Trans áróður ekki áberandi í Danmörku

Kaupamannahöfn og sum sveitarfélög í kringum höfuðstaðinn eru ekki undirlögð af trans áróðri líkt og í Reykjavík og sumum bæjum á Íslandi, t.d. Akureyri. Bloggari hefur ekki rekist á einn trans fána í þá viku sem hann hefur dvalið í ríki Friðriks tíunda. Afar ánægjulegt að vera laus undan áróðrinum.

Kirkjur sem bloggari hefur séð hafa heldur ekki notað stöðu sína til að flagga áróðri í formi málningu á tröppum eða inngöngum. Á Íslandi er vókið hjá prestum óhugnanlegt. Að hugsa sér, í sumum kirkjum er ekki hægt að ganga inn í kirkju án þess að ganga á áróðrinum.

Mér hugnast ekki svona áróðurstengd málefni þar sem ríki, sveitarfélög og kirkjan tekur þátt í. Hvað þarf til að menn sjái að sér á Íslandi? Þegar stórt er spurt er fátt um svör.

Hafi menn haldið að trans fáninn sé sameiningartákn, tákn um ást og fjölbreytileika þá skjátlast þeim. sá íslenski er eini fáninn sem allir Íslendingar falla undir, enginn annar. 

 

Að vera kona- er ekki upplifun eða tilfinning

Það er beinhörð líffræðileg staðreynd. Blæðingar, ólétta, fæðing, breytingarskeiðið o.s.frv. sem gerir það að verkum að þetta er hluti af grunnstoðum kvennasamfélagsins.

Við viljum ekki útiloka neinn, við erum ekki blindar á þá staðreynd að aðrir hópar og minnihlutahópar glíma við áskoranir og vandamál. En við viljum fá að vera konur í líffræðilegum veruleika okkar. Og við viljum halda í réttindi okkar sem við höfum barist fyrir, sögu um kyn okkar og samfélag okkar sem fæddist í baráttunni fyrir því að fá að vera sjálfstæðar, frjálsar verur.

Það er ekki hatursfullt. Það er ekki útilokun. Það er sjálfsbjargarviðleitni.

Það er einmitt málið.

Þannig er það!

Svo mörg voru orð Line Appel.

Karin Joy bætti athugasemd við færslu Line: ,,Og svo þetta smáatriði, maður getur ekki sjálfur VALIÐ hvort maður er kona því það gerist sjálfkrafa þegar við fæðumst sem stúlka. Það gerist líka fyrir þá sem vilja vera drengur. Kyn ákvarðast rétt eftir frjóvgun og varir allt lífið burtséð frá hvað okkur finnst um það.“

Lia- karlmaður bannaður á OL

Sigur stúlkna í íþróttum leit dagsins ljós. Lia Thompson var útilokaður frá keppni í sundi á OL. Hugsið ykkur dómsmál þurfti til. Dómsmál til að sanna að stúlkur eigi að keppa við stúlkur ekki stráka. Nú þurfa allar konur og stelpur, karlmenn og strákar að stíga fram og hafna karlmönnum í kvennaíþróttum.Hér lesa um málið. 

Þorsteinn V. röflar endalaust í blöðin að kyn skipti ekki máli. Jú fyrir allt venjulegt fólk skiptir kyn máli. Þó Þorsteinn hafi ekki áhuga að vita hvort kynið er væntanlegt í heiminn hjá óléttri konu þá má hann það. Hins vegar er óþolandi að þessi maður fái pláss í fjölmiðlum til að tjá sig um hvað öðrum á að finnast. Það eru tveir möguleikar strákur eða stelpa.

Kyn skiptir máli á öllum aldurskeiðum og þau eru tvö. Eitthvað sem kynjafræðingar eiga erfitt með að skilja.

Þessar hafa mátt þola kvartanir, kærur og uppsagnir vegna skoðana og sannleiks

Í bloggfærslu fyrir tveimur dögum var sagt frá trans aðgerðasinna sem fékk dóm, vægan dóm, fyrir að hóta konum lífláti og sjá fyrir sér hryðjuverk gegn konum. Fá slík mál hafa komið upp á yfirborðið því þeir sem segja sannleikann kæra ekki annað fólk fyrir skoðanir þess, jafnvel þó það væri tilefni til.

Trans fólk, aðgerðasinnar og samtök ganga hins vegar langt í að verja lygina sem þeir boða víða um heim.

Christina Ellie Ellingsen, var dregin fyrir dóm. Nú reyndi á hvort sannleikurinn hafi vægi. Trans aðgerðasinni dró hana fyrir dómstólana í Noregi fyrir að segja að maður geti ekki veið kona. Hún vann málið, að sjálfsögðu, annað hefði orðið hneyksli meðal dómara. Hér má lesa um málið.

Vinnuveitandi Maya Fostater sagði henni upp, stuðningur við trans hugmyndafræðina birtist í að hann sagðist þurfa að passa orðsporið. Vinnuveitandinn hafði ekki bein í nefinu gagnvart trans aðgerðasinnum, lét undan þrýstingi. Maya Fostater fór í mál og vann það. Hún sagði sannleikann, ekki er hægt að breyta líffræðilegu kyni. Hér er hægt að lesa um málið.

Mannréttindadómstóllinn hefur dæmt, fæddur karlmaður skal skráður faðir á fæðingarvottorð barns og fædd kona er móðir þess. Hér má lesa um dóminn.

Kennarar og vinnuveitendur þeirra

Kennari í Danaveldi fékk smjörþefinn af svona hegðun trans aðgerðasinna. Yfirmaður hennar er ekki heltekin af trans hugmyndafræðinni og leyfir fólki að hafa ólíkar skoðanir. Hann fékk skilaboð frá trans aðgerðasinnum sem vildu kennarastarfið af Dananum. Hann lét það sem vind um eyru þjóta, enda ríkir skoðana- og tjáningarfrelsi á vinnustaðnum. Það gerði hins vegar ekki skólastjóri á Fróni, hann valdi aðra leið í bergmálshellinum. Hér og hér má lesa um málin.

Hvatt var til uppsagnar á kennara hér á landi vegna greinar um fræðsluefni trans Samtaka 78. Sveitarfélagið sem rekur skólana sá ekki ástæðu til þess enda hefur sama sveitarfélag brennt sig á slíku. Sá sem hvatti til að kennari missti lífsviðurværi sitt vegna skoðanamunar er grunnskólakennari. Leiða má líkum að umræddur grunnskólakennari aðhyllist trans hugmyndafræðina og því heyrir þetta undir sama flokk og hin málin sem sagt er frá í blogginu. Hér má lesa um málið.

Sænskum kennara var sagt upp, 2021, því hún neitaði að nota fornafn trans hreyfinga á nemanda sinn. Hennar trú og lífgildi er ástæðan. Að söng kennarans hafði barnið hafði aldrei óskað eftir því sjálft að nota trans fornafn heldur voru foreldrar þessa 7 ára barns (2021) mjög uppteknir af trans málefnunum. Hér má lesa um málið.

Sænski skólastjórinn fórnaði rúmlega 20 börnum fyrir þetta eina barn og rak umsjónarkennara þeirra í stað þess að fallast á málamiðlun hennar að hún myndi nota eigið nafn barnsins. Það sýnir okkur skekkjuna í þessum málaflokki.

Vegna aukinnar þekkingar og vitneskju um hvaða áhrif trans hugmyndafræðin hefur á börn vil ég trúa að skólastjórinn hefði brugðist öðruvísi við í dag. Dæmið sýnir okkur hvað önnur börn hafa lítinn rétt, þau svipt umsjónarkennara sínum í nafni trans hugmyndafræðinnar. Voru ekki einu sinni spurð, hvað þá foreldrar þeirra.

Fleiri mál sem varðar kennara og vinnustaðinn þeirra má finna þó svo bloggari skrifi ekki um þau.

Lesbíurnar

Tonje Gjevjon segir að karlmaður geti ekki verið lesbía. Rökrétt því lesbía elskar aðra konu. Trans aðgerðasinna hugnaðist ekki ummælin og kærði hana. Hún átti yfir höfði sér þriggja ára dóm yrði hún fundin sek. Svo varð ekki. Það hefði orðið aðhlátursefni fyrir dómarar og réttarkerfið að viðurkenna að karlmaður geti verið lesbía þó hann skilgreini sig sem konu. Lesbíur kæra sig ekki um kynfæri karlmanna. Lesið hér.

Nú stendur yfir mál í Ástralíu. Sall neitaði karlmanni sem heldur fram að hann sé lesbía aðgangi að appi sem er eingöngu fyrir lesbíur. Karlmaðurinn, Roxie, hefur nú dregið Sall fyrir dómstóla og var málið dómtekið 9. apríl. Margir bíða með öndina í hálsunum eftir að niðurstaða liggi fyrir. Tapi Sall málinu eru réttindi kvenna og stúlkna í enn meira uppnámi en nú er. Lesið hér.

Verja réttindi kvenna

Lotte Ingerslev hefur ekki farið varhluta af hatursorðræðu í sinn garð. Hún ver réttindi barna, kvenna og stúlkna. Hún hefur skrifað á bloggsíðuna sína transkoen.dk þar sem hún gagnrýnir Danska knattspyrnusambandsins vegna meðferða á túlum. Hún hefur t.d. skrifað um lyfjagjafir og meðferðir á börnum sem eru harðlegar gagnrýndar. Karlmaður sem skilgreinir sig sem konu, Nadia Jacobsen, og er í nefnd á vegum Danska knattspyrnusambandsins hefur kært Lotte. Lögreglan hlustaði ekki á kvartanir hans, og því verður ekki opinbert mál. Einkamál eru dýr í Danmörku. Nadia sem þarf að safna peningum til að hefja málsóknina en söfnunin gengur mjög hægt. Hér má lesa um málið.

Spænski rithöfundurinn Lucía Etxebarria vann dómsmál. Hún kallaði trans einstakling karlmann, enda er hann það og sést mjög vel á útliti hans. Dómarinn hafi orð á því. Rithöfundurinn segir tjáningarfrelsið lifa, því karlmaður getur ekki breytt sér í konu. Hér má sjá umfjöllun um málið.

JK.Rowling hefur líka háð baráttu til að vernda einkarými stúlkna og kvenna. Varla þarf að hafa mörg orð um það, hún er heimsþekkt og því líklegra að lesendur þekki baráttuna.

Patreki fannst hann meiri ráðgjafi en kennari

Þegar Patrekur gat kallað sig kennara að loknu fjögurra ára nám var eins draumur hans rættist.

En aðeins sex árum síðar, eftir að hafa unnið í þremur ólíkum skólum, fannst honum hann verða að yfirgefa kennarastarfið. Mér þykir leiðinlegt að segja bless. Mér fannst ég hafa heimsins bestu vinnu- ásamt því að vera á lélegustu laununum segir hann. Foreldrar hafa fengið mikil völd og áhrif og það veldur streitu.

Mikil pappírsvinna, foreldrafundir og mikil ábyrgð á börnum sem glíma við alls konar vanda eiga  er bara hluti af ástæðunum að hann hafði ekki tíma til að gera það sem hann menntaði sig til sem kennara: Að veita börnunum góða menntun og skipta máli fyrir þau.

Skýrsla frá Verkalýðsráðinu sýnir að Patrekur er langt frá því að vera eini kennarinn sem hefur tekið þessa ákvörðun.

Helmingurinn hverfur eftir fimm ár

Aðeins um 900 af þeim 2000 sem kláruðu námið árið 2018 vinna enn í grunnskólanum eftir fimm ár segir í skýrslunni. Strax þremur árum síðar hafi fimmti hver nýútskrifaður kennari hvatt grunnskólann. Það er þekkt vandamál að erfitt sé að halda í nýútskrifaða kennara. Danska kennarasambandið lét heyra frá sér um flótta úr stétt grunnskólakennara 2023. Lesa má um það hér.

Hjá Patreki hófst vandinn snemma og endaði með ósköpum þegar hann vorið 2018 fór í veikindaleyfi, greindur með streitu. Þetta fjallar ekki um að ég sé nýútskrifaður segir hann, þó erfitt sé að byrja sem nýútskrifaður kennari. Ég þekki marga sem upplifað streitu. Systir mín og tveir vinnufélagar hættu líka þó lengra sé frá þeirra útskrift og reynsla þeirra meiri segir hann.

Upplifði að hann væri ráðgjafi

Það er mikilvægt að láta koma fram að ég er ánægður með menntunina og þá skóla sem ég hef unnið í, stjórnendur og að vinna með börnum. Samt sem áður vegur það ekki þyngra en álagið í vinnunni og léleg vinnuaðstaða, sem er greinilega í mörgum skólum.

Það er svo mikill tími tekinn frá börnunum og kennslunni og hún hefði versnað til muna ef kennarar hefðu ekki notað eigin frítíma til að bæta það upp. Það er vond keðjuverkun segir Patrekur.

Eftir að hann fór í veikindaleyfi sá hann greinilega hvernig aðstæðurnar urðu verri í þau sex ár sem hann kenndi og að verkefnin utan kennslunnar jukust. Mér fannst ég meiri ráðgjafi en kennari því það voru svo mörg vandamál sem þurfti að sinna, segir hann. Vandamálið var m.a. að um þriðjungur barnanna voru í skóla án aðgreiningar, sem þýddi að þau glímdu við alls konar vandamál og stundum voru greiningar. Flest þessara barna hafðu átt að fá boð um annars konar skólavist. Þetta kallaði á aukavinnu með sálfræðiráðgjöfum, foreldrum og hellings pappírsvinnu.

Aukið vald foreldra

Samtímis með öllu hinu átti Patrekur að vera með 89 skóla-heimili-samtöl sem umsjónarkennari bekks. Og, það hjálpaði ekki til við það mikla vinnuálag sem fylgir skólanefndum þar sem einnig voru fulltrúar foreldra. Nefndin þurftu að komast að meirihluta ákvarðanatöku um kennslu, segir hann.

Ég verð sennilega óvinsæll fyrir að segja þetta en foreldrar hafa fengið mjög mikil völd og meðákvörðunarrétt. Það veldur streitu að foreldrarnir hafi fengið svo mikil völd. Maður þarf að bera traust til að kennarar geri það besta og hafi auga fyrir hvað börnin hafi áhuga á, segir hann.

Hann er spurður: Kennarar hafa um lengri tíma talað um ástandið. Getur það líka verið, að búist sé við of miklu miðað við það sem í reynd kemur út?

Ég held að þetta snúist ekki um að við getum ekki aðlagast því sem ætlast er til. Þvert á móti held ég að stundum að það sé lagt of mikið á okkur.

Kerfið lofar ekki góðu

Vorið 2024 var gerður nýr samningur á sviði grunn- og unglingastigs sem á að bæta aðstæður m.a. með því að taka fleiri ákvarðanir nær vinnustaðnum. Á sama tíma kallar Madsen, formaður danska kennarasambandsins, eftir því að komið verði á fót kerfi á landsvísu þar sem nýútskrifuðum kennurum er úthlutað leiðsagnakennara, segir Patrekur við TV 2. En að sögn Helle Plauborg, dósents við danska menntavísindasviðið við háskólann í Árósum, er myndin ekki vænleg því engin rannsókn bendi til að kennarar haldist lengur í starfi af þeim sökum. Hins vegar varpa rannsóknir ekki ljós á af hverju sumir kennarar halda áfram en fljótlega fer af stað stórt rannsóknarverkefni sem beinist einmitt að þeim þáttum, segir hún.

Snýr ekki aftur

Það er mikilvægt að fleira komi til en leiðsagnakennari fyrir nýliða segir Patrekur sem hafði einn slíkan þegar hann byrjaði. Það skiptir engu þó leiðsagnarkennarinn tryggi góða byrjun þegar allt annað er í ólagi þegar frá líður. 

Hann hefur þá trú að ástandið eigi eftir að batna ef kennarar fá meira frelsi til að skipuleggja dagana. En það dugar ekki til að honum dytti í hug að snúa sér aftur að kennslu. Ég er ánægður að eitthvað sé gert í málaflokknum og það komi meiri áhersla á líðan kennara og ástæður þess að þeir yfirgefa vettvanginn segir hann.

Hér má lesa greinina sem fjallar um danskan kennara en gæti allt eins verið hér á landi.

 

Tans aðgerðasinni dæmdur fyrir hatursorð

Hlaut að koma að því. Miðað við skilaboðin sem fólki eru send sem eru ekki sammála trans aðgerðasinnum var þetta spurning um hvenær ekki hvort. Við höfum hins vegar nokkur mál sem voru á hinn veginn, trans aðgerðasinni kærði þann sem fór með sannleikann, en höfðu ekki erindi sem erfiði.

Trans aðgerðasinnar ganga langt í baráttunni fyrir lyginni. Glenn Mullen, 31 árs, gekk svo langt að hóta konum lífláti vegna skoðana þeirra. Hann fékk dóm. Kennarinn á Akureyri krafðist atvinnumissi einstaklings og hvatti aðra til að óska þess sama. Munur á. Stór munur á. Annað refsivert hitt ekki.

Ábyrgð fylgir orðum, í ræðu og riti, hvort sem þau eru refsiverð eður ei.

J.K. Rowling er ein þeirra sem Mullen hefur hótað. Hún jók öryggisgæsluna fyrir vikið. Lítur oftar um öxl en áður. Hótanirnar tóku einnig sinn toll af Rosie Duffield, þingmanni Verkamannaflokksins fyrir Kantaraborg. Mullen lét dæluna ganga yfir Posie Parker sem skipuleggur baráttufundi fyrir konur. Hún hefur farið víða um Bretland og heim.

Þegar Posie Parker hélt baráttufund í Glasgow sagðist Mullens sennilega ekki hata það að sjá bíl keyra inn í þvöguna og að konurnar myndu springa eins og ruslapokar fullar af bökuðum baunum. Á mannamáli- lýsir hryðjuverki. Margir telja svona fólk eins og hann veikt á geði, en það er önnur saga.

Hér eru tvödæmi um skilboð Mullens:

,,Ég ætla að drepa JK Rowling með stórum hamri. JK Rowling er hræðileg og ég hata hana svo mikið."

,,Ég ætla að hitta Rosie Duffield á barnum með stóra byssu. Ég hata hana svo mikiÄ‘. Kærar þakkir."

Hér er um að ræða konur sem berjast fyrir konur og að lygin nái ekki fótfestu í samfélögum manna.

Mullen fékk vægan dóm, átta vikur í fangelsi eða tvö ár á skilorði. Hann var auk þess fjarlægður frá samfélagsmiðlum í ákveðinn tíma.

Saksóknari sagði: ,,Skilaboðin sem birt var á samfélagsmiðlum voru markviss og áhyggjuefni. Hljóðupptökurnar hafa haft veruleg áhrif á fórnarlömbin tvö, sem ollu þeim uppnámi, áhyggjum og vanlíðan þegar þær heyrðu skilaboðin.“

Oft má sjá hreinar aftökur á mannorði og persónu opinberlega án þess að fyrir því sé annað en skoðanamunur. Sumir fá aldrei uppreisn æru. Þeir sem hafa mótmælt trans hugmyndafræðinni eins og hún er borin á borð hafa fengið að kenna á því.

Hér má lesa frétt um málið.

Vinnuumhverfisnefnd Kennarasambandsins dregur lappirnar

Á síðasta þingi KÍ var samþykkt að veita fjármagni í rannsókn á upplifun kennara á ofbeldi og ofbeldisfullri hegðun nemenda gagnvart stéttinni. Rannsóknir frá hinum Norðurlöndunum sýna að aukning á slíkri hegðun eyjst frá ári til árs undanfarin áratug.

Þegar bloggari les um danska rannsókn, sem 9000 grunnskólakennarar tóku þátt í, sem sýnir að um 41% kennara upplifa ofbeldi eða ógnandi hegðun frá nemendum fer um hann. Þrír af hverjum fjórum kennurum sem upplifa ofbeldið segja að engin eða lítil aðstoð sé boðin í tengslum við atburðinn.

Kennararnir segja líka að þó þeir tilkynni ofbeldið fá þeir ekki viðeigandi aðstoð en um 76% þeirra sem hafa orðið fyrir ofbeldi eða ógnandi hegðun sakna viðeigandi aðstoðar.

Aðspurður um málið sagði Magnús Þór Jónsson formaður Kí að málið væri á borði Vinnuumhverfisnefndar sambandsins. Dugleysi nefndarinnar með ólíkindum, ekkert gerist.

Formaður Vinnuumhverfisnefndar er sá sem á ýta eftir málinu. Síðan er það starfsmaður nefndarinnar sem virkar eins og ,,aðstoðarmaður ráðherra“, ræður miklu en nánast valdalaus. Þessir tveir þurfa að hrista af sér framkvæmdardeyfðina og koma rannsókninni á koppinn. Hinir stjórnarmenn eiga líka að láta til sín taka. Þeir sem sitja í stjórn nefndarinnar eru:

Hólmfríður Sigþórsdóttir

Fulltrúi FF (Félag framhaldsskóla)

Katrín Lilja Hraunfjörð

Fulltrúi FSL/SÍ/FS (Leikskólinn)

Kristín Ásta Ólafsdóttir

Fulltrúi FG (Félag grunnskólakennara)

Petrea Óskarsdóttir

Fulltrúi FT (Félag tónlistarkennara.

Hér má lesa frétt dönsku kennarasamtakanna (grunnskóla) um ofbeldið þar í landi.

 

Skólakerfið þarf að hysja upp um sig

Enn ein svört skýrsla um skólakerfið hefur litið dagsins ljós. Margir samverkandi þættir valda því að drengir þrífast ekki eins vel í skólakerfinu og stúlkur. Reyndar hafa menn bent á þetta árum saman, það gerir bara enginn neitt. Skýrslur og rannsóknir um efnið hlaðast upp í skáp ráðherra menntamála.

Fagleg stjórnun skóla er eitt af vandamálunum. Stjórnendur eru of eftirlátsamir á fræðslu og kennslu sem fylgir ekki vísindalegum aðferðum og staðreyndum. Alls kyns hugmyndafræði og stefnur eru teknar inn, tíma eytt í það og grunnfærnin víkur til hliðar. Ef menn vissu um allar þær stefnur sem til eru og grunnskólar tekið undir sinn verndarvæng yrðu þeir hissa. Mismargar stefnur eru í hverjum skóla og reynslan er að rjóminn er fleyttur ofan af.

Í skýrslunni stendur: ,,Eflum kennaranám á Íslandi með þjálfun í vísindalega staðfestum kennsluaðferðum og mælum árangur af þeim.” Kennaranáminu var breytt fyrir nokkrum árum. Krafa um master. Náminu var líka breytt þannig að nú getur sá sem hefur bakkalárnám í einhverju fagi tekið tveggja ára master og orðið grunnskólakennari á öllum stigum. Menn spyrja, vantar ekki eitthvað inn í námið? Hafa þau þrjú ár sem B.Ed. gefur ekkert gildi. Eftir því sem bloggari best veit fer fram undirstöðumenntun kennara á þessum þremur árum. En til að móðga engan má ekki ræða þetta.

Námsmat

Námsmat í grunnskóla er út úr öllu korti. Kennarar kvarta sáran undan bókstafagjöfum. Til viðmiðunar gildir D svona 0.0-4.5 eða 4.9 eftir skóla. Nemandi sem fær D hvað eftir annað veit ekki hvort hann bætir sig. Fengi hann tölu, t.d. 2 fyrst, næst 3.5 og svo 4.5 þá sér hann að hann hefur bætt sig. Sama með aðra bókstafi. Enginn áttar sig á hvað ,,á góðri leið þýðir”, frá hverju og hvert? Í skýrslunni segir: ,,Einnig er mikilvægt að hafa skýrar upplýsingar um námsárangur á öllum skólastigum, ekki síst yngri stigum grunnskóla.”,,Setjum upp námsmat þar sem nemendur geta borið sjálfan sig saman á skilvirkari hátt við eigin fyrri stöðu.”

Talað er um hæfniviðmið. Eigi menn barn á grunnskólaaldri skilja þeir hvað er átt við með þessu:,,Endurtekin gagnrýni kom fram á fyrirkomulag hæfnimiðaðs námsmats í samræmi við ákvæði aðalnámskrár. Það kom fram hjá öllum hópum að notendur ættu í erfiðleikum með að átta sig á eðli hæfnieinkunna, að fyrirkomulagið væri óaðgengilegt, ógagnsætt og illskiljanlegt. Bent var á að hæfniviðmiðin væru svo opin og í mörgum tilvikum svo huglæg að þau vörðuðu illa leið nemenda í námi og veittu litla endurgjöf varðandi stöðu hverju sinni.” Umræða meðal kennara hefur verið á þessa leið í mörg ár. Samt gera þeir ekkert í þessu, krefjast ekki breytinga. Því má réttilega segja eins og í skýrslunni: „Gæði menntakerfis fer aldrei fram úr gæðum kennarana.“

Að vera strákur

Sú linnulausa herferð gegn drengjum undanfarin áratug er meiri en góðu hófi gegnir. Hópar kvenna hafa tekið sig saman til að senda strákunum skilaboð um hve ómögulegir þeir eru. Þeir gera ekkert rétt, eru aumingjar, nauðgarar, óalandi og óferjandi. Margir hafa bent á hvað þessi umræða getur verið skaðleg og bloggari efast ekki um það, hvorki sem móðir, amma eða kennari. Í skýrslunni segir: „Öll skilaboð út í kosmósið í menntakerfinu er að það þykir ekki kúl að vera strákur.“ -Viðmælandi í áhrifastöðu í menntakerfinu.”

Hér er enn ein endurtekning á orðum sem hafa glumið á samfélaginu í áratugi. Það vantar karlkennara. Samt gerist ekkert. Enginn leitar lausna til að fjölga karlmönnum í stétt grunnskólakennara. Þeir karlmenn sem bloggari ræðir við sem kennara og hafa hætt benda á stöðuna sem karlmenn eru í varðandi orðspor. Margir karlkennarar vilja ekki vera einir með unglingsstúlkum í rými. Lesi hver í þessi orð en bloggari vísar á greinar sem voru skrifaðar fyrir fáum árum. Klisjan í skýrslunni er: ,,Við þurfum öll fyrirmyndir í lífinu og staðan er sú að karlmönnum við kennslu fækkar og fækkar. Það þarf að fjölga karlkennurum. Börn þurfa að hafa ólíkar fyrirmyndir og ekki einsleitar og í dag eru drengir líklega ekki með mikið af karlfyrirmyndum fyrir framan sig í skólakerfinu.“

 

 

Annar hver drengur nær ólæs eftir tíu ár í skóla

Atvinnumissir...vegna skoðunar!

Það heyrir vonandi sögunni til að menn krefjist atvinnumissi fyrir aðra sem eru ekki sömu skoðunar og viðkomandi. Við heyrðum af þessu af og til hér fyrir nokkru þegar mörgum þótti flott að taka þátt í bergmálshella samfélagi (woke). Þeir sem óska öðrum að missa lífsviðurværi sitt eiga í miklum vanda sjálfir. Hvað skyldi fólk kallast sem telur sínar skoðanir réttari en annars einstaklings? Sjálfhverft!

Haraldur geðlæknir sagði nokkuð sem menn ættu að hafa hugfast. Feitletrun bloggara sem finnst þetta eiga vel við skólakerfið.

„Það er aldrei gott þegar það myndast þannig ástand að það sé bara ein skoðun leyfð og réttindi tekin af fólki og engin opinská umræða tekin. Það er lífsnauðsynlegt í lýðræðislegu samfélagi að uppi séu andstæðar skoðanir og að tekist sé á um þær. Á sínum tíma var búin til þrískipting valdsins og svo hafa fjölmiðlar tekið að sér hlutverk fjórða valdsins. En fjölmiðlarnir hafa í raun ekki staðið undir því hlutverki. Við þurfum að eiga alvöru umræðu um hvernig við getum búið til alvöru fjórða vald sem veitir ríkjandi valdhöfum aðhald."

Því miður hefur svona ástand skapast í grunnskólum landsins og þeir sem aðhyllast ekki trans hugmyndafræðina þegja. Jafnvel þegar þeir eru spurðir láta þeir ekki uppi raunverulega skoðun sína. Þöggun.

Fjölmiðlar eru sér kapítuli út af fyrir sig. Hafa fyrir löngu, margir hverjir, misst trú og hlutverk sitt.

Karlar sækja í kvennafangelsi

Fyrir átta árum skipti karlmaður kyngervi sínu í konu, lagalega. Ekki það sama og vera kona. Þrátt fyrir það er það ekki brot á réttindum hans að hann skuli halda áfram að afplána í karlafangelsi.

Eystri Landsréttur í Danaveldi dæmi í einkamáli þar sem transkona (sem líkar að vera í kvenfatnaði) fór í mál við fangelsismálayfirvöld.

Sextíu og tveggja ára maður skipti lagalega um kyn frá manni í konu. Í tengslum við það óskaði hann eftir að flutningi, yfir í kvennafangelsi þar sem hann samkvæmt lögfræðingnum Julie Stage er óörugg. Þetta er hægt í nafni laga um kynrænt sjálfræði.

Að auki vill hann fá orð réttarins að karlmaður eigi ekki að leita á honum nöktum af eða hann að gefa þvagsýni undir augum karlkynsstarfsmanni.

Bæði héraðsdómur og landsréttur dæmdu að þótt kyn ,,hennar" sé í lagalegum skilningi kona er ,,hún" líffræðilega maður.

Þess vegna er það ekki brot á reglum að karlmaður leita á ,,henni" né taki þvagsýni. Fjöldi þeirra eða eðli felur ekki í sér ómannúðlega meðferð segja dómstólarnir.

Til viðbótar segir Landsréttur að réttur til einkalífs samkvæmt 8. gr. Mannréttindasáttmála Evrópu er ekki brotinn.

Vistun fangans í karlafangelsi stafar ekki af lagalegri viðurkenningu á því að ,,hún" sé löglega kona, heldur er það af öryggisástæðum og réttur annarra sem vegur þyngra.

Landsréttur hefur þar með staðfest dóm héraðsdóms Kaupmannahafnar frá febrúar 2022.

Lesa má þessa gömlu frétt hér.

Ánægjulegt að sjá, réttindi kvenna er virt þegar þær sitja í fangelsi. Enginn karlmaður á að vera innan um kvenfanga. Þetta er einn af brothættustu sálum hvers samfélags. Ólögin eða lygin varð að lögum, karl getur orðið kona og öfugt.