eigi að breyta þessu hér. Fleiri og fleiri foreldrar lenda í vandræðum með börn sín þessar 3-4 vikur sem er umfram lögbundið sumarfrí.

Öll réttindi kvenna í stjórnarskrá eru í hættu

Sall Grover háir baráttu við kerfið og karlmann sem segist vera kona. Sall stofnaði app fyrir konur. Þar geta þær sótt eftir herbergis- og ferðafélaga svo eitthvað sé nefnt. Hún henti öllum karlmönnum út enda appið ekki ætlað báðum kynjum. Þegar hún fluttist til USA leitaði hún að herbergisfélag og varð fyrir reynslu sem ýtti henni út í að búa til appið þegar hún flutti aftur til Ástralíu.

Einn karlinn sættir sig ekki við neitun og höfðaði mál gegn henni. Nú liggja dómstólar undir feldi, verður réttindum kvenna rústað. Verða öll lög sem talar um konur að engu. Missa allir konur réttindi sín vegna karlmanns sem segist vera kona og vill vera þar sem konur eru.

Sall heyir allt aðra kvennabaráttu en Rauðsokkurnar gerðu. Að kvennabarátta árið 2024 skuli snúast um réttindi kvenna t.d. til einkarýma er ótrúlegt. Verjast ágangi karlmanna. Sorglegast er að konur styðja valdtöku karla sem skilgreina sig sem konur, og segja það að umburðarlyndi. Nei þetta er mannvonska að láta einn hóp blæða fyrir réttindi annarra. Ekkert jafnræði og engin mannréttindi í því.

Öll stjórnarskrávarin réttindi kvenna er í húfi!

Hér má hlusta á viðtal við Sall Crover.

Hægt að útrýma einhverfu ef menn viðurkenna rétt kyn fólksins

Starfsfólk í félagsþjónustunni í Danmörku á að mennta svo þau geti sent einhverfa af stað í ,,kynjaferðalag“ – Danska félags- og húsnæðisstofnunin stendur á bak við það.

Danska félags- og húsnæðisstofnunin stendur að baki verkefni sem á að þjálfa starfsmenn félagsþjónustunnar til að senda einhverfa í ,,kynjaferðalag," Rökin eru, það kemur fram í ,,rannsókn“ sem mælir með því. Þegar sú rannsókn er skoðuð sést að hún trans aktivísk og styður hinsegin kenningar og hugmyndafræði. Þetta kemur fram í bloggi Lotte Ingerslev um málið.

Verkefnið mun leiða til framleiðslu fræðsluefnis – og líklega einnig ,,uppfærslu" námskeiða – sem upphaflega eru ætluð starfsfólki sem sinnir einhverfum.

Sagt er að verkefnið sé til að auka ,,gagnrýna nálgun á (kynja)viðmiðum" meðal fagfólks. Og það starfsfólk sem efist verða að velta fyrir sér ,,eigin kynjahlutdrægni.“

Þær svokölluðu ,,rannsóknir" sem verkefnið byggir á eru ekki gæðametnar á nokkurn hátt.

Meðal annars er gefið í skyn að einhverfu einkenni séu kannski alls ekki vegna einhverfu, heldur að þau séu vegna þess að fólk sem er með ,,mismunandi kynvitund" sé ,,rangkynjað" og stimplað.

Allt við ,,kynjaferðina" er lýst sem jákvæðu. Það eru engir ókostir og engin áhætta en maður þarf að taka fyrsta ,,prófið“, fyrsta skrefið í verkefninu er að taka ,,þekkingarpróf.“ Það gengur út á að þú svarir alls kyns spurningum um eigið kyn, tilfinningu þína gagnvart kyni o.s.frv.

Ekki er minnst á orð um samkynhneigð eða félagslegt smit. Ég hef farið ofan í saumana á þessu- skoðað smáatriðin segir Lotte. Hér er ritið sem Lotte hefur farið í gegnum lið fyrir lið.

Í einu fylgiskjalinu sem fylgir með færslu Lotte segir: Ef þú fylgir þessari ,,rökfræði" er augljóst að starfsfólk félagsþjónustunnar geta dregið úr eða jafnvel útrýmt einhverfum eiginleikum fólks með því að vera 100% fylgjandi þörf einhverfra fyrir að tengjast kynjafjölbreytileikanum. Það tryggir þeim meðferð sem færir líkamann í takt við innri reynslu þeirra af kynvitund, þannig að þeir verði ekki lengur fyrir fordómum vegna þess að samfélagið lítur á þá sem það kyn sem þeir ,,raunverulega" eru.

Lotte segir;  Eins og sjá má telja höfundar ritsins mikilvægt að starfsmenn félagþjónustunnar ,,afli sér þekkingar" um t.d. ,,kynskipti" og ,,notkun fornafna". Þannig þurfa þeir að staðfesta við einhverft fólk að það sé á leið í ,,kynjaferðina".

Lotte Ingerslev er sálgreinir sem hefur skrifað mikið um trans málaflokkinn af mikilli fagmennsku. Öll hennar umfjöllun fjallar um börn, því hún eins og bloggara er nákvæmlega sama hvað fullorðið fólk gerir. Hún kaupir og nær í rannsóknir, hefur augun opin fyrir því sem gerist í veldi Friðriks X og kemur því efni til skila. Það sem er þýtt hér að ofan er lítið brot af færslunni hennar sem sjá má hér.

Lotte býður fólki að kaupa kaffibolla til að styrkja vinnuna sem hún leggur í þetta. Þeir sem hafa áhuga að kaupa kaffi geta ýtt hér.

Litningargalli og viðtal við Imane Khelif

Í kjölfar umræðu um hnefaleikamanninn sem sló Ítalann út á 46 sek. hafa ýmsar vangaveltur komið upp. Margir telja hann karlmenn og aðrir ekki. OL-nefndin gaf út yfirlýsingu, hvorki um trans-konu að ræða né heldur DSD, svona er viðkomandi bara. 

"ATHUGIÐ. Þetta er ekki trans kona, heldur 99 prósent líklega karlmaður með sama litningafrávik og hlauparinn Caster Semenya. ,,DSD - truflanir á kynþroska." Hópurinn heitir 46, XY, 5 ARD. Er með XY litninga (þ.e. karlkyns) í hverri frumu og testósterónmagn karla. Hins vegar eru ytri kynfæri þeirra við fæðingu ekki skýr, geta líkst konu og þess vegna eru þeir skráðir og alast upp sem stelpur. Hins vegar eru þeir með virk eistu í kviðarholinu og fara því í gegnum kynþroska karla sem er ávinningurinn.

Þessi litningaskekkja sést oftast á meginlandi Afríku." segir Astrid Randi Thinnesen.

Danskur læknir, Jens Fedder, segist ekki geta sagt hvort Imane sé karl eða kona, til þess þurfi hann hormónapróf og líkamsskoðun til að ganga úr skugga um hvort hann finni leg og annað sem einkenni kvenfólk. Kyneinkenni hjá þessu fólki geta legið í dvala fram að kynþroskanum og þá kemur í ljóst hvort kynið er hafi maður ekki gert nákvæma greiningu á litningum.

Lasse Rimmer segir um DSD:

,,Eitt dæmi er suður-afríski hlauparinn, Caster Semanya, sem er með ytri kynfæri kvenna, en ekkert leg, enga eggjaleiðara, hann er með innri eistu og testósterónmagn í takt við karla. Fólk með DSD upplifir venjulega hormónaþróun á kynþroskaaldri sem passar við erfðafræðilega tilhneigingu þeirra. Oft, til dæmis, mun fólk með 5-ARD eða PAIS líta frekar kvenlegt út sem börn fyrir kynþroska, en síðar þróa með sér mun karlmannlegri eiginleika þegar testósterónframleiðsla fer af alvöru í gang.“

Hér má sjá viðtal við hinn fræga hnefaleikara Imane Khelif í algerísku sjónvarpi árið 2017, sem sagt fyrir 7 árum. Spurning hvort okkar landsfrægu rannsóknarblaðamenn fari á stúfana.

Hér er sama viðtal frá öðru sjónarhorni.

Mynd af vegabréfinu.

Úr gagnkynhneigðu í samkynhneigt samband- karl í kvennaflokki

Marchiori heitir karlmaður sem kveðst vera kona, hann hét áður Luiz Neto. Dásamleg þessi lög um kynrænt sjálfræði!

Marchiori, 30 ára, kom fyrst út sem trans árið 2023 með tilkynningu sem hneykslaði marga atvinnuhjólabrettaaðdáendur þar sem hann hafði keppt sem karlmaður í næstum tvo áratugi. Í karlaflokki hafði Marchiori tryggt sér tvo brasilíska meistaratitla. Í kjölfar tilkynningarinnar var Marchiori hrósað sem fyrsti trans atvinnumaður Brasilíu á hjólabretti.

Hann byrjaði að eigin sögn á hormónameðferð árið 2022. Hann reynir að sannfæra fólk um að líkami hans hafa misst styrk við meðferðina. Hann var með konu áður en hann varð trans og nú er hann samkynhneigður. Segir sambandið hafa farið úr gagnkynhneigðu í samkynhneigt samband.

Marchiori fékk leyfi til að keppa í atvinnumennsku í kvennaflokki. Hann tók gullverðlaunin í Itacoatiara Pro sem haldin var í júní í ár. Unglingsstúlkur voru m.a. mótherjarnir.

Föður einnar stúlkunnar ofbauð nærvera Marchiori í flokknum. Hann skrifaði, ,,Ég er foreldri íþróttamanns og dóttir mín keppti í Itacoatiara Pro um helgina og mér til undrunar keppti hún á móti Lu Neto," skrifaði Guilherme Alano. ,,Að horfa á 12 ára dóttur mína keppa við íþróttamann sem hafði keppt í yfir 20 ár sem karlmaður var svolítið skrítið. Jafnvel þótt hann taki hormón mun vöðvamassi hans sem íþróttamanns ekki þurrkast út."

Nokkrar konur stigu fram og ásökuðu hann (Lu Neto) um ofbeldi sem hann neitar fyrir. Eftir það bættust fleiri við. Maður að nafni Rodrigues sagði frá í myndbandi hvernig vinur hans beitti konur ofbeldi, fórnarlömbunum til stuðnings.

Fyrir utan fórnarlömbin sem stigu fram fékk færsla Rodrigues þúsundir ,,like" og hundruð athugasemda, sem flestar lýstu hneykslan vegna uppljóstrananna. Margir bentu einnig á að ströng kynvitundarvernd Brasilíu, sem bannar tal eins og ,,rangt kyn", gerði það erfitt að gagnrýna, fordæma eða afhjúpa Marchiori almennilega.

Árið 2019 úrskurðaði hæstiréttur Brasilíu að mismunun gegn ,,LGBTQ samfélagi" væri refsivert og félli undir núverandi kynþáttavernd sem ,,félagslegan rasisma.“ Síðan þá hafa margar konur verið rannsakaðar fyrir að segja trans konur karla.

Fórnarlömbin réðu lögfræðing og var fréttatilkynning birt á Instagram reikningum þeirra. Í yfirlýsingunni, frá lögmannsstofunni Bruna Brigoni, er að finna átakanlegar ásakanir um að sum fórnarlamba Marchiori hafi verið undir lögaldri þegar hann var misnotaður.

Hér Hmá lesa greinina.

Eins og víða hefur verið bent á þá hefur trans fólk mun ríkari réttindi þegar búið er að setja munnkörfu á tjáningu fólks. Það á engum að vera bannað að benda á hið augljósa. Sannleikurinn er sagna bestur.

Bréf til OL nefndarinnar vegna hnefaleikamanna

Íþróttahópur sendi forseta OL nefndarinnar bréf. Tilefnið er þátttaka tveggja hnefaleikmanna sem áður voru bannaðar frá kvennahnefaleikum af Alþjóða hnefaleikasambandinu (IBA) en keppa nú í kvennaflokki á Ólympíuleikunum. Þeir féllu á kynjaprófi.

Mark Adams, talsmaður IOC, varði þessa ákvörðun með því að segja ,,Þetta eru konur í vegabréfum sínum." Þó að umræddir hnefaleikamenn séu skráðir sem konur eru líkamar þeirra greinilega karlkyns og lokaniðurstaðan fyrir konurnar sem þeir berjast við er sú sama - gríðarlega aukin hætta á meiðslum og jafnvel dauða af hverju högginu.

Bréfið er undirritað af alþjóðlegum baráttuhópum og íþróttamönnum. Bréfið undirstrikar ósanngirnina í ákvörðunar IOC og spurt er hvort IOC hafi tekið áhyggjur manna alvarlega um öryggi kvenna í hnefaleikum.

Í bréfinu er farið fram á skimunarpróf fyrir þá sem vilja keppa í kvennaflokki á OL. Það sé hægt að gera með einföldu prófi. Þau segjast stolt af því að styðja íþróttakonur og munu halda því áfram, hvar og hvenær sem er. Bréfið má sjá hér neðar.

Kåre Fog líffræðingur tjáði sig um þetta og segir, ,,Angela Carini keppti við Imane Khelif. Carini er án efa kona en það er annað með Khelif. Hún skilgreinir sig sem konu; en hún hefur bæði X og Y litning, það vil segja samkvæmt líffræðinni er hún maður og er með testósterón á við karlmann.

Læknis/líffræðilega fellur hún sennilega inn í flokkinn DSD. Hún er ekki með ytri kynfæri karlmanns en eftir því sem best er vitað er pungvefur í kviðarholinu."

Kåre Fog heldur áfram, ,,einstaklingur með testósterón á við karlmann hefur slagkraft sem er helmingi meiri en konunnar en Carini var vöruð við að mæta í leikinn, það gæti orðið líkamlega hættulegt fyrir hana (í raun er það sama að kona myndi keppa við karl).

Hætta á alvarlegum meiðslum er mjög mikil eða jafnvel annað og meira sem getur farið illa. Og það er á ábyrgð OL nefndarinnar ef það gerist, segir Ask Vest Christiansen, ph.d og lektor við íþróttaháskólann í Árósum í viðtali við Berlinske.

OL nefndin segir það afgerandi fyrir þátttöku í kvenna- eða karlaflokki sé hvernig menn skilgreina sig.

Ask segir jafnframt að þeir tveir hnefaleikamenn sem um ræðir eigi ekki að keppa í kvennaflokki."

Yfirlýsinu Alþjóða handknattleikssambandsins IBA og bréfið sem hópurinn sendi.

Hetja OL leikanna í Frakklandi er stúlkan

Ítalska boxstelpan, Angela Carini, er hetja. Við eigum að hylla hana eins og sigurvegara. Hún keppti við karlmann(sem fæddist með ódæmigreind kyneinkenni og var úrskurðaður stúlka við fæðingu) sem keppir sem konu. Strákurinn tekur sigurinn á því sem ég vil kalla ofbeldi. Hann hefur XY litninga og framleiðir karlahormón, er með vöxt og styrk karlmanns. Svo þóttist þessi aumingi vera umhugað um hana og ætlar að hugga hana. Maður sem þorir ekki að keppa í flokki með eigin kyni. Sem betur fer leit stúlkan ekki við honum. Vona að allar stelpurnar komi svona fram við hann, sýni honum hvar Davíð keypti ölið. Synd að ekki var púað á hann í höllinni, þar hefði fólk átt að láta í ljós skoðun sína á þessu óréttlæti, karl í konuíþrótt.

Karlmenn sem fara í gegnum kynþroska slá um 162% fastar en stúlkur og því getur svona keppni aldrei verið jöfn.

Til að forðast meiðsl hætti hún. Nú er vonandi að heimurinn taki við sér og stoppi karlmenn af þegar kemur að réttindum kvenna. Breyting á nafni og kennitölu gerir engan að konu og öfugt. Skömm að þessu.

 

Hetja OL 2024. Sigurvegarinn, stóð upp fyrir réttindum kvenna.

Umdeildur bardagi á Ólympíuleikunum vekur athygli

Hvað ætli Bubbi Morthens segi við þessu, karlmenn berja konur í hringnum á OL!

Alþjóðaólympíunefndin hefur varið ákvörðun sína um að leyfa tveimur karlmönnum að keppa í hnefaleikakeppni kvenna í París eftir að hafa verið dæmdir úr leik á meistaramótum. Þeir féllu á kynjaprófi. Hjá nefndinni virðast menn halda að XX og XY hverfi bara af því maður óskar þess. Heimska. Engin kynjapróf þarf, annað tveggja ertu fæddur karlmaður eða kona. Annað hvort eru íþróttir fyrir karla eða konur.

Þeir sem sitja í þessari OL nefnd þekkja ekki mun á karlmanni og konu.

Talsmaður Alþjóðaólympíunefndarinnar, Mark Adams, sagði á þriðjudag að báðar ,,konurnar“ hefðu uppfyllt skilyrði til að keppa í kvennakeppninni samkvæmt skilyrðum um þátttöku á Ólympíuleikunum. Í íþróttum eiga engin önnur skilyrði að vera að þú ert fædd kona eða karl. Trans kona er ekki kona og getur aldrei verið. Trans kona getur skilgreint sig þannig en skilgreining gerir karlmann ekki að kvenmanni.

Riley Gaines, fyrrverandi keppnissundkona við háskólann í Kentucky, gagnrýndi Ólympíunefndina og sakaði hana um að vegsama ,,karlmenn sem kýldu konur í andlitið í þeim tilgangi að slá þær meðvitundarlausar". Hárrétt hjá henni. Held að stofna þurfi alþjóðahreyfingu til að vernda kvennaíþróttir. Við erum á góðri leið með að eyðileggja sumar þeirra með þátttöku karlamanna sem skilgreina sig sem konur. Lög um kynrænt sjálfræði hafa hjálpað þessum körlum.

Setjum okkur í þessa stöðu sem Riley lýsir, ,,Ímyndaðu þér að æfa ALLT þitt líf, verða nógu góð til að vinna þér inn sæti í Ólympíuliðinu, vonast eftir Ólympíuverðlaunum...Þá er þér sagt að þú þurfir að berjast við karlmann.“ Í norsku greininni stendur, ,, Fram hefur komið í rannsóknum að slagkraftur karls sem hefur farið í gegnum kynþroska karlmanns er 162% meiri en kvenna“ Hér má lesa færslu þar sem hún biður um virðingu fyrir kvennaíþróttunum.

Lucy Zelic, knattspyrnuskýrandi og talsmaður kvennaíþrótta, gagnrýndi einnig Alþjóðaólympíunefndina fyrir að leyfa tveimur sambískum ,,knattspyrnukonum“ að keppa þrátt fyrir að hafa fallið á kynjaprófum. Barbra Banda, framherji Sambíu, og framherjinn Racheal Kundananji voru báðir bannaðir frá því að spila á Afríkumótinu vegna þess að þeir voru með náttúrulega hátt magn testósterón. Nú fá þessir karlmenn að keppa á OL. Það er eitthvað verulega mikið að hjá OL-nefndinni.

Eins og sjónarspilið á opnunarhátíðinni væri ekki nóg, nú vegsama Ólympíuleikarnir karlmenn sem lemja konur beint í andlitið í þeim tilgangi að slá þær meðvitundarlausar segir baráttukonan Riley.

Trump hefur lýst því yfir að banna eigi trans konur í kvennaíþróttum. Hann veit líka hvað kona er, annað en mótframbjóðandi hans. Þetta tvennt hefur gífurleg áhrif þegar kvennabaráttan er annars vegar. Væri þá ekki gott fyrir konur að fá hann sem forseta Bandaríkjanna?

Fella þarf úr gildi lög um kynrænt sjálfræði til að vernda stúlkur og konur.

Íslenskir fjölmiðlar eru samir við sig. Fjalla ekki um rétt kvenna og stúlkna þegar trans konur eru annars vegar. Meðvirkni þeirra er óhugnanleg.

Greinina er hægt að lesa hér.

Norsk grein um sama efni hér.