Á að blanda KÍ í mál

KSÍ. Aron sendi frá sér yfirlýsingu þar sem stjórn KSí bannar val á honum í landsliðshópinn. Ástæðan er umfjöllun kynjafræðingsins og áburður á ónafngreinda menn.

Óhjákvæmilega blandast KÍ inn í mál KSÍ þar sem frambjóðandi til formanns Kennarasambandsins hefur rægt fótboltastráka landsliðsins. Ásakanir um ofbeldi og nauðganir, engar sannanir. Geta kennarar sætt sig við slíkan formann, ég segi nei. Kennarar eru heppnir, tveir frambærilegri frambjóðendur hafa komið fram. Þurfum ekki að sitja uppi með kynjafræðinginn. Kennarasamtök eiga ekki að sætta sig við að blandast slíkum dylgjum og undirróðri í samfélaginu. Samræmist ekki kennarastarfinu.

 


Gott að heyra

því Anna María er óumdeild innan KÍ. Annað en hinn frambjóðandinn Hanna Björg Vilhjálmsdóttir sem er umdeild í samfélaginu sem og innan KÍ. Hanna Björg myndi fara illa með kennarasamtökin og því gott að annar og frambærilegri kostur hefur litið dagsins ljós. Spurning hvort fleiri hafi áhuga. Framboðsfrestur rennur út 4. okt. 

Allir kennarar mega og ættu að fagna þessu framboði. 


mbl.is Anna María býður sig fram til formanns KÍ
Tilkynna um óviðeigandi tengingu við frétt

Kallar kennara heimskan

og hver er aflleiðingin fyrir 10-15 ára nemanda? Nemandi kallar kennara þroskaheftan, hver er afleiðingin? Nemandi kallar kennara sinn fávita, hver er afleiðingin? Nemandi kallar kennara tík, hver er afleiðingin? Nemandi kallar kennara sinn hóru, hver er afleiðingin?

Kennarar spyrja sig hvað sé til ráða. Hér er um vaxandi vanda að ræða. Getur kennari látið hjá líða að taka á málinu? Ber ekki að refsa nemanda fyrir svona orðbragð? Kennarar kæra sig ekki um svona munnsöfnuð eða láta tala svona til sín. Þeir refsa nemanda og leggja honum línurnar um hvað leyfist og hvað ekki.

Samt sem áður kvarta sumir foreldrar undan kennurum sem taka á nemendum sem tala svona til þeirra. Þeim finnst sumum kennara óvægnir og að nemandi hafi ekki meint þetta. Hér kemur að stjórnendum að standa með sínu fólki. Gera þeir það allir, held ekki.

Svo höfum við foreldra sem myndu aldrei líða barni sínu að taka svona til kennara, eða fullorðinna almennt. Láta börn sín biðja afsökunar og fer með lexíu um kurteisi. 

Hvað finnst fólki almennt, eiga nemendur að komast upp með svona framkomu?


Eru þetta ekki skýr skilaboð

að formaðurinn njóti ekki lengur hylli kjósenda sinna. Stefnan nær ekki í gegn. Logi nær ekki tveimur þingmönnum í kjördæmi sínu. Sjálf er ég ekki hissa. Hilda Jana hefur lítið persónufylgi meðal Akureyringa.

Vissulega hlýtur Logi að skoða innviði Samfylkingarinnar, með breytingar í huga. 


mbl.is Samfylkingin muni „rísa upp í fyllingu tímans“
Tilkynna um óviðeigandi tengingu við frétt

Ekki líst mér á

málefnin sem unga konan ætlar að leggja áherslu á.

  • Afglæpavæða neysluskammta(lögregla segir menn ekki fara í fangelsi vegna neysluskammta)
  • ókeypis háskólamenntun, styrkir (auðvitað á fólk að bera kostnað að fjárfestingu sinni)
  • fleiri flóttamenn (sem nú þegar er nóg af að mati þjóðarinnar)

Held að þetta sé almennt ekki málefni unga fólksins, bara Pírata. 


mbl.is Bjóst í besta falli við að verða varaþingmaður
Tilkynna um óviðeigandi tengingu við frétt

Ójöfn atkvæði

Alveg óþolandi að þingmenn sunnan megin á landinu þurfi fleiri atkvæði á bak við sig en þeir í norðvestur. Munar næstum helming. Laga þarf þessa stöðu. Reyndar hissa að enginn hafi látið reyna á hvort svona mismunun sé lögleg. Þingið verður að taka á þessum ójöfnuði á komandi þingi. 

Rafrænar kosningar hljóta að vera það sem koma skal. Næstu þingkosningar, rafrænar.


Kynjafræðingar!

uglur


Kosningadagur- hvað skal kjósa!

Er í vandræðum. Enginn flokkur heillar mig. Stundum hefur Samfylkingin fengið atkvæði mitt, ekki núna. Get ekki hugsað mér annan mann á lista í Norðaustur inn á þing. Með engu móti. 

Hef þurft að skoða persónur flokkanna til að gera upp hug minn. Hvern vil ég inn á þing. Skiptir máli ef maður ætlar þeim að vinna vinnuna sína. Margir þingmenn hlunkast í sæti sín og svo gerist ekkert meir.

Allt tal um umhverfismál snýst um gjöld á neytendur og græna orku. Nokkuð viss ef leiðtogarnir ættu að ræða málefnið af einhverri alvöru vissu þeir lítið. Frasar. Hvað með rafhlöður bílanna? Hvernig er þær tilkomnar og hvernig losar þjóðin sig við þær? Án tilkostnaðar? Svona mætti lengi telja.

Kosningadagurinn runninn upp. Hvort sem mér líkar betur eða verr. Drattast á kjörstað áður en kjörstöðum lýkur. Verð að gera upp hug minn.

 


Ekki hissa að barist sé um starfið

þar sem KSÍ borgar mjög góð laun. Lesa má í fjölmiðlum: ,,Samkvæmt ársskýrslu KSÍ námu laun og bifreiðastyrkur til Guðna á síðasta ári um 19,7 milljónum króna. Það gerir að meðaltali um 1,64 milljón króna á mánuði, þrátt fyrir að formaðurinn hafi tekið á sig launaskerðingu vegna kórónuveirufaraldursins."

Þetta er langt í frá að vera í lagi. Ofurgreiðslur. Laun innan við milljón ætti að duga formanni KSÍ. Rúmlega tvenn grunnskólakennaralaun. 


mbl.is Guðbjörg býður sig fram í stjórn KSÍ
Tilkynna um óviðeigandi tengingu við frétt

Hvað með smokkana

og pilluna. Hvað með rakvörur fyrir drengi. Ekki er minni kostnaður í þeim en tíðarvörum sem eingöngu stúlkur nota. Hvað með fatnað á unga fólkið, getur samfélagið ekki líka séð um það. Meðan unga fólkið fær þetta fjármagn frá samborgurum sínum getur það ekið um á bílum, skemmt sér og drukkið, farið til útlanda og ég veit ekki hvað. En þeim er um megn að borga nauðsynjavörur fyrir eigin líkamann. Mér þykir við teygja okkur heldur langt. Annað að skólinn eigi ,,neyðar" pakka, ef stúlka fer á blæðingar og hefur ekki bindi með sér. 

 


mbl.is Framhaldsskólanemar fá fríar tíðavörur
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband