Kastar bensíni á transumræðuna

Í Noregi eins og víðar er mikil umræða um transmálaflokkinn. Auk þess er talað um baráttu kvenna sem á undir högg að sækja. Umræður hafa farið fram í fjölmiðlum, annað en hér á landi. Við líkjumst Rússum og Kínverjum þegar kemur að málfrelsi og til fá greinar birtar sem andmæla stefnu transhreyfinga. Fjölmiðlar hafa eins og ég hef oft bent á staðið sig mjög illa í umræðunni um transmálaflokkinn. Ég þýddi, lauslega, grein úr norsku blaði, okkur kemur nefnilega við hvað stendur þar. Margt á við um ástandið hér á landi. Orð fólks er afbökuð. Því gert upp skoðanir og hugsanir.

Jens Kihl kastar bensíni á transumræðuna er fyrirsögn greinarinnar.

 ,,Ef menningarritstjórinn vill gera eitthvað við andrúmslofti umræðunnar getur hann litið í spegil.

Í athugasemd í BT 1. júní sakar menningarritstjórinn Jens Kihl Miðflokkinn og sérstaklega þingfulltrúann Jenny Klinge, um að bera transfólk saman við dýr. Þetta er gróf afbökun á yfirlýsingu Klinge sem stuðlar ekki að öðru en að eitra og skauta umræðuna um kynferði.

Kihl hvetur alla til að ,,gera eitthvað við gríðarlegri harðri umræðu" um kyn. Hann bendir sérstaklega á að þeir sem hafi ,,leiðandi stöðu í samfélaginu hafi meiri ábyrgð" á því að tryggja að umræðan sé virt.

Það er góður punktur en sem menningarritstjóri eins stærsta dagblaðs Noregs getur hann byrjað á því að líta í spegil.

Klinge hefur ekki borið transfólk saman við dýr. Hún hefur aðeins bent á að við mennirnir séum eins og öll önnur spendýr, að því leyti að við höfum aðeins tvö kyn og að við getum ekki skipt um kyn.

Hún hefur undirstrikað staðreyndir að nálgun á kyni og umburðarlyndi fyrir upplifun fólks af eigin kyn geti haldist í hendur.

Maðurinn er um margt öðruvísi en dýr en að það sé hatursfullt að segja að við séum hluti af dýraríkinu veldur að allir líffræðingar þurfa að búa sig undir að vera sakaðir um hatursglæpi. Þó við séum frábrugðin öðrum dýrum að mörgu leyti þá eru ekki kynin fleiri í náttúrunni.

Að halda fram að slík yfirlýsing sé hatursfull og ómannúðleg er að gera hófsama yfirlýsingu sem róttæka. Það hjálpar bara þeim sem vilja átök í umræðuna.

Það er ekki róttækt að halda fram að líffræðilega kona geti fætt barn. Ef eitthvað er ómannúðleg er það að kalla konur ,,fæðingarfólk” eins og lagt er til í skýrsla nýju barnalaganna.

Það er þversagnakennt að samfélagsskýrendur eins og Kihl leggi áherslu á umburðarlyndi sem eina af fremstu dyggðum mannsins en komi fram á sama tíma með óþolandi hegðun gagnvart þeim sem hafa aðrar skoðanir.

Eitt af því sem aðgreinir menn frá öðrum dýrum, óháð því hvort maður skilgreinir sig sem kynið sem maður fæðist með eða eitthvað annað, er hæfileiki okkar til gagnrýninnar hugsunar.

Ég skora hér með á Jens Kihl til að beita hæfileikum sínum til gagnrýnnar hugsunar næst þegar hann langar að kasta bensíni á eldinn í umræðunni um kynferði, svo að hann geti forðast að brengla stöðu andstæðinga sinna.”

Hér er krækja að greininni sem ég þýddi lauslega.

Hér er krækja að grein menningarstjórans.

Þetta kveikti bálið. ,,Det er ingen grunn til å rote det til: Vi menneske har to kjønn, kar og kvinnfolk, på same måte som høns består av hane og høne. Det er ikkje uforskamma å understreke dette. Men det er visst nødvendig."

 

Jú það kemur málinu við

því trans-kona er ekki kona og verður aldrei. Hefur ekki líffræðilega litninga til þess. Trans-kona er tegund af karlmanni (xy-litninga) og verði falli dómur yfir Þórhildi Sunnu ber að skrá brotið sem trans-kona eða karlmaður, ekki kona. 

Álfur velur að vega að fólki, sérstaklega þeim sem hafa bent á að trans-kona er ekki kona, og það er miður. Þegar maður er dæmdur fyrir brot er talað um karlmann, þegar kona er dæmd er talað um konu og því er sjálfsagt að tala um trans-einstakling þegar hann brýtur af sér, því hann skilgreinir sig sem slíkan.

Því miður er vegið að réttindum kvenna í nafni örhóps og alltof margar konur þegja yfir því.

Úti í hinum stóra heimi eru það einkarými kvenna, búningsklefar, íþróttir og nú síðast háskólar í Noregi. Vitundarvakning er meðal kvenna um vandann. Konur verða að berjast til að halda réttindum sínum og þegar þær koma saman á opnum svæðum til að ræða málin mæta trans-aðgerðarsinnar, stundum með ofbeldi í huga, og ráðast gegn konum. Réttindum kvenna til að tala. Meira að segja lesbíur fá ekki að halda opna fundi án truflunar trans-aðgerðasinna.

Nei Álfur...það er ekki verið að rægja ykkur á nokkurn hátt. Því miður leyfa fjölmiðlar ykkur endalaust að setja ofan í við fólk sem deildir ekki lífsskoðunum ykkar í trans-hreyfingunum og það um allan heim. Hins vegar er reynt að þagga niður í því fólki og fjölmiðlar tala aldrei um þá hlið sem ég hef talað um, réttindi kvenna. Sem betur fer sjáum við örlitla breytingu á því, en ekki hér á landi.

Konur eru bandamenn trans-kvenna sem virða réttindi kvenna.

Látin fara samdægurs

Blóraböggull- í hættu vegna transandstæðinga sinna

Í langan tíma hafa transaðgerðasinnar reynt að ata mig auri og ráðist að mér persónulega með ásakanir um trans-fóbíu, hatursorðræðu og ég er meðsekur um bæði morð og sjálfsmorð segir Ulf á snjáldursíðu sinni. Hann heldur áfram.

Nú er undarskriftasöfnun í gangi til að henda mér út úr stjórnmálaflokknum. Dæmigert um það sem maður kalla útilokun og þöggun eins og Kathleen Stock og J K Rowling urðu fyrir.

Dæmigerð fasísk hegðun sem transaðgerðasinnar hafa í áraraðir notað með góðum árangri til að loka munninum á öðrum og skapa hræðslu við að segja skoðun sína á; ,,Kona er fullorðin manneskja af kvenkyni” eða að börn eiga ekki að fá læknisfræðilega hjálp til að stoppa kynþroskann og gera þau ófrjó með hormónum gagnstæða kynsins.

Ég þekki ekki aðra karlmenn sem hafa verið útilokaðir í sama mæli og ég, en ég er heldur ekki alveg í lagi, en virðist svo hættulegur að fleiri og fleiri vilja ráðast á mig persónulega og líf mitt.

Ég hefði frekar séð undirskriftarlista til að stoppa tilraunalyfjameðferðir á börnum sem skemmir þau fyrir lífstíð og sem vitað er að 90% af þessum börnum myndu sætta sig við kyn sitt þegar kynþroskinn hefur unnið vinnuna sína?

Í Danmörku hafa 341 börn, frá 2016, meira og minna eyðilagt líkama sinn með stopp- og krosshorómum sem hefur alvarlega afleiðingar fyrir líkamann sem getur leitt til lífsvarandi hormónameðferða og ófrjósemi.

Eigum við ekki að gera eitthvað við því og þeim lygum að maður getur verið fæddur í röngum líkama og að börn niður í 2ja ára aldurinn séu látin staðfesta kynvitund sína, bæði leik- og grunnskóla og í fjölskyldum, ef heilbrigðisyfirvöld mættu ráða. Yfirvöld létu búa til leiðbeiningar fyrir 1.2 milljón, danskra króna, sem er ekkert annað en öfgafull transhugmyndafræði.

Baráttan fyrir verndun barna er náttúrleg þróun og við sjáum sem betur fer mikla andstöðu í löndunum í kringum okkur, líka í Danmörku, en baráttan fjallar ekki um hve mörg börn skemma líkama sinni í heilbrigðiskerfinu heldur líka hvað við segjum börnum okkar eins og grunnskólakennarar, leikskólakennarar, foreldrar og barnabækur, svo leyfið mér að tjá mig skýrt og skilmerkilega.

Lítil börn niður í 2 ja ára sem hafa ekki hugtak um það að vera fullorðin kynvera getur ekki verið trans og á þess vegna ekki að staðfesta að þau geti verið af öðru kyni af því þau séu fædd í röngum líkama eru lokaorð Ulf.

Ásakanir um trans-fóbíu, hatursorðræðu, útilokun og atvinnumissi. Við sjáum nákvæmlega sömu takta í transhreyfingunni hér á landi.

Transhreyfingar bera út rangan boðskap eins og t.d. að ,,viltu frekar sjá látið barn en transbarn.” Þeirri þvælu deilir fólk án þess að hugsa sig um. Hvaða skilboð sendir fólk til barna og ungmenna. Hugsið ykkur um.

Svo mörg voru þau orð frá Ulf.

 

Hvet fólk til að lesa sér til gagns um málaflokkinn, látið ekki mata ykkur á upplýsingum frá transhreyfingum sem passa ekki.

Hér og hér og hér.

Trans-aðgerðasinnar er víða um heim skríll og á hegðun þeirra ekki heim nokkurs staðar. Aðgerðasinnarnir vilja skerða réttindi kvenna og því er þeim illa við að þeir komi saman rétt eins og þeir vilja ekki að menn eins og Ulf tjái sig.

 

Ekki hægt að leysa vandann...!

Transaðgerðasinnar berjast ekki fyrir eigin sæti við borðið.

Þeir vilja hafa sæti kvennanna.

Það er kjarni vandans.

Þann vanda er ekki hægt að leysa alveg sama hve lítillátar margar konur vilja vera.

Kjarninn vandans er að trans-kona vill vera ,,hitt kynið“- og getur ekki eða lætur ekki duga ,,að lifa eins og hitt kynið.“

Þann vanda er ekki hægt að leysa.

Af þeirri einföldu ástæðu að það er ekki hægt að skipta um kyn.

Af því kyn er líffræðilegt.

Kynvitund, kynhlutverk og staðalímyndir kynjanna er félagsleg hugsmíðahyggja.

Trans-fólk sem berst fyrir jafri stöðu í samfélaginu án þessa að skerða réttindi kvenna (til öruggra rýma, kvennaíþróttir, m.m.) – hafa konur sem bandamenn.

(NB! Ámóta er ekki sama og eins).

Þetta skrifaði Søs Lihn Nielsen á snáldursíðu sína og ég er henni hjartanlega sammála. Lausleg þýðing er mín.

Lygin getur orðið að sannleik

Ef þú segir lygi nógu oft og heldur áfram að endurtaka hana mun fólk að lokum trúa henni. Lyginni er hægt að viðhalda. Lyginni um að kynin séu fleiri en tvö er víða haldið á lofti. Líffræðileg kyn eru tvö. Enginn getur breytt því.

Stöðva þarf lyginni sem fer um samfélagið eins og eldur í sinu. Formaður trans-samtaka Íslands hefur sjálfur sagt að kynin séu bara tvö. Af hverju halda hinir áfram að ljúga, maður spyr sig. Lygin um að maður sé fæddur í röngum líkama er sömuleiðis oft á vörum fólks. Það fæðist enginn í röngum líkama. Á ákveðnu aldursskeiði fá sumir ónot fyrir þeim líkama sem hann fæddist í. Slíkt ber að meðhöndla með viðeigandi meðferð.

Hættum að ljúga að börnum um að einstakir persónuleikar þeirra þurfi hormónagjafir og skurðaðgerðir til að breyta þeim. Allt gert til líkjast gagnstæða kyninu. Hættum að níðast á börnum með staðalímyndir kynjanna í fyrirrúmi. Leyfum börnum að vera eins og þau eru. Inngrip í líkamlegan þroska er ekki heilbrigðisþjónusta, það eru skemmdir á líkama barna.

Stjórnvöld hafa hoppað á lygavagninn, sennilega vaða menn ekki í vitinu þar þegar kemur að kynjunum, sem eru tvö. Skólabækur grunnskólanema bera þessar lygar á borð fyrir þá. Ekki bara hér heldur í Noregi líka. Ef við höldum áfram að samþykkja svona lygar endar það með að börnin okkar trúa lyginni. Látum það ekki gerast.

Lygi sem hefur heltekið transsamfélög er slagorðið ,,viltu heldur eiga látið barn en transbarn.“ Hér má hlusta á gott viðtal þar sem fréttamaður fer með lygina en er sem betur fer leiðréttur. Svona fréttamennska er varhugaverð. Lygar...til að sannfæra fólk!

Lygarar kunna að nota lygar sér til framdráttar, til dæmis til að ráðskast með aðra til að öðlast eitthvað efnislegt eða tilfinningalegt.

Kristján Hreinsson skáld fær orðið

en hann er einn þeirra sem vill varðveita íslenska tungu. Oftar en ekki er ég sammála honum. Gef honum orðið á bloggsíðunni í dag. Hann skrifaði þennan góða pistil á snjáldursíðuna.

 

„NJÓTTU DAGSINS!“

 

Þegar ég sé vá fyrir dyrum og þegar ég læt í mér heyra þá er eins og ýmsum hugkvæmist að best sé að láta mig þegja. Ein aðferð er að reka mig úr starfi. Svo er önnur aðferð fólgin í að segja mér frá því að ef ég ekki tilheyri hóp góða fólksins þá geti ég ekki vænst styrkja og listamannalauna. Hótanir góða fólksins virka eflaust vel, þótt þær hafi ekkert með mig að gera. Ég veit það allavega að þeir eru ekki margir rithöfundarnir sem sýna málsvörn minni skilning.

 

Málsvörn mín heldur þó sínu striki og góða fólkið hefur samband og segir mér að óþarfi sé að óttast breytingar íslenskrar tungu. Eins er mér tjáð að ég tilheyri dreggjum samfélagsins, að ég sé fordómafullur og með hatursorðræðu í garð örhópa. Ég er sagður á móti breytingum og ég er sagður vera á móti hinsegin fólki. Góða fólkið hefur meira að segja tjáð mér að ég sé á móti útlendingum, vegna þess að ég vil að við mig sé töluð sé íslenska þegar ég kem að afgreiðsluborði á Íslandi.

 

Góða fólkið vill öllum vel, nema þeim sem benda á veikleika.

Ef við breytum íslenskunni að hætti góða fólksins og lifum í sýnd umburðarlyndis á meðan reyndin er veruleiki sem fólk kýs að líta fram hjá, þá blasir við okkur nýr vandi. Ef við leyfum hjátrú pólitísks rétttrúnaðar að ráða för, ef við bönnum orð, ef við neyðum fólk til að vanda orðræðu og ef við t.d. fækkum karlkynsorðum til þess að þjóna hvorugkyni, þá erum við ekki bara að breyta íslenskunni. Við erum fyrst og fremst að draga úr frelsi. Við erum að skerða málfrelsi og skerða tjáningarfrelsi.

Kennari sem kemur auga á veikleika í duttlungum góða fólksins, bendir nemendum sínum á að rétt sé að nota öll íslensk orð. Hann er kallaður á teppið og honum er sagt að orðræða hans sé ekki boðleg. Þegar kennarinn neitar að taka þátt í aðför góða fólksins að íslenskri tungu, þá missir hann starfið.

 

Góða fólkið segir: „Hafðu góðan dag.“ Við hin þráumst við og segjum: „Njóttu dagsins!“

 

 

 

 

 

Transferli barna er bælingarmeðferð og verður bönnuð með lögum um næstu áramót

Frumvarp þess efnis lögðu nokkrir þingmenn fram, meðal annars Sigmar Guðmundsson, Helga Vala Helgadóttir, Katrín Hanna, Orri Páll, Jódís o.fl. Þeim lá á að koma málinu gegnum þingið. Þeim lá svo á að átakanleg var að horfa á þau. Sigmar kom með besta brandarann, að hann styðji þetta af því hann vill viðurkenna fólk eins og það er. Bíddu, hefur hann ekki gert það hingað til?

Í frumvarpinu segir að sækja megi hvern þann til saka sem framkvæmir ógagnreyndar aðferðir á börnum í því skyni að breyta kynhneigð þess. Allavega er ekki hægt að skilja lögin öðruvísi en transferli falli þar undir. Barn með kynama, ónot á kynþroskaskeiðinu, hefur ekki ákveðið hvaða kynhneigð (til karla eða kvenna, nema hvoru tveggja sé) það vill. Að setja barn í ráðgjöf eða ferli hjá Samtökunum 78 til að transvæða það, er bælingarmeðferð. Fyrir slíkt borga sveitarfélögin, m.a. Akureyrarbær. Kemur fram í samningi þeirra við samtökin, ráðgjöf fylgir kaupunum finni barn til kynama. Slíkt barn á heima hjá hlutlausum sálfræðingi.

Barn sem glímir við kynama á oft við önnur andlega vandamál að stríða og á þeim er ekki tekið áður en transferli (bælingarmeðferð) hefst.

Að fara í gegnum náttúrulegan kynþroska er réttur hvers barns. Börn hafa ekki þroska eða getu til að taka ákvörðun um að hefta hann. Fullorðið fólk á að vernda börnin. Sumir foreldrar flýta sér stundum of mikið og setja börn sín of snemma í transferli, oft með skelfilegum afleiðingum. Hér má hlusta á Helen Joyce. Foreldrar lifa með það til æviloka að hafa eyðilagt barn sitt.

Leggja sveitarfélögin, með kaupum á þjónustu Samtaka 78, lóð sitt á vogarskálarnar með þessum foreldrum og ekki síður bælingarmeðferð barna? Það má vissulega spyrja sig og við eigum að gera það. Höfum gagnrýnisgleraugun á okkur þegar trans-málaflokkurinn er annars vegar. Þau eru þess virði.

Samtökin 22 hafa tekið saman hvað bælingarlögin þýði í raun og veru, það má sjá hér.

Ágætu Gulli og Heimir (og annað fjölmiðlafólk)

Gulli og Heimir fengu trans-konuna Örnu Magneu Danks í viðtal við sig í júní mánuði. Eftir viðtalið stóðst ég ekki mátið og sendi þeim félögum línu. Ekkert hefur heyrst frá þeim. Ekki hissa, enginn fjölmiðlamenn vilja ræða transmálaflokkinn af alvöru. 

Svona hljómaði bréfið til þeirra, með leiðréttum innsláttarvillum sem því miður læddust með:

Hlustaði á viðtal ykkar við Örnu Danks. Þið fallið í sömu gryfju og flestir sem fjalla um málið, einhliða málflutningur. Hvet ykkur til að bjóða einhverjum sem Arna kallaði hatursfulla í garð trans-fólks í heimsókn.

Á snjáldursíðunni er til hópur sem heitir Barátta XX-Kvenna fyrir öryggi. Þar er sett inn efni víðs vegar úr heiminum þar sem konur reyna að verja réttindi sín. Konum víða um heim finnst öryggi sínu ógnað af trans-konum (karlmönnum sem skilgreinir sig sem konu), s.s. í búningsklefum, íþróttum, fangelsum og salernum.

Í Noregi hafa umræður verið leyfðar í fjölmiðlum- öfugt við hér. Sama í Danaveldi. Einhliða málflutningur af trans-málefnum er hér á landi. Þetta vitið þið. Einstaka grein sleppur í gegn. Þið sögðu að þetta færi aðallega fram á samfélagsmiðlum, það er ástæða fyrir því. Fjölmiðlar leyfa enga umræðu um málaflokkinn eins og þið sýnduð í morgun. Sama má segja um dálkinn Umræðan á Vísi.is, þar má ekki birta neitt sem hyllir ekki trans-málaflokkinn. Staðreyndir má ekki ræða þar. Allt í nafni hatursorðræðu!

Ég saknaði þess að þið spyrðuð Örnu út í hvaða áhrif hormóna- og krosshormónalyfjagjafir hafi á barn, hvaða skemmdir eru unnar á heilbrigðum líkama. Hvaða áhrif það hefur á ungar stúlkur þegar trans-kona vinnur í íþróttum s.s. sundið sem hefur verið til umfjöllunar. Arna hefur gefið út opinberlega að trans-konur eigi að taka þátt í kvennaíþróttum. Saknaði þess að þið spyrðu hvort henni finnst í lagi að hópur ungra stúlkna í klefa í sundlaug þurfi að sætta sig við að trans-kona (með allt undir sér) mæti í klefann. Að trans-konur mæti á salerni kvenna. Fangelsi. Að þið spyrðu hvort henni finnist eðlilega að segja ungum börnum að til séu fleiri kyn en tvö, að þið sem feður hefðuð getið ykkur til um kyn barna ykkar o.fl. í þeim dúr.

Það sem þið gerðuð í þessu viðtali varpar engu ljósi á þá baráttu fólks gegn þessum hluta málaflokksins og hefur ekkert með trans-fólk, einstakling, að gera heldur þau réttindi sem trans-fólk fær og vill á kostnað annarra.

Breyting á tungumáli er annað, að kalla fæðandi konur sem fæðandi fólk er lítilsvirðing við konur. Að halda fram að trans-maður geti átt barn er lítilsvirðing við konur, enginn annar en kona getur gengið með barn. Að halda fram að trans-kona sé lesbía er vanvirðing við konu. Að kalla konu leghafa til að þóknast örlitlum minnihluta svo þeir móðgist ekki er vanvirðing við konur. Að venjast tunga um tönn þegar útskýra á hvað kona sé er líka vanvirðing við konur.

Barátta homma og lesbía var á annan hátt, þau vildu ekki hafa réttindi af neinum eins og trans-hreyfingar í dag. Vissulega þungur róður en það tókst. Nú eru trans-hreyfingar á góðri leið með að eyðileggja það sem hafði áunnist. Um það getið þið fræðst. Katheen Stock er nýjasta dæmið. Talandi um hatur, ekki fólksins sem mótmælir heldur trans-aðgerðasinnar.

Já drengir mínar það er margt sem þið spurðuð ekki. Heyrði annan ykkar segja að um þekkingarleysi okkar hinna sé um að ræða. Hvet ykkur til að skoða krækjurnar hér að neðan, mikill fróðleikur sem varpar ljósi á um hvað baráttan fjallar. Hér má sjá fólk í Kanada sem hefur fengið nóg af áróðri trans-hreyfingarinnar í skólum landsins.  

Hafi þið áhuga get ég sent ykkur annað eins af krækjum þar sem fólk lýsir áhyggjum sínum af málaflokknum, þeirri gífurlegu aukningu unglingsstúlkna í transferli, trans-væðingu í skólakerfinu, öryggi kvenna í kvennarýmum, lyfjagjafir og skurðaðgerðum barna sem er tilraunastarfsemi. Ekki er um gagnreyndar meðferðir að ræða.

Enginn blandar sér í hvað fullorðið fólk gerir. Enginn setur út á það líf sem fólk velur sér, það eru börnin. Fyrir þessa afskiptasemi kallar trans-hreyfingin fólk hatursfull og með fordóma. Hatur?

Vissulega er baráttan aðallega í útlöndum, en það sem gerist fjarri okkur kemur hingað. Það sem Samtökin 78 og hins segin samfélagið gerir er að snúa þessu upp í hatur, fordóma, þekkingarleysi og þið kokgleypið það.

Er ekki tímabært að þið fjölmiðlafólk takið umræðuna um transmálaflokkinn upp á hærra plan?

Það sem þið hafið t.d. ekkert rætt um er mál sem komu fyrir Mannréttindadómstóllinn og trans-fólk tapaði, réttur barns er rétthærri. Sendi ykkur frétt úr norsku blaði. ENGINN fjölmiðill hér á landi hefur fjallað um þessa frétt, nema Fréttin.is. Dómurinn er mjög merkilegur.

Ég sendi þeim félögum nokkrar krækjur til að uppfræða þá. Hér að neðan eru a.m.k. þrjár af þeim sem Gulli og Heimir fengu.

Hér fer finnsku prófessor nokkrum orðum um transmálaflokkinn.

Transvæðing barna í skólakerfinu.

Fornöfnum hafnað.

Faðir vill ekki að börnum sé talin trú um að þau séu fædd í röngum líkama.

Þessi réttindi kvenna eru í húfi, alveg þess virði að lesa

,,Þetta er ástæðan fyrir því að ég er ,,heltekin" af transmálaflokknum. Málefnið er mikilvægt, alveg þess virði að skoða” segir Soina Gallego á snjáldursíðunni sinni. Hún berst fyrir réttindum kvenna. Margir ættu að taka hana, og fleiri konur, sér til fyrirmyndar sem reyna að standa vörð um málefni og réttindi kvenna.

Kvenréttindafélag Íslands er heillum horfið á væng transhreyfingarinnar og lætur sig ekki varða réttindi sem stúlkur og konur missa ef við stígum ekki á bremsuna. Sum eru nú þegar farin!

Sonia setur inn færslu á snjáldursíðuna sína og segir: ,,Hér er listi yfir mannréttindi kvenna sem transaðgerðarsinnar eru á góðri leið með að útrýma. Að andmæla þessu er ekki ,,menningarstríð á hægri vængnum" heldur nauðsynlegt til að varðveita sómakært samfélag.”

1. Að afnema lagalegan rétt kvenna til að skipuleggja pólitískar aðgerðir gegn kynbundinni kúgun karla.
2. Að afnema lagalegan rétt kvenna til að safnast saman án karla.
3. Að afnema lagalegan rétt kvenna til fræðslu sem búin er til fyrir konur án þess að hafa karla viðstadda.
4. Að útrýma gagnasöfnun um kynbundinn ójöfnuð á svæðum þar sem konur eru í minnihluta.
5. Útrýma tölfræði um kynbundin afbrot.
6. Afnám íþróttaæfinga og keppni kvenna og stúlkna.
7. Að afnema lagalegan rétt kvenna til að vera lausar við viðveru karla á svæðum þar sem nekt er.
8. Afnám styrkja, námsstyrkja, tilnefningar í stjórnir og trúnaðarmanna, fulltrúastarfa og annað fyrir konur.
9. Að afnema lagalegan rétt kvenna til að opna nauðgunarþjónustu, stuðningshópa eða samtök fyrir konur.
10. Að útrýma fjölmiðlum og allri opinberri umræðu sem beinist sérstaklega að konum.
11. Afnám réttar blaðamanna til að segja frá kynferði og sögu viðfangsefna.
12. Að afnema lagalegan rétt lesbía til að koma saman opinberlega.
13. Útrýma lesbískum samtökum og málsvarnarhópum.
14. Afnema lagalegan rétt kvenna til málfrelsis sem tengist kynhlutverkum og kyni.
15. Afnema lagalegan rétt kvenna til verndar gegn ríkisstyrktum kynhlutverkum (útlit/hegðun/hugsun).
16. Afnema lagalegan réttar stúlkna til verndar gegn ríkisstyrktum kynhlutverkum í opinberri menntun.
17. Afnám á rétti kvenna til að dvelja á sjúkrahúsi/sjúkrastofu sem er aðskilin frá körlum.
18. Afnema rétt kvenna til að kjósa kvenkyns umönnunaraðila.
19. Afnám mannréttinda kvenfanga sem eru í haldi ríkisins til að vera vistaðir sérstaklega fjarri karlkyns föngum.
20. Ólíkt öllum öðrum félagslegum réttlætishreyfingum í sögunni er áherslan í samtímanum á ,,Transgender Rights" einstök að því leyti að hún byggist á því að útrýma kynbundnum réttindum og vernd kvenna og stúlkna.

Margt af því sem er á listanum hefur ekki komið fram af fullum þunga hér á landi en margt. Að hópur skuli berjast fyrir réttindum á kostað annars hóps er merkilegt, svo ekki sé dýpra í árina tekið. Enn verra er þegar fjölmargir í samfélaginu, kjörnir sveitarstjórnarmenn, þingmenn og ráðherrar leggjast á vogarskálarnar með þessum örhópi og rýra mannréttindi annars hóps, taka frá honum það sem hann hafði.

Stígum á bremsuna, leyfum stúlkum og konum að njóta þeirra réttindin sem þær eiga með réttu.

 

Nei Arna Magnea Danks, það er ekki hatur, fordómar né fáfræði

að halda fram að trans-konur gangi á réttindi kvenna sem þurfa að berjast fyrir að halda réttindum sínum.

Trans-konan fer mikinn í grein á Vísi. Reyndar ekki í fyrsta skiptið. Arna er baráttumaður fyrir trans-konur. Eðlilegt að berjast fyrir örhópnum, sem Kristján Hreinsson kallar svo, sem maður tilheyrir. Arna stimplar alla sem eru ekki sammála hugmyndafræðinni sem hún lifir eftir, fáfróða og hatursfulla. Dómharka. Gott að geta sett sig í hásæti og dæmt alla sem hafa aðrar skoðanir á trans-hugmyndafræðinni.

Á síðu Binary stendur: ,,Kynjahugmyndafræðin segir: ,,Ef þú passar ekki inn í dæmigerðar stelpustaðalímyndir gætir þú hafa fæðst í röngum líkama og til að vera hamingjusöm þarftu að breyta þér og nota lyf og skurðaðgerðir til þess." Áfram heldur á síðunni: ,,En stúlkur geta verið allt sem þær vilja, nema strákar.”

Arna fellur í þá gryfju að kalla mótmæli kvenna hatur. Ef allir eru konur, bara með því að segja að þær séu konur, og líffræðilegt kyn ræður ekki lengur úrslitum um réttindi og löggjöf þá er allt sem konur hafa áorkað á síðustu öldum horfið.

Trans-kona er ekki kona og verður aldrei, hefur ekki líffræðilegar forsendur til að vera það. Trans-kona ber XY- litninga og enginn fær því breytt. Trans-kona er tegund af karlmanni sem velur að taka sér kvenmannsnafn, vera í kvenfatnaði (kjól, pilsi, blússum), mála sig, skreyta með skartgripum og jafnvel ganga í háum hælum. Fullkomlega í lagi og það ber að virða. Trans-kona á rétt á góðu lífi eins og aðrir, en ekki á kostnað annars hóps.

Þeir hatursfullu vilja:

# Leyfa unglingum með kynama að vera í friði eins og þau eru án þessa að trans-væða þau.

# Hafna hormóna- og krosshormónalyfjum barna.

# Hafna skurðaaðgerðum á börnum, s.s. fjarlægja brjóst af unglingsstúlkum.

# Hætta bælingarmeðferð á börnum með kynama, trans-ferlið er bælingarmeðferð.

# Stöðva áróður leik- og grunnskóla fyrir trans-hugmyndafræðinni.

# Stöðva fræslu trans-samtaka í skólakerfinu.

# Stöðva kennara sem beita áróðri í kennslustofum um trans-málefni.

#Loka fyrir að trans-kona (með kynfæri karlmanns) geti nýtt einkarými kvenna, stundi kvennaíþróttir og hafi aðgengi að kvennafangelsum.

#Stöðva transfána-áróður skóla og stofnana

Vissulega er barátta trans-hópa ólík í hinum stóra heimi. Víða eru réttindi skert t.d. samkynhneigð bönnuð og það er miður. Að mínu mati hafa trans-hópar víða um heim vaðið yfir réttindi fólks, sérstaklega kvenna. Konur hafa sofið á verðinum. Hverjum datt í hug að konur þyrftu að verja réttindi sín árið 2023?

Arna talar aldrei um réttindin sem konur missa þegar trans-konur fá það sem örhópurinn virðist þrá hvað mest. Komast inn í búningsklefa kvenna. Inn í keppnir kvenna. Breyta orðum þannig að þeim líki þvert á geð kvenna. Arna leggst svo lágt að kalla konur cis. Eins og J.K. Rowling segir ,, Það er fasismi að neyða fólk til að breyta því hvað það kallar sig og ef það samþykkir það ekki að vera kallað fordómafullt. Við erum konur og menn við þurfum ekki að samþykkja eitthvað forskeyti frá þeim. Þau eru trans og við erum konur og karlar.”

Í greininni er talað um réttindi kvenna til að ráða yfir eigin líkama og réttindi hinsegin fólks sem einn og sama hlutinn. Það er tvennt ólíkt og á ekki að blanda saman. Trans-kona getur aldrei farið í fóstureyðingu. Trans-kona getur ekki verið lesbía þannig að enginn þarf ekki að vera hissa á að hommar og lesbíur víða um heim rísi upp gegn slíkri staðreyndavillu. Engin lesbía vill trans-konu með karlkynfæri, hún laðast að eigin kyni, konu. Margar lesbíur hafa hátt um málið og uppskera mikið hatur frá trans-konum og aðgerðasinnum. Þær fá ekki frið til að halda baráttufundi. Hverju skyldi það sæta?

Baráttumálum kvenna og trans-kvenna á ekki að blanda saman, um tvö ólík kyn er að ræða og baráttumálin ekki þau sömu.

Fáfræði Örnu kemur berlega í ljós þegar hún segir að enginn gagnkynhneigður verði trans allt í einu. Velti fyrir mér hvort hún hafi ekki fylgst með körlunum sem skyndilega ákveða að verða konur. Unglingsstúlkum sem skilgreina sig sem stráka í kjölfar andlegrar vanlíðunar. Íþróttamönnum sem allt í einu verða konur til að keppa í íþróttum. Taka þarf orðið fram að trans-konur fá ekki að taka þátt í kvennaíþróttum, af augljósum ástæðum. Það er staðreynd, margir sem skilgreina sig hinsegin eru á flótta frá öðrum vandamálum. Samfélagmiðlar hafa sín áhrif og þarf ekki annað en fylgjast með umræðunni til að sjá það. Vissulega er til fólk, eins og Arna segir, sem upplifir sig sem hitt kynið frá unga aldri. Því fólki ber að hjálpa á viðeigandi hátt.

Örnu er tíðrætt um hatrið sem hún segir að gjósi frá fólki sem vill verja réttindi kvenna gegn ágangi karlmanna sem skilgreina sig sem trans-konu. Misskilningur hjá Örnu, þeir sem berjast fyrir réttindum kvenna og barna eru full af ást, ábyrgð, kjarki og metnaði til að verja réttindin þessa hópa. Til að svo megi verða þarf baráttu, jafnvel þó örhópurinn móðgist. Það er bara meira í húfi en svo!

Lýk þessu með orðum Kristjáns Hreinssonar ,,Ég óttast lygina sem troðið er í fjöldann í formi skilgreininga. Tilteknir hópar skilgreina sig sem öðruvísi fólk og hljóta þar með vald til að tröllríða öllu og öllum. Í nafni öðruvísi fólks eru fánar á hverju horni, regnbogagötur og svo er herlegheitum öðruvísi fólks fagnað með skrautsýningu í ágúst. Öðruvísi fólk sér um kynfræðslu fyrir börn, ýtir undir eitt og annað sem öðrum þykir miður og ýtir undir boð og bönn í tungutaki. Góða fólkið situr hjá og þögn er sama og samþykki.”

Ef þetta er ekki hatur trans-fólks og aðgerðasinna í garð kvenna þá veit ég ekki hvað!