Kæra á eiganda,

ekki gefa viðkomandi frest. Ljóst að um mannabústað er ekki að ræða og því á ekki að sætta sig við að þarna búi fólk. Græðgi manna bitnar á saklausu fólki. Yfirvöld verða að vaka og sofa yfir svona ,,ribböldum." Líf fólks er lagt í hættu, meðvitað. Bruninn á Bræðraborgastíg er gott dæmi um það. 

Þurfa að rýma húsið fyrir lok mánaðar

Ofbeldi mæðra

er algengara en við teljum. Mér er óskiljanlegt af hverju við lokum augunum fyrir því. Hver er ástæðan að menn vilji ekki ræða það eins opinskátt og ofbeldi feðra. Þegar feður eru annars vegar eru konur tilbúnar að opna munninn en þegja þunnu hljóði þegar börn eru lamin af móður sinni. Hér má lesa dóm, móðir sek um ofbeldi. Dæmd fyrir að slá son sinn eftir deilu um Fortnite | RÚV (ruv.is)

 

Athyglissýkin

leiðir fólk stundum of langt. Konan á að kæra sé henni umhugað að refsa mönnum fyrir ódæðisverk. Hún er í sama flokki og þeir nú, gefur í skyn...án þess að láta kné fylgja kviði. Hún beinir spjótum sínum að öllum þekktum íþróttafréttamönnum. Illa gert og hún á að skammast sín. Svona skot fyrir neðan beltisstað er engum sæmandi ekki einu sinni áhrifavaldi. Siðlaust.

Þjóðþekktir menn komist upp með að beita ofbeldi

Af hverju til hamingju

með daginn þegar 1. maí rennur upp. Hér er um baráttu og hátíðisdag verkalýðsins að ræða. Hér fyrir ekki svo mörgum árum sögðu menn ,,Gleðilega hátíð", eins langt eftir og ég man. Kann betur við það. Hvenær þessi óskapnaður hófst að óska mönnum til hamingju með daginn veit ég ekki. Við óskum ekki til hamningju með Sjómannadaginn, 17. júní, páskana og jólin sem dæmi, við segjum ,,Gleðilega hátíð." Vona að verkalýðsfélög skoði málið fyrir næsta ár.