Börnin gjalda þess

Fleiri hundruð börn á Norðurlöndunum hafa fengið hormónalyf til að stoppa kynþroskann. Þau fá mikið magn af hormónum gagnstæða kynsins með skelfilegum afleiðingum eins ófrjósemi og beinþynningu. Þetta hefur viðgengist hér á landi og í Danaveldi frá 2016 þegar Ríkisspítalinn fékk leyfi fyrir ,,kynskiptum“ barna.

Meðferðin var innleidd sem stöðluð meðferð án þeirrar kerfisbundnu eftirfylgni sem venjulega er krafist í tilraunameðferðum og án vísindalegrar þekkingar. Það er sérstaklega mikilvægt þegar um tilraunir er að ræða, eins og í þessum tilfellum, að vísindin séu að baki notkuninni.

Lyfin sem eru notuð til að stoppa kynþroskann hafa engar vísindalegar rannsóknir að baki sér. Um tilraunir á börnum er að ræða. Slakað hefur verið á þeim ströngu kröfum sem venjulega eru gerðar til lyfjanotkunar, að vitað sé um afleiðingar og aukaverkanir. Börnin gjalda þess.

Þetta hneyksli, að nota tilraunalyf á börn, er viðameira en hvíta duftið eða þvingaðar ófrjósemisaðgerðir á stúlkum eins og gert var í Danaveldi og víðar. Afleiðingarnar í framtíðinni verða skelfilegar eins og norski sálfræðingurinn segir. Lesið hér.

Í Cass skýrlunni kemur fram að átt var við niðurstöður rannsókna á lyfjum sem notuð eru í trans-málaflokkum. Síðan nota læknar þessi lyf á börn, á börn hugsið ykkur með skelfilegum afleiðingum. Hver leggur barn sitt að veði fyrir lyfjatilraunir lækna?

Að mati bloggara er um barnaníð að ræða þegar menn bæði mæla með að stúlkur láti fjarlægja brjóst sín og taki eiturefni til að breyta heilbrigðum líkama í allt annað en þau eru.

Enn karlaheimur!

Billy Bragg hefur tístað um stöðu kvennamála. Það virðist fara í taugarnar á fólki að menn bendi á réttindi kvenna sem hverfa þegar karlmaður er sagður kona. Gef henni orðið;

"... Það eru karlar í kvennafangelsum, þar á meðal barnaníðingar og nauðgarar.

Konum í fangelsi er refsað af ríkinu fyrir að nefna þessa menn sem karla.

Það eru karlar í kvennaíþróttum sem niðurlægja íþróttakonur á meðan þeir stela viðurkenningum þeirra og þessir menn eru líka í búningsklefum þeirra.

Það sama á við um stráka í íþróttum og rýmum stúlkna.

Konum hefur verið nauðgað, þær barðar og stungnar í athvörfum af körlum vegna þess að athvarfið lætur eins og karlar séu konur.

Konur á geðdeildum liggja við hlið karla í næsta rúmi sem þykjast vera konur og þær eru gaslýstar af starfsfólki að það sé enginn karlmaður þar.

Sama á sjúkradeildum.

Stelpum er kennt að ef þær fylgja ekki kynjuðum staðalímyndum, ef þær passa ekki við væntingar samfélagsins eða líður illa með líkama sinn, þá gætu þær ,,í raun verið strákar".

Konur og stúlkur láta fjarlægja brjóst sín, eitra líkama sinn með testósteróni, þjást af sársaukafullum aukaverkunum, snemmbúnum tíðahvörfum, ófrjósemi og svo margt fleira, allt í leit að ómögulegri lygi.

Orðin kona og stelpa hafa verið endurskilgreind sem blandað kyn og þar með eyðilagt öll réttindi kvenna og vernd, alla sögu okkar og afrek, getu og möguleika okkar til að tala um okkur sjálfar, málefni okkar og skipuleggja okkur í kringum þau.

Þetta er bara toppurinn af ísjakanum af skaðanum sem verður vegna afneitunar eigin kyns.

Þetta er enn karlaheimur. ..." Hér má lesa færsluna.

Amnesty á valdi vókismans

Þegar Sall Gover tapaði dómsmálinu gegn karlmanninum Roxy, sem vildi vera á kvenna-appinu sem Sall stofnaði, fagnaði Amnesty. Undravert, mannúðarsamtök sem segjast vera umhugað um mannréttindi. Ljóst er að með dómnum tapa konur og stúlkur mannréttindum. En bergmálshellir Amnesty er áþreifandi.

Vókismi þeirra kemur glögglega í ljós hér. Amnesty International bendir á að Talíbanar mismuni stúlkum og konum sem ,,skilgreina sig sem stúlkur"... Getur það orðið fáránlegra og niðurlægjandi?

 

 

Umræða um ,,pride."

Gunnar Gíslason forstöðumaður skólaþróunarsvið HA-hræsni eða sýndarmennska?

Detta ekki allar dauðar lýs úr höfði mínu. Rætt um ráðstefnu hjá Skólaþróunarsvið HA, sjá hér. Fjalla á um læsi. Forstöðumaðurinn talar ranga íslensku. Hann vill gjarnan að dýr og börn mæti á ráðstefnuna því hann segir, „Öll ættu að hafa gagn og gaman af ráðstefnunni með því að hlusta og taka þátt þó svo að ráðstefnan sé sett upp fyrir kennara og stjórnendur í leik-, grunn- og framhaldsskólum,“ segir Gunnar Gíslason, forstöðumaður…“

Við sem leggjum upp úr því að nota rétta íslensku og að hún sé rétt kennd vitum að þarna á að standa allir. En hvaða öll á Gunnar við ef það eru ekki dýr og börn sem hann á við. Öll kennarar, öll stjórnendur, öll þátttakendur…eða?

Það er þyngra en tárum taki að stofnun sem menntar kennara, sem eiga svo að mennta nemendur í íslensku, skuli ekki einu sinni virða íslenskar málfræðireglur.

Neðar í frásögninni segir Gunnar, ,, Flest sitja svo einnig ráðstefnuna daginn eftir…“ Enn talar Gunnar um flest dýrin eða flest börnin. Við sem þekkjum málfræðireglur íslenskunnar vitum að þarna á að standa flestir. Varla talar Gunnar um flest kennarar, flest skólastjórnendur, flest þátttakendur. Veit hann ekki betur?

Ef Gunnar Gíslason forstöðumaður ætlar að vera vókisti og nota ,,öll“ um ímynduð kyn þá er fokið í flest skjól. Getur maður borið traust til menntamanna sem kunna ekki með málfræðina að fara?

Skipar Háskólinn á Akureyri sér á sama stað og Ruv með, eins og sumir segja, nauðgun íslenskunnar?

Bloggari hefur séð auglýsta viðburði frá Háskólanum á Akureyri þar sem stendur ,,öll velkomin“ og undrast að sjá slíkt orðalag frá menntastofnun. Að háskólamönnum í HA sé svona umhugað um að börn og dýr mæti á viðburði hjá þeim er nýung.

Baldur Hafstað orðaði svona málnotkun eins og Gunnar notar á þessa leið ,,Öll velkomin. Það er ekkert ,,líbó“ við svoleiðis orðalag; þetta er í besta falli sýndarmennska-eða öllu heldur hræsni.“ Pistlar Baldurs heita Tungutak.

Hafa karlmenn skilning og upplifun af verkjum kvenna

Ríkisstjórn Viktoríuríkis tekur karlmenn með í heilsufarsrannsókn á verkjum kvenna.

Jacinta Allan forsætisráðherra Viktoríuríkis og ríkisstjórn hennar vita ekki hvað kona er. Þrátt fyrir að hafa ekki getað skilgreint helming íbúanna hefur hún haldið áfram og pantaði rannsókn "The Inquiry into Womens Pain" vegna heilsufarsbreytinga kvenna segir Kirralie Smith. Um er að ræða háa fjárhæð, 153 milljón dollara fjárframlag til verksins.

Rannsóknin tekur við svörum frá ,,hverjum þeim sem skilgreinir sig sem konu, þó að hann kunni að hafa annað kyn við fæðingu." Það sem þeir vísa til hér eru karlmenn.

Ríkisstjórn Viktoríuríkis tekur því við svörum um sársauka kvenna, frá körlum, sem hafa allt annan lífeðlisfræðilegan uppbyggingu og munu aldrei upplifa sársauka sem tengist kvennalíkama.

Fatnaður, lyf og skurðaðgerðir sem hylja karlmennsku mannsins breyta ekki æxlunarfærum hans frá karli til konu og hann mun aldrei skilja eða upplifa hvað það er að hafa kvenkyns æxlunarfæri.

Karlmaður mun aldrei þola breytingarskeið kvenna, legslímuflakk eða leghálskrabbamein, en samt vill ríkisstjórn Viktoríuríkis láta undan fantasíum sumra karla um að þeir geti verið konur með því að taka þá með í heilsufarsrannsókn kvenna.

Það er móðgandi og fáránlegt!

Þekktur skurðlæknir í Viktoríu, vildi ekki láta nafngreina sig af ótta við slaufun, talaði gegn þessu og sagði ,,kynstaðfestingar umönnun“ eyðileggingu í heilbrigðisþjónustunni. Það verður að setja líffræðina framar sjálfsmyndinni ,,sjúklingar kynna fyrir læknum hið ,,nýja“ kyn og gefa ekki upp líffræðilega kyn sitt. Þetta hefur gífurleg áhrif á þjónustuna.

,,Ef læknar segja eitthvað neikvætt er hægt að tilkynna það til eftirlitsaðila.“ Áfram heldur læknirinn ,,Yngri læknar eyða tíma í að læra hvernig á að tala við þetta fólk og einblína ekki á grunnatriðin eins og sykursýki, astma eða brjóstakrabbamein.“

Læknar geta ekki gagnrýnt brjálæði stjórnvalda af ótta við slaufun eða sviptingu leyfis.

Hvernig er hægt að ætlast til þess að nokkur treysti ríkisstjórn eða lækni sem afneitar raunveruleikanum, hafnar vísindum og gaslýsir konur með þeirri lygi að karlmaður geti verið kona?

Hér má lesa greinina.

Auðvitað á að lögsækja kennara, hérlendis sem erlendis, sem halda lygum að börnum í skólakerfinu

Ef lygi er sögð nógu oft getur þú fengið fólk til að trúa henni. Líka börnum. Þau eru sérstaklega viðkvæm. Kennari er í ráðandi stöðu inni í kennslustofu. Fáir nemendur hafa þekkingu til að mótmæla kennaranum þegar hann viðhefur trans-bænina um að kynin sé mörg, að barn sé fætt í röngum líkama, að kona geti haft typpi og að hægt sé að skipta um kyn.

Bloggari vonar að Elon Musk láti kné fylgja kviði og lögsæki nokkra kennara í Bandaríkjunum fyrir að bera lygar á borð fyrir skólabörn. Það þarf að setja kennurum sem haga sér svona stólinn fyrir dyrnar.

Kennarar koma inn viðhorfum hjá börnum sem á sér engan vísindalegan- eða staðreyndar bakgrunn. Hinsegin líðan er í kollinum á fólki, ekkert að því. Fólk má trúa og vera eins og það vill en látið verið að fá okkur hin til að trúa því sem þú trúir!

Borgarholtsskóli leyfir kennara að bera þvæluna í nemendur sem stunda nám þar. Kvenfrelsunarbifvélavirkja, sjá hér.

Á síðunni stendur „Aðförin að börnum, einkum og sér í lagi í skóla og fjarri vernd foreldra, er nánast að skilja sem markvissa félagsverkfræði.“ Bent er á, að við séum barna steinsnar frá veröldu „án mæðra.“

Þvælan að trans-maður sé lifandi dæmi um að hann geti verið ófrískur er það mesta bull sem mannkynið hefur heyrt. Trans-maður er líffræðileg kona með þau líffæri sem til þarf að verða ófrísk, EKKI af því hún er trans-maður. Svona reyna trans-aðgerðasinnar að breyta sannleiknum og fá okkur hin til að trúa því.

Hvaða lífsskoðun fullorðið fólk hefur á kynjunum skiptir ekki máli en í guðanna bænum hættið að ljúga að börnunum í menntastofnunum. Ríkisreknum meira að segja.

Að segja börnum sannleikann er það sem faglegir leiðtogar hvers skóla eiga að krefja starfsfólkið sitt um. Yfirmenn menntamála eiga að gera slíkt hið sama, krefja faglegu leiðtogana um að sannleikurinn sé sagður í skólakerfinu. Líffræðilegu kyni er ekki hægt að skipta út. Þegar faglegur leiðtogar skólanna eru sjálfir farnir að efast um sannleikann um líffræðina er tímabært að segja starfi sínu lausu.

Hlustið hér.

Dönskum sálgreini stefnt

Trans-konurnar, sem eru karlmenn, eru samir við sig. Stefna konum víða um heim af því þeir móðgast. Bloggari hefur sagt frá nokkrum sem ýmist hafa farið í gegnum réttarhöld eða eru á leiðinni. Segja má að konur hafi haft sigur í öllum tilfellum nema einu, en það var fyrirtæki Sall Grover sem mátti ekki útiloka karlmann sem segist vera kona, frá appi sem hún bjó til fyrir konur. Það mál fer á næsta dómstig.

Nú er það Lotte Ingerslev, danskur sálgreinir sem hefur barist fyrir að konur og stúlkur haldi réttindum sínum og að sannleikurinn sé sagður. Karlmaður getur aldrei verið kona. Karlmenn eiga ekki að vera í kvennaíþróttum eða einkarýmum kvenna. Lotte heldur úti bloggsíðu sem vert er að fylgjast með.

Sá móðgaði nefnist Nadia. Hann vill 100.000 danskar krónur í miskabætur. Hann heldur því fram að Lotte hafi skaðað hann.

Hann, Nadia, er í vinnuhópi hjá Danska knattspyrnusambandinu (DBU) og vinnur að því hörðum höndum að trans-strákar og karlmenn geti spilað með kvennaliðum, án þess að spyrja stelpurnar eða foreldra þeirra. Honum þykir sjálfsagt að fólk stundi íþróttir í karla- eða kvennaflokki eftir tilfinningu og upplifun, ekki kyni. Margir foreldrar hafa mótmælt þessu en eitthvað er DBU þungt í taumi gagnvart stúlkunum.

Enn og aftur er höfðað til að stúlkur eigi að vera vingjarnlegar, sýna tillitssemi og viðurkenna tilfinningar annarra, sem sagt trans-fólks. Þær eiga að gefa eftir réttindi sín og hundsa eigin tilfinningar.

DBU hefur ekki kannað áhrifin af ákvörðun sinni, um að leyfa strákum sem skilgreina sig sem stelpu að spila með stelpunum. Heldur ekki hvaða áhrif það hefur á þær að deila búningsklefa.

Það verður fróðlegt að fylgjast með framvindu málsins eins og með öllum hinum sem hafa verið í gangi. Trans-konur hætta ekki fyrr en konur eru með öllu réttindalausar og geta ekki tjáð sig um málefni sín á nokkurn hátt, hlustið hér.

 

Dregin fyrir dómstóla fyrir að segja að karlmenn geti ekki haft barn á brjósti

Bloggari veit yfirhöfuð ekki hvert heimurinn stefnir. Hef minni áhyggjur af loftslagsmálum en þróun trans-málaflokksins sem gerir endalaust lítið úr konum og hefur af þeim réttindi. Karlmenn, með öllum tiltækum ráðum, vilja yfirtaka það sem konur eiga. Andlega veikir karlmenn eins og þessi sem stefnir konu fyrir að segja sannleikann fá að vaða uppi vegna tilfinninga sinna.

Viðbrögð á netinu

Sérfræðingur í brjóstagjöf, Jasmine Sussex, á að mæta fyrir dóm í Queensland fyrir að tjá sig um þá staðreynd að aðeins konur geti haft barn á brjósti. Hún lét skoðun sína í ljós um karlmann, Buckley, sem tók lyf til að geta gefið barni brjóst. Hún sagði að hann ætti ekki að gera slíkar tilraunir á börnum. Þessi hegðun karla væri hluti af ,,hættulegu blæti.“

Buckley dregur Jasmine fyrir dóm en hann er karlmaður sem skilgreinir sig sem konu. Enn koma þessi fjandans lög um kynrænt sjálfræði við sögu. Karlinn tók lyf til að framkalla brjóstamjólk. Jasmine hefur ekki í hyggju að láta þagga niður í sér. ,,Brjóstagjöf tilheyrir mæðrum og börnum okkar.“ segir hún. Við erum einu manneskjurnar sem getum framleitt brjótamjólk til að næra ungviðin okkar.“

Eiginkonan ólétt

Karlmaðurinn sem kærir Jasmine tók lyf þegar konan hans var ólétt svo hann gæti líka haft barnið ,,á brjósti.“ Mynd sem hann birti mynd af sér á samfélagsmiðlunum með barnið á bringunni skapaði mikla reiði. Hann skrifaði ,,Undanfarnar 6 vikur hef ég tekið lyf sem heitir Domperidon til að auka prólktín til að geta framleitt brjóstamjólk og upplifað brjóstagjöf“ skrifaði hann í færslu á snjáldursíðua sína.

Lyfið Domperidon er jafnan gefið sem ógleðilyf. Viðbrögð hans komu vegna ummæla Jasmine, sem kallaði aðferðina grimma og siðlausa. ,,Þetta er hinsegin kenning Buckley um reynslu hans af brjóstagjöf," skrifaði hún á netinu.

Kvörtun um róg

Í nóvember á síðasta ári fékk hún tölvupóst frá mannréttindanefnd Queensland þar sem henn var tilkynnti að nefndin væri að rannsaka kvörtun frá Buckley. Nefndin er að rannska meintan rógburð af hálfu Jasmine.

,,Í kvörtuninni er reynt að forðast almennar áhyggjur mínar og gagnrýni á brjóstagjöf karla," segir hún.

,,Ég hafna alfarið þeirri fullyrðingu að yfirveguð gagnrýni mín á brjóstagjöf karla ýti undir hatur, alvarlega fyrirlitningu eða alvarlegt athlægi í garð hans og annarra trans-kvenna."

Rannsóknir á karlmönnum sem gefa börnum sínum brjóst með lyfjagjöf eru mjög umdeildar og það er aldrei afsökun fyrir því að gera tilraunir á börnum vegna tilfinninga fullorðinna.

Heimild.

Trans-konan er karlmaður segir Hæstiréttur

Það féll tímamótadómur í gær. Sannleikurinn sigraði. Dómur í Hæstarétti Danaveldis tók af öll tvímæli. Trans-kona með klukkuverkið undir sér er karlmaður og á ekki að afplána í kvennafangelsi. Bloggari sem hefur sagt sannleikann og ekkert nema sannleikann, að ekki sé hægt að skipta um líffræðilegt kyn, gleðst yfir dómnum. Dómurinn staðfestir sannleikann. Karlmaður getur ekki verið kona og öfugt.

Drengur, maður, hann

Stúlka, kona, hún.

Barn,  það

Karlmaðurinn sem segist vera trans-kona

Hann er fæddur 1961. Árið 1984 fékk hann dóm fyrir grófa líkamsárás og nauðgun. Aftur 1990 féll nauðgunardómur sem hann framandi ári fyrr. Nauðgunin talin mjög hættuleg. Maðurinn fékk reynslulaust 2009 og þremur árum síðar dæmdur fyrir bankarán.

Árið 2015, eftir að Danaveldi tók upp lögin um kynrænt sjálfræði, skipti maðurinn um kennitölu og hefur nú kvenmannskennitölu. Kannski má segja að samkvæmt lögunum geti hann kallaði sig konu, en kona er hann ekki. Hér má enn og aftur sjá ástæðu þess að fella eigi lög um kynrænt sjálfræði úr gildi. Ekki seinna en á morgun.

Ástæða málsóknar

Karlmaður sem sat í karlafangelsi óskaði eftir að afplána í kvennafangelsi. Hann var dæmdur fyrir nauðgun, og það grófa. Hann breytti kynvitund sinni í fangelsinu og vildu að kvenkyns fangaverðir leituðu á honum nöktum og sæju um að taka þvagprufu af honum. Rökin voru að hann væri ,,kona“ og það væri niðurlægjandi fyrir hann að hafa karlmann viðstaddan. Honum var hafnað og því leitaði hann til dómstóla með það mál samhliða þess að flytjast yfir í kvennafangelsi.

Hann segir m.a. vera óvirkur kynferðislega og aldrei haft möguleika á stinningu því taugar voru skornar þegar hann var barn. Réttalæknaráðið útilokar þó ekki að það geti gerst. Aðspurður sagðist hann ekki hafa nauðgað konunum sem hann var dæmdur fyrir. Hann reyni nú að fá málin endurupptekin.

Dómurinn

Maðurinn er enn með kynfæri karlmanns og í útliti eins og karlmaður. Með tillit til þess og hver glæpur hans er mun hann sitja áfram í karlafangelsi. Honum var synjað um afplánun í kvennafangelsi. Dómurinn komst líka að þeirri niðurstöðu að ákvörðunin gengi ekki gegn Mannréttindadómstólnum. Talið er að ákveðin hætta sé á ferðinni gagnvart öðrum föngum og starfsmönnum verði hann færður í kvennafangelsi.

Eftir endurskoðun á lagasögu ákvæðisins, sem kynnt var áður en möguleiki var á lagalegum kynskiptum, komst Hæstiréttur að þeirri niðurstöðu að almennt yrði að skilja kyn í skilningi ákvæðisins sem líffræðilegt kyn einstaklings.

Dómurinn hafnaði því að hann væri niðurlægður þó karlmenn sæju um líkamsleit og séu viðstaddir þegar þvagprufa sé tekin. Hann er líffræðilegur karlmaður og því er um sama kyn að ræða. Því eru þessi ákvæði ekki brot á Mannréttindasáttmálanum.

Maðurinn á ekki rétt á sérmeðhöndlun af neinu tagi. En farsinn um manninn gæti haldið áfram ef honum dettur í hug að áfrýja til Mannréttindadómstólsins.

Hæstiréttur staðfesti dóm Landsréttur.

Hér má lesa frétt um málið

Fjölskyldur lögsækja skólaumdæmi sem lét börn gista með trans einstaklingi af gagnstæðu kyni

Þrjár fjölskyldur í Colorado hafa höfðað mál gegn skóla og skólaumdæmið í Denver eftir að þeir lét unga nemendur vera með trans-fólki af gagnstæðu kyni í skólaferðalögum án þess að láta nemendur eða foreldra þeirra vita.

Í einu tilviki létu stjórnendur Jefferson County Public Schools dreng sem skilgreinir sig sem stelpu deila hótelherbergi með þremur stúlkum í fimmta bekk í ferð til Fíladelfíu og Washington, DC.

Í öðru máli er skólaumdæmið sakað um að hafa skipað 18 ára stúlku sem var nýbyrjuð að skilgreina sig sem karlmann til að starfa sem ráðgjafi í kofa fullum af strákum í sjötta bekk í skólaútilegu. Margir drengjanna gripu til þess ráðs að skipta um föt í svefnpokum sínum til að forðast að berskjalda sig fyrir ráðgjafanum, segja foreldrar.

Skólaumdæmi og skólanefndin

Fjölskyldurnar, ásamt lögmannsstofunni Alliance Defending Freedom, höfðuðu alríkismál gegn skólaumdæminu og skólanefndinni í  Jefferson-sýslu. Málið verður tekið fyrir í héraðsdómi Bandaríkjanna. Foreldrarnir halda því fram að héraðið hafi brotið á trúar- og foreldraréttindum þeirra með því að ,,neita að afhenda sannar og viðeigandi upplýsingar um gistingu barna sinna."

Kate Anderson, lögfræðingur ADF, sagði í yfirlýsingu að ,,foreldrar, ekki stjórnvöld, hafi rétt og skyldu til að stýra uppeldi og menntun barna sinna, og það felur í sér að taka upplýstar ákvarðanir til að vernda friðhelgi eigin barns."

Talsmaður skóla í Jefferson-sýslu sagði í tölvupósti að þó að héraðinu hafi ekki áður verið birt málsóknin, hafi þeir framkvæmt ,,lauslega endurskoðun á því sem lagt var fram fyrir dómstólnum" og þeir ,,eru ósammála fjölda fullyrðinga sem settar eru fram í henni."

Talsmaður umdæmisins segir ,,Við hlökkum til að fá tækifæri fyrir dómstólum til að deila sönnum staðreyndum, þar á meðal um gistingu sem við bjóðum fjölskyldum og nemendum.“

,,Fjölskyldur hafa alltaf endanlegt val hvort nemandi þeirra taki þátt í einstökum viðburðum sem felur í sér gistingu. Við tökum þessi mál alvarlega og við fylgjum öllum lögum Colorado fylkis þegar kemur að því hvernig við komum fram við nemendur, starfsfólk og fjölskyldur."

Réttur trans-einstaklinga er mikill

Joe og Serena Wailes sögðu frá reynslu ellefu ára dóttur sinnar í ferð til Fíladelfíu og Washington, DC. Þau litu á ferðina, í júní 2023, sem tækifæri fyrir dóttur sína til að ferðast með bekkjarfélögum sínum, læra meira um stofnun þjóðarinnar og hitta nýja vini frá öðrum hverfisskólum.

Wailses hjónin greiddu 2.017 dollara fyrir dóttur sína í umrædda ferð og dóttir þeirra seldi límonaði svo hún hefði eyðslufé í ferðinni, samkvæmt lögsókninni.

Serena Wailes fór einnig í ferðina en var ekki opinber fylgdarmaður.

Waileses var sagt að strákar og stúlkur yrðu í sitthvoru lagi og að dóttur þeirra yrði úthlutað herbergi með þremur öðrum stúlkum í fimmta bekk. Samkvæmt lögsókninni upplýsti skólastjóri dóttur þeirra ,,ekki að herbergjum yrði úthlutað á grundvelli kynvitundar vegna" stefnu hverfisins um trans nemendur.

Í stefnu héraðsins um trans-fólk segir að þegar kemur að því að deila herbergisfélögum í ferðir, ,,skuli meta þarfir nemenda sem eru trans í hverju tilviki fyrir sig með það að markmiði að hámarka félagslega aðlögun nemandans" og ,,tryggja öryggi og þægindi nemandans og lágmarka fordóma."

,,Í flestum tilfellum ætti að fela nemendum sem eru trans að deila gistingu með öðrum nemendum sem deila kynvitund nemandans sem stöðugt er haldið fram í skólanum," segir í stefnunni.

Dóttir Wailes fékk herbergi með tveimur stúlkum úr skólanum sínum og nemanda úr öðrum skóla. Hún gerði tilraun þennan fyrsta dag til að vingast við nemandann úr hinum skólanum og bauðst til að deila rúmi með henni, sögðu foreldrar hennar.

Fyrir svefn fyrsta kvöldið viðurkenndi nemandinn að vera trans.

Dóttir Waileles-hjónanna laumaðist inn á klósettið til að hringja í mömmu sína. ,,Rödd hennar er skjálfandi og hún segir: ,,Mamma, eitthvað gerðist bara. Ég þarf að segja þér frá því," sagði Serena Wailes í viðtali í fyrra.

Fylgdarmenn barnanna í ferðinni sögðu dóttur Wailes upphaflega hafa logið að herbergisfélögum sínum og sagt þeim að hún þyrfti að skipta um rúm til að vera nær loftkælingunni. Trans-nemandinn var að lokum fluttur í annað herbergi með stúlku og þeir sögðu að ein stúlkan væri veik og þyrfti meira pláss.

,,Allt kvöldið settu starfsmenn JeffCo alltaf friðhelgi einkalífs og tilfinningar karlkyns nemandans í forgang fram yfir dóttur Wailes, segir í lögsókninni.

Ráðgjafi af gagnstæðu kyni hjá drengjunum

Um það bil sex mánuðum áður en Waileses hjónin sendu dóttur sína í ferðina sendu Bret og Susanne Roller son sinn í sjötta bekk í útilegu á vegum héraðsins. Í ferðinni í desember 2022 var ráðgjafa á framhaldsskólaaldri falið að hafa umsjón með Outdoor Lab tjaldbúðunum ,,hvenær sem þeir eru í skálunum, þar á meðal þegar þeir sofa, skipta um föt og fara í sturtu," segir í lögsókninni.

Þegar Susanne Roller sótti son sinn í skólann eftir ferðina var það fyrsta sem hann sagði henni: ,,Ég var með stelpu í kofanum mínum," segir í lögsókninni.

Roller-hjónin komust að því að ráðgjafinn sem sá um kofa sonar þeirra var 18 ára kona sem þau þekktu í gegnum 4-H klúbbinn. Kvenkyns ráðgjafinn ,,skilgreindi sig sem konu á 4H aðeins nokkrum dögum fyrir" ferðina. Í skólanum hafði konan skilgreint sig sem kynsegin.

Sonur Rollers og aðrir strákar voru ósáttir við að hafa konu í kofanum sínum.

Kvenkyns ráðgjafanum var falið að standa fyrir utan sturtuklefa drengjanna til að framfylgja sturtutímamörkum og takmarka notkun á heitu vatni. Sturtuklefarnir voru aðeins aðskildir með þunnu tjaldi, eins og segir í lögsókninni.

Sonur Rollers ,,og margir aðrir strákar í kofanum ákváðu í sameiningu að neita að fara í sturtu á meðan þeir dvöldu á Outdoor Lab vegna þess að þeir voru vandræðalegir og hræddir við að fara í sturtu fyrir framan konu," segir í lögsókninni.

Roller-hjónin lýstu áhyggjum sínum við skólastjórann og spurðu hvort honum þætti þægilegt að leyfa 18 ára manni að sofa í kofa með 11 ára stúlkum. ,,Ég hef aldrei hugsað um þetta þannig," svaraði hann.

Umdæmisstjórar svöruðu ekki spurningum Susanne Roller um hvernig ætti að forðast atburðarásina í framtíðinni, segir í lögsókninni.

Waileses höfðu einnig samband við umdæmisleiðtoga og lýstu áhyggjum sínum af stefnu þeirra. Höfðu ekki erindi sem erfiði.

Héraðið samþykkti að framvegis verði það ,,vísvitandi úthluta nemendum af mismunandi kynjum til að deila gistingu." Það er innantóm skuldbinding, samkvæmt lögsókninni, vegna þess að í hvorugu tilvikinu var nemendum úthlutað rúmum - þeim var úthlutaður kofi þar sem þeir þurftu að koma upp svefnfyrirkomulagi á eigin spýtur.

Það voru ,,ekki mistök" eða ,,óviljandi ruglingur" að börnum Wailes og Rollers var úthlutað herbergjum með börnum af gagnstæðu kyni, segir í lögsókninni. ,,Þess í stað spilaði stefna umdæmisins eins og embættismenn umdæmisins ætluðu sér," segir þar.

Robert og Jade Perlman, foreldrar barns í sjötta bekk sem á að taka þátt í Outdoor Lab ferðinni í nóvember, eru þátttakendur í málsókninni. Þau eiga líka dóttur sem ferðast næturlangt með körfuboltaliðinu sínu.

Stefna héraðsins fyrir trans-fólk um gistingu ,,er sérstakt áhyggjuefni fyrir Perlman-hjónin vegna þess að þau vilja ekki að börn þeirra gisti hjá nemanda af gagnstæðu kyni," segir í lögsókninni.

Fjölskyldurnar halda því fram að reglur héraðsins um herbergi fyrir trans-fólk brjóti gegn réttindum þeirra samkvæmt fyrsta og fjórtánda viðaukanum. Þeir kalla eftir lögbanni sem krefst þess að héraðið upplýsi foreldra fyrir skólaferðalög um að börn þeirra gætu verið vistuð með nemanda af gagnstæðu kyni og að virða beiðnir foreldra um að börn þeirra séu ekki vistuð yfir nótt hjá fólki af gagnstæðu kyni, ,,óháð kynvitund viðkomandi."

Lesa má um málið hér.