Af hverju finnst mér greinin sem birtist fyrr á árinu fá byr undir báða vængi

þegar ég les blogg Arnars Þór lögmanns. Það skiptir ekki máli hver segir hvað. Mestu skiptir að það komi fram. Barnavernd!

Skoða þarf fræðslu hinsegin mála í skólakerfinu af meiri gagnrýni en verið hefur. Málaflokknum hefur verið laumað undir kyn, kynlíf og allt hitt. Áróðursfánum plantað á víð og dreif til að minna börn á, allt undir nafninu fjölbreytileiki, þó annað og meira liggi undir.

Arnar Þór bendir á að Magnús Þór formaður KÍ reyni að þagga niður í félagsmönnum. Hann hefur ekki bara gert það í greinum og yfirlýsingu (kúguð fram af Samtökum 78 o,fl.) heldur á þingi KÍ líka. Hann sýnir í hnotskurn að hann er ekki maður lýðræðis og tjáningarfrelsis. Á slíkur einstaklingur að vera í forystu kennarasamtaka?

Arnar Sverrisson sálfræðingur benti á í greininni, Kynami, kynjavitfirring kennara og lögreglumenn, á kúgunina sem Magnús var beittur fyrir nokkrum mánuðum. Hann vitnar til trans-konu. „En það kom samt ekki af neinu, svo því sé haldið til haga. Ég og aðrir kennarar hafa kvartað og skrifað KÍ í marga mánuði og bent á hegðun viðkomandi kennara og önnur transfóbísk skrif. Það var ekki fyrr en framkvæmdastjóri S78 og sérstök verkefnastýra fóru einnig að beita sér af þunga að KÍ gaf frá sér tilkynningu. En orð eru ódýr ef ekkert fylgir þeim og ef KÍ fer ekki að ýta á eftir því að farið sé eftir siðareglum kennara um Skóla án aðgreiningar, þar sem kennara ber að nálgast öll  börn af sömu virðingu og þjónustu öll börn án fordóma, þá heldur viðkomandi kennari bara áfram á sömu braut og aðrir sem fylgja henni að málum.“

Sálfræðingurinn heldur áfram og segir ,,Arna Magnea er herská og beitir sömu lágkúruaðferðum og kvenfrelsararnir, sem sífellt eru kúgaðir og ofsóttir. Þegar málefnið er óskýrt (hegðun og „tansfóbísk skrif“) má alltaf grípa til rógs og útskúfunar. Það er engu líkara, en að heilagt stríð sé í undirbúningi, svipað því og kvenfrelsararnir heyja gegn körlum.“

Það skal tekið fram að aldrei hefur verið bent á umrædd transfóbísk skrif, bara gasprað. Ekkert mánefnanlegt, bara skoðun eða tilfinning einstaklinga. Á því tekur Magnús Þór mark og leggur mannorð KÍ undir.

Fleiri hafa réttilega gagnrýnt formann KÍ. Páll skrifar, feitletrun mín ,,Formaður Kennarasambands Íslands skrifar blaðagrein þar sem hann biður fólk að þegja og andmæla ekki nýmælum í velferð barna. Undirgefni formaðurinn er B-ið í BDSM.“

Arnar Þór lögfræðingur segir ,,Með yfirlýsingum og greinum reyna yfirvöld og talsmenn kennara að berja niður gagnrýni.“

Ýmsar stjórnsýslustofnanir, Heimili og skóli og Barnaheill reyndu líka að þagga niður í fólki sem andmæltu umræddri kennslubók og veggspjöldum, en allir lýstu yfir stuðningi sínum við kynfræðslubókina og veggspjöld af hvers kyns toga. Forsætisráðherra í broddi fylkingar.

Sorglegra var þegar íþróttasambönd tóku undir, gagnrýnislaust. Sýnir hver hjarðhegðunin getur leitt fólk út af sporinu.

Arnar Þór bendir á að nýútkomið kynfræðsluefni fyrir börn sé vafasamt í meira lagi. Færslu hans má lesa hér. Hvet fólk til að tjá sig um málefni barna og ungmenna. Taktu slaginn, börn eru í húfi sem taka ákvarðanir sem ekkert barn á að taka.

Unga konan á myndinni hér að neðan tók afdrifaríka ákvörðun þegar hún var unglingur. Slæm ákvörðun sem hefur fylgt henni síðan. Í þessum þáttum segir hún m.a. sögu sína.

 

Magnús Þór Jónsson formaður KÍ ætti að fara eftir eigin orðum

og þegja frekar en segja. Magnús varð sér aftur til skammar með grein á Vísi.is.  Hann er formaður félags þar sem ólíkar skoðanir á hinsegin-hugmyndafræði ríkir en getur ekki setið á sér að sýna mátt sinn og megin. Tilgangur- hulin ráðgáta. Góð lesning.

Hann veit eins og stór hluti þjóðarinnar að kennarar eiga erfitt með að stíga fram og tjá skoðun sína í umdeildum málum, nákvæmlega vegna viðbragða eins og hann sýnir. Það þola ekki allir svona árásir.

Kannski hafa Samtökin 78 legið á herðum hans eins þegar hann varð sér til skammar.

Formaður KÍ hefur eina ferðina enn farið yfir strikið þegar hinsegin-málaflokkurinn er til umræðu. Lætur eigin skoðanir í ljós, ekki KÍ. Innan sambandsins eru rúmlega 11 þúsund manns og ljóst má vera að hann talar ekki fyrir hópinn í umdeildum málum.

Formaðurinn hefur ekki sagt orð um hið umdeilda námsefni, Kyn, kynlíf og allt hitt, þar sem börnum er kennt margt misjafnt og fleiri hundruð foreldra mótmæla um þessar mundir. Bókin brýtur gegn blygðunarsemi nemenda. Af hverju hefur formaður kennara ekki áhyggjur af því og lætur heyra í sér. Nú verður hver að spyrja sig.

Formaðurinn hefur ekki sagt orð um orðsendingu skólastjóra Jafnréttisskólans þar sem hún þaggar niður í skólastjórum í trássi við skyldur þeirra gagnvart foreldrum.

Í skólastefnu KÍ segir ,,Nám á að styðja nemendur í að afla sér þekkingar og beita henni með gagnrýnum hætti.“ Hvernig eiga nemendur að afla sér þekkingar um hinsegin-málaflokkinn þegar fræðslan er einhliða og meira að segja formaður KÍ setur pottlok á aðrar skoðanir en Samtökin 78 og Jafnréttisskóli Reykjavíkur boðar.

Skólastefna KÍ segir líka ,,Þeir skulu hafa tillögu- og umsagnarrétt um námsskipulag, námsefni, kennslutilhögun og önnur hagsmunamál sín.“ Er það svo í skólum hér á landi að nemendur hafi áhrif á kennsluefni um hinsegin-fræðin. Held ekki.

Magnús er ekki lýðræðislegur sem formaður KÍ. Hann leyfir ekki ólíkum sjónarmiðum og skoðunum að heyrast. Nei hann vill að ákveðnar raddir þagni, sennilega því fyrr því betra. Þess óskar hann þrátt fyrir að í skólastefnu KÍ standi ,, Mikilvægt er að kennarar taki þátt í opinberri umræðu um menntamál.“ Er hinsegin-málaflokkurinn og bókin Kyn, kynlíf og allt hitt ekki menntamál?

Nemendur þora ekki annað en sætta sig við fræðslu sem er þeim kannski þvert um geð. Ungir nemendur hafa ekki þann skráp sem þarf til að verjast árásum eins og við höfum séð t.d. á kennara sem vilja skynsama umræðu um hinsegin-málaflokkinn. Ekki einhliða fræðslu og fréttaflutning. Magnús Þór tekur þátt í því með orðhengilshætti.

Mér er til efs að Magnús Þór njóti virðingar eftir svona upphlaup. Betra að þegja en segja á svo sannarlega við formann KÍ svo ég noti hans eigin orð.

Faðir minn á gamaldsaldri kallar svona menn ,,froðusnakkara.“ Hvaðan hann hefur þetta orð veit ég ekki en ég veit hvað það þýðir og sennilega margir aðrir.

Eru skólastjórnendur verkfæri í höndum Kolbrúar Hrundar Sigureirsdóttur

stýru Jafnréttisskóla Reykjavíkurborgar. Kolbrún sendi út fjölpóst á stjórnendur um hvernig þeir eigi að bera sig að varðandi foreldra, spyrji þeir of mikið. Ljóst er að Kolbrún er og hefur verið virk í baráttunni um kynferðisofbeldi og hinsegin málefni. Hún aðhyllist trans-stefnunni eins og hún er kynnt í dag.

Kolbrún Hrund ber hag og öryggi stúlkna fyrir brjósti upp að vissu marki. Stúlkur eiga að sætta sig við að karlmenn sem skilgreina sig sem konur, með kynfæri karlmanns, mæti í búningsklefa kvenna. Í þeim tilfellum virðast stelpur ekki skipta máli í hennar huga. Karlmennirnir, með skilgreininguna að vopni, hafa réttinn.

Kolbrúnar er getið og henni þakkað fyrir framlag sitt til í hinni umtöluðu bók Kyn, kynlíf og allt hitt.

Hér má sjá höfund bókarinnar ræða við kennara fyrir nokkrum árum. Ógnvekjandi. Kolbrún virðist heillast af þessu ef marka má málflutning hennar og dálæti á bókinni. Hún berst fyrir að menn fjalli ekki um bókina og nú síðast með orðsendingu til stjórnenda innan fræðslusviðs Reykjavíkurborgar. Hún ætlar að stjórna umræðunni.

Pútin og Kim Jong Un...hvað gera þeir?

Nei við skulum ekki opna umræðuna um hvað foreldrar vilja og vilja ekki í fræðslumálum barna um kyn, kynhneigð og kynlíf. Kolbrún veit sínu viti, vill ráða og stjórna. Hinir skulu þegja og hlýða. Sjá mynd af póstinum neðar.

Velkomin til Rússlands og Norður- Kóreu Reykvíkingar undir stjórn stýru Jafnréttisskóla Reykjavíkurborgar.

Verð að hafa meira álit á skólastjórnendum en svo að þeir láti Kolbrúnu Hrund Sigurgeirsdóttur segja sér fyrir verkum þegar kemur að foreldrum barna sem ganga í skólann sem þeir stjórna. Foreldrar eiga rétt á samkvæmt lögum að vita hvað er kennt og hvaða efnið er notað. Feitletrun er mín.

,,18. gr. Foreldrar og meðferð upplýsinga.
 Foreldrar skulu gæta hagsmuna barna sinna á skólaskyldualdri. Foreldrar eiga rétt á að velja grunnskóla innan sveitarfélags fyrir börn sín samkvæmt reglum sveitarfélagsins. Jafnframt skulu þeir eiga rétt á upplýsingum um skólastarfið og skólagöngu barna sinna...Þeir skulu fá tækifæri til að taka þátt í námi barnsins, svo og í skólastarfinu almennt.”

,, 19. gr. Ábyrgð foreldra.
 Foreldrar bera ábyrgð á námi barna sinna og ber þeim að fylgjast með námsframvindu þeirra í samvinnu við þau og kennara þeirra.”

Í mínum augum er þessi kona algerlega vanhæf en er þarna undir verndarvæg Samfylkingarinnar, Viðreisnar og Pírata í borginni.

Lög um grunnskólann frá Alþingi.

Hér má hlusta á gagnrýni á fjölpóstinn.

Ungt fólk sem sér eftir kynsiptiaðgerð má ekki

halda erindi í menningarhúsinu í Osló nema með skilyrðum. Skyldi það vera gin úlfsins sem stendur fyrir því.

Hér má lesa um málið en í greininni segir að skipuleggjendur Menningarhúss Óslóar kröfðust að hafa líka fyrirlestur frá einhverjum sem er ánægður með kynskiptiaðgerð. Unga fólkið sætti sig ekki við það og aflýstu vegna afskipta stjórnenda. Fóru á annan stað. Minnir á málþing Samtaka 22.

Væri þetta viðburður þar sem jákvæð reynsla af kynskiptiaðgerð er umtalsefnið hefðu þeir ekki óskað eftir neikvæðu reynslunni sem mótvægi segir annað ungmennið.

Annar fyrirlesarinn bendir á að hópurinn stækkar ört sem sér eftir kynskiptiaðgerðunum. Menn segjast heyra lítið um það í samfélaginu. Hann bendir á að þessi gjörningur sé lifandi dæmi um af hverju heyrist svona lítið um málin í samfélaginu, reynt að þagga niður í okkur. Þeir sem hafa slæma reynslu af kynskiptiaðgerðum upplifa að þau megi ekki tala opinskátt um það.

Hann stækkar sífellt hópurinn. Einstaklingar sem sjá eftir að hafa hoppað á transvanginn, þar sem enginn veit hver endastöðin er, segja í auknu mæli frá. Vítin eru til að varast þau og því gott að einhver hefur þor og getu til að segja frá.

Hér á landi er aldrei sagt frá þessum ungmennum, fréttamiðlar láta eins og hópurinn sé ekki til. Gin úlfsins er stórhættulegt og því þora menn ekki að vera hlutlausir í fréttaflutningi sínum. Hér má sjá dæmi um eftirsjá. Þessi móðir bjargaði stúlkunni sinni, stefndi í óefni. Hún var ósátt við framgöngu skólans sem fór á bak við foreldrana.

Hér má sjá þrjá fræðsluþætti frá sænska sjónvarpinu þar sem trans-konan á myndinni hér að neðan segir frá sinni sögu. Sértrúarsöfnuður.

Kvensjúkdómalæknir sinnir bara konum

ekki karlmönnum sem skilgreina sig sem konu. Hér má lesa um málið.

Fyrir flesta menn er þetta augljóst. Til að leita til kvensjúkdómalæknis þarftu að hafa kvenmannslíffæri. Þar liggur sérhæfingin segir franski læknirinn í greininni.

Trans-samtök una ekki við þetta. Svei mér þá er fólk svona heimskt eða? Hvernig á kvensjúkdómalæknir að skoða og hjálpa trans-konu með líffæri karlmanns. Reynið að ímynda ykkur það

Trans-fólk gerði það sem það gerir. Ráðast að skynsömu fólki, kallar það trans-fóbískt fyrir að segja sannleikann. Læknirinn svaraði.

"Ég er kvensjúkdómalæknir og hugsa um alvöru konur. Ég hef enga hæfileika til að sjá um KARLMENN, jafnvel þótt þeir hafi rakað af sér skeggið og sagt ritaranum mínum að þeir séu orðnir konur. Kvensjúkdómafræðileg skoðun hentar ekki karlmanni. Það eru sérhæfðari og mjög hæf þjónusta til að sjá um menn eins og þig," skrifaði Acharian og lagði áherslu á texta sinn með hástöfum. "Takk fyrir að upplýsa trans-fólk um að koma aldrei til mín."

Tek hatt mitt ofan fyrir þessum lækni að standa með læknisfræðilegri þekkingu sinni. Enda er tíma hans mjög illa varið að ræða og skoða trans-konu sem hefur ekkert í líkamanum sem hann getur fjallað um fagleg séð. Fleiri þurfa að stíga fram og segja sannleikann um líkamana karlmanns og kvenmanns. Þessi lenti í gini úlfsins sem margir dásama.

Fréttaflutningur Ruv fyrir neðan allar hellur

Fréttamenn níða skóinn af fólki í Samtökunum 22 og fá forsvarsmann trans Samtakana 78 í lið með sér. Fólkið er nýtt niður í aðalfréttatíma sjónvarpsins með hjálp forsvarsmanns trans Samtakanna 78 án þess að fréttamenn gefi öðrum kost á að tjá sig.

Hvað gengur Hauki Hólm til og fréttastofunni? Af hverju fjalla þeir ekki hlutlaust um trans- málaflokkinn og ræða við báða aðila. Að þjóðin skuli sitja uppi með fréttamenn, á ríkismiðli, sem eru svona hlutdrægir er til háborinnar skammar.

Nokkuð skýr einstaklingur getur séð á stefnuskrá Samtaka 22 að ekkert hatur, fordómar eða annað einkennilegt er í gangi. Markmiðin eru skýr. Börnin og heilsa þeirra hafa forgang. Hins vegar hefur enginn frá trans Samtökunum 78 sagt hvaða falsfréttir eru sagðar, þeir segja ekki hvaða hatursorðræða er í gangi, þeir gaspra bara.

Katrín Jakobsdóttir forsætisráðherra hoppar á vagninn. Hún hefur að mér vitandi ekki boðið forsvarsmönnum Samtaka 22 í spjall til að heyra hvað samtökin hafa fram að færa. Hún varði óviðeigandi fræðslu skólabarna á að sonur hennar hefði lært um túrverki og börnin hefðu gott af að vita af því. Mikil ósköp! Auðvitað verður strákur að vita að stelpur kveljist, sumar hverjar, þegar þær hafa á klæðum. En Katrín vill líka að þessar stelpur, sem strákurinn hennar á að hafa samhygð með, mæti trans- konu með kynfæri karlmanns í búningsklefa sundlauga. Katrínu finnst ekkert að því að leggja það á ungar stúlkur og konur. Henni finnst heldur ekkert athugavert að karlmaður sem skilgreinir sig sem konu keppi við þær í kvennaflokki, og vinnur vegna karlmennsku sinnar.

Við hljótum að gera meiri kröfur til fréttastofu Ruv, og annarra miðla, en að apa upp gagnrýnislaust öskur trans Samtakana 78. Komið með rök og bendið á hvar skóinn kreppir.

Samtökin 22 og þeir sem styðja málstað þeirra bera virðingu fyrir öllum einstaklingum, burt séð frá atgervi þess.

Mannréttindadómstóllinn dæmdi börnum í hag gagnvart hinsegin foreldrum. Engar fréttir fluttar af því hjá Rvu, samt er um tímamótadóm að ræða, tvo frekar en einn.

Hann er karlmaður, skilgreinir sig hán, er kynjafræðingur

og höfundur bókarinnar Kyn, kynlíf og allt hitt. Menntamálastofnun ákvað að þýða bókina og nota sem kennsluefni fyrir 7-10 ára börn.

Höfundurinn er frá Kanada og þar eru menn ekki á eitt sáttir við það sem borið er á borð fyrir börn og foreldra í hinsegin fræðum. Margir foreldrar berjast nú gegn þeirri transvæðingu sem á sér stað í skólakerfinu þar. Menn eins Chris er eitt dæmi. Mikil og hljóðlát barátta en honum verður ágengt. Þekktur víða um hinn vestræna heim.

Chris boðar það sem margir boða hér á landi. ,,Látið börnin vera” en fullorðnir geta gert það sem þeir vilja. Víða má sjá mótmæli í Kanada enda þar eins og hér hefur vitundarvakning orðið meðal foreldra og margra annarra. Ekkert bakslag- heldur vitundarvakning!

Miðað við hve trans-hópurinn er fámennur er vægi örhópsins mikið í samfélaginu, stjórnsýslunni, skólum og áhrif þeirra gífurleg. Svo má deila um hvort það sé æskilegt eður ei.

Það má sjá á skrifum í bókinni, Kyn, kynlíf og allt hitt, að höfundurinn er ekki eins og fólk er flest. Held að fæstir myndu skrifa um endaþarmsuppgötvun fyrir börn í þessu samhengi.

Hann telur líka að kynin séu fleiri en tvö, sem er ekki hægt líffræðilega séð. Þess konar málflutningur eða kennsla í skólum á ekki að heyrast né sjást. Atgervi manna getur svo verið ólíkt. Það gerist í kollinum ekki litningunum.

Hugmyndir höfundar bókarinnar, Kyn, kynlíf og allt hitt, eru verulega brenglaðar á köflum. Sumt gott má finna í bókinni en ósannindi á ekki að bera á borð fyrir neinn eins og gert er í henni.

Foreldrafélag grunnskóla á Vesturlandi beitir skoðanakúgun

Foreldri benti á að það hefði sent inn lýsingar námsefnis úr bókinni ,,Kyn, kynlíf og allt hitt“ með spurningum um hvort fólk væri sátt með þetta. Færslan fór á snjáldursíðu foreldrafélags grunnskóla.

Ekki leið á löngu þar til færslunni var eytt út án skýringa.

Þetta sýnir glöggt hvers konar skoðanakúgun er í gangi af hálfu fólks sem hugnast ekki að ræða málið af einhverri alvöru. Hér má lesa gagnrýni á námsefnið, ekki að ósekju. Foreldrar í foreldrafélaginu ættu frekar að hvetja til umræðu en þagga hana.

Af hverju má foreldri ekki segja frá námsefni og óska eftir umræðum um það sem hann og margir aðrir foreldrar eru ekki sáttir með. Dónaleg og óvirðandi athugasemdum er sjálfsagt að eyða út.

Fulltrúar foreldrafélags sem stunda skoðanakúgun eru ekki á réttum stað og þeir sem fyrir félaginu fara ættu annað tveggja, opna umræðuna ellegar fara sem forsvarsmenn foreldrafélags. Framkoma þeirra sýnir að þeim er ekki treystandi fyrir forystunni.

Hvet fulltrúa foreldrafélagsins til að lesa þetta.

Kennslubók um kynlíf fer ekki rétt með og því á hún ekkert erindi til skólabarna

Kíkti yfir bókin kyn, kynlíf og allt hitt sem gefið er út af Menntamálastofnum. Hinsegin hugmyndafræðin hefur náð tökum á starfsmönnum þar eins og víða annars staðar. Farið er með blákaldar lygar í bókinni og er stofnuninni til skammar. Að Menntamálastofnun ljúgi að nemendum þessa lands er með ólíkindum. Bókin er ætluð 7- 10 ára börnum.

Starfsmaður Menntamálasstofnunar klóraði í bakkann og stóð sig illa. Nei við þurfum ekki þessa bók. Ruv samkvæmt sér, ræðir ekki við neinn sem er gagnrýnandi heldur meðvirkir. 

Rafbókina má finna hér.

Á blaðsíðu 16-17 er talað um að kynlíf sé eins og að fara í Tívolí. Meti hver fyrir sig hversu heppilegt það er. Þegar kynferðisafbrotamenn segja börnum að hafa ekki áhyggjur því þetta er eins og að vera í Tívolí.

Svo koma rangfærslur, ekki staðreyndir.

Á bls. 70-71.

Stelpur og strákar og við hin. Það er ekkert við hin. Annað tveggja er kynið stelpa eða strákur.

Flestir strákar hafa typpi. Það að hafa typpi gerir þig ekki að strák- BULL. Strákar fæðast með typpi.

Flestar stelpur hafa píku. Að hafa píku gerir þig ekki að stelpu- BULL. Allar stelpur hafa píku.

Svona rangfærslur eiga ekki að sjást í námsbókum.

Á bls. 75 er verið að gefa í skyn að væntanlegt barn sé ekki strákur eða stelpa. Hver er tilgangurinn?

Á bls. 77 er sagt frá afar sjaldgæfum frávikum um kyn eins og það sé daglegur viðburður, intersex.  Mér finnst þetta óviðeigandi að tala um þennan litningagalla við 7-10 ára börn því í flestum tilfellum er greinanlegt hvort litlingaparið er ríkjandi, XX eða XY.  

Á bls. 81 er dregið í efa að heilbrigðisstarfsfólk viti hvað það er að gera. Nefna okkur strák eða stelpu af því þau halda það segir í bókinni. Óboðlegt.

Á bls. 83 er talað um að flestir verða stelpa eða strákur. Þú getur ekki verið neitt annað samkvæmt líffræðinni og ég tel vafasamt að sá fræjum byggðum á trans-hugmyndafræði hjá ungum börnum.

Á bls. 84 heldur höfundur áfram að sá efasemdarfræjum sem styður ekki við vísindalega þekkingu.

Umræða um sjálfsfróun tekur svo við og eru nokkrar blaðsíður. Sitt sýnist hverjum um þessa fræðslu í skóla fyrir 7 – 10 ára börn. Ísland er fjölmenningarsamfélag þar sem menn fylgja ólíkum trúarbrögðum. Ef þetta samræmist ekki trúarbrögðum barna og foreldra skal varlega farið með þessa kennslu.

Á bls. 151 byrjar trans- hugmyndafræðin. Höfundi bókarinnar finnst nauðsynlegt að kynna börnum það sem hugmyndafræðin talar um.

Á bls.158-159, eru hugtökum trans-hreyfinga útskýrð, orð sem þau vilja nota. Almenningur vill ekki sjá þessi orð enda ber þeim ekki að nota þau undir neinum kringumstæðum nema vilja það sjálfir. Að troða þessu upp á börn í grunnskóla er fyrir neðan allar hellur.  Í listanum má sjá ,,cis“ eða ,,sis“ sem enginn notar um konur nema trans-fólk. Það eru ekki til neinar aðrar konur nema líffræðilega fæddar konur og því er þetta uppnefni óþarft, óviðeigandi og móðgandi. Hvað þá að heilaþvo 7-10 ára börn með þessum orðum. Talað er um ,,intersex" eins og það sé mjög algengt á þessari síðu. Litningagalli ef menn skyldu ekki vita það.

Nei góðir hálsar við hljótum að krefjast vísindalegrar þekkingar og staðreynda þegar kennsluefni og fræðslu er í grunnskólum landsins, ekki hugmyndafræði trans-hreyfinga.

Fimmtíu gráir skuggar og Langholtsskóli

Þegar bókaröðin 50 gráir skuggar kom út varð uppi fótur og fit víða um heim. Sama með myndirnar. Bækurnar þóttu sýna gróft kynlífsblæti sem hluti mannskynsins stunda, sennilega fáir miðað við hausatölu. Hér á landi vilja ákveðnir menn kalla BDSM blæti kynhneigð (já þú last rétt, kynhneigð) sennilega til að styrkja stöðu sína innan trans Samtakanna 78.

BDSM er kynlífsathöfn þar sem undirgefni annars aðila er aðalhlutverkið, með samþykki, bindingar, ólar, svipur, leðurfatnaður, grímur, binda fyrir augun og hvað annað sem maður getur nefnt sem tilheyrir kynlífsleikjunum. Mörgum finnst þetta ógeðfellt blæti á meðan aðrir dýrka það. Svona er það með flest blæti. Eitt er víst, þetta er ekki fyrir börn frekar en dragdrottningar.

Undanfarna daga hefur mynd af veggspjaldi flogið um samfélagsmiðlana sem skólastjóra Langholtsskóla finnst svo smart að hafa upp á vegg. Hvernig hún réttlætir það veit ég ekki. Börn á aldrinum 6-16 ára í Langholtsskóla og öðrum skólum þar sem veggspjöldin hanga uppi geta farið á netið til að fræðast um kynlífsblæti fullorðna. Er það í verkahring skólastofnunar að auglýsa sérstakt kynlífsblæti fyrir börnum? Er það í verkahring skólastjóra? Er það í verkahring kennara? Svari hver fyrir sig.

Kolbrún Hrund Sigurgeirsdóttir starfar í Jafnréttisskóla Reykjavíkurborgar (sem boðar trans-málefnin af fullum krafti) segir í leiðbeiningum sínum um hvernig eigi að tala við börn um klám ,,Rannsóknir sýna að því yngri sem börn eru þegar þau verða fyrir því að sjá klám í fyrsta sinn því meiri líkur eru á að þau upplifi vanlíðan.“ BDSM er klám í augum margra og því undarlegt að grunnskóli haldi fram við börn að það sé kynhneigð. Reykjavíkurborg skartar sama veggspjaldi og Langholtsskóli á vef borgarinnar.

Það er engum blöðum um það að fletta að skólastjóri Langholtsskóla fór yfir strik velsæmisins gagnvart börnum. Segja má að í svona leyndum skilaboðum, sem eru á veggspjaldinu, felist ofbeldi. Auðvitað á stjórinn að standa fyrir svörum um það. Ekki bara fyrir foreldrum heldur almenningi og skólayfirvöldum.

Af hverju ágæti skólastjóri finnst þér nauðsynlegt að kynna BDSM-blæti fyrir börn sem ganga í Langholtsskóla?

Kristján Hreinsson skáld skrifaði góðan pistil á snjáldursíðuna sína í gær. Hvet ykkur til að lesa. Hann vill ganga lengra og stofna samtök.

Foreldrasamtök voru stofnuð í Noregi, þau vilja staðreyndakennslu í skólum ekki hugmyndafræði. Foreldrar streyma inn í félagið.