Skyldi svona ofbeldi kennara og skólayfirvalda þrífast enn?

Í kjölfar myndbandsins þar sem kennari skammar nemendur sína fyrir að viðurkenna ekki að skilgreina megi sig sem kött varð til að þessi þáttastjórnandi ræddi við ungan mann. Honum var vísað úr skóla fyrir að segja sannleikann. Stórhættulegur kennari, lætur nemanda gjalda þess að segja sannleikann. Hvet ykkur til að hlusta.

Allt hófst þetta með að kennari rekur augun í síðu sem gefur bara val um karl og konu. Ræddi að það vantaði fleiri möguleika þar sem sumir skilgreina sig annað kyn. Nemandinn var ekki sammála því. Þetta er árið 2019 og strákurinn á ekki til orð að þetta sé enn í gangi.

Eftir því sem best verður séð hefur ástandið í skólum versnað en batnað. Enn vantar baráttuglatt fólk sem berst fyrir að sannleikurinn sé sagna bestur, kynin eru tvö.

Drengurinn lendir í rökræðum við kennarann og er vísað út úr tíma og þeir ætluðu að ræða saman síðar. Hann bíður eftir kennara í um 40 mínúturnar og ákveður þá að taka upp samræðurnar. Myndskeiðið fór á netið.

Honum var vísað úr skóla fyrir að segja sannleikann. Hvers konar geðveiki hefur gripið um sig í samfélögum sem reynir að telja fólki trú um að kynin séu fleiri en tvö. Hann sér ekki eftir neinu segir hann í viðtalinu.

Þegar kennarar og skólar segja að maður eigi að hafa frjálsar umræður og skoðanaskipti um allt mögulegt að þá uppgötvar maður að það má ekki þegar kemur að transmálaflokknum. Woke (rétttrúnaðar) menningin er ríkjandi og þar af leiðandi er ekki hægt að hafa skoðanaskipti.

Því miður er börnum kennt í dag að þetta sé staðreynd og það er sorglegt. Hann vill vera manneskja sem segir sannleikann í stað þess að bera út lygar. Hann vill ekki tilheyra þögla samfélaginu.

Annað tilfelli er drengur frá USA. Hann hélt fram að kynin væri tvö og átti að afsaka orð sín fyrir bekkinn. Afsaka líffræðilegan sannleik. Enn einn hættulegur kennari. Hann var ósáttur að kennt væri að kynin væru fleiri en tvö. Hann benti á staðreyndir líffræðinnar.

Síðan má spyrja hvort við viðurkennum að fullvaxta karlmaður sem langar að vera barn verði meðhöndlaður sem sex ára. Kannski glímir maðurinn við andlega veikindi og ætti að fá viðeigandi aðstoð.

Á Krossgötur.is birtist grein sem fjallar um skilgreiningar og hvernig skólasamfélagið hamrar á skólabörnum um skilgreiningar á kyngervi sem eru fráleitar. 

Til að svara fyrirsögninni þá vona ég að kennarar og skólayfirvöld hafi hugsað sinn gang og að svona ofbeldi þrífist ekki lengur í skólum. Sannleikurinn er sagna bestur.

 

Ætli starfsmennirnir sem skrifuðu undir séu meðvitaðir um hvað LGBTQ+ hreyfingin stendur fyrir.

Chr.Hansen er stórt fyrirtæki í matvælaiðnaðnum sem hefur fengið hótanir frá amerískum samstarfsaðilum um að hætta stuðningi við LGBTQ+ samfélagið.

Það er samkvæmt Verðbréfabankanum hótanir og slaufun í USA sem fékk Chr. Hansen til að taka ákvörðunina um að stoppa allan stuðning við pride, regnbogafánann og LGBTQ+. Ákvörðunin olli reiði meðal starfsmanna.

Varaforstjóri fyrirtækisins segir að um sé að ræða ofbeldisfullar og alvarlegar hótanir frá amerískum samstarfsaðilum. Chr.Hansen valdi að gefa eftir fyrir hótunum af tilliti til öryggi starfsmanna (m.a. í USA) og af tilliti til markaðshlutdeildar.

Um 400 starfsmenn skrifuðu til stjórnarinnar og þar stendur ,,Við erum mjög leið yfir ákvörðuninni. Okkur finnst þið verðsetja hagnað, hlutabréf og viðskiptavini ykkar ofar en starfsmenn, vinnuumhverfi og jaðarsetta minnihlutahópa um allan heim sem hafa not fyrir stuðning ykkar á þessum tíma sem vert er að hafa áhyggjur af.”

Ætli starfsmennirnir sem skrifuðu undir séu meðvitaðir um hvað LGBTQ+ hreyfingin stendur fyrir. Þau halda sennilega að um sé að ræða kúgað fólk sem hefur mikil not fyrir stuðning. Þau halda sennilega að maður sýni hve góður maður er ef samtökin séu studd.

En í reynd er þetta bara hluti af stuðningnum til LGBTQ+ og margt bendir til að samtökin hafi efni á að ráða fólk sem berst gegn fólki sem er ekki sammála því. Þetta eru vel skipulögð samtök sem þrýsta kröftuglega á að efnið þeirra komist að sem víða m.a. inn í skólana. Samtökin nota sérlega ógeðfelldar aðferðir til að hóta og skemma fólk sem fer gegn hugmyndafræðinni.

Það er ekki undra að margir hafi fengið nóg af árásagjörnum aðferðum í USA og fara gegn samtökunum og nota til þess sömu aðferðir og þeir hafa verið beittir.

Á Íslandi sér forsætisráðherra þessum samtökum, ásamt mögum fyrirtækjum, fyrir peningum. Skemmst frá því að segja að Katrín Jakobsdóttir lét Samtökin 78 fá 55 milljónir til m.a. að sporna við hatursorðræðu. Það vil segja þegar fólk segir sannleikann mega samtökin höggva í menn.

Ekki er ýkja langt síðan Target gerði slíkt hið sama. Fyrirtækið fór yfir velsæmis mörk samfélagsþegna og viðskiptavina sinna. Fötum sem höfða til hinsegin samfélagsins var stillt fram fyrir börn og það þótti mörgum of langt gengið í transvæðingu barna.

Hér má sjá fréttina á DR 1.

Børsen sá ástæðu til að fjalla um málið.

TV-2 gerði málinu líka skil.

Fyrir hvað stöndum við, regnbogfáninn er auglýsing

og mér líkar hann illa segir þessi frægi leikari Laurence Fox. Hér ræðir hann m.a. um transmálaflokkinn. Leikarinn hefur stofnað flokk sem mun berjast fyrir m.a. þessum málefnum á þingi.

Málfrelsi

Transhugmyndafræði

Innflytjendum

Menntun

Loftslagsbreytingar

Hann kemur líka inn á baráttu annarra hópa sem hafa verið á undan. Laurence fer vítt og breitt um þá málaflokka sem hann hefur áhuga á að tekið sá á í Bretlandi.

Honum finnst margt að þegar kemur að transmálaflokknum. Meðan annars segir hann, að karlmaður  sem klæði sig í kjól og kalli sig Brendu og skilgreini sig sem konu er ótrúverðugt og að samfélagið sætti sig við það er með ólíkindum. Við slíkan gjörning verður engin kona, maður er fæddur kona eða karl.

Hefur ekkert með fóbíu að gera. Aðgerðasinnar hóta fólki að kæra þá sem eru ekki sammála fyrir hatursorðræðu. Laurence er á móti limlestingum á börnum þegar kemur að skurðaðgerðum á börnum og lyfjagjöfum.

Í þessu myndbandi fer hann vel yfir hvernig skólakerfið reyndir að transvæða börn í Bretlandi.

Af hverju ertu að þessu spyr spyrillinn, hann svarar: að standa og gera ekkert er ekki í boði.

Fleiri þurfa að hverfa frá störfum

Það er ekki nóg að hún ein fari. Hún var ekki ein um klúðrið. Auðvitað á stjórn og allir sem komu að sölunni og höfðu ákvörðunarrétt að fara frá Íslandsbanka.

Umræðan hefur ekki verið minni eða harðari en tilefni gefur til. Birta á nafnalistann sem keypti í bankanum. Allt gegnsætt.

Mér þykja margir stjórnmálamenn ættu að taka hana sér til fyrirmyndar, þeir eru nokkrir sem hafa hlaupið illilega á sig án þessa að segja stöðu sinni lausri. Þeir virðast límdir við stólana sína. Fyrir stuttu varð ráðherra jafnréttismála í Noregi að segja af sér, hún réði vini og ættingja í opinberar stöður sem eru vel launaðar.

Ekki það Noregur má fagna að ráðherrann hverfi á braut, hann er einn þeirra sem stendur fyrir frumvarpi sem vill að börn séu fjarlægð frá foreldrum ef þau gera ekki eins og barnið vill þegar það segist vera trans. Hverri þjóð til heilla að slíkur ráðherrar og þingmaður hverfi af braut.

Yfirgefur bankann „með miklum trega“

Héðan kemur nei takk

 Það er mikill munur að segja en hugsa:

,,Ég vil gjarnan að þú viðurkennir tilfinningar mínar.”

Í það að segja:

,,Þú kallast cis af því ég segi það- og þú átt að líta á mig sem andstæðu af líffræðilegu kyni mínu og þú átt að tala um mig sem slíkan, líka þegar þú talar við aðra og þegar þú lýsir þínum veruleika.”

Annað er í lagi- hitt er fasismi.

Héðan kemur nei takk.

Ég get sagt án fordóma að ég viðurkenni að fáeinir einstaklingar upplifa sig sem annað kyn en það líffræðilega. Ég styð rétt þeirra til að lifa í öryggi í samræmi við kyngervi þess, svo lengi sem þeir taka ekki réttindi frá öðrum og öryggi. Ég get meira að segja samþykkt aðgerðir sem tryggja transfólk, m.m., auðvitað gengið út frá að þessar aðgerðir skaði ekki öryggi aðra, þar á meðal kvenna og barna.

Ég get ekki undir neinum kringumstæðum stutt að kvennarými, kvennaíþróttir og kvennafangelsi m.a. verða opnuð fyrir líffræðilega fædda karlmenn.

Ég get ekki undir neinum kringumstæðum stutt kröfu transfólks um breytingar á tungumálinu, réttindum, lagabreytingum sem grundvallast af líffræðilegu kyni.

Líffræðilegt kyn er vísindalega sannreyndur veruleiki- og tungumálið, réttindi og lög sem grundvallast á líffræðilegu kyni og mín skoðun er að það skal  vera óbreytt- sama á við um rannsóknir í læknavísindum og læknisfræði.

Allt annað er óásættanleg fyrir mig.

Þess vegna mæli ég gegn þessu.

Mun halda því áfram.

Søs Lihn Nielsen skrifaði þessa færslu á snjáldursíðuna sína og ég þýddi lauslega.

Á snjáldursíðu hennar hafa margir tekið undir orð hennar.

Þetta láta konur yfir sig ganga án mótmæla

Já konur mínar, við erum víst þess verðugar að þessir karlar telji sig (en eru ekki) sama kyn og við. Höfnum við því eru við með fordóma og ástundum hættulega orðræðu. Réttur þeirra er svo mikill. Legg ekki meira á ykkur kynsystur! 

 

Þýskur raðmorðingi sem drap fimm konur og eitt barn skilgreinir sig nú sem konu. Wikepedia flokkar hann sem kvenkyns þegar fjallað er um hann.

Árið 2001 skilgreindi þetta ógnardýr sig sem konu og breytti nafni sínu löglega árið 2001. Hann er stór og mikill að vexti og af þeim sökum var hann kallaður ,,Dýrið.“ Hann hét áður Schmidt og í þessari grein má lesa um hann og morðin sem hann framdi.

Fyrsta fórnarlamb hans var 50 ára gömul kona árið 1989. Næstu þrjú árin urðu morðin fjögur og þar af eitt ungabarn. Móðir þess var á gangi í skógi með barnið og eftir að hafa kyrkt konuna sló hann barninu við trjástubb og myrti það.

Hann á líka að baki misheppnaðar tilraunir á tveimur 12 ára stúlkum sem börðust hetjulega gegn honum. Með hjálp stúlknanna fannst felustaður hans. Mikið af klámmyndum voru á staðnum.

Tveir menn á skokki sáu Schmidt fróa sér, könnuðust við lýsingu á honum og handtóku hann. Kúbein og kvenfatnaður var falið undir jakkanum hans. Hér endaði morðæði hans.

Hann hefur stundað þetta konublæti yfir lengri tíma og sagði frá í réttarhöldunum hvernig stuldur á kvenfatnaði æsti hann ungan að árum.

Í réttarhöldunum árið 1992 sagði Schmidt hvers konar kynferðislegt ofbeldi heillaði hann. Dómari dæmdi hann í 15 ára fangelsi og tryggði að hann væri á lokaðri geðdeild í Brandenburg. Ár hvert staðfesta læknar að hann sé samfélagi sínu hættulegur. Bróðir hans er á sama máli, stórhættulegur maður.

Schmidt er sagður klæðast kvenfatnaði í dag. Hann notar pils, blússur og gengur í skóm með háum hælum. Hann hefur fengið horóm frá 2010 og óskað eftir kynskiptiaðgerð sem var hafnað.

Talið er að hann hafi nauðgað transkonu (karlmanni sem skilgreinir sig konu) sem heitir Jasmin, hét áður Jens. Jasmin reyndi að gleypa tvö rakvélablöð til að fyrirfara sér. Maðurinn sat inni fyrir nauðgun á konu og hafði reynt að nauðga sálfræðingi í fangelsinu. Jasmin er líka sagður hafa myrt móður sína og réðist á líkið.

Í blaðaviðtali árið 2010 sagði Schmidt hafa viljað vera stelpa frá fjögurra ára aldri.

Á Wikipedia, síðu sem tileikuð er Schmidt, hafa nokkrir einstaklingar breytt textanum og sagt hann konu því þeir hafa samúð með sjálfsmynd hans. Einn notandi fjarlægði árið 2020 síðuna hans úr flokknum ,,karlkyns raðmorðingjar“ í ,,kvenkyns raðmorðingja.“

Síðar sama ár var annar sem tók út raunverulegt nafn hans því það brýtur í bága við lög að gefa upp upprunalegt nafn transfólks.

Reduxx hefur á vefsíðu sinni upplýst um finnskan fjöldamorðingja og breskan barnaníðing sem skilgreina sig sem konur. Það má lesa hér og hér.

 

Transaðgerðasinnar hafa sannfært heiminn

um að fjöldi allur af ungu fólki sé hinsegin. Hér má hlusta á Abigal ræða málið.

Hún segir m.a. þetta:

Enginn blaðamaður vildi taka málaflokkinn svo hún lét til leiðast.

Móðir hafði samband við hana, allt í einu voru margar stelpur, sem liðu andlega illa, ákveðnar í að vera strákar. Stundum passa þær ekki í hópinn og þá er kynið vandamálið. Tekin eru hormónalyf. Skelfileg þróun.

Boðskapurinn þarf að ná til fleiri. Komið unga fólkinu ykkur undir viðeigandi meðferð- ekki transferli. Beri enn á að barnið vilji vera hitt kynið þá kynnið transhugmyndafræðina fyrir því. Ekki fyrr.

Stúlkur fara meira að segja í hormónameðferð eftir eigin greiningu. Hægt að fjarlægja brjóst án greiningar og meðferðar segir Abigail. Ákvörðun sem er ekki afturkræf.

Margir skurðlæknar vilja ekki eyðileggja heilbrigða líkama, þeir sem gera það halda að stúlkum líki og vilji þetta. Takið eftir án greiningar og meðferðar.

Karlmaður gengur með barn

Hver heilvita maður veit að karlmenn geta ekki verið ófrískir. Karlmenn hafa ekki þau líffæri sem þarf til að ganga með barn. Samt fannst Glamour voða sniðugt að kynna ,,karlmann“ til sögunnar sem er með barni. Það vita allir að til þess þarf leg. Sem sagt kona sem skilgreinir sig sem karl er ófrísk. 

Afbökun, eins og þessi af raunveruleikanum er móðgun við konur. Svona fréttaflutningur gerir lítið úr hlutverki móður. Vona bara að þessi stúlka, sem skilgreinir sig sem karlmann, hafi ekki látið fjarlægja brjóstin svo blessað barnið fái móðurmjólkina. Kannski á líka að ljúga að okkur með það, að karlmenn mjólki og gefi barni sínu brjóst.

Sé það staðreynd að karlmaður geti gengið með barn af hverju í ósköpunum gerist það ekki í hjónaböndum? Maður spyr sig.

Minni á að stúlkan verður móður barnsins ekki faðir þó hún skilgreini sig sem karlmann samkvæmt dómi Mannréttindadómstólsins sem féll í apríl um slíkt mál. 

Fjölmiðlar bera þetta á borð fyrir fólk eins og það hefi ekkert á milli eyrnanna, auðvitað getur karlmaður ekki gengið með barn. Líffræðin er einföld.

Hér má sjá mynd af þvælunni.

Þingmenn bera ábyrgð á sálrænu ofbeldi stúlkna

segir Pauline Hanson þingmaður í Queensland á Nýja Sjálandi en hún las upp bréf í þinginu frá föður að nafni Paul Campion. Faðirinn mótmælir harðlega þeirri ákvörðun þingmanna að staðfesta kynrænt sjálfræði og þeim réttindum sem því fylgir. Réttindin eru að nota kvennarými.

Faðir stúlkunnar bendir á að opinberir framhaldsskólar hafa leyft strákum sem skilgreina sig sem stelpu að nota einkarými stúlknanna. Þegar hann kvartaði var honum sagt að engir drengir séu í búningsklefanum, bara stúlkur. Dóttir mín er ekki heimsk, hún sér mun á strák og stelpu.

Stúlkunum er neitað um að skipta um föt í öruggi rými segir í bréfinu. Ráðherra, sem er kona, hefur sagt að allir sem skilgreina sig sem konu er kona. Þetta getur þýtt að karlkennari sem skilgreinir sig sem konu getur nýtt búningsklefa stúlkna.

Stúlkur ættu að geta farið í gegnum kynþroskann án þess að eiga þetta ofbeldi yfir höfði sér af hálfu ríkisstjórnarinnar. Hér er ekki um líkamlegt ofbeldi að ræða heldur andlegt, konur og börn verða fyrir því.

Talað er um að leyfa trans-konum, sem eru líffræðilegir karlar, að spila tennis í kvennaflokki sem hefur þær afleiðingar að trans-konur yfirtaka íþróttina vegna líffræðilegra yfirburða. Mér misbýður sem föður. Hvernig getur ríkisstjórnin beitt stúlkurnar þessu ofbeldi, það er ekki spurning hvort heldur hvenær líkamlegt ofbeldi á sér stað.

Látið dóttur mína vera. Leyfið henni að þroskast og dafna í þá unga fallega konu sem hún vill vera eru skilaboð föður til þingmanna.

Þingmaðurinn bendir á að þeir sem samþykktu lögin eru meðsekir í sálrænu ofbeldi á stúlkur og börn. Þeir ættu að skammast sín. Hún segir í lokin að hún haldi baráttu sinni áfram fyrir ungar stúlkur og konur, afnema þurfi lögin og þetta þarf burt úr skólunum. Hér má lesa hlusta á orð þingmannsins en faðirinn setti myndband af ræðunni á snjáldursíðuna sína.

Íslenskir þingmenn, þeir sem samþykktu lögin, eru undir sama ámæli og þeir sem talað er um. Þingmenn hér á landi hafa dregið þrumuský yfir kvennabaráttu landsins.

Sorglegast af öllu, mjög margar þingkonur eru í forsvari fyrir þetta andlega ofbeldi á stúlkur. Held bara að sömu þingkonurnar hafi tekið oft og kröftuglega til máls undir metoo- umræðunni og höfnuðu alls kyns áreiti í garð kvenna. Þær samþykkja og leyfa andlegt ofbeldi á þeim núna!

Ég er hommi og mér er nákvæmlega sama hvað þú skilgreinir mig, nema hinsegin.

Ég ásamt mörgum öðrum skilgreinum okkur ekki hinsegin. Þegar samtökin ,,Fri“ (samtök um kyn- og kynhneigð) og ,,Pride“ auglýsa fjölbreytileika og þú tekur þátt ertu sammála þeim segir ungur norskur hommi, Loke Aashamar í grein á Nettavisen. Greinin ber yfirskriftina, Það er ekki hatur að vilja losna við ,,Pride.“

Lausleg þýðing er mín. Skáletrun eru eigin orð.

Ástæða greinarinnar er umræður í Nettavisen um ,,Pride“ daga í Noregi sem fer misvel í fólk. Vitað er að hótelkeðja neyddist til að flagga regnbogafánanum, hafði að lokum ekkert val. Ætlaði ekki að flagga fánanum í upphafi. Forstjórinn taldi fyrirtækið hafa fullt leyfi til að ákveða hvaða fána þeir flögguðu fyrir framan hótelin. Talið að þeim hafi verið hótað, útilokun. Þeir hlýddu.

Það eru margir LHB sem eru ekki sammála trans-hugmyndafræðinni. Við sem látum í okkur heyra erum kölluð transfóbísk, nasistar, hatursmenn, hægriöfgamenn, kristnir íhaldsmenn o.s.frv. Auðvitað erum við það ekki, en þeir sem halda þessu fram telja sig í fullum rétti að nota þessi orð á okkur.

Ég er þess fullviss að þeir sem vilja hlífa börnum sínum við ,,Pride“ er ekki hatursfullt fólk og aðhyllast frekar mína skoðun en ,,Fri“ og ,,Pride“ transaðgerðasinnum.

Í bréfi sem dreift var í leik- og grunnskóla þar sem óskað er eftir að börn séu tekin úr kennslustundum til að taka þátt í ,,Pride“ segir; ,,Að bera virðingu fyrir fólki óháð húðlit, trúarbrögðum eða kynhneigð er mikilvægt og eitthvað sem foreldrar ættu að kenna börnum sínum en það er munur á að læra að virða og efla, dást að og vegsama.“  Bréfið var sent til foreldra sem þurftu að samþykkja leyfisveitinguna.

Í bréfinu er lögð áhersla á að börn læri að bera virðingu fyrir öllum burtséð frá húðlit, trúarbrögðum og stefnumörkun. Að bent sé á muninn á þessu og eflingu, aðdáun og vegsemd held ég að inniberi meira en kemur fram í bréfinu.

Félagði ,,Fri“ eru samtök sem út á við talaði fyrir hagsmunum LHB en er orðin áróðursvél fyrir hinsegin- samfélag og transhugmyndafræðin.

Transaðgerðasinnar skilgreina sig sjálfir en láta ekki þar við sitja, þeir vilja skilgreina alla aðra. Þeir óska að aðrir kalli sig það sem þeir vilja en virða ekki ósk LHB fólks sem vill ekki láta skilgreina sig sem ,,hinsegin.“ Við neyðumst til að láta það yfir okkur ganga.

Áður fjallaði ,,Pride“ um að samkynhneigðir fái sama lagalega rétt og gagnkynhneigðir. Nú er nokkuð síðan það komst á og ,,Pride“ hefur gengt hlutverki sínu.

Við höfum líka áhuga á að ,,elska þann sem þú villt“ og það er samþykkt. Í dag virðist þetta snúast við því aðgerðarsinnar vilja breyta merkingunni ,,elska þann sem þú villt“ í  að ,,elska þann sem við viljum.“

Upphaflega átti ,,Pride“ að vera í viku um allt land. Allt í góðu með það að ,,Pride“ sé á landsvísu. Við höldum jól í desember og margir segjast þreyttir á jólunum þegar þau koma því undirbúningur hefst í október. Það er ekkert skrýtið að fólk sé þreytt á ,,Pride“, við heyrum af transhugmyndafræðinni allan ársins hring.

Mér verður óglatt að sjá regnbogafánann. Margir innan LHB hafa fengið nóg af áróðrinum svo kannski ættu menn og stjórnmálamenn að taka ábendingum um afstöðu fólks.

Þeir sem eiga sök á að umræðan gegn LHB hefur snúist gegn þeim eru ,,Fri“ og ,,Pride“ og fólki eins og Söruh Gaulin sem hefur lagst á sveifina með þeim.

Hér er grein Loke.

Sarah Gaulin fellur í þá gryfju að saka andstæðinga transhugmyndafræðinnar um hatur gegn transfólki. Þar með fellur hún í sömu gryfju og Samtökin 78 og transsamtökin hafa gert hér á landi. Sarah Gaulin leggst svo lágt að hún notar hryðjuverkin á ,,Pride“ dögum fyrir tveimur árum gegn foreldrum, að hún teldi þau vera komin lengra en svo að foreldrar frábiðji sig að leik- og grunnskólabörn taki þátt í ,,Pride“ göngum skólanna. Hvílík mannleysa, segi bara ekki meira. Hryðjuverk á ekki að nota sem dæmi í áróðursbaráttu transsamtaka á börn.

Ef fólk fellur ekki fyrir transhugmyndafræðinni þá bera menn hatur í brjósti sér gagnvart því fólki sem vill skilgreina sig annað en það. Þeir sömu vilja líka afnema mannréttindi af transfólki segja transaðgerðarsinnar, án þess að benda á hvaða mannréttindi eru afnumin.