Kallar eftir réttvísi og hreinskilni

Sérfræðingur SÞ segir að árétta beri mikilvægi kyns í lýsingu á ofbeldi gegn konum og stúlkum.

Það verður að endurreisa mikilvægi kyns og reynslu af mismunun og ofbeldi til að koma í veg fyrir og bregðast við vaxandi ofbeldi gegn konum og stúlkum á alþjóðavísu.

Ofbeldi gegn konum og stúlkum á rætur sínar að rekja til efnislegs veruleika, líffræðilegs kyns þeirra, sem skarast oft við aðra þætti og eykur þar með varnarleysi þeirra fyrir ofbeldi, sagði Reem Alsalem, sérstakur erindreki um ofbeldi gegn konum og stúlkum, orsakir þess og afleiðingar, í skýrslu til mannréttindaráðsins.

Að viðurkenna ekki þessa hlutlægu staðreynd hefur dregið úr sameiginlegri getu okkar til að lýsa og skilja ofbeldi karla gegn konum og stúlkum og til að bregðast við því á áhrifaríkan hátt, sagði hún.

Í skýrslu Alsalem er minnst á að alþjóðalög viðurkenni mikilvægi kyn kvenna og banni mismunun gegn þeim á þeim grundvelli.

Þegar kyn er hunsað í greiningu eru konur og stúlkur gerðar ósýnilegar í lögum, stefnumörkun, rannsóknum og þjónustu.

Skýrslan varpar ljósi á hvernig rof á kven- og kynbundnu tungumáli, og samruni kyns og kynvitundar, hefur leitt til gallaðra gagna, ófullnægjandi þjónustu við kvenkyns fórnarlömb ofbeldis og almennt veikari vernd fyrir konur og stúlkur, þar á meðal lesbíur og stúlkur sem upplifa ónot í eigin líkama.

Er menntun sjúkraliða ekki nógu góð

Ef dæma má yfirlýsingu sem m.a. Sjúkraliðafélag Íslands er þátttakandi í, um ða kynin séu fleiri en tvö, má ætla að sjúkraliðar hafi ekki lært nóg í líffræði. Þeir halda, samkvæmt yfirlýsingunni, að kynin geti verið fleiri en tvö og að börn geti verið fædd í röngum líkama.

Sjúkraliðafélag Íslands styður líka innrás karla, sem telja sig konur, inn í íþróttaheim2 kvenna.

Sjúkraliðafélag Íslands styður karlmenn sem segjast konur inn í búningsklefa kvenna, m.a. sjúkraliða. Nú eru málaferli í gangi þar sem hjúkrunarfræðingur berst gegn því óréttlæti að karlmaður, sem upplifir sig sem konu, afklæddist meðal kvenhjúkrunarfræðinga. Heilbrigðisstétt eins og sjúkraliðar.

Maður hefði haldið að Sjúkraliðafélag Íslands myndi taka málstað hennar. Nei, með yfirlýsingu verkalýðsfélaganna er konum eins og henni sendur fingurinn. Af kvennastétt.

Sjúkraliðar þurfa í endurmenntun haldi þeir að hægt sé að skipta um kyn og að kyni sé úthlutað við fæðingu.

Skyldi skilgreining Sjúkraliðafélags Íslands á konu vera eins og í Ástralíu. Sjúkraliðafélagið hefur gleymt alvöru baráttumálum sínum, að berjast fyrir kvennastétt. 

Sjúkraliðafélagið og Kennarasambandið smána konur

Verkalýðsfélög sem samþykkja fleiri en tvö kyn gefa konum ,,puttann."

Sjúkraliðafélag Íslands, meðlimur BSRB, sem er kvennastétt og Kennarasambandið hafa smánað konur með yfirlýsingu sinni að þau hafni rökréttum orðum Trump um að kynin séu tvö. Af því tilefni hafa þau hvorki meira né minna en gefið út yfirlýsingu um það. 

Verkalýðsfélög gefa úr yfirlýsingu um lygar.

Meðlimir Sjúkraliðafélagsins og Kennarasambandsins eru vel að sér í líffræði en hundsa þekkingu og vísindi líffræðinnar fyrir hugarheim einstaklinga sem eiga í vanda með sjálfan sig.

Kynin eru ekki fleiri en tvö, en verkalýðshreyfingin vill ólm að þau séu fleiri. 

Þegar verklýðsfélögð afmá orðið kona og hvað kona er geta þau ekki lengur barist fyrir konur.

Verkalýðsfélögin ganga gegn orðum fulltrúa Sameinuðu þjóðanna.

,,Ný skýrsla frá SÞ um ofbeldi gegn konum varar við afleiðingunum af því að skipta út líffræðilegu kyni fyrir skapandi og órökréttar munnlegar æfingar, þar sem stjórnmálamenn fara frá öruggum vísindum yfir í huglægar tilfinningar og ósannaðar fullyrðingar um „kynvitund.“

 

Tilbúin orð afmá kvenmennskuna

Sérstakur skýrslugjafi SÞ, Reem Asamel,hvatti ríki og viðeigandi aðila til að viðurkenna kyn sem lykilatriði til að takast á við ofbeldið, tryggja konur og kynbundin hugtök í lögum, stefnumótun og gögnum og tryggja rétt kvenna og stúlkna til að tjá sig frjálslega um þessi málefni án ótta eða hefndaraðgerða.

Hún kallaði einnig eftir banni við kynjavali við fæðingu og óafturkræfum læknisfræðilegum inngripum á ólögráða börnum með ónot í eigin skinni. Einnig lagði hún áherslu á nauðsyn þess að bera kennsl á, nefna og glæpavæða nýjar tegundir ofbeldis gegn konum. Í reynd er um þjóðarmorð á konum og kvennaorðum er að ræða.

Alsalem kynnti einnig stutta viðbótarskýrslu um samþykki og komst að þeirri niðurstöðu að hugtakið samþykki í lagaramma sem fjallar um ofbeldi gegn konum og stúlkum sé oft misbeitt. Mælt er með því, að ríki skýri og staðli beitingu samþykkis til að vernda fórnarlömb betur og tryggja ábyrgð samkvæmt alþjóðlegum mannréttindalögum.

Sérstaki skýrslugjafinn ætlar að útfæra, fyrir lok árs 2025, yfirgripsmeiri stefnuskrá til að styðja ríki við að þróa öfluga lagalega staðla.

Sérfræðingurinn kynnti einnig skýrslur eftir heimsóknir sínar til Bretlands Stóra-Bretlands og Norður-Írlands og Sameinuðu arabísku furstadæmanna.

Ástralía

Á morgun 7. ágúst verður tímamótadómur í Ástralíu. Mun Sall Grover vinna fyrir hönd kvenna um að kona sé líffræðilega fullorðin kvenkyns einstaklingur eða hrynur jafnréttisbarátta kvenna í rúm 100 ár. Er ekki gott að segja hvað dómarar gera og segja, allavega málið er mjög umdeilt og fulltrúi SÞ hefur sagt það skýrt. Höldum kynjunum aðskildum í orðum og gjörðum.

Y-litninga í burtu

Heimurinn er skrýtinn. Karlar geta þóst verið konur. Stjórnvöld hafa skemmt kvennaheiminn og íþróttir þeirra.

Útgáfa á viðurkenningarskjali (eða staðfesting) á að fólk geti ,,breytt“ kyni, lagalegu kyni, hefur gefið konum og stúlkum mörg vandamál. Sum stór og önnur lítil.

Útgáfa viðurkenningarinnar byggir á þeirri þvælu að kynin séu mörg og breytileg. Stjórnmálamenn hafa látið trans-hugmyndafræði plata sig upp úr skónum. Bloggari kallar það heimsku!

Konur hafa barist í gegnum tíðina fyrir íþróttaiðkun. Konur hafa náð langt. En því miður hefur ljótur vírus komið sér fyrir í kvennaíþróttunum. Þann vírus á nú að útiloka, en til þess þurfa konur að fara í kynjapróf. Þær þurfa að sanna að þær sé konur, þær geta þakkað körlum það, körlum sem segjast vera konur og vilja hirða verlaunasæti af þeim. Ekki bara verðlaunasæti heldur líka virðingu og jafnrétti.

Hér segir danska ríkissjónvarpið frá þeim breytingum sem verða. Nú á að prófa fyrir Y-litningnum í kvennakeppni. Hugsið ykkur. Bölvaðir karlmennirnir sem þora ekki að keppa við eigin kyn.

Maður getur velt fyrir sér af hverju er staðan þessi.

Af hverju samþykkja mannréttinda- og kvennasamtök þetta óréttlæti og siðleysi gagnvart konum. Karlmaður getur aldrei verið kona og enn síður að hann eigi að keppa í kvennaflokkum. Ekki í neinum íþróttum.

Nei fóbía er það ekki

Mönnum sem hugnast ekki samlíf sam- og tvíkynhneigðra hafa mátt þola að vera kallaði fóbískir. Af hverju dettur fólki það í hug er mér hulin ráðgáta.

Því miður er orðið fóbía, trans- og hommafóbía, ofnotað og löngu búið að gjaldfella hugtakið.

Mönnum er frjálst að hafa ólíkar skoðanir, líka á trans-hugmyndfræðinni. Af ólíkum ástæðum velur fólk að fylgja ekki þeirri hugmyndafræði og í samfélögum er það heimilt.

Þeir sem eru sakaðir um fóbíu, sérstaklega þegar trans-hugmyndafræðin er annars vegar eru sagðir fáfróðir. Það byggir á veikum grunni.

Þegar trans-hugmyndafræðin er annars vegar eru menn meðvitaðir um hvað gengur á, andstæðingar hugmyndafræðinnar eru ekki fáfróðir.

Árásir á samkynhneigða eða kyngervla, kasta í þá persónulegum ónotum og jafnvel gelta að fólki, er að sjálfsögðu ólíðandi hegðun. Því skal haldið til haga að trans-aðgeðrasinnar eru í engu betri þegar kemur að slíkri hegðun.

Einu réttu skoðanirnar

Víða um heim er orðið fóbía notað um skoðanir fólks. Þeir sem halda því fram telja sínar skoðanir þær einu réttu.

Hafi einhver þá skoðun að Indverjar séu myndarlegra, heilt yfir, en Nígeríumenn er það þá fóbía gagnvart þeim síðarnefndu. Nei það er skoðun.

Er það fóbía ef einhverjum finnst marglitað hár, grænt, gult, fjólublátt, ekki fallegt á stúlkum. Nei, það er skoðun.

Það er ekki fóbía þegar fólk bendir á að barn fæðist ekki í röngum líkama, það er byggt á staðreyndum. Að kalla þá sem þekkja staðreyndirnar fóbíska er órökrétt.

Það er ekki fóbía að fólk bendi á að orðið kona eigi við um fullorðin kvenkyns einstakling, það byggist á líffræðilegri staðreynd.

Losum okkur við stóru orðin og ofbeldið

Ef þú fagnar umburðarlyndi og fjölbreytileika verður að vera pláss fyrir fólk sem hefur mismunandi sýn á lífið, svo framarlega sem það bitnar ekki á öðrum. Nú þegar hafa konur og stúlkur mátt blæða fyrir fjölbreytileikann og umburðarlyndið. En hjólin snúast afur í rétta átt, hægt og rólega.

Menn gleyma því að umburðarlyndi og fjölbreytileikinn gengur í báðar áttir. Þeir sem eru hlynntir samböndum sam-og tvíkynhneigðra verða að sætta sig við að það eru ekki allir á þeirri skoðun.

Og það er í góð lagi.

 

Snævar Óðinn Pálsson hjá ERGI lýgur blákalt um J.K. Rowling

Akureyri.net skrifaði um nýstofnuð samtök sem byggja á hugmyndafræðinni um að hægt sé að skipta um líffræðilegt kyn og að kyn sé eitthvað annað en karl eða kona.

Kynstaðfestandi meðferð er ekki meðferð þar sem einstaklingur skiptir um líffræðilegt kyn, heldur meðferð sem uppfyllir þrá og óskir einstaklings til að vera annar en hann í reynd er. Og fullnægir það þörfum hans þá er það í góðu, en best er að halda í sannleikann, sérstaklega þegar börn og ungmenni eru annars vegar.

Líffræðin býður aldrei upp á kynskipti.

Sorglegast var að sjá árás Sævars á rithöfundinn J.K. Rowling sem hefur barist fyrir réttindum kvenkynsins og barna. Þegar Sævar segir að Rowling sé bæði með fordóma og hatur í garð kyngervla, þá er það rangt. Hvergi má finna það í orðum og gjörðum hennar. Öll hennar barátta er fyrir konur og stúlkur.

Af orðum Snævars, um rithöfundinn, má dæma að stelpur hafi engan rétt til einkarýma. Allir karlmenn sem segjast vera konur geti farið í einkarými kvenna og stúlkna og athafnað sig að vild. Lafandi lim í kvennarými og athvörf. Karlar sem telja sig konur geta farið í íþróttir kvenna. Þetta vill hann ásamt félagsmönnum ERGI sem byggir mál sitt á trans hugmyndafræði og borið á borð fyrir almenning með þeim orðum að Rowling sé með hatursorðræðu og fordóma þegar hún ver réttindi stúlkna, barna og kvenna.

Varúð! Þetta er ekki börnum, stúlkum eða konum boðlegt.

Ákveðinn hópur í samfélaginu lætur eins og klæðskerarnir í ævintýrinu Nýju fötin keisarans, telja mönnum trú um eitthvað sem er ekki raunverulegt og satt. Hugur manna og tilfinning getur verið allt annað, fer ekki saman við líffræðina í þeim efnum.

Menn telja börnum trú að þau séu fædd í röngum líkama þó allir viti að það er ekki hægt. Menn telja börnum trú um að þau geti skipt um líffræðilegt kyn þó allir viti að það er ekki hægt. Menn telja börnum trú um að kyni sé úthlutað við fæðingu þó allir vita að það sé bölvuð vitleysa.

Hver segir börnunum sannleikann?

 

 

Ljóst að Lögreglan á Akureyri gefur fjölskyldum ,,puttann“

Það var átakanlegt að lesa um viðbrögð staðgengils lögreglustjórans á Akureyri, Eyþórs Þorbergssonar, um flöggun trans fánans. Slík íhlutun er ekki hlutlaus frekar en að flagga fána stjórnmálaafls.

Lögreglan sendir öllum einstaklingum og fjölskyldum sem hugnast ekki trans hugmyndafræðin ,,puttann“, svo gripið sé til orðfæris yngri kynslóðarinnar.

Og munum, hér er um hugmyndafræði að ræða, hvorki vísindi né staðreyndir sem löggan fagnar svona innilega að þeir sjá sig knúna til að draga fána hugmyndafræðinnar að húni.

Flöggun trans fána er pólitísk yfirlýsing frá embætti sem á að gæta hlutleysi, í hvívetna.

Ef lögreglan flaggar KA fánanum velkist enginn í vafa um hvar hjarta löggunnar slær. Slíkt myndi skapa ójafnvægi á milli íþróttafélaga á Akureyri og gera má ráð fyrir að íþróttafélagið Þór gerði athugasemd.

Ef löggan flaggar Samfylkingarfánanum þá vita allir hvar embættið er í pólitík. Myndi lögreglan leyfa sér að flagga svo hlutdrægum fánum?

Af þessum ástæðum kemur almenningi við hvaða fána löggan flaggar. Afstaðan!

Vita hvað fáninn þýðir

Við verðum að gera ráð fyrir að löggan skilji hugmyndafræðina og allt sem henni viðkemur, þar sem hún styður hana á þennan hátt. Lögreglan gefur til kynna að hún trúi á, styðji og muni staðfesta trans sjálfsmynd – stelpur sem halda að þær séu strákar eða öfugt – þrátt fyrir að allt bendi til þess að þetta sé hættuleg nálgun. Það hefur m.a. Cass skýrslan fjallað um.

Lögregla sem flaggar fána og styður umdeilda hugmyndafræði er og verður að vera vel að sér um hvað felst í því sem þeir styðja. Þeir eru nú einu sinni að vinna fyrir allan lýðinn, eða!

Við ættum ekki að hagræða líffræðinni til að fullnægja samfélagsumræðu sem einkennist í auknum mæli af tilfinningum og tækifærismennsku.

Félagsleg umskipti getur skapað börnum hættu

Í Cass skýrslunni  kemur fram að jafnvel félagsleg umskipti (t.d. að breyta nöfnum og fornöfnum) sé ekki hlutlaus athöfn og geti stuðlað að langtíma afleiðingum fyrir börn bæði sálrænum og þroskalegum. Skýrslan mælir með varfærinni, gagnreyndri nálgun á kynbundinni vanlíðan hjá börnum, sem miðast við vernd og klínískt eftirlit frekar en staðfestingu eins og tákn gera, s.s. fáninn.

Er sanngjarnt að lögregla allra landsmanna ætlist til þess að fjölskyldur, með ólíkar skoðanir, taki flöggun fánans sem eðlilegum hlut frá hlutlausri stofnun, fána sem stangast á við það sem þau trúa á, sjá og vita?

Löggan og börn

Við þekkum öll að þúsundir barna líta upp til löggunnar. Sumum börnum finnst það heilagur sannleikur það sem löggan segir, svo miklar stjörnur hafa börnin í augunum.

Nú hefur lögreglan á Akureyri brugðist trausti barnanna. Börn eiga skilið að vera vernduð gegn því að vera sett inn í miðju hugmyndafræðilegrar umræðu fullorðinna.

Það er nefnilega trans hugmyndafræðin, málefni fullorðinna, sem lögreglan á ekki að taka afstöðu til.

Hins vegar má hrósa Lögreglunni á Akureyri að hafa fjarlægt hápólitíska hugmyndafræðilega fánann af fánastönginni. En er skaðinn skeður?