Föstudagurinn 23. ágúst verður mikilvægur fyrir konur

Á morgun, klukkan 09:00 á áströlskum tíma, munu Ástralir kveða upp dóm í máli Roxy gegn Giggle (Sall Grover). Málið var dómtekið í apríl svo dómari hefur tekið sér fjóra mánuði til að komast að niðurstöðu.

Málið fjallar um kvenréttindi, ekki bara þar í landi heldur um allan heim. Hér skrifaði bloggari um málið.

Helsta umfjöllunarefni dómsins er ,,hvað er kona.“ Réttindi kvenna eru í húfi og ljóst ef málið tapast hafa konur í heiminum beðið hnekki en karlmenn unnið. Kynjabaráttan er undir.

Ekki er búist við að dómstóllinn dæmi Giggle í hag. Ef dómurinn fellur ekki Giggle megin verður honum áfrýjað til áfrýjunardómstóls og síðan til Hæstaréttar. Ef Giggle vinnur verður það frábært, en ef ekki mega konur ekki gefa upp vonina.

Hér má lesa grein um hana. Meginstraums fjölmiðlar á Íslandi þegja eins og þeirra er von og vísa.

Guðlaugur þór og Andrés Ingi fagna skerðingu á réttindum kvenna!

Nú þegar Guðlaugur Þór ákvað að afnema kvenna- og karlaklósett, í reglugerð, við mikinn fögnuð Andrésar Inga og hluta Viðreisnar veltir bloggari fyrir sér, munu þeir að hluta til bera ábyrgð á næstu nauðgun inni á kynjalausu klósetti?

Fyrirtæki munu í anda reglugerðar Guðlaus Þórs taka merkingarnar, kona og karl, niður í stað þess að bæta við ,,kynlausu“ klósetti eins og reglugerðin kveður á um. Kostar einfaldlega of mikið, hin lausnin ódýrari og uppfyllir körfu reglugerðarinnar.

Í dag getur bloggari, sem kona, gert athugasemd við þegar karlmaður kemur inn á kvennaklósett. Bloggari getur komið í veg fyrir að hann fari inn vegna þess að það er merkt kvenfólki. Bloggara er hulin ráðgáta hvernig fólk getur verið kynlaust, því annað tveggja fæddist þú karl- eða kvenkyn. Auðvitað er það kollurinn sem spilar með fólk, ekki líffræðin. Sem sagt grillur í höfði örfárra einstaklinga er sett ofar öryggi stúlkna og kvenna. Skrýtin pólitík það!

Ekki eru ýkja mörg ár síðan kvennahópar vöktu athygli landans á hættu vegna nauðgana á klósettum og víðar. Skemmtistaðir voru oft nefndir til sögunnar þar sem vín og önnur eiturefni eru höfð um hönd. Dómgreindin skerðist og stundum verða menn öskufullir og vita hvorki í þennan heim né annan. Byrlun lyfja var rædd sem er sérstaklega hættuleg konum. En, þá er nú gott að á skemmtistöðum sé sama klósett fyrir karla og konur, af því kynlausir þurfa að kasta af sér vatni. Nú getur kona undir áhrifum byrlunarlyfja ekki varið sig á kvennaklósettinu, þökk sé þeim kynlausu. Kvalari hennar getur farið inn á sama klósett. Það má ekki gera athugasemd við karlmann á kvennaklósettin eftir að merkingar eru farnar af hurðunum, klósettin eru því fyrir bæði kynin.

Nú biðlar bloggari til skemmtistaða og stjórnenda annarra opinberra bygginga, hundsið þessa kjánalegu reglugerð Guðlaus Þórs og klappstýruliði hans. Gefum rétt kvenna, til afnota af kvennaklósettum, ekki eftir. Nauðgunarhætta er til staðar og það eitt á að vera nóg til virða ekki reglugerðina.

Hér, hér og hér er líka fjallað um málið. Sannleikurinn er sagna bestur.

Karlmaður sem skilgreinir sig trans tapar dómsmáli

Kraftaverk gerast. Dómur á Spáni virðir orð konu, spænskan rithöfund, sem segir trans einstakling vera karlmann, sem hann er. Hann fór fram á 11 þúsund evra bætur. Taldi sig hafa orðið fyrir sársauka og þjáningu. Hvenær stoppar þessar endalausu málsóknir gagnvart málfrelsinu og sannleikanum, spyr sá sem ekki veit. Virðist vera eins og vírus um allan heim. Líka á Íslandi.

Dómarinn taldi að trans einstaklingurinn, karlmaðurinn, hefði það mikið af karlmannlegu útliti og líkamlegum einkennum að hægt væri að kalla hann karlkyn. Því hafi rithöfundurinn verið í fullum rétti að tala um hann sem karlmann.

Karlinn vildi ekki sættir. Hann sat uppi með allan málskostnað, sinn og rithöfundarins.

Lögfræðingurinn sem vann málið segir þetta góðan dóm þó búið væri að áfrýja honum. Þetta væri rétt skref til að verja tjáningarfrelsið og gegn þeim sem vilja beita ritskoðun vegna eigin vandamála með sjálfsmyndina. Dómurinn er líka góður, hann er fordæmisgefandi.

Lögfræðingurinn bendir á að hugmyndafræði er ætlað að þjóna tvennum tilgangi. Eyðileggja kjarnaviðhorf íbúanna til að auðveldara sé að yfirbuga þá. Og, til að gaslýsa fólk.

Hér og hér má lesa um málið sem er frá 1. maí s.l.

Hjarta allra ætti að slá með hjúkrunarfræðingunum

Fyrir stuttu stigu nokkrir breskir hjúkrunarfræðingar fram og sögðu sögu sína. Ekki fallega sögu ef horft er til stjórnenda spítalans og sumra samstarfsmanna. Þær máttu sanna sig. Þeim var sagt að endurmennta sig, konum sem hafa meistaragráðu í hjúkrunarfræði. Vegið að menntun þeirra og starfsheiðri (rétt eins og kennarinn á Akureyri gerði). Ætla má að þessar konur viti sínu viti og þess vegna hafi spítalinn þær í vinnu. Þær lærðu um líffræðina og vita hvernig hún virkar.

Sundkonan Riley Gaines spjallaði við þær. Áhugavert spjall.

Hjúkrunarfræðingarnir eru ósáttar við að afklæðast með karlmanni (hjúkrunarfræðingi) sem skilgreinir sig sem konu. Enn með djásnið undir sér og notar það til að gera kærustu sína ólétta. Þeim finnst öryggi þeirra ógnað og vilja hann ekki í búningsklefann. Hefur ekki góð áhrif á konurnar og í sumum tilfellum vond.

Viðbrögð yfirstjórnar var að þær þyrftu að sætta sig við þetta, þyrftu endurmenntun til að læra um trans o.s.frv. Taka tillit, sýna umburðarlyndi o.fl. í þeim dúr. Sem sagt allt á að ganga út á trans einstakling og hans líðan, ekki kvennanna. Dæmigerð afstaða. Auðvitað á ekki að taka tillit til trans-konu í kvennaklefa, karlmaðurinn getur bara farið annað og gefið konunum frið í sínu búningsherbergi. Hefur ekkert með manngæsku eða lífsgildi að gera. Réttur kvennanna er óskorðaður, að afklæðast án þess að karlmaður sé viðstaddur í rýminu.

Á sjúkrahúsinu er skýr trans stefna, ekki á að blanda trans sjúklingum saman við aðra. Það sama gildir ekki um starfsmennina segja hjúkrunarfræðingarnir. Gleðiefnið í þessu, þær ætla ekki að gefast upp!

Mál hjúkrunarfræðinganna hefur ekkert með rasisma að gera, hér er á ferðinni kynjabarátta af bestu gerð. Að kynin séu aðskilin.

Málið og álíka mál hafa ekkert með trans-fóbíu að gera, heldur kynjabaráttu. Trans samtök og aðgerðasinnar grípa gjarnan til frasa til að koma inn samviskubiti hjá fólki að það ráðist að minni máttar. Nei trans fólk á í erfiðleikum með sjálfsmynd sína og þarf að taka á því. Látið það ekki yfirtaka réttindi kvenna né ýta þeim til hliðar.

Margir hafa fengið nóg af frekju og yfirgangi trans aðgerðasinna og hreyfinga. Hjólið snýst hægt og rólega við, sem betur fer. Fleiri og fleiri stíga fram og andmæla þeirri réttarskerðingu sem þeir verða fyrir. Það er af hinu góða.

Hlustið á viðtalið.

Framhaldsskólanemi fór hamförum eftri að hann var beðinn um að stoppa myndskeið

Kennari sem er smávaxin kona verður aldrei söm aftur. Nemandi í framhaldsskólanum réðist á hana þegar hún bað hann að hætta að spila Nitendu Switch. Þetta gerðist í Florida.

Nemandinn fór hamförum, kallaði kennarann öllum ill nöfnum og hrækti á hana. Hann elti hana og að lokum hljóp hann á hana á fullri ferð. Allt var tekið upp. Nemandinn sem er í yfirvigt velti kennaranum, hann sparkað og traðkaði á henni þar til hann var yfirbugaður.

Kennarinn var mjög illa farinn og missti meðvitund. Hún fékk heilahristing, heyrnatap og fimm rifbein brotnuðu. Þegar þetta gerðist var hann 17 ára og því skilgreindur ungur. En því var breytt í fullorðinn.

Þess vegna var hægt að dæma hann til 30 ára fangelsisvistar.

Einhverfur

Nemandinn er einhverfur og því möguleiki á lækkun refsingar en kennarinn mótmælt því. Hún heldur fram að dómurinn eigi að hafa fælingarmátt fyrir aðra.

Hegðun hans varð til að ég missti starfið mitt til 19 ára, missti fjárhagslegt öryggi og sjúkratryggingu sagði kennari í réttinum (DailyMail).

Fósturmóðir nemandans telur að svo langur dómur muni eyðileggja hann. Hún tók fram í réttinum að það væri ýmislegt sem kveikti á reiðiköstunum. Það að fá nei, vera svangur og raftæki. Hún sagðist hafa sagt skólanum það.

Lögfræðingur kennarans segir drenginn vera tifandi tímasprengju og hafa kært skólayfirvöld fyrir aðgæsluleysi.

Dómarinn upplýsti að nemandinn fari í fangelsi en bara fimm ár sem er langt frá þeim 30 sem upphaflega stóð til. Nemandinn hefur ekkert tjáð sig um ofbeldið. Nokkrum dögum eftir dóminn lagði forsjáraðili hans fram skriflega afsökunarbeiðni þar sem hann iðrast innilega. Hann hefur valið að nota atburðinn til að styrkja sig frekar en veikja.

Hér má lesa um fréttina og hér.

Nýr vinningsmöguleiki fyrir hvíta miðaldra menn

Í Noregi ólíkt Íslandi mega menn skrifa greinar í fjölmiðla sem hylla ekki trans hugmyndafræðina. Hér á landi eru nánast allir miðlar meðvirkir með hugmyndafræðinni og engin gagnrýni leyfð. Í netblaðinu Subjekt í Noregi geta menn skrifað um hvað þeir vilja, þeir bera ábyrgð á eigin orðum. Kjetil Rolness hefur skrifað nokkrar greinar og nú síðast um karlmanninn sem tekur þátt í kvennaflokki á OL fatlaðra.

Kjetil Rolness: ,,Á aftur. Við höfum ekki fyrr lokið að rífast um ,,kvenkyns" ólympíska hnefaleikamenn (sem báðir unnu gull!) að þá berast fréttir af því að trans kona fái að taka þátt í Ólympíuleikum fatlaðra í fyrsta sinn.

Ég spyr: Er það framfaraskref að spretthlaupari sem var karlmaður til ársins 2019 keppi nú á móti konum? Og ég velti því fyrir mér hvernig allir sem vörðu Imane Khelif svo ákaft sem alvöru konu, standi núna:  

,,Í umræðunni um Khelif voru margir áhugasamir um að benda á að hún skilgreindi sig ekki aðeins sem konu, heldur væri hún ,,fædd kona". Hm. Var ekki kyn – samkvæmt sama fólki – eitthvað sem þér var aðeins ,,úthlutað" við fæðingu?

Sumir sögðust líka vita að alsírski hnefaleikakappinn væri með fullvirkt leg og svo framvegis. Án þess að hafa neinar raunverulegar heimildir að vísa í. Skyndilega lögðu þau mikla áherslu á líffræðilegar staðreyndir – eitthvað sem þeim finnst annars óviðkomandi eða víkjandi í kynjaumræðunni.

Þeir fordæmdu einnig að Khelif væri nefndur trans manneskja. Réttilega, því það var ekki satt. En nú höfum við mál með trans manneskju á Ólympíuleikunum. Hvernig verður viðhorfið og rökin þá? Og hvað með spurninguna um kynþátt?

Því sú staðreynd að Khelif var svört manneskja með dapurlegt uppeldi í fyrrverandi nýlendu stuðlaði að því að vinstri menn föðmuðu hana sem kvenhetju. Og höfnuðu gagnrýninni sem rasisma. Eru þeir alveg jafn tilbúnir til að heiðra íþróttakonu sem fyrir fimm árum var hvítur, miðaldra karlmaður?

Hvað mér finnst um málið?

Mér finnst frábært að Petrillo hafi fundið kynvitund sem hún getur lifað með, ef einhver kann að efast um það. En ég velti því fyrir mér hvort það geti virkilega verið gott að taka þátt í íþróttakeppi með meðfædda yfirburði sem keppinautar þínir hafa ekki.

Ég velti því fyrir mér hvað Petrillo finnst um að sigra íþróttakonur sem hafa eytt stórum hluta ævinnar í að fjárfesta og þjálfa og eiga síðan á hættu að vera sviptar verðlaunum vegna íþróttamanns sem líffræðilega á ekki heima þar.

Sjálf segir hún við BBC Sport að hún eigi skilið þátttöku sína:

,,Þetta er ekki lífsstílsval fyrir mig. Það er það sem ég er. Og eins og allt trans fólk sem finnst það ekki eiga heima í sínu líffræðilega kyni, þá ætti ekki að mismuna mér eftir því hver ég er. Á sama hátt og ekki ætti að mismuna manni á grundvelli kynþáttar, trúarbragða eða pólitískrar hugmyndafræði."

En það má mismuna þeim sem hún keppir við, byggt á sjálfsmynd fyrrverandi karlmanns.

Form inngildingarinnar er öfugsnúið. Í reynd er það hneyksli að ekki hafi tekist að hreinsa til reglur í öllum íþróttum sem brýtur í bága við alla heilbrigða skynsemi. Fræðilega séð gerir það einstaklingi sem hefur nýlega skipt um löglegt kyn – jafnvel án þess að hafa gengist undir neina læknismeðferð – mögulegt að skrá sig í kvennaflokkinn.

Þetta gæti mögulega gefið öllum miðlungs og miðaldra karlkyns hlaupurum von sem vilja annað tækifæri til að komast ofar í stigatöflunni.

En að samfélagi sem annars er umhugað um jafnrétti og réttlæti kvenna, finnist þetta í lagi og frábært og framsækið, er ráðgáta.

Það hefði verið áhugavert – fræðilega séð – að sjá viðbrögðin hér heima ef okkar eigin, alþjóðlega þekkta fatlaða íþróttastjarna, Birgit Skarstein, hefði misst af gullverðlaunum í róðri vegna keppanda sem væri sterkbyggður og sem nýlega tilkynnti um félagaskipti úr karlaflokki."

Hér er greinin.

Kraftaverkin gerast!

Betra seint en aldrei. Jafnréttisráðherra Dana skrifaði tímamótagrein í gær. Hér má lesa hana. Í reynd gerðist kraftaverk. Allt í einu sér ráðherrann vandann við að innlima karla inn í mengið konur, og þorir að segja það upphátt. Karlmaður opnaði loksins augu hennar en konur sem hafa talað um málið á marga vegu í áraraðir hafa ekki fengið áheyrn. Betra seint en aldrei. Hvað verður það næst?

Getum við farið að tala um að það sé ekki góð hugmynd að kenna börnum að þau geti verið fædd í röngum líkama?

Á meðan ráðamenn klóra sér í hausnum gerir karlmaður stólpagrín af þeim og lögunum um kynrænt sjálfræði eins og lesa má í grein ráðherrans. Hann hefur haft stjórnmálamenn af fíflum, ekki bara í Danaveldi heldur á Íslandi líka þar sem sömu lög eru í gildi.

Nú verða Íslendingar að bíða og vona eftir að ráðherra jafnréttismála hér á landi láti í sér heyra um sama málefni, á sömu nótum. Karlmaður getur aldrei verið kona, hann getur kallað sig ýmislegt eins og danski ráðherrann sagði í greininni. Kona verður aldrei karlmaður og öfugt. Þegar við leyfum svona rangnefni að blómstra í samfélögunum skemmir það fyrir jafnréttisbaráttunni, en danski ráðherrann nefndi það. Það skemmir líka fyrir konum í íþróttum eins og við höfum orðið vitni af nokkrum sinnum.

Er ekki komið nóg af rangfærslum og ósannindum um að kynin geti verið mörg. Allt gerist þetta í kollinum á fólki líkt og kvíði, átröskun og fleiri geðrænir sjúkdómar.

Misheppnuð stefna Svía, Danir finna fyrir því

Ungir Svíar ferðast til Danmerkur til að fremja alvarlega glæpi og nú sendir Peter Hummelgaard dómsmálaráðherra, jafnaðarmaður, kveðju til baka. Það gerir hann á sumarfundi flokksins sem haldinn er í Vejle. Ráðherrann ræðir röð atvika þar sem sænskum glæpamönnum eru boðnar háar fjárhæðir til að fremja morð og líkamsárásir í Danmörku.

Ekki bara Danmörk

Peter Hummelgaard segir ,,Það er ekki aðeins Danmörk heldur stór hluti Norðurlandanna sem finna fyrir afleiðingum langvarandi misheppnaðrar stefnu í innflytjenda- og lagasetningamálum í Svíþjóð. Við tökum því mjög alvarlega.“ Hann veitir sænskum fjölmiðlum viðtöl til að vara börn og ungmenni í Svíþjóð við sem íhuga að fremja glæp í Danmörku.

Ef þú kemur til Danmerkur, fremur alvarlega glæpi sem stofnar einhverjum í hættu fellur hamarinn. Danmörk er með mun harðari refsingar en Svíþjóð og hátt hlutfall upplýstra brota segir í skilaboðunum.

Hann grunar að gengin í Svíþjóð, sænsk börn og ungmenni viti ekki hve harðar refsingarnar eru í Danmörku. Håkan Wall, yfirmaður alþjóðadeildar Svíþjóðar (Noa), telur ekki að Svíþjóð beri ábyrgð á glæpum í Danmörku. Því miður hefur Svíþjóð skorið sig úr því gengin hafa mikið fjármagn og það nýta glæpamenn í nágrannalöndunum. ,,En það gerir Svíþjóð ekki ábyrgt fyrir öllum glæpum, hvorki í Danmörku né Noregi," sagði Håkan Wall við sænska fréttamiðilinn TT. Hann bendir á að Danmörk hafi líka í langan tíma einkennst af alvarlegum glæpagengjum.

Ekki bara Svíþjóðar

Håkan Wall telur að það sé ekki eingöngu á ábyrgð Svía að leysa vandann. Hann leggur áherslu á, í sænskum fjölmiðlum, að norrænt lögreglusamstarf sé vel starfhæft og skipti sköpum til að uppræta glæpi.

Peter Hummelgaard ráðherra leggur einnig áherslu á þetta og bætir við, ,,En það breytir ekki þeirri staðreynd að við á Norðurlöndunum upplifum afleiðingar glæpastarfseminnar sem hefur farið út af sporinu í Svíþjóð.

Hann bendir á að í Noregi hafi sænskir klíkuhópar komið sér fyrir en það upplifum við ekki í Danmörku. Håkan Wall hefur hins vegar nokkuð til síns máls varðandi ábyrgð Dana þegar hann segir, ,,Það eru danskir glæpahópar sem hafa uppgötvað að það er auðveldara og ódýrara að ráða sænska mjög unga glæpamenn til að fremja þessa glæpi“.

Hummelgaard telur sig ekki of harðan og segir Svía verða að axla ábyrgð á að svo stór hópur barna og unglinga ræður sig til að fremja þessa tegund glæpa.

Lesa má um málið hér.

Nú á að níðast á fötluðum íþróttakonum

Þegar ein báran rís er önnur vís. Flett var ofan af hnefaleikakörlum sem börðu konur á OL í París. Heimurinn stóð á öndinni. OL nefndin varð sjálfri sér til skammar. Ekki batnar það.

Hörmungin heldur áfram. Nú á að níðast á fötluðum íþróttakonum sem taka þátt á OL fatlaðra í París. Fimmtugur karl sem segist vera kona fær að keppa við konur. Ætlar niðurlæging á íþróttum kvenna engan endi að taka?

Þegar KARL tekur pláss í kvennaflokki á OL fatlaðra þarf KONA að víkja. Hann, takið eftir HANN, karlmaðurinn tók pláss konu frá Spáni, Melendi Berges Gamez. Hún er sjónskert. Þetta er ekkert annað en kynjamisrétti sem er í gangi. Karlar hafa sinn eigin flokk og þar á hann að keppa.

Riley Ganien sundkona sem keppti á móti karlmanni hefur undanfarið unnið að réttindum kvenna í íþróttum en hún segir um þennan karl ,, Þetta er algjörlega geðveikt. 50 ára líffræðilegur karlmaður, Valentina Petrillo, verður fyrsti maðurinn til að keppa á Ólympíumóti fatlaðra kvenna. Eftir að hafa unnið tvenn bronsverðlaun í kvennaflokki hefur hann dirfsku til að halda því fram að hann ,,eigi þetta val skilið." Þetta er högg í andlitið á öllum íþróttakonum. Hvar er sanngirnin? Hvenær lýkur því?“

Fulltrúi ríkissamtakanna Trans Samtökin 78 fagna því að níðst sé á fötluðum konum en Þorbjörg sagði það ,,frábært“ að karlmaður taki þátt í íþróttum kvenna. Henni finnst í alvöru frábært að kona víki fyrir karlmanni í íþróttum kvenna.

Hvenær ætlar heimsbyggðin að sýna stúlkum að hún stendur með þeim?

 

Ætli kennarar hafi ekki lesið um Grudtvig

Áhuga- og  fróðlegt viðtal birtist við leikarann Ulrich Thomsen sem leikur Grundtvig í samnefndum þáttunum um sálmahöfundinn, prestinn, heimspekinginn, kennarann o.fl. Þættirnir eru þrír. Viðtalið birtist í Jyllands-posten.

Ulrich bendir á að sennilega yrði Grundtvig ekki ánægður með þróunina sem á sér stað í samfélögum víða um heim. Ólíkar skoðanir ekki leyfðar. Ekkert hægt að ræða málefnin eða færa rök fyrir máli sínu. Fylgir þú ekki minni skoðun þá á að slaufa þér segir Ulrich. Menn eru kallaðir rasistar og með fóbíu ef þeir eru ekki á sömu skoðun og viðkomandi. Þessi hegðun er þvert á það sem Grundtvig boðaði sem sagði að nám gerðist á milli nemenda og kennara með hinu talaða orði. Það sama gildir um þá sem eru ósammála, eða!

Ulrich Thomsen telur það sem Grundtvig gat í gamla daga, að hræða andstæðingana með góðum rökum, að þá sé það eitthvað annað sem margir óttast í dag. Og hér verðum við að skoða þá þróun sem hefur átt sér stað með tilkomu samfélagsmiðla.

Á Facebook og Instagram ertu ekki hræddur við þann sem rökstyður mál sitt vel. Þú ert ekki hræddur við einhvern á öðrum stað sem situr og segir skoðun sína. Við getum ekki bent á hvern við hræðumst því þetta sýnst um eitthvað allt annað í dag. Í dag snýst þetta allt um bergmálsóm. Við erum hrædd um að lenda í skítastormi segir hann og útskýrir hvernig fólk getur skipulagt sig með allt öðrum hætti í dag en þegar Grundtvig stóð í ræðustól. Og það getur haft víðtækar afleiðingar.

Ulrich segir ,,Fólk er hræddara við bergmálsóm skítastormsins en hvort það sé í raun satt eða ósatt sem sagt er. Ef þú segir eitthvað og lendir í óveðri er auðveldara að reka þig og ráða einhvern annan. Það er vandamál." Að þessu sögðu er ekki ýkja langt síðan kennari á Akureyri vildi láta víkja öðrum úr starfi vegna málefnaágreinings. Lýsandi dæmi og gerist varla betra um bergmálsóm samfélagsins.

Við hæfi er að ljúka pistlinum á tilvitnun eftir Grundtvig: ,, Friheden duer til alt Godt, Trældommen duer til intet Godt i Aandens Verden, derfor ville vi have Friheden med alle dens Farer.“

Heimild.